Q43721：
早晨sir，想問下股息怎樣運用佢較好？
龔成老師：
如果你是退休者，收到股息可以作為日常洗費。
但如果你仍在財富累積期，年齡不算大，收到股息後，就應該儲起，然後視乎現時組合及投資市場情況，決定怎樣投資，或等投資。
總之大方向，就是「不斷滾存」財富。
Q43722：
老師，感謝你不斷回覆，
問題1
我想請教一下，你點睇3437哩隻ETF，有7%息率
問題2
ETF本身是分散風險，可以佔倉較大部分嗎
龔成老師：
1）博時央企紅利（3437），基金的投資目標為追踪中證國新港股通央企紅利指數之表現。
成份股有：中國神華（1088）、中石化（0386）、中國電信（0728）、中聯通（0762）等。
其實都可以視為收息股的組合，現價約有7%，算是合理位置的。
2）一般來說，如果ETF持有多隻股票，其實已經是一個「組合」，因此有分散風險作用，所以就算佔多少少都無問題。
Q43723：
Adbe有投資價值嗎？
龔成老師：
Adobe Inc.（ADBE）有質素。
佢為創意專業人員和營銷人員提供內容創建、文檔管理、數字營銷和廣告相關的軟件和服務，用於創建、管理、交付、測量、優化和參與引人注目的內容、多種操作係統、設備和媒體的互動。
佢間公司的業務分為三個部分：數字媒體內容創建、營銷解決方案的數字體驗和傳統產品的發布（不到總收入的5%）。
企業有規模，業務穩定並有增長，盈利不差，賺錢能力強。企業有長線投資的價值，唯一擔心是估值問題，因為股價上落都大，就算比高位回落，現價仍唔平，大約只是合理區中上至頂，小注投資好了。
Q43724：
十万元能否每个月赚一万元？
龔成老師：
如果每月賺$1萬，一年回報$12萬，即是一倍以上的投資回報。現實來說，全球投資最強的巴菲特，平均一年回報只是20%，因此，如果追求太高回報，可能面對極高風險，或有點不切實際。
Q43725：
請問如果而家手頭上有2注資金，現持有小米800股53蚊，1919 1500股13.66（22年買入，已收超過40%息），將資金分別再加入呢2隻可5可以
龔成老師：
兩隻都是有質素的股票，可長線。如果兩隻佔你整個股票組合%不過多，可以加少少，現水平未貴，不過，也不是特別平。
Q43726：
老師好！ 我年紀40多，但資金也不多，希望月供股票$1000-2000，請問小米還是阿里爸爸較好？ 或者老師會有更好的提議？ 多謝你用寶貴的時間回覆我
龔成老師︰
以你年紀，應以增值為主。
小米(1810)、阿里(9988)都可以，後者現價值搏率較高。
不過，月供的話，由於你每月可動用資金少，我建議先集中指數ETF，去幫你提升組合分散風險能力。
指數ETF係一籃子不同行業架組合，具放散風險能力。就算當中個別股票出問題，對成個ETF都唔會有嚴重影響。
例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800），都係指數ETF類別。這些ETF有質素，適合一般投資者選擇。
若你未有定平貴能力，可以用月供或者分注模式去儲貨，去平衡買貴貨風險。
如果想知多少少，VOO或者指數ETF係乜，可以睇翻我之前架Youtube影片︰
https://www.youtube.com/watch?v=RnYZQlSG8qA
Q43727：
請問有澳門班嗎？
不太懂，買了一些股票，虧損很多，不知怎樣處理？希望老師幫幫忙看看。
龔成老師︰
- 澳門班會在2026年開班。
你或者可以預早留位，只要whatsapp 55457212我同事，打「留位澳門班」就得。我地有具體資料就會 whatsapp。
- 首先你要明白一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
你現時持有股票，1883、3690、9618可長線，無問題。
9869業務風險較高，不建議持貨太多。
136、2101質素一般般。建議減持。
0007, 1953唔見有明顯投資價值，建議全部賣出。
另外，如果你未近退休之年，未來建議你加大平穏增長股比重，並以佢作為核心，咁會較穏定。
若你不會定平貴，就用月供或分注去慢慢儲。
平穩增值股︰
指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
Q43728：
感激龔sir詳細解答！
另外少少追問。本身小弟另外有層樓供緊，本金尚欠$6,600,000。假設上述收租層樓$4,000,000賣出，呢筆錢應該全數做現有按揭還款，抑或攞去投資收息，用息繼續供款
龔成老師︰
首先，你年青，投資目標唔係收息，係做增值。先累積大個本金，到有一定資金才換成收息資產，去支援退休生活。
第二，投資定還錢，主要睇你投資能力。
如果你自己已經掌握好課堂架知識，我偏向建議你投資。
相反，你就應先還錢，因為節省架利息係保證，但投資回報不保證。
Q43729：
點解 01539 知行有咁多好消息都唔升？🧐
又話準備馬來西亞上市，又完成碳信用資格 PIN 編號註冊，盈利仲升咗 3.2 倍。
市場係咪唔 buy？定係有啲嘢我哋未睇到？
Thanks
龔成老師︰
知行集團控股（1539）主要從事提供節能系統租賃服務、諮詢服務及節能產品貿易。
過往業務波動，生意不穩，雖然近2年開始有盈利，但過去長時間虧損，所以不確定性都大。
加上規模不大，而且過去出現多次核數師提出「不表示意見」，我對這類股份的投資價值較有保留。
Q43730：
你好，請問東瀛遊06882的投資價值，謝謝
龔成老師：
東瀛遊（6882）質素不算高。
佢係香港及澳門的旅遊公司，並以「東瀛遊ＥＧＬＴｏｕｒｓ」品牌從事以下三項業務：
１﹒旅行團：營運傳統旅行團、主題旅行團（如美食旅遊、婚紗攝影旅遊、遊學團及運動之旅）、ＭＩＣＥ及
定制旅遊（包括公司獎勵旅遊及遊學團）；
２﹒自由行產品：設計及供應自由行產品，包括僅預訂航班、僅預訂酒店及航班加酒店套票；
３﹒輔助性旅行相關產品及服務：提供旅行簽證申請服務、旅行保險服務、入境遊的交通安排服務（包括火車、旅遊車及機場快線預訂及日本租車服務）、門票銷售，以及向入境遊客零售禮品及紀念品。
近年疫情對佢影響好大，但相信已經開始好轉，但要留意，業務風險高，股價上落好大，因此投資者要明白風險。
所以，雖然疫情退卻對佢有利，但本質始終有一定的風險，因此投資價值只是一般，如果投資者睇好，也只建議小小注投資。