Q40591：
Sir, 點解打1169會搵唔到海爾電器？
龔成老師：
佢轉左另一模式上市，而家是海爾智家（6690）。
主要從事生產及銷售家用電器，並以３個自主發展的品牌（包括海爾、卡薩帝、Ｌｅａｄｅｒ）及４個收購的品牌（包括ＧＥ Ａｐｐｌｉａｎｃｅｓ、Ｃａｎｄｙ、Ｆｉｓｈｅｒ＆Ｐａｙｋｅｌ及ＡＱＵＡ）營運業務。
佢家電產品涵蓋冰箱、冷櫃、廚房電器（包括油煙機、灶具、消費櫃及烤箱）、家用空調、商用空調、淨化器、新風系統、洗衣機等。
業務不差的，但增長力不算強，現價合理區中間。
Q40592：
比亞迪電子幾蚊可以入
龔成老師︰
比亞迪電子（0285）這股正面的，佢是比亞迪股份（1211）的子公司，現時業務已涵蓋智能手機、平板電腦、新能源汽車、智能家居、無人機、物聯網、機器人等多元化的市場領域等。
由於母公司比亞迪股份（1211）業務主要為新能源汽車，因此，比亞迪電子（0285）部分業務都會與新能源車有關，當1211增長理想時，都會帶動0285。
比亞迪電子近年發展正面，在部分領域處全球領先位置，每年現金流理想，同時每年投入大量資金作研發，以保持業務發展，以及技術的領先，因此長遠發展正面。
現時股價大約處合理區上部位置，如果之前有貨，可以長線持有，只要貨不過多就無問題。由於股價波動，如果想現價買入要分注，同時要控制好注碼，唔好過份進取。
Q40593：
咁樣我怕維持唔到每月既收入....
龔成老師︰
由於你本金少，所以被動收入效果一定會較弱。
其實成個財富配置，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
所以，如果你未近退休之年，而本金又唔多的話。
建議你先提升好投資知識，同時儲一些具增長力股票，去先將個本金累積大佢，之後先去諗創造被動收入。
至於短期失業問題，應該用持有現金，去平衡風險。
以下2條影片，係講一些理財技巧，同埋複利效應架威力，相信會幫到你，你可以睇下︰
https://www.youtube.com/watch?v=VFoXPZmDZD0
https://www.youtube.com/watch?v=ZaVTKyodNCg
Q40594：
老師
請問而家開始研究投資會吾會太遲？
龔成老師：
認識理財投資，絕對是有心唔怕遲，每個都有理財的需要。
每個人都要按自己的年齡、可承受風險承受，去選擇「適合自己」的投資工具，做好配置。
記住，投資不是賭、不是炒賣，而是在合理情況下，幫自己做好財富增值，當中要平衡風險與回報。
Q40595：
老師，請問呢如果美股既話，你會推介那一個比新手?
龔成老師：
美股最入門是Vanguard S&P 500 ETF（VOO），就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
Q40596：
Sir請想教你有關貝殼 企業估值：
有代表性EBITDA: 145億
企業價值倍數合理區：14-23
估值：46-98
以上計算是否合理？因為企業價值倍數合理區系我參考大行報告，所以我都唔肯定合唔合理。
另外，反而我見大行報告多數睇PE計多，又系點解呢？
龔成老師︰
其實一間企業有穏定盈利的話，參考市盈率會較好。
不過，如果一間企業未有穏定(甚至"零")盈利。而當中原因，又主要係因為折舊等因素影響，就可以考慮用EDITDA，用排除左折舊等因素的數字，去分析佢架業務增長。
以貝殼(2423)而言，佢主要係因為公平值，令到佢間唔時會有虧損。由於而個因素，其實係有週期性，所以你可以好似分析港鐵咁，移除左個公平值變動去到估值。
至於你的估值，大致都合理，現價算係合理區底位置。
Q40597：
345 維他奶 及 國泰航空
以長遠發展 收息及增長
那隻較值得投資？
龔成老師︰
維他奶(0345)會較適合，因為業務較穏定。
維他奶因為2021年年中的政治事件，令中國業務轉弱，到近年慢慢好轉，這股本身都有一定的品牌及銷售網絡，因此都有基本質素的。
分析維他奶的財務數據，2022及2023年的表現，只是一般般，但仔細分析數據，其實開始好轉。
營業額比與2022年度比較大致持平，經營溢利則由2022年度虧損$3億，去到2023年度有幾千萬盈利，雖然整體表現仍未算好，但起碼情況有少少好轉。
到了2024年，業務進一步好轉，盈利比上年度倍增。
簡單來說，企業質素比全盛年代略有下跌，但仍算是有質素，不過，始終過往業務有點波動及涉及過政治因素，投資都要留意風險，不建議投資太多。
至於業務，有機會再進一步好轉。因此，都可以長線投資，但就要控制好注碼，現價算是合理。
Q40598：
阿sir請問1138中海能現價7.6左右，如現在入，有上望空間嗎？是否有實力的公司？謝謝你
龔成老師︰
中遠海能（1138）是一家跨地區、跨國界經營的大型航運企業。
佢的主營業務範圍：沿海、遠洋、長江貨物運輸、船舶租賃、貨物代理、代運業務、船舶買賣、集裝箱修造、船舶配件備件代購代銷、船舶技術咨詢和轉讓。
過往業務不算差，增長力不錯，不過要留意，全球疫情期間帶動行業不少業務都較好賺，但長遠未必可以持績處於好賺狀態。加上近年股價上升不少，因此，這刻雖然都可投資，但不建議金額太多。而這股都有長線投資的價值。
Q40599：
你好龔老師龔老師現時手持 0012（719股），0027（545股），0066（591股），1177（3282股）2388（1002股），2800（4035股），06886（200股）總價應該已輸掉一半，當初應該投入了30多萬資金，現時市值18萬多，如果現在全部賣出轉入比亞迪電子可行嗎？長遠投資，買入後就長期持有
龔成老師︰
近年港股因爲疫情、戰爭、加息等一連串不利因素，走勢都偏弱。
現時雖然疫情已經過去，但經濟復蘇的步伐不似預期，因此，港股仍然會較爲波動。
你手持的股票都有質素，不過要留意︰
恆基（0012）未來地產發展只會較一般，ＨＴＳＣ華泰證券（6886）質素只係中等，長線都不要持有太多。
至於比亞迪電子（0285）長遠發展正面，但現時價錢已不平，最多只可以少少注。同時，不建議手中只持有一隻股票，你可以投資，但要控制比例。
總體而言，你整體的組合可以接受，不用特別作調整，目前可以耐性持有，慢慢等市場進一步復蘇。
最後，你投資概念有明顯架問題。
你同好多散戶一樣，都唔係好了解自己股票架價值。當佢地跌，就會覺得一定係無質素，要沽。相反，隻股票升得好勁(去到貴)，先諗住去追入。
其實，而類心態好多散戶都有，同時都係佢地輸錢架主要原因。
我建議先花點時間，去提升自己架投資知識，否則你長遠只會不斷重覆現時架不利狀況。
你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
Q40600：
呀sir你好，我係你2年前其中一位學生。
先講一講個好消息，我上完你堂之後訂立左個目標。終於係2024年12月31日個日做到了。
多謝呀sir你教既野。除左學到好多分析方法，最緊要係學到個投資心態。
不過都想問下，我現持1810，9988，981及968
我自己按自己既分析，1810同981都已經去到現價比較貴既位，但呢2隻都仲有好大潛力。想聽下你的分析
另外都想聽下你對現時中國光伏產業的分析。
本人29歲。
龔成老師︰
首先，恭喜你在投資上取得成效，要繼續保持良好的心態。
小米（1810）以手機、智能硬件，以及物聯網為平台的公司，小米專注於互聯網直接銷售產品，近年發展電動車。
雖然發展電動車，投入了較多資金，令風險比過高左，現時的發展情況不差，如果長遠成功，股價可以倍升。
考慮到小米過往的發展，其產品性價比不差，以及研發能力強，整體小米的長遠發展值得期待的。
這股可長線，考慮到未來的發展，現價已經不平，分注可以。
中芯國際（0981）業務有增長力，但未必能稱為好優質的股，算是有風險有潛力類。但政治因素成為風險，因此投資時要留意這點。
分析過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。
中芯國際長遠業務仍有增長力，算是有風險有潛力類，企業在中國行業裡有技術，同時產品始終市場，因此仍有前景的。
現價約在合理區較上位置，不適宜大注，要分注，同時以長線眼光去投資這股。
不過，由於你2隻應該都有一定貨，故暫時唔好再入住。
阿里（9988）近年的增長力慢左，同時回勇需要時間，但長遠仍有質素，如果貨不多，可持有；信義光能（0968）本質不差，但風險高，近年受市場產品價格影響，令賺能力有所減弱。加上市場擔心中國經濟影響需求，令股價較波動，但如果有耐性的話，都可以長線持有。
整體光伏產業會是未來中國發展的一個方向，但現時技術等因素未能實現全面的盈利，因此，有潛力，但當中存在變數(中短期預會較弱)，如果看好都可以投資，但佔的比例不能太多以平衡當中的不確定性。
若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。
由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。