Q48291：
老師，如果想買美股Google,
應該揀GOOG or GOOGL?
龔成老師：
谷歌（GOOG）與谷歌A（GOOGL）
Class A: GOOGL
Class B: 僅限公司內部交易，每一股有10票投票權
Class C: GOOG ，沒有投票權
其實GOOG與GOOGL無乜分別，見兩隻交成金額接近，投資者買那一隻都無問題。
如果你無所謂，又不打算投票，就GOOG。
Q48292：
請問方德証券穩陣嗎？
朋友問用方德証券買賣股票ok嗎？
富途牛牛或方德証券邊間較好？
龔成老師︰
2間都係合規，但你其實作為退休人士，正常唔應該做太多交易。
因為你投資目標唔係增值，而係用收息資產(如收息股)去收息。
所以，你用自己認識，同埋最方便架就可以。
SFC持牌人及註冊機構的公眾紀錄冊︰
https://apps.sfc.hk/publicregWeb/searchByName?locale=zh
以下有關退休配置的教學影片，你可以參考下︰
https://www.youtube.com/watch?v=U9NNezbDob8
Q48293：
Sir, 請問TSM, ASML, TSLA優質度同投資值搏率會點排？
龔成老師：
如果同時考慮質素，風險度，獨特性，長遠發展力，現價平貴度。綜合以投資值博率來計，ASML, TSLA, TSM
ASML有一定的質素，以及規模好大，有技術，有優勢。
佢係半導體製造中使用的光刻系統的主要製造商。光刻是利用光源將光電路模式從光層暴露到半導體晶圓的過程。
佢個領域的最新技術進步使晶元製造商能夠不斷增加同一領域矽的晶體管數量，而平版印刷歷來佔製造尖端晶元成本的一部分。
Q48294：
龔Sir, 早晨呀
如果想美股ETF, 有邊幾隻值得投資？又有邊幾隻而家喺合理價之下，有較高值博率呀？Thanks
龔成老師：
最入門可以選擇VOO、QQQ，現價大約在合理區中上，只要利用分注模式，不要一次過大手買就得，你預QQQ風險較高。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
Invesco QQQ Trust（QQQ）是追蹤美股納指的ETF，長遠有潛力，是最簡單投資美股潛力股的工具。
美國的納斯達克指數，當中在多間大型的國際非金融上市公司，成份股以市值作基礎，並以一些規則平衡較大市值股份造成的影響。這些企業潛力較高，但風險都會較高。
如Alphabet、亞馬遜、英特爾、Netflix等，都是全球最大型的科技類公司。
長遠有一定的潛力，但要留意，指數較為波動，現價已在合理區中上，不建議這刻大手投資，最好的方法，就是月供或分注小注投資，長線持有。
Q48295：
你好，我早前買了老千股，輸了20萬,但是我不明白對方是叫我邊個價位入貨,邊個價位出貨，錢是入證券賬戶，對方如何獲利？
龔成老師：
由於這些股票成交少，加上莊家及相關人士已經持有了絕大部分股票，街貨很少，其後就以多個戶口，不斷由戶口A賣給戶口B，戶口B賣給戶口C，由於貨源都是自己控制，因此很容易將股價由$1推高至$10（整個過程都是犯法）。
當股價升至最高點時，就會在投資群組推介，甚至該上市公司會配合去發放利好消息，吸引更多人買入。
甚麼都不知的群組成員及散戶，就會在最高位買入，背後的老千集團就能將原本只值$1的股票，以$10賣給散戶。之後無人再維持假的股價，股價就會大跌至$1，散戶損失嚴重。
簡單來說，佢地好耐之前，已經在$1入貨，人為炒上$10，然後用$10賣比你。
Q48296：
你當年平均一萬多人工，五年怎样存100 萬？
龔成老師：
當年有逼自己做兼職，加上好慳，以及利用投資進行增值，最後成功在5年內滾存到$100萬！
Q48297：
本人係澳門股票班嘅同學, 想問一下, 股息係咪等於公司打算攞幾多錢出嚟派？
派息比率係咪等於公司每賺$100，就攞幾多錢出嚟派
股息率就係等於市場投資者要求回報有幾多或 投資者會投資$100，回報率就有幾多？
每股盈利就係公司盈利/發行股數
每股股息公司派出去股息/發行股數
謝謝回覆
龔成老師︰
[每股股息]
即係公司派發總股息金額，除以已發行股數。
相當於你持有每一股股票，能收多少股息。例如某股票今年度派每股股息$1，若你持有10000股，你收到股息就係$10000。
你也可以簡單理解為「公司攞幾多錢出嚟派」給股東。
[股息率]
就係你用現價，除以當年派發股息。
股息率 = 每股派息 ÷ 現時股價
例如現價$20，今年派息係$1，股息率就是5%。
[每股盈利 EPS]
即是盈利/已發行股數
若果企業今年盈利$10億，已發行股數係5億股，咁佢架每股盈利就係$2。
以上3個架數字，大部分財經網站都會顯示這個數字，可以唔洗自己計，但你都要明背後意思。
Q48298：
龔兄，有什麼A股可推介？
龔成老師︰
我無特別研究A股，因為港股已有不少優質內地企業。
如果你真係好想買A股，但又無特別睇法，可以買南方A50（2822）或者安碩A50（2823）。
佢投資目標為追蹤富時中國A50指數之表現，即是當國內股票升，佢都會上升，是一個中國股票的組合。
相信長遠仍有增長力，不過國內股股價一向較波動，令到這基金都會較為波動，如投資，最好用分注或月供的模式進行。可長線。
Q48299：
老師，請問如何購買美股，銀行可以嗎？
龔成老師：
可以呀，而家好多銀行都有做，你可以上銀行的網去睇下，我自己都是用中銀去買美股的。
Q48300：
龔sir, 近期美股在留意ARM晶片設計公司，前景怎樣。謝謝
龔成老師：
Arm Holdings plc（ARM）是有風險有潛力類別。
1990年成立的ARM，由其設計的晶片，幾乎應用於所有智能手機上。近年人工智能需求增加，市場憧憬ARM受惠於數據中心和發展人工智能，並帶動其設計晶片需求。
這企業從事設計、開發並授權高效能、低成本且節能的 CPU 產品及相關技術，佢主要產品是 CPU 產品，可滿足各種效能、功率和成本需求。
另外，佢亦提供 GPU、系統 IP 和運算平臺等輔助產品，可為各種日益複雜的裝置和應用程式提供高效能、可靠、可靠的系統層級建立作業。
佢業務有發展的，但最難是估值部分，現時市場對這行業有炒作，所以都擔心估值有點高。因此，短期股價都會較波動。
由於未正式計算這企業的估值，只能夠話，企業發展前景是有的，但這股你預上落大，你投資要明白風險，小注投資好了。
若你有問題想向本人發問，可在龔成的fb專頁「www.facebook.com/80shing」inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，所有個案及意見，只是供大家參考，只是教學分享，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。
由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。