Q44782：
多謝回覆，咁我只有7萬流動現金，想變成14萬元，可以點做
龔成老師︰
如果你的投資金額是7萬，以每年10%回報（連股息再投資）計算，大約越7年就可以達到倍增目標。
你可以用「平穏增長股」 + 「潛力股」作組合，去創造一個增值平台。
現時大市只在合理區，可先動用一半資金入市。保留一半資金，等大跌市出現時，可以用來掃貨，財富增值的效果將會更加明顯。
同時間，你要去努力增進投資知識，來提升你財富增值效果。你要多讀投資相關書本、年報，新聞和報讀相關課程。
書本上，你可以睇我寫架《80後千萬富翁》、《財務自由行》和《股票勝經》，都適合初學者。
Q44783：
阿Sir 我係你學生, 想問 ROE return of equity 係由咩組成？
點先睇到佢再投資率
龔成老師︰
ROE稱爲股東權益回報率 = 稅後淨利/ 股東權益。
是一個有效衡量公司質素的財務指標，佢個百分比就是再投資回報率。
但當中會有一些情況，會令這個指標效率下降，例如高負債。
如果你唔記得，記住睇翻初班筆記，當中有詳細講解。
Q44784：
老師,拿实物股票好嗎?
龔成老師：
如果你打算超長線投資，不打算短期賣出，可以，因為實物股票賣出不方便，所以一定要超長線投資，才這樣做。
而實物股票的好處，包括收股息不用比手續費，以及防止自己一時衝動賣出。
Q44785：
其實我仲係好疑惑！老師話長線一般5-10年！即係買咗隻股票就起碼等5年，咁呢5年淨等？
龔成老師：
大方向是等企業成長，就自然會帶動股價向上。例如某股在$100買入，5年後升到$200，就能有一定的回報，可能你會說，中間不斷買賣賺更多，其實實戰好難，例如當股票由$100升到$120，打算賣出等跌，但往往賣出後佢又會升到$200。
Q44786：
老師，我就黎30歲，最近先醒覺未來人生路要點行，之前都係渾渾噩噩咁過，到而家都未搵到興趣目標
龔成老師︰
就黎30歲，其實好後生，人生仲有無限可能。
更重要，是你開始意識到人生要有所改變，係已經踏出左好重要的一步。
接下來，就係思考未來走向。如果無想法，可以多接觸不同事物、工作、交新朋友、參加興趣班、睇書、旅行等，都可以開闊你思維，助你更易找到人生目標。
加油!!!
Q44787：
內銀點睇？
龔成老師：
由於內地經濟無過往年代咁強，內銀股價無過往咁好，由中美貿易戰開始，中國的經濟動力已有所減少。
如果是4大內銀，其實本身質素不差，有一定的規模，在全球都有網絡，本身不會無質素的。
不過，增長力不算強，只是收息股。
同時，前景算是不過不失，中短期會因中國經濟有影響，銀行業的賺錢能力不及從前，加上壞賬因素，影響盈利，不過股價已反映。
Q44788：
想問一下印度基金未來發展會係點
龔成老師︰
印度作為全球人口最多地方之一，有一定發展潛力。
但我自己偏向睇好中美發展，所以無太深入研究這個市場。如果你睇好的話，可以考慮投資相關基金。
我相信發展力都有，但始終較新興，不建議投資太多。
我地進行基金投資時，你可以分析以下的數個要點：
-
基金投資地區、資產類別，是否自己睇好
-
風險度是否適合自己
-
基金經理團隊的實力
-
收費及條款（限制某年期不能賣出）
-
比較能否跑贏大市（例如投資美國股票的基金，就比較美股標普500指數，過往5年、10年的表現）
Q44789：
老師，我在看你的書。如果想知道股票的ROE，請問可以在甚麼網查得到呢？謝謝老師
龔成老師：
最簡單是財經網站，如AASTOCKS、中銀網、經濟通，在公司資料找「財務比率」，再找「股東權益回報率」就是ROE。
Q44790：
Sir 3988 2388 二隻風險一樣？
龔成老師：
風險不同的。
中行（3988）股價增長較弱，但股息較高，適合收息投資者，這企業會面對壞賬問題。
中銀香港（2388）股息就不及中行，但股價增長力比中行強，適合收息及追求基本增長的投資者。企業面對香港經濟問題。
Q44791：
老師，如果有隻股票，佢係11月6日除淨，12月16日派息。
如果我手頭冇貨，是否應該在12月16號派息後才入貨呢？謝謝老師🙏
龔成老師：
不需要。
股市以「除淨日」作區分有無息收，以及股價會反映派走息後的權益。
至於12月16日派息日，就是收到息的日子，並非用作確定有無息收，同時對股價無影響。