Q43751：
早晨, 龔老師, 請問有頭持有幾隻股票, 食之無味, 棄之可惜咁, 想問問你有什麼看法:
0001, 長和, $49.5 入, 而家賺少少, $1xxx 咁, 我見佢平時派息都高, 但有感地產長遠都唔會太大上落, 係咪應該放手換其他股票好d?
0027, 銀娛, $51 入手, 輸緊錢, 我睇法係港珠澳而家d 經濟都好一般, 賭業應該無乜得大發為, 係咪應該襯而家唔係蝕好多放左佢?
最後一隻係0552, 中通服, $4.14 入, 一樣係平平庸庸無乜大上落既一隻, 你點睇?
因為我個倉仲有其他股, 354, 285, 3110, 9880, 2800, NKE, QQQ, SPLG, VOO, VZ
我洗唔洗keep d 0552 e 類stable d 果d balance 一下?
謝謝!
龔成老師︰
首先你要明白一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
你上述架股票，都具有長線投資價值。若你未近退休之年，是適合的。
不過，近年0027質素弱左，而0354和VZ本身質素都只是中等，這些股票長線不宜持有太多。
Q43752：
如果港股黎講 有冇一d係比盈富基金多些風險的月供組合？還是成長較大只能夠是個股？
這兩天這兩個股票(2577,1931)都升左，我都擔心自己冇乜時間睇，所以已經賣左，spare 多返d現金。
如果港股度，我就諗住睇住小米，中芯國際，中國生物製藥，石藥集團，睇下有冇機會可以再入手d
（附上組合圖片）
龔成老師︰
其實以你年紀，可以投資以下增長股。
如果你自問選股未算好掌握到，可以先集中指數ETF。
你現時持有的股票，都有質素。但最重問題係，除左AAPL係平穏增長股，其餘架都係潛力股，故組合整體風險過高。
未來時間，要優先加大平穏增長股比重。
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
以下是有關"平穏增長股"和"潛力股"的影片，你可以參考下︰
https://www.youtube.com/watch?v=YJdE6xyUXS0
https://www.youtube.com/watch?v=u0ADUWkikhU
Q43753：
老師你好，想問吓月供股票嘅問題。
如果我手頭上有啲計劃想進行，而想套現月供股票，跟住下個月再繼續供返，咁其實可唔可行，定係其實都係建議長揸？
龔成老師︰
如果只係一個月，都可以。
其實最好長線不停供，咁樣個價格平衡性會較好。但如果係生活所需，就應該優先處理好生活問題。
未來時間，建議投資的同時，預留半年至一年開支，去應付突發需要。
Q43754：
老師你好，想問問我匯豐持有5手，平均價$64.5，而家個市大概$100，我應該放咗去做其他投資定keep住繼續收息直到賺返個本比較好？
龔成老師︰
其實睇你本身持有原因。
我地持有收息股，主要係為左獲得穏定的被動現金流收入(即係股息)。所以，會比較適合退休、年長、投資經驗淺，或者風險承受力好弱架投資者。
由於目的係收息，所以股價變動，其實唔係我地主要考慮因素。反而，派息穏定性、股息率、派息比例才是較重要的因素。
因為如果佢一直派息穏定，就算股價變，其實你係無必要沽佢。
相反，如果你係打算做增值，其實匯控(0005)長線未必咁適合，所以你可以分注換碼至其他增長股。
Q43755：
Hi 龔Sir，話說我而家做緊以下月供
-
QQQM x 1 stock
-
SPLG x 2 stock
-
BRKB x 1 stock
-
3110 $4000
-
富途現金寶 $3000
-
保費融資premium financing $2500-$3000
但最近覺得市場整體valuation真的很高，巴郡手持現金和策略，感覺都很保守，讓我做了部份調整，想減低對大家型科技股的倚賴，因為我本來就已經有一些個股AMZN MSFT GOOG SMH TSM佔整體倉位約38至40 %
-
BRK.b x 2 stocks
-
3110 $4000
-
SPLG x 1 stock
-
BTC $1000
-
保費融資premium financing $2500-$3000
-
富途現金寶 $5000
你覺得這個調整合理嗎？
這個是我現時的比率，如我繼續月供巴郡和其他指數的比例應該會隨着時間而增加
龔成老師︰
你現時配置，大致都可以，但留意以下幾點︰
- 3110主要係收息，對你年紀而言，有少少保守，長線不宜持有太多和不適合你年紀去月供。
以下是一些適合你年紀的股票，你可以參考下︰
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
-
你港股佔比較少，長線要加大少少比重，令組合更平衡。
-
留意科技股比重，長線個別行業最好控制在30%以內。
-
Premium Financing(保單融資)，其實就係透過借貸，去以槓桿形式放大回報。相比傳統儲蓄保險，佢增長潛力會相對較大，同時風險會相對較高。
若保單實際回報，係多於貸款利息，投保人自然會因為槓桿操作，而令回報放大左。
但由於保單本身，好多時回報和利率都係不保證。再加上貸款利息，多為浮息。在低息環境，固然會受惠。但進入加息週期(或高息環境)，利潤將進一步被蠶食。
因此，用保單融資去投保，係有一定風險。
其實係財富增值上，最好集中係優質資產上(如物業、優質股)。
「保險」只係一種產品，主要係用作防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。
但最好係一些較傳統儲蓄保單，而非這類有槓桿性質的產品。
- BTC風險唔細，長線不要佔組合太多。
Q43756：
老師，想請問3416國指為什麼可以每月派息？現在價合理嗎？
龔成老師：
ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
由於這ETF運作，並不是無風險，所以，高息是否保持，無人知，同時要明白有價格波動。
由於這ETF成立時間不算長，而這段時間，港股大致是向上的。
但佢始終未經歷過港股下跌週期，未知做成點，所以這個是最大風險（到時派息會否大減？價格會否大跌？無人知）。
我並不是說不能投資這ETF，而是要明白上述的風險，同時在注碼上不宜過多。
Q43757：
美團業績好差，係咁跌，短期內如果三年都未必想返嚟係咪應該止蝕？
佢嚟緊有咩可能業績會再好返嘅原因好似睇唔到
龔成老師：
業績差主要是價格戰等因素，但這類情況一般不會長期，只是中短期問題。
因此，相信長遠會好轉，但短期股價會弱，如果你貨不過多，其實耐心守就得，但如果較擔心或貨多，減部分，留部分，都是方法。
Q43758：
多謝Kung Sir你抽寶貴時間咁詳盡解答我嘅問題，雖然我都仲有好多問題想問🙊但已經唔好意思了🙈
所以我已經即刻買咗老師兩本書並已經睇到一半了。
但我覺得唔上過堂都冇辦法去深入了解股票當中的運作，請問我可以付款報名後先拿取筆記自學，然後到你下一次開班我再親自嚟上堂？
因為舖頭呢排行唔開唔容許我親身去到上堂。係到都要再多謝老師一次嘅解答🙏🏻
龔成老師：
你有問題都可以問，當然，我鼓勵你睇書、上堂，增加知識，不明白的地方問我，這樣對你實力提升是最好的。
至於付費先取筆記，可以，但要收翻行政費，因為每一次筆記都有機會更新，所以，一般我地在下一次都會照比多一份你。但這樣變成了比多左次，所以程序上，會收行政費，就可一次過，預先比整個課程的筆記你。
Q43759：
港鐵（066）現價$26.14仍屬合理值得加倉嗎？現價計約5%息率，希望中期（3-5年）可以價息兼賺thx
龔成老師：
港鐵（0066）有一定的獨特性，不過，近年的增長力略減。佢是全港唯一的鐵路營運商，加上政府會比佢地產方面的優勢，因此可長線投資。其中有4個因素影響這股的盈利能力及股價。
第一，香港車務營運收入，近年港鐵加價的能力比過往弱左，分析近年一些調整票價條款，例如會加入賣樓收益作為影響加價的其中一個因素，令港鐵在這方面的賺錢能力，比過往年代略減。
第二，港鐵其中一個收入來源，就是租金收入，雖然短期一般，但中長期都會慢慢好轉的，整體市道長遠也會好轉，因此長遠這部分仍有價值。
第三，地產因素，長遠仍是一個有價值的部分。
第四，維修成本。近年港鐵的事故增加，與鐵路老化有關，因此這方面的維修成本將會不斷增加，影響了賺錢能力。
長遠來說，只要香港市道，以及地產市道好轉，就會自然對這企業有利。港鐵始終有一定的獨特性，因此整體的質素仍在，但增長力不及過往年代，只是收息及平穩增長型的股票，現時股價合理區底部。
所以港鐵，如果你貨多就不要加。但貨少，現價加少少都可以。
Q43760：
龔Sir你好！想請教我多餘錢不多，兩個小朋友又大開支，想買高息股！之後錯過了你介紹佐丹奴同中生製藥，有什麼低風險高息股好介紹🙏
龔成老師：
投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。
你可以建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
3110可以視為收息股的組合中其中一員。這基金可投資的，現價合理，可分注。佢是投資香港大型，派息較高的上市公司。
這是不差的收息組合，但增長力不強。