Q47661：
龔Sir 早晨，近排心態好差，有幾隻股票唔係咁理想，明明大市係升，佢哋又唔升，市跌，佢哋又跌得好勁。😩
想龔Sir幫忙分析一下。
-
理想汽車 平均價$86 1,200 股
-
長久股份 平均價$6.68 4,600股
-
巨子生物 平均價 $39.3 2,200股
想知道我而家應該繼續買入，還是減持好🥺🥺 好亂
龔成老師︰
睇住自己持股跌，財富減少，的確唔好受。
但作為理性投資者，一定要慢慢學會用平穏心態，去面對市況波動架環境。
因為如果比主觀心情左右，好易做錯決定，或者錯失(低位入貨)投資機會。
你要提翻自己一個重要架概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
你持有架股份，唔係無投資價值︰
-
理想(2018)你主要係買得貴左少少，佢有長線投資價值。
-
長久股份（6959）主要在中國提供質押車輛監控服務及汽車經銷商運營管理服務。
業務只係不過不失，企業獨特性及增長力不強。近年雖然派息增加，但之後是否有這派息，無人知，所以不要太肯定一定有高股息。
企業質素一般，這類股不值得投資太多，小注投資可以。
- 巨子生物（2367）是中國基於生物活性成分的專業皮膚護理產品行業其中一個大型企業。
主要生產同開發關鍵生物活性成分的專業皮膚護理產品。
利用專有的合成生物學技術，自主開發和生產多種類型的美容產品，以滿足大眾需求。
近年業務都有發展，生意與盈利都有增長，此股都可以投資，不過要留意，近年賺錢能力有所減弱，例如純利率下跌，因此投資，要控制好注碼，投資宜分注進行。
Q47662：
阿sir你點睇而家公務員做唔做得過
一早已經冇左長俸，又冇雙糧花紅，而家仲要拉curve，本身一年跳point加埋加人工先加得1，2千，而家仲要搞埋啲冇謂野
但如果唔係讀專科，例如醫生律師等，又冇特別專業技能，公務員係咪暫時最好出路
龔成老師︰
其實，睇好多因素，你學歷、人生目標、技能、工作經驗等。
好難一概而論話，除左公務員就無出路。
例如你本身溝通能力，可以考慮做銷售，收入或者會更好。
但如果你係想安安定定，咁公務員都仲符合而個要求。但長線仲會唔會有變，仲係唔係鐵飯碗，定係更似私人公司職位，真係好難講。
Q47663：
老師，
-
我想購入NVDA 作長遠投資，請問多少價位以下可入呢？
-
我有小米4000股 @12.78，我可趁現在加注嗎？
謝謝。
龔成老師︰
你係邊個班，等我記低翻。
- 若你係月供，或者用長線分注儲貨，現價都可以開始。
英偉達公司NVIDIA (NVDA)有質素。是《38全球倍升股》的其中一隻，長遠發展正面，有長線投資的價值。
佢是一家人工智能計算公司，其業務部門包括GeForce圖形處理單元（GPU）、GeForce NOW遊戲流媒體服務和相關基礎設施，和其相關的處理方案。
其業務可應用層面，都相當廣泛，投資係可以。
不過，未來AI晶片會更多面向發展，我相信佢增長依然會有，但未必會如AI出台初期般爆升。
而且，始終近年上升倍計，中短期股價仍會波動，現時大約在合理區中上，投資宜分注，同時要控制總投資比例。買入後，平常心面對短期股價，長線等企業有更大的發展。
- 小米（1810）以手機、智能硬件，以及物聯網為平台的公司，小米專注於互聯網直接銷售產品，近年發展電動車。
近年的業務發展理想，無論手機、ＩｏＴ、智能車，各類業務部分，都有相當的增長，除了反映不同類別的業務都發展理想外，相信小米的品牌及產品性價比高等因素，能帶動整間企業發展。
近年的賺錢能力也持續向好，多個業務類別的毛利率都有持續向上，反映企業並不是透過減價去推銷量，而是提高產品的吸引力，不止吸引更多消費者，更提高每件產品的賺錢能力。
近年企業發展智能車，由零開始到成功銷售，只用了3年時間，反映這企業的研發能力、執行力都好強，更重要是銷售理想。
雖然這刻智能車業務剛收支平衡，但只要發展理想，當產量進一步上升能產生規模效益，同時只要建立好品牌，慢慢提高汽車的賺錢能力，這部分將創造可觀盈利。
整體來說，企業長遠發展正面，現價處合理區較下位置，可分注投資，但短期股價可能有點波動，投資者要平常心，以長線角度去投資這股，耐心等企業發展。
但緊記，個別長線唔好高於組合15%，以免造成過度集中性風險。
Q47664：
龔成老師，我有一間屋租出，如果租金岩岩好cover 到供款， 只差幾百元管理費要自付，你認為應該賣出還是照keep 住供樓好？ (仍要供15年， 我現在38歲）
如果賣出可以拎返本金100萬 + 樓價升左100萬即合共200萬。
我在想，應該賣出把資金全投入股票嗎？
我現在股票有180萬，大部份在美股，主要投資VOO 及一些主要AI 股如tesla, Nvidia , sndk 等。 請問以你經驗， 股價翻一倍需要幾多年呢？
龔成老師︰
其實你思考重心，係同一筆錢，"長線"放係邊度會對你最有利。
所以，你要先睇下，這個物業是否有長線投資價值，或者自己會唔會，長線收回作自己居住地方。
至於股票，如果以每年平均10%回報計，大約7年會翻一倍，如果是科技股，發展得好，可以3-5年，但你都要明白，較多科技股風險會高，如果不幸大跌市，跌幅也較大，如果你較多科技股，要明白這風險。
Q47665：
老師你好，玩左幾年股票都賺不到錢，深圳封城那年我斬左好多股票，輸左好多錢，呢排又輸到怕，只美團跌到怕，我都想不玩啦，身上沒現金，全部係只美團到，我依家好怕，只3690會不會一直跌落去，全球股市升，香港又不升，
我楂住那只又不升，好失望，好擔心，我129元入只3690，可以俾啲意見俾我嗎？謝謝老師
龔成老師︰
首先，你要了解翻自己過去輸錢原因。
。買錯劣質股
。買得太貴
。沽貨時間錯...等等
先找出原因，才有機會改變你長期輸錢的狀況。
美團（3690）受中國經濟因素影響，以及行業競爭，之前較一般，但長遠仍有發展，不過都要留意短期股價波動。
但有一點留意，雖然企業長遠仍在市場有一定地位，但市場長遠計，都有機會因為競爭比過往年代大左，令企業賺錢能力略減，令企業發展度，有機會比過往減少，所以投資，都要控制注碼。
佢是中國領先的生活服務電子商務平台，利用科技連接消費者和商家，提供服務以滿足人們日常有關食的需求，並進一步擴展至多種生活和旅遊服務。可以將美團的業務，簡單分為三類：
--外賣平台
--旅遊相關
--其他新業務
三大業務是有關連的，因為美團利用外賣平台去建立客戶群，再延伸銷售到旅遊相關及新業務類別。
外賣業務，相信仍有中速增長，雖然不是很賺錢的業務，但隨著進一步擴展市場，增加規模效益，提高賺錢能力，盈利情況將進一步改善，同時，將為另外其他業務提供客源。
酒店旅遊業務，隨著外賣業務進一步發展，加上美團進一步發展整個生活平台服務，再配合長遠中國的旅遊行業發展及人民消費力提高，這部分的賺錢能力會更加明顯。
新業務方面，美團不斷加大這方面的投入，想進一步強化「生活圈平台」的定位。
整體來說，美團有一定質素。美團現時建立的生活化平台，仍要時間等其發展得更好，長遠發展力仍在。
但由於業務較波動，財務數據也未完全穩定，以及面對政策風險，投資者較好的策略，就是控制注碼，不建議一次過大注投資，可以用小注慢慢分注的模式進行，就能有效減少一次過在高位買入的風險。投資後要明白短期股價可以有較大上落，要耐心持有，等企業成長。現水平大約在合理區下水平。
之前我都有出Youtube影片講過，可以睇翻︰
https://www.youtube.com/watch?v=fQmXfPqmJM4
美團(3690)如果你持貨唔多，可以守，再觀察。佢唔係無質素，但中短期會較弱。
長線學習和找出錯處方面︰
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
(當中不少影片，係用來幫讀者提升投資和財務知識，所以無時間性，幾年後再睇依然有用。如果你係想提升自己投資知識，建議你抽時間，睇翻舊影片去為自己增值。)
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，課程可以更直接幫你提升"選股 + 估值"等最核心的投資知識。每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
※※【投資倍升股課程】(基礎班)(共24小時) ※※
馬上報名：https://www.80shing.com/register.php?id=1
課程查詢：WhatsApp: 5545 7212
※※【環球美股實戰班】(共24小時)※※
馬上報名：https://www.80shing.com/register.php?id=6
課程查詢 whatsapp:5545 7212
Q47666：
早晨老師，可否看看這個美股組合如何，感謝🙏🏻
以10000港元為本,
Google A 50%
BROS 15%
Fcx 20%
Sofi 15%
謝謝
龔成老師︰
你如果係年青至中年人士，這個組合都可以。
但要明白BROS和FCX質素唔算係最高，同時現價4隻股票都唔平，所以有一定風險。
另外，長線組合唔好得美股，要加少少港股平衡風險。
其次，長線個股最好控制在15%以內，咁組合平衡性會較佳。
Dutch Bros Inc(BROS)係一間美國連鎖咖啡店。
核心業務，包括一般經營和特許經營 得來速咖啡店 (drive-thru coffee shops)。
產品包括熱/冷濃縮咖啡、冷萃、茶、檸檬水、冰沙，以及自家研發的能量飲料等等。
營收來源主要來自公司自營店，其次是加盟店。
睇翻佢近幾年，收入持續增長。而盈利能力，都一直有改善。
此股有投資價值，但獨特性唔算好高，賺錢能力都係較一般，整體投資價值中等。
現時它PE去到70倍以上，以業務性質計，有點高。最好等有回調，才考慮下注。
Freeport-McMoRan Inc.(FCX)是一間美國大型礦業公司。
它是全球最大的上市銅生產商之一，業務同時包含開採金、鉬等貴金屬。
大型礦場主要位於美國、印尼、南美洲，其中印尼的Grasberg礦場是世界最大的金銅礦之一。
此股都有投資價值，但始終係資源類，定價很大程度受市場影響，故投資價值只係中等。
現價計，算合理區較上位置，投資時不宜太進取。
Q47667：
老師，6682 可以考慮現價買入嗎？
龔成老師：
第四範式（6682）主要從事提供以平台為中心的人工智能解決方案。
這企業開發了名為先知平台的端到端人工智能解決方案。先知平台主要由人工智能操作系統及人工智能開發人員套件組成。
Ｓａｇｅ ＡＩＯＳ是一個企業級人工智能操作系統，設有用戶友好界面，供用戶構建及操作人工智能應用。Ｓａｇｅ ＡＩＯＳ上建有兩種人工智能開發人員套件，包括配備無代碼開發工具的ＨｙｐｅｒＣｙｃｌｅ平台，以及配備低代碼與無代碼開發工具的Ｓａｇｅ Ｓｔｕｄｉｏ平台。
除集團專有的人工智能開發人員套件及自研應用外，Ｓａｇｅ ＡＩＯＳ亦能夠支持其他方開發的應用。集團透過企業級人工智能應用商店，提供由集團及合作夥伴在Ｓａｇｅ ＡＩＯＳ上所開發的一系列人工智能應用，按功能可分類為銷售及營銷。
業務有一定的增長力，但持續虧損是較大問題，估值較難，股價也會較波動，投資有心理準備風險會較高。這股如果看好，都只建議小注或小小注。
Q47668：
如果千萬資金收股息，股價升了一倍，股息大約有5厘，沽出好還是繼續收息？
龔成老師：
如果股息無提高但股價上升一倍，其實從收息角度，可以減持部分。轉去一些有理想股息率的股票，當我地柝解時，其中一項要考慮，就是「持續現金流」，當然，同時要考慮組合的配置，該股的質素，當前平貴等。
Q47669：
老師，見你出文比新手意見
有無俾投資老手建議
龔成老師：
第一，如果投資多年未有理想成績，反映有核心問題，要重新、認真學投資。
第二，投資會因年齡改變，所以不要再停在過往做法，年齡漸大，都會慢慢保守。
第三，有時人有固有思維，要時刻問自己，自己有無出現這情況，會否有些地方要變通。
Q47670：
想問中银香港發咩（雲吞債）咩嚟呢對我地股民有冇影響？
龔成老師：
無影響。
「雲吞債」並非由中銀香港自己發行的債券，而是指境外或國際機構在香港離岸市場發行、以港元計價的公募債券。
中銀香港（2388）在當中主要擔任承銷商、結算交割行或聯席牽頭經辦人的角色，協助外資機構進行發債。例如境外機構（如世界銀行、亞洲開發銀行、韓國進出口銀行等）在香港發行、以港元計價的債券。