網購平台競爭激烈，內地電商京東集團(09618)近日強勢攻港，推出「買貴就賠」及「一件包郵」等優惠，與香港科技探索(01137)旗下 HKTVmall 對撼，香港科技探索副主席兼行政總裁王維基昨天在社交平台發文並附上圖片，質疑京東的手機 App 抄襲 HKTVmall。 京東港澳在 Facebook 作出回應：「多謝王生(王維基)(@Ricky Wong)對京東的關注，我地完全明白王生對於京東開拓香港市場的疑慮。不過京東黎香港，唔係要同邊個鬥，而係想將真正的著數帶俾每一位香港街坊。 一直以黎，香港市民都要面對比內地高好多既物價，當中包括高昂的租金、高昂的運費以及高昂的服務費。京東的營運模式係自己做貨、自己起倉同送貨，將成本壓到最低，絕對有能力將世界各地的優質貨品，以更抵的價錢、更好的服務，送到香港每家每戶。 既然王生開左個頭，我地都好樂意同你比下邊個對客更好。我地正式宣布：京東App 係香港今年已經全面推行全類別滿188蚊免運費送上門服務！另外，由而家到6月底大家電銷售旺季，所有香港客買的京東自營家電，我地都會免費上門安裝！ 希望各位香港市民會鍾意京東，多D俾意見我地，如果客人發現同一款貨品京東賣得貴過其他平台，我地會實行「買貴就賠」。歡迎大家 follow 我地的賬號。我地亦期待王生可以同我地一樣，用實際行動為市民謀福利，讓香港消費市場更加繁榮興旺！」 （BC) #HKTVMall #京東 #王維基
<匯港通訊>