Q26341：

老師我有個問題好想問。。作為專業投資者，每天都閱讀大量資料，例如年報，市場報告或其他理財相關書籍等。

但我連看一本巴菲特給股東的信這樣的書，都用上了3個星期，請問你有速讀和閱讀記憶的相關訓練嗎？

龔成老師：

我20年前開始一星期睇一本書，其實初期我都睇得好慢，但你這刻不要心急速度，因為你未有完整的知識基礎。

當你睇書大約一年後，好多知識已基本掌握，就會睇得快，到時可以再配合速讀（坊間有書教速讀的），其實原理是睇重點，不要在心中讀每一隻字，而是用兩隻眼作焦點快速跳去睇。

Q26342：

Shing kung sir, 我係股票班舊生，想同你討論下近排虛擬貨幣熱潮減退，

1. 因為加息縮表等大環境因素，大幅回落，同埋有報導話未來一年會成立一個統一嘅加密貨幣監管組織，是否長遠會 有利加密貨幣有秩序發展，增加透明度，大眾接受程度多咗？阿sir你對呢個組織有咩睇法？

2. 而家加密貨幣熱潮冷卻咗交易量低咗， 中短期影響coinbase業績, 但加密貨幣長遠配合元宇宙及NFT嘅發展（年輕一代接受程度較高）,覺得現時投資coinbase,似係絕佳機會（長線

7至10年十倍股嘅機會係咪高咗？阿sir你又有冇咩睇法（之前問過你,你喺facebook話風險度高咗，係指邊方面？

龔成老師︰

1)以本質來說，這是人為創造出來的，絕對不是「資產」，有沒有真正的價值，如何定義真正的價值，未知。

佢長遠的價值，取決於「有多少人用」，即是說，雖然無真實價值，但可以有「交易價值」，如果長遠好多人用，的確可能有高價值。

其實過往加密貨幣大升，除了因為市場認受性高左之外，全球印銀紙都係一個重要因素。所以，現在收水，不論傳統資產市場，定新興的加密貨幣，都必然受到影響。

但我地分析任何投資項目都好，一定係睇長線和件事架本質。如果你分析後，覺得佢有價值，係可以投資。但虛擬貨幣現時仍處於發展階段，風險度仍然存在，投資不能大注。

至於監管，任何監管對市場都會有負面影響，不過長遠睇，是希望行業有更正面的發展，不是完全無好處。

由於個監管係未落實，好多野都唔知，所以而一刻好難評價。不過，要落實一套全面適合全球市場應用的國際標準，其實都幾難。

我反而建議你多留意，所屬地區或國家性規管，對你可能造成的風險，會更重要。

2）7至10年，能否有10倍的升幅我不知道，因爲這股好難定義平貴，當大環境改變時，就算股價跌一半都不代表便宜。但我地投資佢，目標一定係以倍數計。

我話風險高咗，是因爲加密貨幣市場複雜左。愈來愈多大型機構參與，加上監管聲音多左，因此（Coin）的不確定性變大。而且，Coinbase上市以來，經歷首個加密貨幣熊市，都會令佢波動大左。

要視乎加密貨幣市場，而我地好難知會走去那一邊。現時正處不利的一面，至於日後會否好轉，好難講。

現時幣市較弱，但Coinbase收入主要來自交易費，故只要有人做買賣，佢就有錢賺，跟幣市牛定熊無直接關係。

睇翻佢2021年數據，BTC下跌的季度，佢收入環比反而高左。(當然，佢上市不久，加上用戶數量變化大，數據參考性要打少少折扣)

另外，佢現時開發緊NFT部份，NFT BETA版已剛上線。未來NFT相信會係一個好大架市場，但會以乜野模式發展，而coinbase能否配合，乘風而上，我地要再觀察。

暫時所見，集團依然有潛力，值得投資。

總括而言，你要投資coinbase係可以，但要記住︰

第一，風險十分高，如果投資者不能承受高風險，就不要投資。

第二，小心控制注碼，這股不是無值博率，如果投資者睇好，都只能小注投資，絕不能投資太多，只能佔整個投資組合少少就算。

要先設定總投資金額（總金額一定是不能太多），然後，就要以慢慢分注買入模式，以減少一次過買入價格的風險，當投入了總金額到了上限，就一定不能加注。絕不能以愈跌愈買的策略進行。

Q26343：

你好龔sir, 之前詢問過點樣增加財富管理，我既債務已經還清，還儲了一點點錢買入左一手2800 1手及2666 2手，但我應該怎樣計畫去增長財富？

我月入$17000 ，扣除所有開支，其實每月只可有$2000-$3000儲蓄或投資，謝謝你

龔成老師︰

還清債務已經算是完成理財的首要目標，再來就是財務的分配。

當我地進行投資增值時，係會因應自已的財政狀況、風險承受能力、年齡、負擔、要求回報等，從而確認那一類股票較適合自已。

盈富(2800)係包括60間質素不錯上市公司股票的組合，有助你平衡組合中的風險，現價合理。

環球醫療（2666）質素屬中等，未算好強。過往的業務都有發展的，但賺錢能力唔算好強，這股都有投資價值，現價合理。但暫時只是平穩增長類。

我地投資增值會運用「先增值，後現金流」作方法，假設你係年青至中年人士，應先做好增值，我一般建議用「平穏增長股」 + 「潛力股」作組合，去創造一個增值平台。

但如果你希望開頭穏陣D，或者你係年紀較大，你應該用「平穏增長股」 + 「收息股」的組合。你可以睇翻你自已年紀和風險承受能力，去做決定。

你現時經驗較淺加上儲蓄比較少，月供是比較合適的策略，你可以集中月供指數基，月供有助將價格平均，幫助你長期累積資產。

如有時間可以再了解以下股票：

收息股︰港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。

平穏增長股︰恆基（0012）、港鐵（0066）、中銀香港（2388）、平安（2318）、粵海（0270）、領展（0823）、希慎（0014）、太古地產（1972）等。

或潛力股可選安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845）、三星FANG ETF（2814）、安碩納指一百（2834）。如果有投資美股，可投資QQQ。但佢地波動性和風險會較高，你要自己平衡。

現時大市處於合理的水平，最好留有部分現金等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

Q26344：

1. ARKK你覺得係入面選擇股票, 會唔會有機會好有錢, tesla 係優質股票

2. berk 風險非常低, 但arkk 似乎比較濫, 就算tesla 賺錢

其他輸, 都係輸錢

3. 同埋9988 還值得買嗎？

龔成老師︰

1）ARK Innovation ETF(ARKK)主要投資一些創新性產品和服務的基金，是一隻潛力與風險並存的ETF。

主要持股包括潛力股，如TESLA、ZOOM、COINBASE、UNITY等等。TESLA係優質股票，但上落大，投資要控制注碼。

基金規模不算小，持有股票都有一定潛力，但佢有一定不確定性，算是有危有機類。

由於基金是主動型基金，當中的組合會改變，同時好睇基金經理的投資策略，因此，不單是考慮當中的資產，同時考慮「基金經理」。

因此，較難定義平貴度，當中持有的資產，不少都處合理區頂。但此ETF風險唔細，你要控制注碼。

2）Berkshire Hathaway Inc（BRK.B）即是巴菲特主理的巴郡B股，投資的都是大型綜合企業，可以理解為一個投資公司，風險度較低。

由於有巴菲特作操作，基本上有一定質素，有長線投資價值。

兩隻股票所投資的領域，以及目標都不一樣，（ARKK）潛力股的投資比例較多，（BRK.B）偏向穩健的公司。

ARKK唔係無投資價值，但佢持有股票，係高風險類，當大市弱，佢下跌壓力一定較大。但相反，大市好，當佢持股發展理想，增長潛力都會較高。所以，都係有投資價值，只係風險偏高。

3）阿里(9988)是優質股，但因爲政策的風險，中短期會較弱，現時都有投資值博率，如果無貨，可以小注；如果有貨，要控制比例在5-10%左右，平衡風險。

Q26345：

阿sir你好。我現時有

66@2手

3067@5手

1928@2手

我近呢兩個月有份額外收入，合共3萬左右，我想投資股票。我想問買66、1083、823定285比較好？

823屬地產股，同66性質相約，所以我都考慮緊。

另外我見你有時回覆網友要小注投資，想請教下何謂小注呢？1-2手？

謝謝你

龔成老師︰

以你29歲，可以選擇一些「平穩增值股」+「潛力股」作投資目標。

港鐵（0066）有質素，可長線。佢是全港唯一的鐵路營運商，加上政府會比佢地產方面的優勢。長遠正面，現價合理。

港華智慧能源（1083）正面的，大股東係中華煤氣（0003），有質素。近年增長力略減，但整體仍是好有質素，現價合理。

領展(0823)是優質股，有一定規模，現價合理。

比亞迪電子（0285）質素不差的，有潛力。睇佢過往發展都正面，有技術，而前景都唔錯。現價合理區底部，可以分注。

4隻股票都有質素，如果你想平穩增值就選領展(0823)，港鐵（0066）或港華智慧能源（1083）；如果想潛力度大小小，就選比亞迪電子（0285）。

領展(0823)和港鐵（0066）有相似的地方，但不全部相同，領展(0823)透過翻新收購商場為企業帶來增長；港鐵（0066）則壟斷了香港的鐵路網絡，加上沿線物業發展權的優勢，

都是對企業很有利的因素，雖然都有地產成分，但業務性質不全部一樣，兩隻都是優質的股票，都可以投資，但你留意現時持有的股票數目偏少，長遠最好增加至8-10隻較爲合適。

你的持股中，金沙（1928）雖然續牌件事係明朗化左，但博彩業依然存在不確定因素，因此都唔好太過進取，現貨可以持有，但就不要加注，其他有質素，可以長線。

小注大概是1-2手左右，目的是控制注碼，避免風險過高。

現時大市只在合理區中下部，就算想投資，資金唔好盡用。最好留有部份，等大跌市出現時，可以用來掃貨。

Q26346：

老師，32歲，只有十萬儲蓄，收入3萬穩定，請問進取一啲可以投資什麼？有無股票推介？

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你32歲，應以增值為主。你可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

如果你未來想「進取點」可以加大潛力股的比例。但在現階段我不建議，因爲你投資知識不高，潛力股這類資產有風險，因此可較集中在平穩增長類股。

潛力股，暫時只宜小小注（約2-3成）。此期間，你努力提高投資知識，才慢慢增加翻潛力股比例。

現時大市只是合理區中下部，你現有10萬資金可以先投入一半，用"分注"形式，慢慢買貨。餘下一半和每月所儲到的資金，就等大市出現一定程度的下跌，才大力度掃貨，然後長線投資。

Q26347：

老師你好，我買了你幾本書，亦打算報讀你的課程。 而我想先請問你一啲投資建議。

現在我約有數百萬想穩定投資同收息，投資長建 （1038)，領展 （823) 或中銀（3988）邊間公司較好？

而我亦想買美股或美國ETF 收息，請問有咩建議？謝謝

龔成老師：

3間都可以，但美股就不太建議，因為香港投資者收取美國股息，係要交30%稅額，未必值。

所以收息股，應集中在港股會較好。我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

以下是其他優質收息股，你可以參考下。但我地配置股票，還會因應年紀、目標、投資經驗等去做決定。故就算你打算投資收息股，都唔好用太多資金住。最好上完堂，有個完整的投資概念，再進行整規劃才出手，咁會較穏當。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

Q26348：

老師，近期經朋友推介，我經常看你的posts。 覺得你真的很有心，很勤力。

我一年多前提早退休，之前工作很忙，希望在退休後可以多享受生活，所以選擇了我認為比較“穩陣”的股票作為投資收息，有些股票是工作時慢慢蓄，有些是離職後用公積金買的。現在組合大慨情況：

0003 煤氣 90000 股 (@13.2)

0006 電能 16000 股 (@45)

0016 新鴻基1500 股 (@96)

0066 港鐵 20000 股 (@43)

0270 粵海投資 20000 股 (@12)

0388 港交所 1400 股 (@120)

1052 越秀交通 40000 股 (@4.9)

2388 中銀香港 10000 股 (@33)

2823 安碩A50 15000 股 (@11)

3067 安碩HS科技 20000 股 (@15)

但煤氣在今年三月宣布停止派紅股後，除了降低回報，也令股價急跌。這令我很擔心我的投資組合的平穩及派息。

我希望優化組合，提高平均回報至6-7%，但同時不想要化太多時間打理這些投資，希望老師給我點意見。

另外有朋友提議我買收益基金，老師有什麼看法？

現在我除了股票外，也有一些3-5年期的保本保息的保險儲蓄計劃作為退休後收入，年息約2—3%，也是比較低。

謝謝老師!

龔成老師：

由於你係已退休人士，投資應以收息為主。

你持有股票，都係有質素。但安碩A50(2823)、安碩HS科技(3067)是潛力型股票，風險較高，不適合你，建議不要持有太多。

港交所(0388)雖然都係潛力股，但同時有一定股息，你可以持有，但不宜佔組合太高比重。

煤氣（0003）取消派紅股，其實對佢無實質影響，因為派紅股只是左手數與右手數的問題，無論對長遠股價，或企業價值，都無影響。

不過，由於過往佢保持相同的股息，在派紅股的情況下，等同於股息增長。今年決定不派紅股，有可能反映管理層認為，企業往後的增長減慢，會對企業有不利。

但最重要，仍是睇翻企業之後的發展。暫時睇，企業仍是有發展的，但增長力減少左。

不過，最重要係煤氣(0003)和港鐵(0066)其實唔係收息股，佢地派息唔高，但有平穏增長力。建議你最少沽出部份，換至真正收息股中。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

你退休所得資金，除了買收息股，你都可以考慮在被動收入組合中，加入一些債券、年金、定息產品，去令佢更多元化。同時間，保留一定現金，以備不時之需。

至於保本保息保險計劃，都可以買少少。而收息基金，一般都有一定收費，其實你直接去買收息股或者債券，會較理想。

再問：

非常感謝老師就我的情況提出寶貴意見。

老師指出最重要的問題及處理方法（「最重要係煤氣(0003)和港鐵(0066)其實唔係收息股，佢地派息唔高，但有平穏增長力。建議你最少沽出部份，換至真正收息股中。」），

我非常認同。 但在執行上有些疑問。

1）什麼時候沽出煤氣和港鐵？（註：我現時的打算是沽50%-60%）

2）什麼時候買“真正收息股”？

3）二者應同步進行還是各有參考指標、因素？

4）很多謝老師推介的收息股。其中2638港燈-SS 及6823香港電訊-SS 過往數年派息比率都略高過100%，他們是否可以維持現有的派息？

5）另外778置富最近兩年（2020-2021）的營業額/收益都較2017-2019年低，有沒有問題？

抱歉一再打擾老師，期待聽取老師的意見。

也謝謝老師分享投資倍升股課程時間，由於我打算在疫情穩定後離港探親，時間不太確定，所以暫時不便報名。希望曰後有機會跟老師學習。

萬分感謝老師的提點及不斷分享正面訊息及生活態度！祝健康愉快！

龔成老師：

1. 由於你唔少貨，而你本身投資知識又唔係好高，我建議你5-6次，例如每1-2個月，就做一次換碼動作，去平衡價格波動風險。

2. 現在，因為你已退休。但大市只係合理區中下，最好留有2-3成現金，等大跌市才出手。

3. 同時進行，無參考指標。我地投資係講策略，而唔係估大市之類去行動。

4. 佢地係需要將大部份盈利去派息，故派息率理論上都會差唔多。不過，個實際金額，就無保證。但以佢地業務而言，相信要保持派息金額水平，係可以。

5. 近2年經驗大環境差，加上疫情影響商場營運，故其業務必受影響。而且，佢2020年虧損只是由物業重估所致，只係會計數字調整，唔係真金白銀咁蝕，所以佢整體質素其實無大變，可以持有收息。

記住，投資分析一定要睇"長線"。

Q26349：

龔sir, 想請教一下，我月供股票供左2年半左右，每月約$6-8000, 有以下股票

煤氣0003

盈富2800

領展0823

中銀2388

阿里9988

另外有

滕訊700 （4手）

置富0778（3手）

0367 （10手）

目前係全部都蝕緊錢，因為年尾準備移民了，你覺得我應該如何處理更好呢？

停供，照keep or 放部分？

謝謝你

龔成老師︰

如果你移民需要全數套現，現在開始就要分階段套現，避免價格波動風險；如果你不需要，可以繼續滾存，成爲你財富的一部分。

月供部分，煤氣（0003）取消派紅股，有可能反映管理層認為，企業往後的增長減慢，會對企業有少少不利，長遠仍有發展，但質素弱左﹐只宜佔月供較細比例。

盈富(2800)係包括60間質素不錯上市公司股票的組合，有助你平衡組合中的風險，可以繼續持有。

領展(0823)是優質股，有一定規模，可以繼續持有。

中銀香港（2388）係本地銀行股裡面，是較有質素的一隻，有長線投資價值，可以繼續持有。

阿里(9988)是優質股，但因爲政策的風險，中短期會較弱，長遠問題不大，可以繼續持有。

莊士機構國際(0367)質素一般，如要套現，可以考慮首先減持；至於騰訊（0700），置富（0778）有質素，可以持有。

你持有股票，整體上都有質素，若你係年青至中年人士，這些股票都係合適的。

Q26350：

你好，我2020年中左危疾，攞左筆保險金，我想作投資，保本及收息比定期高小小，銀行財務策劃師建議我買債券，分散投資唔同市場，

點知差不多兩年了，賺了利息也不及價位

跌。我買了以下三類債券：

中銀香港全天候亞洲債券基金一 A1（美元)類

中銀香港全天候亞洲債券基金一 A2（港元)類

施羅德中國股債收息基金（人民幣對沖）（收息）

現在三個債券共蝕了約20餘萬港元。

我應該賣了它們止蝕還是繼續等回本？

我買三款債券共一百萬港元

龔成老師︰

債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。

第一，有些債券基金，會投資「高收益債券」，即是「垃圾債券」，你一定要睇睇佢所佔的比率。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，較大機會出現賺息蝕價情況。

我唔係話債券基金唔投資得﹐但佢好複雜，如果你唔係好認識，就唔好投資。

所以，你要仔細睇睇這些債券基金的組合比例，垃圾債券的比例多唔多，A類評級債券要有一定比例。同時，你要了解佢的投資策略及風險度。

另外，就算你投資都唔好集中晒係債券，其實是較爲集中基金。如果你的投資目標是收息，可以考慮將部分資金分配到收息股上，建立一個「組合」，長期持有。

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

現時大市只在合理區，資金唔好盡用。最好留有部份，等大跌市出現時，可以用來掃貨。

另外，如果你健康狀況尚未穏定，我建議你保留部份賠償金，用作支援你醫療或休養期間的生活費。因為投資係長線，你唔好預佢會幫到你短期生活。所以，先要處理好短期生活部份，真係好有餘力才去投資。