Q36921：

龔sir你好，想問下你呢 如果想短炒 最近有冇咩股好推介？我早前被詐騙集團呃咗成副身家，好希望可以賺返啲錢返嚟⋯⋯

龔成老師︰

你現時要做的，首先，不要急著賺翻輸的，因為財不入急門，要一步步的。第二，要從基本面著手，做好理財，例如增加收入，減少支出，訂合理的理財目標，第三，增加理財知識，這是財富的基礎。

我明白你想盡快賺翻錢，但如果行錯路，只會離目標更遠，你一定要明白這點！

另外，我要糾正你一個錯誤的投資觀念，我地投資一定係長線，你見全世界最成功的投資人巴菲特，都只會做長線投資，唔會短炒。

因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。

所以，我地唔會好似坊間散戶咁，經常要睇住個股價上落。反而係投資前，我地要做較多準備功夫，去分析一間企業質素和平貴度，以制定入市策略。

當買入後，只要佢長線質素無明顯轉壞，我地長線持有，讓其自然增值就可以。

其實我經常都收到不同的網友，與我分享被騙這類經歷，有些更有大額損失。

要避開投資騙局並不難：

第一，不要胡亂加入財經群組。

第二，不要輕信別人意見。

第三，買入股票前要有自己的獨立分析。

我知道現時詐騙的手法真的層出不窮，防不勝防，但最重要的是不要貪心，當陌生人提到錢的時候，一定要提高警覺。

現時的你在心態上都需要有一個調整，唔好因爲想快啲搵返啲錢就盲目投資，財富累積需要時間，這方面的心態一定要調整。

Q36922：

我想問吓3110、2800及939

長遠邊隻作收息股最好？🙏

龔成老師：

如果你目標是收息，可以投資GX恒生高股息率（3110），再加上建行（0939），比例上，3110可以較多。

3110是一個投資收息股的基金，追蹤恆生高股息率指數之表現。這指數投資一些在香港上市，大型的企業，加上要有一定的派息的上市公司。

基金有50隻成份股，以下是基金部分持股：

中國海洋石油（0883）、中國神華（1088）、中國宏橋（1378）、中石油（0857）、中煤能源（1898）、電訊盈科（0008）等。這基金雖然收息組合，但增長力不強。

另外，由於基金持股集中在中國企業，投資者不能只持有這基金，最好視為收息股的其中一員，如果投資者低風險，宜同時持有其他的低風險、收息工具。現時算是合理區較下部，可以分注投資，長線持有。

Q36923：

你好！可以講下海螺創業嗎？

龔成老師：

海螺創業（0586）近年賺錢能力減左，但不是無質素，以長遠計，仍有發展，企業長遠生意與盈利都有理想增長，財務數據理想，負債不多。

佢係一家節能環保解決方案的綜合供應商，主要集中運用於水泥行業，並計劃提供具有節能環保特點的替代型綠色建材，主要業務包括：

（１）節能環保解決方案：包括生產與銷售餘熱發電、立磨與垃圾焚燒以及維修與相關售後服務。

（２）港口物流服務：主要從事貨物處理、轉運及倉儲服務。

（３）投資建材公司及其他投資：包括投資海螺集團公司。

現價算合理區中下。都有長線投資價值，但不建議投資太多。

Q36924：

1499便宜？

龔成老師：

歐科雲鏈（1499）屬較高風險類，要睇下你博唔博。過往持續虧損，見佢股價上落好大。只可以話，唔建議大注，自己衡量風險。

佢近年轉型，提供區塊鏈相關業務，但不確定性較高，因此未見佢有好大的獨特性，投資價值未算高。

Q36925：

老師，我知你28歲已有$100萬，又不斷學投資。

是不是因為你對股票有興趣才去學？而某些人沒有興趣，所以投資往往失利？身邊朋友大有人在

龔成老師：

雖然我本身都有興勢，但最重要的是，我明白理財是十分重要，因為這是每個人都要面對的問題，但好多人只懂炒賣。

我地理財投資，是考慮在自己可承受風險的前提下，盡力爭取合理回報，同時建立長期配置。如果無知識，就會好易失利。

Q36926：

早晨，想問現時買700/388較好？

龔成老師：

其實兩隻都不差，都有長期的投資價值，現價都合理。如果2選1，現水平港交所的投資值博率會略高。

港交所（0388）有質素，獨市生意，加上香港的金融中心角色，這企業有長線投資價值。多年來的生意與盈利都有理想增長，派息不差。

但要留意，由於這股的盈利會受股市成交影響，因此股價都會有影響。而近年的成交弱，會對這股中短期股價有不利影響。

不過，只要投資者分析港股較長的年期，都會發現，成交有一段時間會較多，又有一段時間會較少，同樣，公司上市會睇市況，當市況較旺時上市公司數目較多，市況靜時上市公司數目較少，投資者一定要明白週期性的特點。

因此，就算近一年港股成交較少影響港交所盈利，投資者不用擔心這股無價值，因為週期的因素，成交好轉是時間問題，只要投資者耐心就得，不過短期可能較一般，現價合理區底部，分注可以。

Q36927：

Sir, 近期幾隻銀行股終於等咗兩年有得升，系咪繼續持有?

龔成老師：

你預佢地長遠，都是收息及少少增長，而現時估值不貴，因此可長線，但要明白佢地的增長力不算特別強，以收息為目標，則可以。

Q36928：

想問收息股來說, 香港電訊同陽光房地產基金比較, 那隻較好? 謝謝

龔成老師：

香港電訊（6823）會穩陣少少，佢長遠有質素，是不差的收息股。

佢是香港的固網、流動通訊及寬頻服務的綜合服務供應商，提供本地電話服務、本地數據及寬頻服務、國際電訊服務、流動通訊及其他服務。佢亦透過中盈合資公司，向中國的電訊營運商提供網絡整合及相關服務。

綜合來說，可以用「業務穩定」去形容這企業，整體的業績不差，但又沒有特別驚喜，整體業務穩定。

另外，佢用全派息的政策，即是賺幾多派幾多，所以派息比率會高。只要佢之後保持賺錢能力，派息就能保持。這股可長線的。

股價增長力不強，不過就是理想的收息股，股息率不差，現時處合理區較底部，投資者都可以分注投資，長線持有，作長期收息。

Q36929：

ASML雖是潛力股，但現價仲適合買嗎？

龔成老師︰

ASML有一定的質素，以及規模好大，有技術，有優勢。

佢係半導體製造中使用的光刻系統的主要製造商。光刻是利用光源將光電路模式從光層暴露到半導體晶圓的過程。

佢個領域的最新技術進步使晶元製造商能夠不斷增加同一領域矽的晶體管數量，而平版印刷歷來佔製造尖端晶元成本的一部分。

晶片製造商需要ASML的EUV光刻機，才能生產先進製程的晶片。ASML的產品用於所有主要半導體製造商，包括英特爾、三星和台積電。

這股有長線投資價值，但很多時都較貴。但始終有一定長線投資價值，可以小小注咁慢慢分貨。

現價依然算合理頂部，已經唔平，加上佢本身風險都高。所以，要小注分注或者月供去慢慢儲，咁會較穏當。

Q36930：

龔sir ,請教一下你，如果我想轉工轉辦公文員的相關部門，其實係想找人工高D的工作，但係澳門除左莊荷人工高，唔知可以做咩？

我係唔係一定要去學寫公文，學寫電郵，一定要識word,excel,才能有面試機會，我其實文書處理唔係好叻，只係一些人人都識的我識，我想增值下，係唔係一定要讀下文書處理軟件個D,才能有面試機會？

龔成老師︰

有無面試機會，其實好睇你面試既公司需要什麽類型既人。

有時候明明學歷不是太高，但經驗搭救，都有可能獲得面試的機會。

但講真，如果只是一般普通的文書工作，就算你再叻，人工都會有限。

個個都識既野，老闆好難一定要請你，都好難比到高既人工。

優質既股票固然有與別的公司不同之處；其實人都一樣。

醫生，律師之所以有比普通人高的人工係因爲有專業資格，不是人人都可以做。

你想將來有高既人工，就要有同人不同的地方，所以，與其去學你不擅長的文書，倒不如多認識自己，發掘自己既專長，只有做你真正擅長既野先可以幫你增加收入。

工作橫跨我地大半生，職業規劃其實唔使太心急，你宜家有工作就可以，最少保障到自己既基本生活開支，然後多接觸外面既事物，當你發現自己想發展既方向既時候先轉都未遲，因爲轉工都有成本。

其次，你可以同時吸收投資的知識，你可能未必屬意在投資的行業發展，但投資先有機會令你致富，任何人都應該去了解。

書本上，你可以睇我寫的新作《圖解股票小百科》以及《80後千萬富翁》、《財務自由行》，都適合初學者。

我YOUTUBE CHANNEL都會不時分享一些投資技巧和知識，你都可以睇下。

http://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。