Q26941：
Hi 龔sir, 想請問
- 全職投資人要點開始或要有咩條件？
- 巴菲特同Charlie Munger已經年紀大，如果巴郡無咗佢哋會唔會好大影響？
- 669創科屬於水桶幾呢？現時市盈率回落到19係唔係好時機？
- 第四堂第六版筆記，講領展物業估值方法，你曾經提到樓價= X / 租金回報率，想問返個X係咩？
- 領展點解2018-2020年派息比率咁低？唔係要派收入嘅9成咩？ 龔成老師︰
1）要做到全職投資者，投資對你而言，不單要係興趣，而且更要成為你強項。若你現時上左初班，算一個「基本知識投資者」。之後，你要慢慢開始再提升自己。
你要花大量時間，努力去看相關書籍、睇年報聞、睇新、上課程，去學習如何分析一隻股票。
到你累積到分析50間企業和長期實戰經驗，你就可以變成一個「有實力的投資者」，以算有做全職投資者的基本條件。
但要突破至最高層次的「真正專業投資者」，已經不單是投資知識的問題，因為要突破，就要擁有很強的分析力、很強的眼光、很強的心理質素。這些要更長時去磨鍊，才會做到。
2）可能，巴菲特同芒格是公司的靈魂人物，就好似喬布斯在蘋果一樣，但我相信一間好的公司會有好的制度去營運，巴菲特不可能不了解這點，所以我相信就算無咗佢哋，公司依然可以運作。但中短期可能有影響，但長遠影響不會好大。
3）創科（0669）屬於水桶1-2之間。現時處於合理區中間至較下的水平，有投資值博率。
由於美國加息，會對樓市有中短期影響，因此都間接對創科有影響。長遠質素仍有的，但業務可能會因美國樓而出現波動。
4）X是一年的租金。
5）領展的盈利是因爲物業重估，是會計上的因素，而不是真正的損失，所以導致派息比率偏低。房託是會將盈利的9成用於派息。
Q26942：
成哥，其實除淨之前我買股收息，之後再賣左佢，係唔係著數D?
龔成老師︰
無分別。
除淨之前買入並在除淨之後賣出，你會收到股息，不過股價會自然調整，所以你賣出的時候股價會下調。
除淨之後買入，你無收到股息，但可以用一個較平的價錢持有股票。
所以，其實是一個左手交右手問題，無特別著數。
我地決定是否投資一隻股票，關鍵位係睇企業質素和前景。
Q26943：
老師，聽人講，自住買居屋著數過私樓，係唔係一定???
龔成老師︰
如果單以自住的角度睇，居屋的確比較著數。
居屋可以用低於市價較多的價格買入，變相代表你擁有的物業成本變低。
能有較多現金流空出來，作投資增值。因此，從財富增值角度，居屋有好處。
不過，居屋一般升值潛力，都會較私樓弱少少。
Q26944：
老師~,可否現價買入，因為之前好多蟹貨
龔成老師：
我地決定加注與否，要睇幾個因素，記住，並不是「拉低平均買入價」為目的。
第一，要分析這股的質素，如果無質素，就再跌都唔加。
第二，這股的類別，如潛力或增長或收息類等，是否與你的財富組合匹配，比例是否適合。
第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。
第四，現價是否有投資價值率，要平，或起碼合理，不能貴。
第五，你要在加注後，仍有現金剩。
記住，重點不是「拉低平均價」，而是組合比例與配置。
阿里（9988）有質素。合理區中下至底。有長線投資價值，最重要是睇翻你的持貨比例，先決定加唔加注。
係業務層面，擁有優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。
以企業的長期發展計，這股的確優質，但股價都有一定的波動，現價算是合理翻D，但都不是大手時候。
始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。
Q26945：
Kbwd 點睇？龔sir
龔成老師︰
Invesco KBW High Dividend Yield Financial ETF(KBWD.US)，中文名稱為Invesco KBW高股利收益金融ETF，成立於2010/12/02，在NASDAQ交易所交易，計價幣別為美元。
其主要投資地區為全球，投資標的為金融類股份，本基金所追蹤之指數為KBW Nasdaq Financial Sector Dividend Yield Index 。
在扣除各種費用和支出之前追求達到和指數一樣的投資表現，包括價差與利息收益。
此股可以投資，但佔比不要太多，分注或小注都可以，現價合理。
不過，香港人投資美股收息，你比30%稅，變相令你股息少左。如果你目標是收息的話，最好用翻港股。
Q26946：
老師, 請問海螺創業同海螺水泥有咩分別
點解佢哋啲股價持續低迷而家嗰間唔係話要搞基建行先咩
佢哋現價如何 值博率高嗎謝謝老師
國家話要基建行先但係點解佢哋持續低迷
龔成老師︰
海螺創業（0586）和海螺水泥（0914）是同系股票，但業務有所不同。海螺創業（0586）只係間接地持有海螺水泥（0914）部份股權，但無直接關係。
前者，主要是做環保解決方案(不太跟基建相關)。後者，主要從事生產和銷售熟料和水泥製品。
股價低迷其實有好多因素影響。現時投資環境籠罩悲觀情緒，疫情，俄烏戰爭，中美博弈都會令大市中短期較弱。
基建其實需要好長時間先見到效果，消息一出會刺激當時股價，但市場會慢慢回歸理性，股價自然會回落。
海螺創業（0586），海螺水泥（0914）都是有質素的企業，現價合理，現時都有值博率，如果想投資，可以小注。
Q26947：
老師，我想問，上次問你的問題，選擇紅股出現攤薄盈利，派發股數過多，點為之多，點為之小？
如果用總股本為例，每1年或用5年計算，應不超出總股本多小才正常
龔成老師︰
這個要因應個別股票而定，其實無話一個比例之內的紅股，就代表無問題。
我建議你可以參考佢盈利增幅，例如佢每年純利升1成，咁佢增發10送1紅股，基本上只是將增長，轉移到紅股上，故問題不大。
但如果佢增發幅度大過純利增長，個攤薄效果就會出現，導致每股實際盈利能力降低。
Q26948：
阿Sir, 你講嘅風險承受能力都算高嘅意思, 係咪即係你投資用嘅錢唔係一啲急用嘅錢？所以即使跌左你都可以等佢升返？
龔成老師︰
你講中其中一部分，投資的錢都一定是閒錢(不影響基本生活的部份)，風險承受能力高指的，是你有資金又或者時間。
如果你投資的資金只是佔你總資產的1%，又或者你收入高，就算損失這部分的資金對你無大影響，可以稱爲風險承受能力高。
如果你是年輕人，就算你損失投資的那部分資金，因爲你年輕，有時間，可以重新將資金賺回來，所以，風險承受能力較年長的高。
而我自己風險承受力高，主要是因為我較理解這些股票，而且有一定經驗。由於我對這些潛力股認知度較高，故我投資比重多少少，都係可以接受。
Q26949：
老師，想問一問正常除淨日是否一定會回調，
因我買了956 $4.48@20000 ，
我只想買短期小波動，但又怕到了除淨日一回調等於白買了。我並不是為了股息買。所以想了解除淨日股價回調幅度，所以應提早走先，還是留到除淨日？
除淨日前一天成交量及股價波幅是否又會比較大呢？
龔成老師︰
除淨日後是一定會回調，因爲除淨的意思就是會扣除將派發之股息，股價一定會有所調整。
其實除淨日前後買入無太大分別。除淨前買你可以收到股息，之後買股價會調整，你買得較平。
正常除淨日前一天成交量會較大，會有較多人買入，但建議你你還是將精力花在研究企業的質素上，短炒其實幫助不大，而且往往會輸錢。
新天綠色能源（0956）本質不差，有一定的增長力，但由於都有一定的負債，考慮到風險因素。
你投資都可以，分注無問題，但由於這企業規模比較細，加上有行業風險，因此唔建議太大注。
過往此股被炒起，現時雖然回落不少，但現價依然係偏貴，你要等有回調，才好開始小注入貨，並長線持有。
Q26950：
老師，啱啱完成咗你的股票班，我草擬了以上自己的投資計劃（用自己現金儲備中1/4 約30萬作股票投資），希望老師幫忙提點一下是否有改善空間。
我今年49歲，有一居屋三年前供見，現希望可增加被動收入，為將來退休作準備。謝謝！
（學生組合圖片未能公開）
龔成老師︰
你現時49歲，應該集中投資「平穏增長股」。
你的組合中，港鐵（0066），領展（0823），盈富（2800），恆生（0012），粵海（0270）屬於平穩增值股。
電能(0006)、港燈(2638)、中電(0002)、3110都是收息股，都適合你。但佔比不要太多，等你年紀漸大，才慢慢加大「收息股」比重就可以。
中生（1177)，比亞迪電子（0285），舜宇（2382），港交所（0388）屬於潛力股，不確定性高，0388長遠要慢慢換成平穩增值股。其餘潛力股，唔建議投資。就算買，都好少注好了。
現時大市處於合理區中下位置，持有太多現金會損失機會成本，你可以保留約4-5成現金，其餘慢慢「分注」投資股票市場。
你可以增大平穩增值股的比例，在原有的選股上加注又或者考慮優質平穩增長股都得。
餘下的現金就等大跌市出現時，可以用來掃貨。