Q40491：
龔 sir: Citigroup 的 PB頗低 但 PE及operating income 則不太理想。我們該怎樣判斷這間銀行股價的升值潛力？
另外，從基本分析的數據上似乎 JP Morgan 、高盛甚至美國銀行似乎比花旗銀行優質。請問這樣看對嗎？
謝謝您 🙏
龔成老師：
你要掌握每一個衡量企業的指標，PB、PE是用來量度平貴度的指標，而operating income是分析企業質素的指標。
我地在分析企業時，要先確定企業質素、發展，去決定有無投資價值。之後就會配合平貴度，去衡量否當刻投資，及投資策略、注碼等。
花旗集團Citigroup, Inc.（C）不差的，但增長力不強。
花旗集團是一家全球性的金融服務公司，在100多個國家和地區開展業務。花旗集團的業務主要分為兩個部門:全球消費者銀行業務和機構客戶業務。
該銀行的主要業務是跨國公司的跨境銀行需求，投資銀行和貿易，以及美國的信用卡服務。
過往生意平穩，但就無乜增長力，而盈利則有點波動，現價合理，雖然投資價值都有，但不算最高。不建議太過大注投資。
Q40492：
老師，想請教蘋果AAPL近期適合入貨嗎？
龔成老師：
Apple（AAPL）有質素，無論技術、發展、品牌、銷售網絡都十分強，是可以長線持有的股票。
佢設計了各種各樣的消費電子設備，如智能手機（iPhone）、（iPad）、智慧手錶等。而iPhone占蘋果總收入的大部分。另外，蘋果亦為客戶提供各種服務，亦是一些延伸的賺錢模式，如蘋果音樂、iCloud、蘋果電視、蘋果支付等。
蘋果有很強的護城河優勢，其中一項是來自高客戶轉換成本，再加上當中的技術、發展、品牌、銷售網絡都十分強。
除了留意iPhone等產品的銷售外，也要留意其他收入，因為智能手機只是平台，只是其中一個產品，蘋果努力擴展其他收入，同時有另一項業務，賺錢能力比產品類更高，就是服務類，蘋果正擴大 iOS生態系統的覆蓋範圍，近年對收入貢獻比例不斷提高。
投資者買入這股後，可長期持有，就算有中短期波動也不用擔心，除非蘋果的核心質素有變，否則，若果只是一些中短期問題，例如中短期產品銷售、中短期供應鏈問題、中短期研發無突破，投資者不用理會，只需耐心持有等企業成長就得。
由於已經發展得好大，之後會進入穩定的增長期。長遠的投資價值仍在，如投資要分注，長線，現價算是合理區頂部。
Q40493：
係咁既！我之前狂買野..差落銀行好多卡數..但兒家已經洗心革面唔再買..慢慢還緊..想問下我有冇方法可以係還卡數時間入面仲可以儲到錢..同埋有咩方法可以係還清卡數之後賺到第一桶金..
我扣晒所有的開支，每個月還晒卡數之後都冇錢淨..今年之內都要還，好苦惱
龔成老師：
其實有幾樣野可以做。一，因為到年尾其實唔算太耐，不如把握呢段時間先提升理財投資知識，等遲d可錢剩可以開始儲錢時，再配合投資技巧，相信效果更好。
二，可以考慮做下兼職，增加收入就可以有錢剩
三，無本創業，諗下自己有咩興趣、強項，加以利用去賺錢
Q40494：
我去年12月買左XX公司的基金，明明見隻隻都升，但我總數就系虧，我lum系買入同手續費不是同一日扣除的關係，點算呢？系唔系擺耐d會升翻多d？
龔成老師：
基金分好多總，要睇你買咩，股票基金、貨幣基金、債券基金等，就算你買股票類的基金，都要睇佢裡面的成份，如果當中的成份同今次升的類別無乜關係，咁你就唔可以睇最近升的股票作為指標
所以，你要了解那基金的組成，投資策略等
另外手績費等可能只係一部分，一般不會太多，其實你可問翻那個sell你的理財顧問，了解下手續費雜費等情況，同埋點解近期升而佢唔升，當然這有好多因素，不一定這就代表這基金有問題的。
Q40495：
成哥我想問下咩叫沽空呀？
龔成老師：
即是你手上無貨，賣出，等股價跌先再買入，能在跌市中獲利。要注意，並不是所有股票都能沽空的。
具體的操作方法，第一，先問證券行借貨，第二，賣出股票，第三，到某個位買入股票，第四，將貨還翻比證券行。
要留意，沽空都有一定的風險，如果賣出股票後，股價持續上升，就要以一個很高的位買入，將會出現很大的虧損。
Q40496：
老師，係咪揀D優質股，就唔怕坐？
龔成老師：
要睇幾個因素，第一，企業質素有無核心性改變，第二，現時不利因素只是一些中短期因素，第三，你持有該股的比例不算過多。
Q40497：
龔sir 請問如何做到複利息？
龔成老師：
投資有增長力的項目，如果長遠保持增長，已經是有複息的作用。另外，如果投資一些有派息的工具，當你收到息後，再投資，已經是一個複息滾存的動作。
Q40498：
老師，我要仔仔跟你學早啲儲錢、正確投資，將來先會財務自由
而唔係依家吃喝玩樂、搵到錢時又胡亂投資血本無歸。我之前嘅教訓，可惜當時冇似你咁嘅導師
龔成老師：
正確！及早理財十分重要，現時年輕人經常亂花錢，但如果有理財知識，能做到儲蓄，有理財目標，穩健投資，將來的路會更易行，你同仔仔都加油！
Q40499：
龔老師，我想問下
1. 除淨日果日股價會自然下跌，但其實幾時和邊度可以睇到跌至的股價幾多？e.g.除淨前一日每股30蚊，我點知除淨日開市股價，從而決定是否入市？謝謝。
2. 另外，除淨日至派息日前，賣左手上的股票，咁仲會唔會收到股息？
龔成老師︰
1）一般的財經網站，都會寫「除淨日」及「今次的股息」，舉例說，9月2日除淨，派息$1，如果9月1日收市價$20，理論上9月2日的開市就會調整至$19。
其實除淨前買或除淨後買分別都不大，除淨前買你收到股息，但買入的股價相對較貴；除淨後買無股息，但相對較便宜。
關鍵還是要睇翻企業的質素以及前景。
2）只要你買入股票並持有直至除净日前一個交易日，就可以享受股息。除淨日至派息日賣出，都可以享受股息。
Q40500：
建設銀行同中銀香港比較，邊隻相對值得投資
龔成老師：
建行同中銀香港，都是有質素的，都可長線，2388優質度略高，增長力會強少少。至於建行就股息高D，但增長力比2388弱。兩隻都可以選，要睇你本身的投資目標。
若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。
由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。