Q39451：

有事請教，有層50年樓齡唐樓

應否現時急放?

家人希望還健在時留錢旁身

龔成老師︰

首先，每個人都有自住需要，長線租屋會承受租金變動風險，所以前提是你家人己否解決好長期住屋問題。

如果解決好，即係這個唐樓係投資項目。

要否急放，我覺得未至於急，因為我預未來樓市平稳發展，唔大升，也唔大跌。

不過，始終佢樓齡高，投資價值會一直下滑，所以都要開始定規劃出貨。

Q39452：

龔老師 , 請教一下香港可以在哪個平台用槓桿交易到比特幣? 謝謝

龔成老師︰

我無研究香港個2間合規交易所，以我所知，應該只有海外某些D大型加密貨幣交易所(但非香港合規)、部份海外網上證券商、或者DEFI先有，你可以上網再研究下。

不過，本身加密貨幣係好高風險架投資，你再要加槓桿，其實係好危險，唔建議咁做。

Q39453：

好唔好買3066 or 3042?

龔成老師︰

南方東英比特幣期貨ETF(3066)是香港首批上市的加幣貨幣ETF。

由於這ETF並非投資比特幣「現貨」，而是投資芝商所的比特幣「期貨」。其投資目標是長線資本增長，而非追蹤現貨價。而期貨價格是可以大幅偏離現貨價，故不要誤以為ETF價格走勢一定會跟現貨一致。

發行商南方東英同時提醒投資者，投資此ETF要承受高波動性、轉倉成本等風險。較極端情況，投資者可以一天內損失所有投資本金。

至於華夏比特幣ETF(3042)係現貨ETF，會較貼價。2者比較的話，買現貨ETF會較穏當。

但你要明白加密貨幣係好高風險架投資，要控制好注碼，一個輸左都唔會明顯影響組合表現的水平。

Q39454：

龔sir，同可樂比，百事是否也可以考慮？那個較有投資價值？謝謝。

龔成老師：

都是有質素，可長線投資的，兩隻都各有優勢，可樂賺錢能力較強，而百事則發展較多業務，整體來說，可樂會略好（其實好接近）。

百事可樂（PEP）有質素。

百事可樂是一家全球性的食品和飲料公司，業務遍佈全球大部份地區，品牌知名度極高。過往多年盈利和派息，都有穏步增長。但由於企業已有一定規模，故難並不是高增長類別。

此股算是平穏增長型股票，有投資價值。現價計有已在合理區較上部，無貨只建議先小注分注進行，到有明顯回調，才開始正式入貨。

Q39455：

龔sir你好，想問下有冇推薦收息股同埋潛力股？點樣計算合理價？謝謝

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你33歲，應以增值為主，建議你用「平穏增長股」 + 「潛力股」作組合，去創造一個增值平台。

收息股不是不可持有，但不建議你現階段持有太多(除非你想保守D)，因爲長遠會拖低你組合的增長力。

你可以考慮一些平穩增值股，如果不懂選股，可以先從指數型基金開始。指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

至於估值，是投資中一個比較複雜的部分，好難用三言兩語講明，就算我自己的股票班都用幾小時的時間做解釋。。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入計算，基本上要好仔細的研究企業，要分析好多財務數據用比率，先至有較完整的答案。

如果你有興趣，可以閲讀本人的書，你可首先睇，了解一些投資的基本概念：

《圖解股票小百科》

《圖解美股小百科》

《80後千萬富翁》

《財務自由行》

之後再睇其他。

我YOUTUBE CHANNEL都會不時分享一些投資技巧和知識，你都可以睇下。

http://www.youtube.com/@user-rw4st4yg5v

另外，本人的【投資倍升股課程】會詳細講述各種估值的方法，適合初學者的，每一課後都會有指引比你，有興趣，可以直接whatsapp 55457212 我同事報名。

Q39456：

早晨龔Sir！我想同你分享下，話說琴晚同同事一齊搭的士出席公司活動，過程中同同事傾開計，我有問佢有冇諗過學下野，我同事就答我「有呀，自從我出現後，開始諗吓重新思考下，佢成日話我好正面，好樂觀，又好積極學野，令佢開始思考人生。」

我都係近排先入而家間公司，識佢哋都係倆個月到。我聽到好開心，好似開心過自己得到野咁。我估唔到自己一路做既野係不斷影響到身邊人😁 呢樣野令到我更堅定咁去積極向前做我所愛既野！

另外，我上年已經考獲瑜珈導師資格，間唔中去代課，過程當中非常享受，帮到人自己亦得到獲益不少，近排新公司知道我有教開瑜珈，亦帮我安排每個星期有一班俾我，雖然係義務教，但我亦好快答應

呢個係好好機會俾我增加經驗等等好多係錢買唔到體會同擴闊社交圈子，自己本身都好開心同人分享，所以唔會一開始淨係諗錢，只要帮到人，金錢自然會自己來，呢樣野都係受到龔Sir啟發！😌

我都要學龔Sir咁，係未來用自己知識去分享俾不同既人！

再一次多謝龔Sir!!🙏🏻

今日去上堂時同老師同D同學（佢哋已經係老師）傾開我義務教同事，佢哋反應好大，話我做咩要免費，呢啲係專業付出，講到好似我破壞行規，其實已經瑜珈呢行好多人為左吸引人收好底價，做爛巿咁滯，搞到我有少少突左下，有少少唔開心，唔知龔Sir 點睇？

龔成老師︰

其實做任何事，我地都好難滿足所有人的想法。

我覺得作為一位導師，賺錢固然重要，因為每個人都要生活。但有時候，都唔可以完全只做一些經濟價值高架事。當有能力時，抽時間做一些經濟價值低，但社會價值高架事，都係有需要。我講緊唔單只係瑜珈，或者係其他事，那怕是做義工、去種下樹，都係而一類。

而且，你都唔係為左頂爛市，而是一方面義務分享比同事，同時開闊自己社交圈，去幫自己創造機遇和新價值。這些內在因素，一般人未必完全明白。所以唔洗太在意，做好自己就好了。

不過，你班"老師、同學"都帶左一個重要訊息比你，就係行業競爭大左。所以，你都要思考如何優化自己獨特性，否則係高同質性架情況下，你只有一直減價去維持競爭力。

Q39457：

Morning Kung sir . 請問你點睇2018 & 788？ 有貨係手

龔成老師︰

瑞聲科技（2018）早幾年較弱，但又不是完全無質素的，近期有好轉情況。

之前智能手機市場較為一般，下游手機廠商持續去庫存，對這企業聲學業務帶來一定負面影響，管理層表示，由於與同海外客戶的多年緊密合作，才能保持了市場份額。反映這企業為了保持生意及市場份額，減價去保持這情況，同時反映市場競爭加大，管理層不得不這樣做，最終令企業盈利減少。

由於企業並不是完全無質素的，始終在行業都有技術，而近年這企業生意有好轉情情況，令業務開始穩定。

由於質素未能稱為最高，因此不建議投資太多，現價合理。

中國鐵塔（0788）近年增長力不如市場預期（雖然都有基本增長），令股價較難大升。

加上企業的ROE處於低水平，以現時企業的業務情況，雖然有發展，但增長力不強，所以股價也只是平穩增長類，投資者最好以收息及平穩增長角度，去理解這股。

這企業雖然增長力不強，但不是完全無質素，企業始終中國的3大電訊巨頭，都是佢的主要客戶，以及大股東，當5G發展及電訊相關需求持續增加，企業都會受惠，因此不是負面。

現時算是合理價，長遠算有基本發展力。不過，潛力度不算強，有收息及平穩增長的能力。

你手上有貨，如果占比不多，都可以持有住先。

Q39458：

龔sir, 如果想增加被動收入&增值, 但又唔想太高風險, 我考慮緊買入或月供2800定3110, 請問邊隻比較好, 還是有其他好提議, 謝謝

另外, 供用股係咪都係一個好選擇？ I.e. 港燈/中電

謝謝

龔成老師︰

盈富(2800)是包括幾十間質素不錯上市公司股票的組合，這些股票有升有跌，若你以月供股票，買入的價格就能平均，不用擔心一次過在高位買入的風險。

GX恒生高股息率（3110），是一個投資收息股的基金，追蹤恆生高股息率指數之表現。

可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

這是不差的收息組合，但增長力不強。

2隻ETF性質不同︰

如果你想財富有基本增長，可以集中少少係盈富(2800)，（2800）的增長力會比（3110）強，有平穩增值的能力，適合大部分人。

同時可以考慮加入美股（VOO)，Vanguard標普500指數ETF〈VOO〉，是追蹤標普500指數的ETF。

同時持有港股、美股，令組合更爲平衡。

如果你想主要係增加被動收入，可以集中少少係3110。另外，港燈（2638）、中電（0002）都是理想的收息股，可以用來增加被動收入，性質同3110一樣，只是分別在於3110係組合，0002/2638係個股。

Q39459：

龔成先生，你好！本人年紀不少，想在有能力儲蓄之時努力儲多啲作退休用⋯現每月能儲$7000。

請問現開始月供$3000etf (SPDR標普500）穩陣嗎？餘$4000就當現金儲定還是再分配投資儲蓄？謝謝！

龔成老師︰

VOO是追蹤SPDR標普500的ETF，是一個指數型基金，比起單一的股票有更高平衡風險的作用，你可以用佢作為投資目標。

我相信長遠中美兩國會是全球的主要經濟大國，除了買入美股ETF，最好都加入埋港股，例如，盈富基金（2800），咁樣整體組合會更爲平衡。

你可以$1500月供SPDR標普500ETF，$1500月供（2800），餘下既就等機會，若有明顯回調，就可以用來加注。

不過，你要明白投資係一個長線過程。如果你距離退休有5年以上，上述模式係可以。但若你少於5年，建議你加入一些收息股，去到平衡風險(至於加多少，視乎你風險取態和年紀)。

最後，等你累積了相當的財富後，係退休前就可以慢慢將佢地轉成收息型股票，為自已創造穏定現金流，供自己的退休生活。

Q39460：

你好龔老師，本人已經49歲，之前錯誤投資股票蝕50萬，將自己儲蓄都冇哂，現在沒有投資股票，將會有一筆60萬現金，放在銀行怕自己會用咗，我應該如何去投資組合會適合我年紀，謝謝

龔成老師：

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你49歲，建議你用「平穏增長股」 + 「潛力股」作組合，去創造一個增值平台。

由於你過往投資曾經失利，加上年紀開始增長，潛力股這類波動性的股票暫時不建議你投資，就算投資都只能小小注(最多佔組合1-2成)，可以先集中在「平穏增長股」上。

你可以動用$60萬中的$15-20萬左右去建立一個組合，其餘先儲起，等大跌市再有明顯回調，才慢慢加注。

平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

記住，投資切忌不要貪多求快，只要有紀律進行投資，將來一定有回報。

最後，緊記提升自己投資知識。因為長線投資回報，係必然同你架知識水平成正比。

我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。