Q46281：
想問下見到隻新股最近出左「穩定價格行動結束」是什麼意思？
其目的不是要穩定價格 避免股價跌得太低？
龔成老師：
簡單來說，「穩定價格行動」是新股上市初期的機制，當這項行動結束，代表負責護盤的機構（通常是該次上市的保薦人或承銷商），已經完成了法定的托市任務，不再有義務主動買入股票來支撐股價。
其實這行動的目的，是新股上市初期（例如30天內），防止股價因短期大量拋售而跌破發行價。
Q46282：
7500 》 $4 買
7552 〉 $2.9 買
兩隻都差不多虧損投資嘅一半 。
持貨年幾兩年，要壯士斷臂，或是逐步減持，買返跟大市上 ？！ 🙏🏻😓
龔成老師：
7500是反向基金，好難玩，同時無得守，賣出。
7552是反向基金，好難玩，同時無得守，賣出。
這類基金，你持有愈耐，就愈貶值。
Q46283：
龔sir, 我見而家微軟啲數據（ 市盈率、市現率、預測市盈率..）低於我們美股班個範圍。
這是否代表買入信號？ 我覺得好突然。好似無咩發生咩事，就到左美股班教便宜區，我想問一問，確認一下
龔成老師︰
市盈率、市現率、預測市盈率，的確是低過之前範圍，所以從投資值博率上，比之前吸引左，但同時，都有好多考慮因素。
微軟公司（MSFT）有一定的質素，佢係極少數，多年來都在全球市值前排位置的企業，因為幾十年間，經濟模式不斷改變，但佢仍是處一個有優勢的地位。
雖然已有一定的規模，但營業額每年仍有增長，投資價值絕對有。
管理層近年表示，正在創建由人工智能提供支持的平台和工具，以提供更好、更快、更有效的解決方案，以支援小型和大型企業的競爭力，並通過向個人和企業提供廣泛的基於雲端的解決方案。
可見，這企業雖然規模很大，但絕對不是一間無增長力的企業，憑著當中的優勢與技術，利用人工智能的行業發展，帶動企業業務更進一步。集團是ChatGPT公司OpenAI，Microsoft是主要的金主。
企業擁有一定的優勢，與技術，雖然行業不斷變化，但企業仍能保持優勢，相信長遠發展仍正面，優質度無問題。
但由於市場過往過份睇好佢同OpenAI架合作，令估值過度偏高。因為現水平算合理翻少少，算處於合理區上部，可以分注和長線持有。
雖然佢股價回調左唔少，但依然係唔平，現時在合理區，可分注，投資值博率比之前增加，但都要控制好注碼。因為未平。
至於點解回調咁多，其實就好似我Youtube影片講咁，我不時提大家，AI係有發展，但係背後資本投入好高。
另一邊，收益增長幅度，跟本係追唔倒。更重要，係連企業CEO都答唔倒，幾時會追倒，只係知要不停投入資金落去。
市旺，大家只關注利好因素，咁佢自然長升長有。
但而家市弱，大家會開始關注不利因素，自然股價會開始回調。
成件事的確無大變，只係市場開始慢慢理性翻。
Q46284：
龔sir早晨！
我有些小煩惱，希望妳比個意見🙏🙏
本人55歲！女兒己婚另住！
自住公屋.租要五千幾六千蚊 (女末除名)！自人工17000！傢庭可用置業有160萬！有份2O萬理財保險！ 現考慮！
1:自己抽新居屋或買二手公屋(二百萬左右)！
2: 繼續住公屋(女除名/搬細屋)
每月交二千幾.可保留股票收息！
還有餘錢！
希望 龔sir畀下意見！十分感謝！
龔成老師︰
考慮到你現時資金只有160萬，同時都接近退休之年。
我偏向建議你住公屋，餘下資金用於建構退休組合。
因為你買居屋的話，不單資金盡用，仲要供樓。咁你退休時，雖然有個自住物業，係唔洗交租，但手上用於退休資金會好少，未必咁理想。
反而你保留較多資金，用於未來投資，去累積大個退休本錢，可能會更有利。
Q46285：
龔Sir你好，想請教你除咗這些已入股票外，想投入$50萬繼續追求高息及平穩增長。如果揀
美股：VOO佔16萬、Goog佔4萬
中銀香港18%
中信國際12%
中移動12%
領展10%
偉易達4%
順豐房託4%
這樣新舊資金比重會否過多或行業重疊？如果係可否給予其他股票建議？謝謝你🙏🏻
龔成老師︰
其實你已經退左休，我建議你集中係收息股就得。
你港股部分基本上都是收息或平穩類，問題不大。
但美股就要控制翻。
VOO和Google可以持有，但只宜佔少比重，特別是Google。
其餘架，可以參考以下收息股︰
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。
[各類收息股比較] https://www.youtube.com/watch?v=t1VSoLLtpic
[避開"假"收息股方法] https://www.youtube.com/watch?v=3bf4bhV-f-g
Q46286：
龔成師傅
想問一下我有一筆錢，應該選擇哪隻股票可以長揸呢，
中銀香港也是心水，但係股價是偏貴，如果我想買應該那個價可以買入呢， 另外希望師傅給我一些意見， 那些股票係可以留意下 ，可以長揸，謝謝
龔成老師︰
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因此，你在選擇應該投資那一類股票時，會係因應你人生階段、投資經驗和風險承受能力，去做決定。
假設你係年青至中年人士，你可以先留意「平穏增長股」 + 「潛力股」的組合。如果你係偏年青，比例大約可以去到各一半。
但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。
你可以因應自己情況，將資金"慢慢分注"投入相關股份。
如果不會選股，就投資指數ETF，如2800、VOO。因為佢地係一籃子架股票，較具分散風險能力。
你可以參考一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可留意下潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，再決定是否從中選股。同埋，佢地波動性和風險會較高，要自己平衡。
Q46287：
龔成你好，我想問我月入40k，4人家庭有供樓，計哂必要開支每個月得3000 可以投資，其實咁少錢可以做啲咩？定繼續儲下錢算
龔成老師︰
其實只要每月有錢剩，已經可以進行增值。
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因此，你在選擇應該投資那一類股票時，會係因應你人生階段、投資經驗和風險承受能力，去做決定。
假設你係年青至中年人士，你可以先留意「平穏增長股」 + 「潛力股」的組合。如果你係偏年青，比例大約可以去到各一半。
但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。
現在你每月先用5成儲蓄，即$1500做月供。其餘先儲起，用一邊月供一邊儲蓄的策略。
月供方面，你可以參考一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可留意下潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，再決定是否從中選股。同埋，佢地波動性和風險會較高，要自己平衡。
由於你每月資金少，可以先集中供盈富(2800)和VOO這類指數ETF，因為佢地較具分散風險能力。
至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
Q46288：
咁如果我買3081，
而家大概$24，
我應該預計上升幾多就賣出呢？
或者咩情況我先要減持呢？
龔成老師︰
其實你預長線持有，因為佢主要係大風險出現、或者減息，佢就會升。
佢唔同企業，好難話幾時叫做貴。
但如果明顯，市場預計會進入加息週期，咁可以減持部份。
Q46289：
好想同你講聲多謝，幾年前已經關注你，我本身唔識得儲錢，聽你講月供股票之後我就嘗試左供港鐵同盈富基金，港鐵咁多年都係20幾蚊供的，近排見到股票終於有上升，好開心，雖然賺得不多，但係好有成就感，多謝你🙏🏻
你提議既月供股票對於我地月光族黎及唔使投資既人講好有用
另外我想供多份00388，可以提供下意見嗎，謝謝你
龔成老師：
我希望教到大家正確的理財知識，相信你都能做到，你之後記住長期去做。
首先，月供股票是長期，你可以繼續進行，當然，都要持續分析企業情況，以及如果該股佔你組合比例已多就停。
2800、0066，你都可長線，但由於0066是一隻股票，比起2800風險會高D，所以當0066去到一定資金就可停，同時開始供其他。
你考慮加入港交所（0388），可以的。長遠來說，可慢慢加入其他優質股，建立長期更穩健及平衡的組合，以及加入美股，最入門是（VOO）。
港交所（0388）有質素，獨市生意，加上香港的金融中心角色，這企業有長線投資價值。多年來的生意與盈利都有理想增長，派息不差。
但要留意，由於這股的盈利會受股市成交影響，因此股價都會有影響。
早幾年成交弱，令這股近年股價較一般。到最近，港股成交好轉，這股股價向上。所以，你會見到佢股價十分波動。
投資者分析港股較長的年期，都會發現，成交有一段時間會較多，又有一段時間會較少，同樣，公司上市會睇市況，當市況較旺時上市公司數目較多，市況靜時上市公司數目較少，投資者一定要明白週期性的特點。
現價合理區中間，分注可以，企業長遠仍有發展力，但短期會較波動，都要留意風險。
Q46290：
老師你好 想問山東黃金值唔值得入手？
🙏🏾🙏🏾
或者如果想買金 應該買邊隻好？
龔成老師：
如果最基本，就是買實金或黃金ETF，例如
ＳＰＤＲ金ＥＴＦ（2840）係一隻追蹤黃金價格的交易所買賣基金，當金價上升，佢都會上升，當金價跌，佢都會跌。
睇翻佢過往的價格表現，基本上都追蹤到黃金的價值，因此都可以成為投資黃金的工具。
至於金礦股如山東黃金（1787），你預金價升，佢有機會比金價升更多，但金價跌，佢都會跌更多。
1787主要於中國從事黃金採礦及加工，以及銷售黃金產品。
佢係於中國合共控制及經營十幾座礦山，大部分位於山東省，並於中國擁有多個選礦設施及冶煉及精煉設施；當中，持有一定數量的黃金。
佢雖然有一定的資產價值，個都要留意番，雖然這類資源股雖有投資價值，但只算中等。
原因是這樣，資源本身有一定的價值，但盈利始終受國際黃金價格影響，本質上會較為被動，無乜價格自主能力，同時產品無差異性，是典型的商品企業。這類企業都有一定的投資價值，但就不會太高。
我之前有影片，比較不同買金方法的利弊，建議你睇左先：
https://www.youtube.com/watch?v=pWdMCqwJiMY