Q25951：
老師，想請問一下，7200 ，7500 ，7552，7226
以上4股票，適合持有一段時間嗎？當中會否有任何細節要注意？
本人持有小量美股
Tsla
Amzn
但港股就見近期跌勢頗大，唔敢講摸頂，只是覺得跌到呢個位，長遠黎講，恒指/科指，一定唔止呢個位，所以入左少量7226
龔成老師︰
我地唔好估個市點走，投資只會因應平貴和質素去行事。
你持有TESLA和AMZN都有質素，可以長線持有。
ＦＬ二南方恒指(7200)，投資目標為追蹤恆生指數每日表現兩倍(２ｘ)的投資業績。
FI二華夏納一百(7522)投資目標是提供在扣除費用及支出之前，盡量貼近納斯達克100指數每日兩倍反向表現（-2x）的每日投資業績。
ＸＬ二南方恒科（7226）產品之投資目標為追踪恒生科技指數每日表現兩倍（２ｘ）的投資業績。
我一向對這類槓杆產品都有保留，因為風險較大，同時潛在成本較高，你會不知不覺輸左成本。因此，我會建議轉到盈富(2800)、QQQ和恆生科指ETF（3067），始終較好。
ＦＩ二南方恒指（7500）的投資目標，係反向追蹤恆生指數每日表現。如果恆指跌1%，你就會獲利2%(另扣管理費)。但若然恆指向上，你就會虧損。
我對這類產品有保留，恆指在過去數10年反覆向上，所以長遠計持有這股對你"不利"，一定多於"有利"。
現時大市算合理區中下部，你入市係可以。但不建議用槓桿產品，同時要留有部份現金，等大跌市出現時，可以入平貨。
Q25952：
龔Sir, 又想請教一下，本人36歲，月入70K
有一物業去2021年買入價9.8M, 首期2.5M,月供31K
每月可儲8至10K作投資退休之用，另有50K美股
股票有:
00700 x 300@506
01177 x 5,[email protected]
01299 x 400@83
01928 x 1200@26
02007 x 10,[email protected]
02318 x 500@55
02800 x 1,000@23
03690 x 100@170
07200 x 5,[email protected]
07226 x 4,[email protected]
09888 x 150@196
09988 x 500@128
- 想買收息股，平衡個倉，諗緊分注2318 or 1299好?
- 如想減持股份, 增持現金，應該選邊幾隻?
- 美股方面, BBY, AMZN, BAC邊隻最值搏? 龔成老師︰
- 以你年紀，買收息股有點保守，我建議優先做好增值部份。
而你所講的平安(2318)和AIA(1299)係平穏增長股，適合你年紀，現價都合理，可以分注。
至於買邊隻，你就睇翻你比較睇好那間企業。平安會集中內地業務，而AIA就會主力亞洲地區，都係有投資價值。
- 碧桂園(2007)佢負債高，加上內房市道放緩，建議減持去減低風險。
另外，ＦＬ二南方恒指(7200)和ＸＬ二南方恒科（7226）這類槓桿產品，風險好高，建議你長線用翻無槓桿的盈富(2800)和恆生科指ETF（3067），會較好。
- 如果以股價計，BBY和BAC會較高值博率。
但從整體投資價值計，亞馬遜公司 (AMZN)會較高。不過佢現價好貴，要回多2,3成才好考慮。
Q25953：
你好呀老師，一直有睇你嘅書，前排入左幾隻股票，因為突然經濟轉差，帳面都冇左好多，但我深信係買佢嘅企業，可否幫我分析吓，
9988 200股 213.4入
175 1000股 17.7入
2800 500股 28.74入
1833 400股 86.6入
1810 400股 21.85入
紫金礦業 4000股 14入
感激不盡，唔該晒
龔成老師︰
從投資價值去分析，這些股票都有長線持有價值。
但問題是，你普遍買入價都係較高。整體算係合理區中至中上水平。
所以，當現時大市較弱，你帳面上就會出現明顯虧損。這些股票可以持有，但建議你未來投資時，多用"分注"或"月供"策略，去平衡買貴貨風險。
另外，阿里(9988)受政策風險影響，而紫金(2899)唔係無質素，但就無乜價格自主能力，同時產品無差異性，是典型的商品企業。
平安好醫生(1833)本質上不確定性係偏高，故這3隻股票，不宜持有過多。
Q25954：
有問題想問下龔sir 呀
呢一年強積金蝕左7萬蚊（強制供款由2021年43萬跌到而家36萬）
因為之前買香港/亞洲股票多
我知道強積金係長線投資
但係黎緊plan一兩年會後移民
到時會提早拎走mpf
想問下呢個時候應唔應該轉去其他股票基金例如北美 歐洲等
會唔會變左低賣高買
多謝你呀
龔成老師︰
因爲疫情等因素，這一年中港的股市表現較弱。
現時大多數中港的股票都處於合理區較下的水平，現在賣出有可能變成「低賣」。
強積金，理論上，我地應該用「人生階段」去作分配，但由於你移民，是特殊情況。
如果你在未來1，2年移民，就不建議投資太高風險的資產。
你要睇翻投資於北美，歐洲這類基金的表現，穩定性高就可以轉，如果波動大就不建議，反而你留在現時值博率較高的中港股市會較好。
如果你想再保守D，你要開始慢慢將投資組合中"保本"比重加大，令到你最終回報波動較少。你可以從回報和風險中，自己找個平衡點去配置。
Q25955：
Hello, 龔Sir 我和先生二人有問題想請教你。
現時我們有自住物業A,價值8xx萬，按揭貸款還有450萬。
另外一個物業B收租，還有170萬按揭貸款。每個月收租$9000
2024年，我地會有現金200萬，如果到時把收租物業還清所有貸款，然後每個月收9000租金。這樣安排你覺得如何？
還是到時那一筆現金作其他投資好？希望阿Sir俾下意見
龔成老師︰
這其實是機會成本的問題。
你要思考的重點是這200萬的現金用來投資得到的回報，會否比還錢更大。如果更大，就不要還錢。如果不大，可以考慮還部分。
若你選擇投資，可以參照自已人生階段。
年輕時，可以用「平穏增長股」+ 「潛力股」，到中年「潛力股」比重要減少，到近退休應集中在「收息股」上。
因此，我地係做投資選項時，會睇翻你現時人生階段。假設你係年青至中年人士，應先做好增值，我一般建議用「平穏增長股」 + 「潛力股」作組合，去創造一個增值平台。
但如果你希望開頭穏陣D，或者你係年紀較大，你應該用「平穏增長股」 + 「收息股」的組合。你可以睇翻你自已年紀和風險承受能力，去做決定。
你可以根據自己的年紀，風險承受能力等，將這200萬「分注」投入以下股票。現階段，你可以先用30-50萬，分注入貨。
例如部分可投資收息股，就可考慮這些︰港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。
若你投資知識不高，因此可較集中在平穩增長類股，至於潛力股，只宜小小注(不多於3成)。到你提高了投資知識，才慢慢增加潛力股比例(大約5成)。
至於餘下的現金，就等機會，當大市再有回調，就可以慢慢加大力度入貨，然後長線投資。
Q25956：
龔老師：您好，由於你曾經提及投資10倍股就是投資潛力股例如：1:醫療、2:科技、3:碳中和、4:電動車都是長遠有增長力的板塊。因此請問你：
1:醫療板塊：有什麼代表呢
完美醫療1830是不是其中一個代表呢❓
2:科技板塊：有什麼代表呢❓
3:碳中和板塊：有什麼代表呢❓
信義光能、龍源電力是不是最優質呢❓
4:電動汽車板塊：除了比亞迪還有什麼代表呢❓
龔老師：由於我們錯過了在合理價位投資電動汽車比亞迪，因此我們改為投資智能汽車，我們這樣這種想法是不是對呢❓❓
龔老師：由於我們當中有些年青人的年紀和你很接近，因此請問你可不可以告訴我們你手上的持股除了比亞迪1211、完美醫療1830、新意網還有什麼呢❓
龔老師：我們很欣賞你和很多謝你用心解答
龔成老師︰
潛力股唔一定係隻隻10倍，特別係一些已發展到一定程度的潛力股，要升咁多會較困難，但我一般預期最少可以做到倍升。
1）醫療板塊都好廣泛，代表有中生（1177)，石藥（1093）等。完美醫療(1830)一半一半吧，嚴格來説，它屬於醫美，是美容行業，都潛力，同時風險都高，現價合理。
2）科技板塊代表：騰訊（0700），阿里（9988）、小米(1810)等，現價合理。
3）龍源電力（0916)、信義光能(0968)、中國電力(2380)、華潤電力(0836)、福萊特玻璃（6865）、金風科技(2208)等都是碳中和板塊的代表，有潛力。但現價大部份都在合理中上至頂倍，不宜大注。
4）如果以電動車行業來説，比亞迪（1211）一定是表現最好，而且最有發展潛力的。業務發展理想，研發不斷進行，汽車賣得好好，電池技術發展得很好，行業前景良好。
若美股，可以TESLA，你預現價是合理區頂至少少貴水平，要留意股價上落大。若港股，可以吉利(0175)，現價合理。
另外，你可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。
至於智能汽車和電動汽車，係不完全相同，但都是發展的大方向，都可以投資。
比亞迪（1211）現價約在合理區頂至少少貴，月供可以。或者買ＧＸ自動駕駛電車（2849），其投資目標為追蹤Ｓｏｌａｃｔｉｖｅ自動駕駛及電動車指數（淨總回報）之表現。
Tesla、蘋果、豐田、高通、英偉達、福特、英特爾等，都是全球頂尖，以及在自動駕駛電車行業正不斷發展的企業。
行業長遠有一定的發展，基本上正面，但現價就唔算平，算是合理區中上至頂位，不建議大注投資，可以小注，或月供，投資後長線，要明白價格會較為波動。
我手上的持有的股票中，主要有中生（1177），小米（1810），福壽園（1448），比亞迪（1211）、巴郡B、COIN。不過有一點需要提醒你，雖然年紀是一個理財分配的因素，
但同樣你要考慮自己的風險承受能力，不一定跟我。
Q25957：
成老師，晚上好
我還有其他問題請教你
我手上持有
916龍源電力25000 $18.2
836華潤電力18000 $21.6
請問上述2隻股票是否有潛力？我打算分段減持，想多一些現金流，或用一部份購買一些潛力股，另一邊我會月供股票大約$10000-$12000，
月供3-4隻潛力股，騰訊700、阿里健康241、阿里巴巴9988、比亞迪1211，這個選擇可以嗎？
供款如何比例呢？有冇其他優質潛力股介紹呢？
我會月供3-5年，估計每年回報有多少？
我明白高風險高回報道理，希望成老師給予意見，謝謝
PS一位新手買股票，曾經試過入老千群組，跌市恐慌性拋售，輸多贏少，抱住想追數，錯誤心態做成輸的局面
龔成老師︰
龍源電力（0916）有質素，過往業務發展不差，這股有長線投資的價值。不過股價就有少少波動，現價合理區頂，但就要留意股價上落風險，這股可長線。
華潤電力（0836）有質素的，由於佢的多類發電運營模式，加上政府背景，令佢係現時受惠新能源政策，同時見到佢之前的投資，開始有基本收成，業績開始反映。
你現時組合中有兩隻同類的股票，係有長線投資價值。但由於佢地係同業，為免有過度集中風險，建議適量減持，換至其他行業股票。
另外，你買入價都偏高，要小心。如果你不懂如何定平貴，最好先用"分注"或"月供"模式儲貨。
月供方面，騰訊（0700），阿里（9988）因爲監管等因素，中短期會較弱，現時有值博率，月供或分注都可以，但就要控制注碼。
另外，騰訊（0700），阿里（9988）都是科網企業，總體比例不適太多。
阿里健康(0241)不確定性高，不宜用作月供。比亞迪（1211）有質素，前景正面，月供可以，但要控制注碼。
你的組合都是潛力股，由於你是新手，加上以往投資曾「輸多贏少」，潛力股這類高風險的投資，只宜小小注(不多於3成)。
最好是你先提高投資知識，等到你有一定知識和經驗，才慢慢增加潛力股比例(大約5成)。
建議你加入平穩增值股來平衡組合。
當我地選擇投資項目時，應參照自已人生階段。年輕時，可以用「平穏增長股」+ 「潛力股」，到中年「潛力股」比重要減少，到近退休應集中在「收息股」上。
你要根據自己的年紀，風險承受能力，投資目標等來建立一個組合，不要集中在潛力股，新舊經濟各類股都要有。
同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。
另外，你不要有錯誤的觀念，以爲高風險，一定就有高回報。如果這個說法成立，其實成件事應該係低風險才對。你要知道，有些投資可以是高風險，低回報的。
你月供$10000-$12000，供5年，以10%回報（連股息再投資），大概會有$70-90萬，當然要睇當時的市況。
現時大市只在合理區，資金唔好盡用。最好留有部份，等大跌市出現時，可以用來掃貨。
Q25958：
多謝回覆，咁我呢個階段我還可以做些什麼？以及問埋如果日後開咗股市，會唔會搞到成日check股票而專注不到工作？
只是買盈富一手都要成萬元，看來真係要儲多一輪錢
龔成老師︰
睇書，睇新聞、努力學好投資知識。
到你投資開左戶口，就開始月供股票，可以先以指數基金為目標。
另外，我想先糾正你一個錯誤的投資觀念，我地投資一定係長線，你見全世界最成功的投資人巴菲特，都只會做長線投資，唔會短炒。
因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。
所以，我地唔會好似坊間散戶咁，經常要睇住個股價上落。反而係投資前，我地要做較多準備功夫，去分析一間企業質素和平貴度，以制定入市策略。
當買入後，只要佢長線質素無明顯轉壞，我地長線持有，讓其自然增值就可以。
如果一手手買係太貴，你可以用月供去儲貨。
Q25959：
老師早呀，3 號仔 係我持倉佔1/3 ，Cost 11.14
我保持等反彈沽出或持有比較，因為3 號仔 PE 都唔低，如果市場對佢估值重新評估（let say 25 ），會唔會再有大幅度下跌空間？
如果我現在沽出，請問老師建議我，同時購入其他公司，例如1177，1830 etc
定持有現金等機會
謝謝你
龔成老師︰
煤氣（0003）取消派紅股，其實對佢無實質影響，因為派紅股只是左手數與右手數的問題，無論對長遠股價，或企業價值，都無影響。
不過，由於過往佢保持相同的股息，在派紅股的情況下，等同於股息增長。今年決定不派紅股，有可能反映管理層認為，企業往後的增長減慢，會對企業有少少不利。
但最重要，仍是睇翻企業之後的發展。暫時睇，企業仍是有發展的，但有可能中短期增長減左。
我地不會估股價的走向，煤氣（0003）雖然增長力減左，但仍然是優質的股票，3成資金在個股而言有點多，建議維持在15%以下較好，避免集中的風險；你可以趁反彈的時候減持。
我地講理財，其實是一個分配的過程，你要建立一個「組合」，長期，優質，適合你。
你34歲，應以增值為主，建議你用「平穏增長股」 + 「潛力股」作組合，去創造一個增值平台。
煤氣（0003）是平穩增值股；中生（1177），完美醫療（1830)是潛力股，風險度較高，現時都處於合理區，但潛力股不確定性大，如果是投資初學者或者風險承受能力低的不建議持有過多。
現時大市只在合理區，你沽出部份煤氣（0003）後的資金。你可以睇翻你現時現金水平，如果沽完後現金比重，佔組合3成以上，建議你買少少貨。
相反，現金比重只有2,3成，就用來等大跌市機會。
Q25960：
早晨，老師！你當然可以進步，但其實，你無需要有超強英文能力，所以你就不花時間，這叫善用時間！
就算買賣少，始終銀行收費貴。這選擇就不像老師你了。
謝謝，明白了。我會適量入貨。
前女友知道你今天的成就嗎？一定後悔放走了你。
急問：老師，我錯過之前跌市入貨，不大甘心恆指22000以上入貨。。。想問越修房產00405如何？現價稍平。
龔成老師︰
每個人都有自己的强項弱項，我只是先花時間發展自己的强項，因爲要到一定的程度，它才能為你所用。
銀行買賣手續費是較貴，但因爲我買賣少，而且都是長期持有，所以無咩影響。
我在一千萬賭局後，其實有再搵前女友，詳情你可以在《80後2百萬富翁》找到。
我無問她有沒有後悔，但這不是重點，重點是事件令我成長，並達到自己的目標。
越秀房產（0405）物業以大陸為主，會較受中國經濟因素影響，以及有人民幣風險，同時當中的物業，都以商業為主，現價合理區偏下。
世界上沒有後悔的藥，唯有吸取經驗，從中學習，所以我一直强調投資需要分注，恆指22000仍然是合理區，可以投資，只是要留有現金，等大跌市的時候把握更大的機會。