Q46311：
龔老師，本身想短炒海致科技
因一時貪心過了賣出既時間，購買價$144，現時應該繼續持有或是放曬佢呢？謝謝解答!
龔成老師︰
首先，唔好再短炒。
短炒我見好多人都係蝕錢收場，股價中短期一定會有波動。而波動架原因可以同企業本質無關，只有長線股價才會反映企業質素，所以優質股一定要長線持有。
你見全球最賺錢架投資人巴菲特，都唔會做短炒，只會係做長線投資。所以，你要改變你投資方法，唔好再做短炒，並以長線投資優質股為目標，會對你較好。
北京海致科技集團（2706）專注於通過圖模融合技術開發Atlas圖譜解決方案及產業級智能體並提供產業級人工智能解決方案。
Atlas圖譜解決方案是集團的核心產品之一。Atlas圖譜解決方案基於圖計算與數據分析能力構建，包含DMC數據智能平台、Atlas知識圖譜平台及AtlasGraph圖數據庫。
根據資料，按2024年營業收入計，集團在中國產業級AI智能體提供商中位列第五，市場份額為2.8%；並在中國以圖為核心的AI智能體提供商中位列第一，市場份額約50%。
截至2025年9月30日，集團已與360多家客戶合作，涵蓋逾一百個應用場景。集團的客戶主要包括金融機構、電信運營商、能源集團和公共服務提供商。
要留意，海致科技雖然擁有一定市場佔有率，以及有AI概念，但規模未到最大級別，算是中等，其財務狀況顯示仍未有盈利，預佢股價會較波動，小注投資都可以，但要明白風險。
Q46312：
龔成老師你好。請問三星環球半導體 03132 值得投資嗎？謝謝！
龔成老師：
三星彭博環球半導體ETF（3132）投資目標是提供在扣除費用及支出之前盡量貼近彭博環球半導體20大指數表現的投資業績。
其投資包括7個市場上市的頂尖半導體企業：美國、台灣、韓國、荷蘭、日本、德國及法國。
未來全球對有質素半導體需求，將會有增無減。
此ETF組合中，包括不少優質企業，如台積電、NVIDIA、INTEL、SONY、ASML Holding N.V.等，故此ETF有投資價值。
但現時普遍半導體企業股票都唔平，故你用分注或月供形式儲貨，會較為理想。
Q46313：
龔 Sir,最近留意到有兩只 ETF (2802, 3416)，。想問下龔 Sir點睇宜 d 新型 ETF🙏🏻
龔成老師：
Ａ南方國指備兌（2802）基金之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
這ETF並不是傳統型的ETF，因此情況會較特別，優點是高息，因為利用期權去產生現金流，但缺點是背後都有一定風險。
簡單來說，在一般的市況，這ETF可以派不差的股息，但這類ETF，有2個風險：
1）如果股市持續向下，ETF價格都會大跌，有機會出現賺息蝕價的情況。
2）當股市大升，這ETF的升幅有機會落後大市，只能賺到利息收入，而錯失了增值時期。
3）操作風險。因為基金無完全講當中的運作，我只能透過基金網站簡單講述的操作，去估當中的運作，如果基金操作不當，會否有資產價格大跌的風險，這點我都不清楚。
我並不是說不能投資這ETF，而是要明白上述的風險，同時在注碼上不宜過多。
ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
這ETF並不是傳統型的ETF，因此情況會較特別，優點是高息，往往有10%以上的利息，因為利用期權去產生現金流，但缺點是背後都有一定風險。
簡單來說，在一般的市況，這ETF可以派不差的股息，但這類ETF，有2個風險：
1）如果股市持續向下，ETF價格都會大跌，有機會出現賺息蝕價的情況。
2）當股市大升，這ETF的升幅有機會落後大市，只能賺到利息收入，而錯失了增值時期。
3）操作風險。因為基金無完全講當中的運作，我只能透過基金網站簡單講述的操作，去估當中的運作，如果基金操作不當，會否有資產價格大跌的風險，這點我都不清楚。
我並不是說不能投資這ETF，而是要明白上述的風險，同時在注碼上不宜過多。
Q46314：
謝謝龔sir, 想請問股票班 如果工作關係個堂上唔到，可否有zoom 可睇返？
龔成老師：
可堂有補堂機制，你個別堂無法上，可以安排你在下一期補翻，加上我每一堂都有重點重溫影片（每堂約30分鐘），你可以在家睇翻重點內容，所以不用擔心個別堂上唔到。
Q46315：
龔成老師有以下問題想請教你
1.2338同7709 現價適合入嗎, 咩位係便宜區
2.6869 還值得買入嗎, 見佢不斷升高, 怕佢業績支持唔到佢高增長升幅. 如果同1347 相比, 邊個會好的, 但1347 都好高PE了
3.因為稍後供樓, 唔會儲到甘多錢月供股票, 想來緊趁可能遲的大跌市用共桿原理先購入一手手股票, 再比利息月供返, 想問我以上的股票如跌價值得月供嗎?
4.如不適合, 月供2388/14會不會風險冇甘大
5.近日入左一部份裝潢費用買2638港燈, 但因為10月要支付裝潢費用, 所以我又想賺埋收息先走, 但我現在微賺2000蚊, 日日都怕跌市, 係未曾少賺就應該走左先呢, 如果你係我會否博派埋息先走 ?
謝謝回覆
龔成老師︰
- 2338現價唔平，要有好明顯跌幅(例如3成以上)，才有機會到平宜區。
南方東英SK海力士每日槓桿(2x)產品(7709)同樣唔平。
佢要到平宜區，更加難計，因為行業變化快，估值一直會變。
同埋，7709有槓桿，唔建議用。
- 總體質素上，6869會較高。
長飛光纖光纜（6869）有質素，但要留意股價波動。
企業長遠有發展力，因為全球光纖光纜市場，仍會保持向上，智能手機、互聯網、大數據等科技，成為了行業的推動力。
近年股價上升不少，主要是AI 數據中心與算力需求爆發，基礎設施升級。因為現時全球 AI 大模型發展帶動算力中心建設，對高性能光纖的需求急增。
整體上，有質素，長遠會受惠行業發展。
不過，現價已經過100倍PE，唔平。投資要留意波動，暫時只建議小注投資。
- 任何時候，都唔建議用槓桿，特別係市況波動時，風險太大。唔好只諗贏，要諗埋失手架"後果"。
上述股票波動大，宜按平貴慢慢入，不宜月供。
- 風險會細D，適合月供。
其實你年紀，可考慮以下︰
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可留意潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以自己了解下，再決定是否從中選股。同埋，佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
- 你對收息概念有地方錯左︰
如果你要收到股息，必需在「除淨日」前一天，依然持有股票。「除淨日」，其實就是用來確認那些股東收到這權益的日子。等到「除淨日」當天才買，派息就唔會有你份。
「除淨日」那天，股價就會扣除派息部份，例如原來股價$20，派息$1。那麼「除淨日」就會將股價，從$20下調至$19，以反映派息動作。
而「派息日」，就係這班合資格股東，正式收到股息($1)的日子。
由於「除淨日」股價會下跌($1)。而下跌比重同收到息($1)係一樣，所以只係左手交右手動作，你唔會在此期間因買/沽貨，出現任何著數。
[假設除淨日 - 5月21日]
5月20日賣出收益︰股價$20 + 股息$0
5月21日賣出收益︰股價$19 + 股息$1
詳細除淨解釋，你可以睇翻以下Youtube影片︰
https://www.youtube.com/watch?v=iy_G1yjs0fY
Q46316：
老師你好，多謝你一直辛苦的解答
我每個月一萬， 想買香港月供股票
希望小朋友五年後讀大學用（ 預計要4,000,000）
我想每年有息收，筆錢一定要保本
並且有增長，請問可唔可以分享請教一下你股票？
我本身揀咗呢三隻(0388, 2800, 3033)，都有睇開你嘅文章，但係唔知有冇揀錯，所以想問吓你
Hi 老師
等你有空希望幫我分析一下
我想問吓月供股票，點樣睇佢平均股價？第一次唔係好識
辛苦你解答
龔成老師︰
小朋友增值部份，你選擇係適合。
但3033風險較高，不宜作重心。2800平衡性最好，可以持有比重高點。
簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。
形式就是每月投入相同的金額，買入同一隻或多隻股票，並持續進行。
例如，每月以相同金額$10,000 買入盈富基金（2800），假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。
總結這三個月，投入了的資金為$30,000，累積股票為1019股，平均買入價為$29.4。
由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。
要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。
月供最重要的一點，是「選股」，如果你無選股能力，就投資指數ETF，如盈富、VOO(平衡配置係指數ETF，不要過份偏重單一地區市場)。
以下Youtube影片是盈富、VOO的分享，相信會對你有幫助︰
https://www.youtube.com/watch?v=nBr4tCJ__oY
Q46317：
但仲未克服到
之前買美團高位時沒有放，而家無得賺了
龔成老師︰
你要試下調整而種心態。
你唔好比心理影響，我明白你個想法，就係後悔點解個陣升，又唔出貨賺左先，現家變到跌翻晒。
但你要明白，係升到高位個一刻，你有無方法，可以確認之後，佢係一定會回調，而唔係大幅上升。如果你沽左後，佢再大升。你就會錯失升值機會，和要用較高成本才可以買回。
當我地回頭睇，當然會知個陣點做先最好。但問題係，當時你無可能有足夠資訊去做決定。所以，我地要策略性部署。
我地只會係大市好狂熱、股價好貴、或者長線質素變差才會沽出。因為這些情況，我地就有一定程度知道，佢未來增值空間已經有限。
相反，如果股票係有質素，我地就不用理會中短期波動，一直去持有，就才會是最穏當做法。
所以，我經常叫讀者必需學好估值和分析技巧。因為係投資路上，佢地真係十分重要，是你成敗的關鍵。
以下影片，有講少少點解唔好估中短期走勢，而用長線架原因，你可以睇下︰
https://www.youtube.com/watch?v=9BhH0XciOJ0
Q46318：
0105 plz🙏
龔成老師︰
凱聯國際酒店(0105)主要業務為物業投資及物業租賃。
集團位於九龍彌敦道的國際廣場是一個綜合商舖中心，並設有多間零售商舖、娛樂消遣場所和餐廳。
集團業務係有，但規模和收入都唔大，盈利能力唔高，間中會出現虧損。
總體而言，投資價值一般，長線換至其他優質股，相信會更有利。
Q46319：
老師 我的7226 成本5.6 200000股 現在很惆悵
龔成老師：
ＸＬ二南方恒科（7226）產品之投資目標為追踪恒生科技指數每日表現兩倍（２ｘ）的投資業績。
雖然我長遠認為，恆生科技指數正面，但中短期可以較波動，由於這基金有槓杆，就會令價格更加波動，其實有風險。
我會較建議投資無槓杆的恆生科指ETF（3067），始終較好。
如果你貨多，這刻要減持，轉3067。
如果貨不多，可以在上升時賣出，轉3067。
Q46320：
晚上好，龔SIR，請問現在適合買VT、可口可樂呢兩隻美股嗎？
龔成老師：
VT（Vanguard Total World Stock ETF）有長線投資價值。
基金採被動式(或稱指數型)的管理方式，以追求FTSE Global All Cap Index表現為投資目標，該指數包含成分股為約數千隻檔分散於數十個國家的股票，這些國家包含已開發國家與新興市場國家。
基金投資標的抽樣自FTSE All-World Index，故會與該指數具有相似的特性與風險。
見佢最大持股都是全球大企業，有一定的投資價值，可長線。
可口可樂公司（KO）是一家飲料公司。該公司擁有、授權和銷售非酒精飲料品牌，業務分散於歐洲、中東和非洲；拉美; 北美; 亞太等地區。
業務上，佢透過高知名度的商標，將產品銷售至全球200多個國家。現時6大非酒精碳酸飲品品牌中，集團就佔據其中5個，包括可口可樂、雪碧、芬達、健怡可樂和零糖可口可樂。
全球消費者每日消費近630億份飲品，就算在是近年，全球因戰爭、疫情等因素，導致通漲大幅上升。在原材料、人力、物流成本出現波動和全球經濟下行情況下，集團營業額和盈利並無大跌，可見集團產品需求彈性不高（較近似生活必需品），故有一定抗跌力。
集團現時已有一定規模，故不要預期收入會出現突破性增長。不過，集團表示有信心，長線可以推動營收和經營利潤達至4-6%和6-8%增長。
投資這隻股票目標，主要是平穩增長，以及有少少股息，此股較適合中低風險投資者。現價大致處於合理水平，可長線投資。