Q36861：

老師你好，上完上期股票班，對於我投資股票有很大幫助， 謝謝

本人現年50歲，每年可投資$24萬+ 當年股票派息，目標到2030年滾存到$250萬股票，每年有$15萬股息收入

現有大約$30萬股票，到年尾目標增加至$51萬

目前股票分佈如下

水桶1 (目標10%, $29.5k 增加至 $51.3k)

1810 1,200 @13.4 (+30%)

QQQ 4 @427.47 (-1%)

問題：小米升得好急，現價可以入嗎？ 還是等回調至～$16再入？

水桶2(目標 60%, $142k 增加至 $307k)

2800 1,000 @20.15 (-9%)

1038 1,500 @40 (+11%)

823 1,400 @37.08 (-9%)

BRKB 3 @412.37 (-4%)

問題： QQQ 風險高，想加入COST / VOO每月一股代替QQQ

水桶3 (目標30%, $141k 增加至154k)

2638 6,000 @4.78 (-2%)

6823 5,000 @9.57 (-10%)

3110 1,800 @20.63 (0%)

778 2,000 @5.73 (-32%)

435 6,000 @2.76 (-37%)

以上全部是買入價，想問我應該一邊買貨，一邊做埋rebalancing? 因為水桶3已跌很多，如果想keep 30% 就要增加水桶3 既投資

每年會set 好投資落水桶1,2,3 + 港/美股既資金分佈，再分注買入，因為我比較遲開始買美股，到年尾會佔大約15%, 美股現價比較高，唔敢突然投入太多資金，這樣做對嗎？ 另外，現在算太多隻股票嗎？

龔成老師︰

股票班能幫到你就好，記住上完堂只係開始，你要多家訓練和運用，才會有效用。

我假設投資回報有10%（連股息再投資），你每月投資$20000 + 現有30萬資本，2030年相信可以增值至240萬，故這樣安排相信很大機會達至你的財務目標。

你現時持有組合，都有質素和合適，但要做到每年10%回報，潛力股可能要提升少少比重，大約20%會較好。當然風險會大左，你要自己平衡。

至於小米(1810)，現價依然在合理區，可以分注。但緊記，個股不要高於組合15%。

而組合比重調整，唔洗成日做，大約1年睇一次就可以。如果個比重唔係偏離得太過份，你可以等市場去慢慢調整，唔洗一定主動去加減佢地。

美股方面，現時的確比港股貴，所以你唔洗急住入(你做法正確)。只要長線，你能夠做到個別地區，不佔組合7成以上，咁就可以。

最後，股票數量可以，維持10隻左右會較好，有利於定期審視佢地質素變化(唔比太多，主要驚一般人無時間分析)。

Q36862：

龔sir, 想問0066或0778邊隻做長線收息股比較好？

謝謝

龔成老師：

置富產業信託（0778）作為收息股，不差的。不過，近年房託的風險增加，投資都要控制注碼。

置富是不差的房託，持有在香港多個商場物業，以中產屋苑商場為主，都是較為民生的類別。有收息的價值，但增長力不強。

分析置富的物業類別，最核心如置富第一城、馬鞍山廣場、+WOO嘉湖，都是典到的中產屋苑商場，而其他物業也是類似的定住，商場是較為民生的類別。雖然民生類別未必是高增長類，不過，受經濟週期影響及旅遊因素影響，相對較少。

不過，香港人的消費模式改變，都會對佢有點影響，例如網購及北上消費，不過香港人一向好貪新鮮，因此有部分人北上消費模式並不是長期性的，但當然，也有部分人會成為一個長期消費模式。

綜合來說，這房託作為收息工具，合適的，但就不要對股價有太大期望，現價合理區較下部，可以作為收息組合其中一員，只要控制好總投資金額就得。

Q36863：

有冇中長線股推介？

龔成老師：

港交所（0388）可留意下，另外騰訊（0700）長遠仍發發展力。

港交所（0388）有質素，獨市生意，加上香港的金融中心角色，這企業有長線投資價值。多年來的生意與盈利都有理想增長，派息不差。

但要留意，由於這股的盈利會受股市成交影響，因此股價都會有影響。而近年的成交弱，會對這股中短期股價有不利影響。

不過，只要投資者分析港股較長的年期，都會發現，成交有一段時間會較多，又有一段時間會較少，同樣，公司上市會睇市況，當市況較旺時上市公司數目較多，市況靜時上市公司數目較少，投資者一定要明白週期性的特點。

因此，就算近一年港股成交較少影響港交所盈利，投資者不用擔心這股無價值，因為週期的因素，成交好轉是時間問題，只要投資者耐心就得，不過短期可能較一般，現價合理區底部，分注可以。

騰訊（0700）過往受中國政策規管影響，令企業之前的賺錢能力略減，以及企業估值都會略減，不過，政策影響又未到核心性，無令到企業無法賺錢，只是賺錢減少。

同時，見中國政府之後在政策上開始有放鬆，相信中國政府明白騰訊這類企業對經濟有一定的重要性，同時之前規管較嚴，開始調整翻。相信行業最差的時期有已過，之後會慢慢好轉。

這企業長遠仍有質素，有發展力的。佢最有價值的，就是「平台」，這亦是現世代好有發展的資產。

佢業務模式係提供平台，如通訊平台、交易平台、入門網站、遊戲平台等，而收入來源則是其廷伸的服務，如增值服務、網絡廣告、電子商務交易等。

過往的業績理想，又身處長遠有增長的行業，加上擁有重要的資產，即龐大的客戶群，將來發展各業務都有相當的優勢，這都是騰訊值錢的地方。

不過，政策會令其賺錢能力減，不過，長遠騰訊仍找到賺錢方法，簡單來說，就是現時定了新的遊戲規則，而企業要時間去適應，中短期賺錢能力減，但長遠會慢慢好轉。

現價合理區中下，分注可以。

Q36864：

其實市盈率的數字高/低代表什麽？

龔成老師：

最入門的理解，低就是平，因為市盈率就是指，以多少價格買盈利，數字愈低就愈平，當然，現實會更加複雜。

Q36865：

你出版了那麼多書

不知應該從那本開始睇合適？

龔成老師：

你可首先睇：

《圖解股票小百科》

《80後千萬富翁》

《財務自由行》

之後再睇其他。

書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

以下是我的16本書：

《80後百萬富翁》（第10版）

《80後2百萬富翁》（第5版）

《80後3百萬富翁》（第3版）

《財務自由行》（第8版）

《大富翁致富藍圖》（第5版）

《50優質潛力股》（第4版）

《50穩健收息股》（第3版）

《50值博倍升股》（第3版）

《股票勝經》（第6版）

《選股勝經》（第2版）

《年報勝經》（第2版）

《5年買樓4部曲》（第2版）

《80後千萬富翁》（第2版）

《千萬富翁致富學問》（第1版）

《38全球倍升股》（第1版）

《圖解股票小百科》（第1版）

Q36866：

今個月 我放晒所有CBRE

短炒左Tesla都有獲利

但唔知 買唔買返 CBRE 或 CRE 的 ETF

15 16 唔知買唔買返佢

多謝老師 你都答得好詳盡

龔成老師︰

CRE相關，你可以睇自己比重決定，但預期一定會波動，同時控制好注碼水平。

另外，我唔建議做短炒。

短炒我見好多人都係蝕錢收場，股價中短期一定會有波動。而波動架原因可以同企業本質無關，只有長線股價才會必然反映企業質素。

你見全球最賺錢架投資人巴菲特，都唔會做短炒，只會係做長線投資。所以，你要改變你投資方法，唔好再做短炒，並以長線投資優質股為目標，會對你較好。

Q36867：

成哥你好呀！新手投資了幾年股票 輸左10幾萬好心痛好難過，阿里巴巴手持很多手都係咁低位

我想轉第二個股票 有冇咩好提議？多謝你麻煩晒🙏打擾你了

近來恆指升反 阿里巴巴都係弱，可以提議我轉其它股票嗎？快手？美團？😂😂

之前買過3067 都係高位入 依家得反8蚊

龔成老師︰

阿里（9988）雖然跌左好多，但不少係因為政策大變，同埋近年經濟大環境所致，而佢本身唔係無左投資價值。

不過，佢重組失敗左，相信回勇要時間。最重要控制好比例。

係業務層面，擁有優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終之前面對內地監管收緊，因此風險度增加左，不過，相信最差的時期已過，同時見到中國政策開始講話重視平台經濟，相信正慢慢好轉。

其實，就算之前政策影響佢賺錢能力，佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，但存有不確定因素的股票。

如果你持貨唔多，可以守住先，再觀察。相反，你有較多貨的話，建議減持少少，去平衡風險。

至於換碼去邊，就要睇你年紀同埋組合配置狀況。假設你係年青至中年，可以考慮以下股票。但留意，個別行業唔好高於組合3成。同埋，整體潛力股唔好高於組合4成。

平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

快手(1024)和美團(3690)都可以考慮，但佢地不確定性都係一樣高，所以唔可以太大注。

至於3067，$8唔算好高位，當經濟向好，佢會慢慢上翻。

Q36868：

你好，我有儲蓄保300,000 但係冇現金儲蓄 25歲 應該點樣去策劃理財

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時25歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，你可以投資「平穏增長股」和「潛力股」。

雖然你現時無本金，但可以用每月5成儲蓄做月供。其餘先儲起，用一邊月供一邊儲蓄的策略。

選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

至於儲蓄保，其實"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

Q36869：

龔sir你好！0316整體穩唔穩？現價合理嗎？

龔成老師：

東方海外國際（0316）有質素，全球運費在早幾年大升，佢近年賺好多錢，股價都上左好多，而近年運費回落唔少，佢盈利都正常翻。之前派息十分多，不過，往後派息將會減少。

投資者不要預期這股是高增長類，也不是超高息股，可以定義這股為平穩增長類型的股票。

不過，這企業並不是無發展的，這企業業務規模大，於全球約於90個國家或地區設有約440個辦事處，於2023年3月，這企業接收了2018年以來交付的第一艘船，這艘

運力達24,188個標準箱的巨型船舶，同時，東方海外表示隨後5年內計劃交付28艘船舶，可見之前由於疫情令發展減慢，而現時各方都回復正常。

現價在合理範圍，不過有一點投資者要留意，航運股對全球經濟週期較敏感，因此會令股價有點波動，投資時都要控制好注碼。現價已在合理區中下。

Q36870：

老師請賜教，其實港交所同盈富基金有咩分別， 如果時間一會買邊隻比較適合，兩隻持有？

龔成老師︰

盈富(2800)係指數ETF，佢包括數十間質素不錯上市公司股票的組合(即係買佢，就等同於買晒恆指所有成份股。當中，係包括埋0388。)，有助你平衡組合中的風險。

港交所（0388）係一間公司，主要係幫投資港股架人提供交易服務。

此股有質素，獨市生意，加上香港的金融中心角色，這企業有長線投資價值。多年來的生意與盈利都有理想增長，派息不差。

但要留意，由於這股的盈利會受股市成交影響，因此股價都會有影響。而近年的成交弱，會對這股中短期股價有不利影響。

不過，只要投資者分析港股較長的年期，都會發現，成交有一段時間會較多，又有一段時間會較少，同樣，公司上市會睇市況，當市況較旺時上市公司數目較多，市況靜時上市公司數目較少，投資者一定要明白週期性的特點。

因此，就算近一年港股成交較少影響港交所盈利，投資者不用擔心這股無價值，因為週期的因素，成交好轉是時間問題，只要投資者耐心就得，不過短期可能較一般，現價合理區較下部，分注可以。

2隻都係有質素架股票，但如果你係初學者，唔識選股，建議可以買2800。因為佢係一籃子不同行業架股票，有助分散風險。