Q45631：
成哥 自動駕駛 睇好Tesla定Nvidia多啲？
龔成老師：
相信兩隻都有優勢，都會在這個領域上，佔到一個重要席位。
如果要比較，自動駕駛 Tesla會較強，因為有大量現實的路面數據，這是領先全球的，所以，潛力度仍存在。
Q45632：
你好龔成老師!
我只想穩定有少少投資, 經過呢幾年, 覺得自己對研究股票興趣都唔大, 所以買入後成日唔知幾時加注或售出。
- 我有以下股票, 想請教中長線(兩三年?), 仲有無投資價值, 而我又可以再加注?
小米(11%), 阿里巴巴(11%), 領展(7%), 嗶哩嗶哩(6%), 港鐡, 粵海, 金沙, 快手, 舜宇, 中生製藥, 明源雲,完美醫療, 安碩恒生。
[個人比較喜歡小米, 嗶哩嗶哩]
- 另外收息股方面，現有領展和完美醫療, 可否推介銀行/電訊/公用股? 都想有5-6%起碼股息，股價有上升空間。
謝謝你！
龔成老師︰
記住，研究股票和投資，唔係因為你有無興趣，而係有咁架實際需要。
因為一個好殘酷架現實，就係長線投資回報，一定會跟你知識成正比!!!
- 你組合中股票，依然有長線投資價值，同時適合你年紀，但留意以下3點︰
(i) 嗶哩嗶哩、粵海、快手、領展、明源雲、完美醫療、金沙，不是風險度偏高，就是近年質素轉弱，這些股票長線不宜持有太多。
(ii) 你而家太偏重左係潛力股，佢地雖然有增長潛力，同時風險都較高，不宜持有過多。
以你年紀35歲計，潛力股最多可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。
未來時間，你就要加大翻平穏增長股部份，令組合更平衡。
平穩增值股，例如指數基金，美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，睇下適唔適合你。
(iii) 你現時組合明顯偏重晒係港股，建議你未來加入一些美股(但美股現價唔平，可以慢慢做)，令整個組合變得更平衡。
但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
以下是介紹VOO影片，有需要可以睇翻︰
https://www.youtube.com/watch?v=RnYZQlSG8qA
- 收息股，可以參考以下。但你還年青，建議最多佔組合2成好了，以免過度拖慢組合增長力。
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。
[各類收息股比較] https://www.youtube.com/watch?v=t1VSoLLtpic
[避開"假"收息股方法] https://www.youtube.com/watch?v=3bf4bhV-f-g
- 最後，緊記要提升自己投資知識。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
(當中不少影片，係用來幫讀者提升投資和財務知識，所以無時間性，幾年後再睇依然有用。如果你係想提升自己投資知識，建議你抽時間，睇翻舊影片去為自己增值。)
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，課程可以更直接幫你提升"選股 + 估值"等最核心的投資知識。每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
※※【投資倍升股課程】(基礎班)(共24小時) ※※
馬上報名：https://www.80shing.com/register.php?id=1
課程查詢：WhatsApp: 5545 7212
※※【環球美股實戰班】(共24小時)※※
馬上報名：https://www.80shing.com/register.php?id=6
課程查詢 whatsapp:5545 7212
Q45633：
老師，你好
我每月存到22000元，一年後要用錢（大約30萬）
問題係我每月存的錢有沒有好穩陣的方法可以保值，增加小小收入，我諗到只有定期存款
麻煩老師
龔成老師︰
如果你筆錢，係未來一年要用的話，"定期存款"已經係最好選擇。
因為就算最穏陣架收息股，都會有波動性，無可能完全保本下進行增值。
當然，你可以因應自己的風險承受能力，決定配置比例。
例如你有$30萬資金，你可以大部分定期，小部分（如$5萬），投資收息股之類，收息較好，但有少少的工具。從整個財寶配置角度，可以平衡。
Q45634：
投資新手
如何創造收入
龔成老師︰
創造收入，有好多方法，打工、做生意、做團隊、投資等等。
但要睇你本身能力和取態，打工有好多限制。但其他範疇，又要具有一定知識、資金和能力。
所以，一般會建議投資，因為入場門檻較低。
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因此，你在選擇應該投資那一類股票時，會係因應你人生階段、投資經驗和風險承受能力，去做決定。
假設你係年青至中年人士，你可以先留意「平穏增長股」 + 「潛力股」的組合。如果你係偏年青，比例大約可以去到各一半。
但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。
現在你每月先用5成儲蓄做月供。其餘先儲起，用一邊月供一邊儲蓄的策略。
月供方面，你可以參考一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可留意下潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，再決定是否從中選股。同埋，佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
不過，你要明白上述月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需加強投資知識，提升選股分析和估值能力。令你可以做到因應市況平貴，自行制定入市策略。
Q45635：
請問三花智控前景如何，現價可入？
龔成老師：
三花智控（2050）主要從事研發、製造及銷售製冷空調電器零部件及汽車零部件，並於中國及海外設有生產基地。
在製冷空調電器零部件業務方面，集團主要從事家用和商用製冷以及家用電器（如洗碗機、洗衣機和咖啡機等）零部件、子系統和術解決方案的研發、製造和銷售。
在汽車零部件業務方面，集團專注於汽車熱管理系統零部件和解決方案的研發，產品涵蓋座艙熱管理、電池熱管理及電機／電控系統熱管理等各類汽車零部件（主要包括車用電子膨脹閥、汽車電子水泵、電池冷卻器及集成組件等）。
集團的銷售及營銷網絡覆蓋美洲、歐洲、亞洲、大洋洲及非洲，並在中國、美國和德國建立了研發基地。
企業都有一定的生意及盈利，但發展力不算強，以現時估值計算，企業並不便宜，投資值博率只是中等。如果你睇好，暫時只建議小注。
Q45636：
阿Sir, 3116值得投資嗎？
龔成老師：
ＧＸ亞太高股息率（3116）GLOBAL X ASIA PACIFIC HIGH DIVIDEND YIELD ETF。
這ETF投資新亞太地區上市，股息率較高的40隻股票。投資目標為追蹤Ｓｏｌａｃｔｉｖｅ亞太高股息率指數之表現。持有一些亞太區大型企業，每季派息一次。
指數的指數範圍包括於澳洲、香港、日本、紐西蘭、新加坡、韓國或台灣證券交易所上市的證券。以多個行業去選股，基本材料、耐用消費品、非耐用消費品、消費服務、能源、金融、醫療保健、工業、技術及公用事業，同時選一些高息股。
相信這基金都是一個收息組合，如果你自己睇好及想收息，控制注碼，分注投資，可以。
Q45637：
匯豐收左我隻恆生，我筆錢想拎嚟買另一隻長線投資可以收息嘅股票有冇推薦呢？
龔成老師：
如果你想投資翻銀行股，工行（1398）、中銀（2388）、匯豐（0005）都可考慮。
又或者，你可以買高息基金：GX恒生高股息率（3110），是一個投資收息股的基金，追蹤恆生高股息率指數之表現。這指數投資一些在香港上市，大型的企業，加上要有一定的派息的上市公司。
基金有50隻成份股，以下是基金部分持股：
中國海洋石油（0883）、中國神華（1088）、中國宏橋（1378）、中石油（0857）、中煤能源（1898）、電訊盈科（0008）等。這基金雖然收息組合，但增長力不強。
另外，由於基金持股集中在中國企業，投資者不能只持有這基金，最好視為收息股的其中一員，如果投資者低風險，宜同時持有其他的低風險、收息工具。現時算是合理區中間，可以分注投資，長線持有。
Q45638：
老師，見你今日回答讀者問題個post
你每朝6:30起身，晚上睇書
咁你幾點瞓覺？😆😆😆
（我都因為龔sir你而開始睇書習慣，唔經唔覺睇咗唔少書，而家變成一個長遠習慣😊各方面都有得着，謝謝你☺️☺️）
龔成老師：
我一般12點訓，大約6:30起身，星期六日7點。
睇書好重要的，因為唔單止可以得到知識，好多時仲可以學到成功人士、錢人的知識與技巧。
我長期有一顆「保持進步」的心，希望能影響到你。大家加油！
Q45639：
阿Sir有邊隻美股推介？
龔成老師：
你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ）另外再加：美股如微軟（MSFT）、英偉達（NVDA）、ASML Holding（ASML）、Tesla（TSLA）、Amazon（AMZN）、，但佢地波動性和風險會較高，要自己平衡。
Q45640：
想問老師03033 同埋03067
分別同埋邊隻 ETF 好一點
龔成老師：
兩隻都是追蹤恆生科技的基金，因此質是一樣，只是不同基金公司搞的。
3033成交較大，價格會較近資產價值，如果是短線投資可以考慮。
3067管理費較低，如果是長線投資，可考慮。