Q39521：
成哥有冇方法用兩百萬用最短時間變一千萬？
龔成老師：
兩個常見方法，第一，利用投資。
不過，要短期$200萬滾存到$1000萬，以正常的投資並不易，因為就算巴菲特，一年回報也只是20%，也要較長時間才有5倍回報。
所以，如果要短期做到5倍回報，就要利用較高風險工具，或投資，不過我不鼓勵。因為失敗的機會十分高。
所以，如果你想用投資，就要長期，不能期望短期有好快得到5倍回報。
第二，做生意。
我會較建議這方法，只要你找到商機，比市場更快去投入資金發展，落實行動，要$200萬滾存到$1000萬，可以的。
當然，做生意會有好多困難，同時有風險，但回報也會好高。
Q39522：
你好，因為見到你出關於留意減持的post，而美股因選舉後效應升了不少，而我又不肯定以下股票是否已去到貴的水平，應該減持與否？
TSLA,
AMZN,
AAPL,
T,
GOOG(c),
COST,
NVDA
非常感激你的幫忙及回應
龔成老師︰
你手上的股票，未算去到貴。但Tesla、Nvidia, Amazon,Costco都已係一個較高架水平，除非你得好少貨，否則不宜再加注。
至於減持與否，你可以睇下持貨水平，如果係佔組合較多，都可以減少少去平衡風險。
其實，你持有大部分都是優質股，建議長線，如果升得多及持貨多，就可考慮減部分。
Q39523：
龔成老師你好，請問之前月供的2800及比阿廸股票，應該保留還是賣出？已停月供一斷時間。謝謝！
龔成老師︰
一般股票除非去到貴，或者核心質素轉差，否則不宜自行停供，因為會有機會嚴重影響最終回報。
現時2800和1211都未見到有以上2個情況，建議你可以照月供和持有。
就算不想再月供，都不建議現階段減持，特別係2800依然仲係合理區較低水平，不是沽貨時機。
Q39524：
你好 阿Sir
請問200 $7.1 有貨 已持有1年多左右 出左業績有好轉 請問可加注嗎 ？謝謝
龔成老師︰
新濠國際發展（0200）業務都不差。
佢業務主要分為以下兩方面：
（１）消閒及娛樂業務：主要包括提供餐飲及相關服務。
（２）物業及其他投資業務：主要包括投資物業、可供出售投資、應收聯營公司款項及相關分類銀行結餘，其收取股息收入、利息收入及物業租金收入。
佢投資價值仍在，不過就不是高增長股，澳門發展最高增長年期過去，之後是平穩增長模式，相信新濠國際有平穩增長的能力，現價合理，分注投資，長線持有，可以。
長遠來說，澳門賭業股仍是有質素的類別，不過，增長力已不及過往年代。
資價值仍在，不過就不是高增長股，相信有平穩增長的能力，現價合理，分注投資，長線持有，可以。
Q39525：
龔sir, 我之前買左美股SMCI ，拆股前買的，價位107 ，現在跌到27.. 我是否應該要賣掉?
龔成老師︰
Super Micro Computer, Inc.（SMCI）為雲計算、數據中心、大數據、高性能計算和“物聯網”嵌入式市場提供高性能服務器技術服務。
其解決方案包括服務器、存儲、刀片和工作站到完整的機架、網絡設備和服務器管理軟件。該公司遵循模塊化架構方法，提供了交付定製解決方案的靈活性。
該公司致力於開發和提供基於創新、模塊化和開放標准架構的高性能服務器解決方案。該公司一半以上的收入來自美國，其餘來自歐洲、亞洲和其他地區。
過去一段時間，受惠於AI熱潮，作為概念股之一，令佢股價升左唔少。不過客觀D睇佢架業務，本身架技術含量明顯無英偉達、ASML、台積電等企業咁高。再加上，AI未來對相關產業創造架增長力，仲可唔可以一直維持咁高，都是一個問題。
此股有投資價值，但過往股價炒得太高，完全超過左佢應有價值，故有明顯回調出現。始終佢業務有一定的波動性，而且競爭優勢唔係話相當強，故風險不少。
近期股價回了不少，但由於涉及賬目問題，風險會較高，若貨較多，建議減持平衡風險，始終佢質素唔係好高。
Q39526：
如果資金只有10萬，應該向邊種股票投資較為好？
龔成老師︰
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
所以，投資邊類股票，唔係睇你有多少錢，而係主要睇你年紀、經驗和投資取態而定。
例如你係年青至中年人士，策略上可以投資「平穏增長股」和「潛力股」這類增長股。
由於你資金不多，如果你未近退休之年，可以考慮先集中盈富(2800)和VOO這類指數ETF，用分注模式去慢慢儲貨。
因為佢地係一籃子股票架組合，較能分散風險，適合初學者。
Q39527：
你好 想問9月買入AB FCPI 聯博美元收益基金
收息 見佢跌左 應否長楂
龔成老師：
你不應著重短期情況，最重要是長期表現。
你可以參考幾個方向作分析：
第一，要了解該基金投資的項目，是否你自己睇好，例如新興市場？該市場是否你都睇好？又例如投資某國的房地產，你自己是否睇好。
如果是一般的股票基金，你最少要知道佢10大持股，確定這些股票是有質素，才好考慮是否值得投資。另外，要了解主要持有資產的風險度，整個基金的風險度、投資策略，是否與你的投資目標配合。
另外，你可睇佢過往的回報，是否跑贏大市，如果是，才有投資價值。
另一方面，除了傳統的基金外，交易所上市基金（ETF）都是一個選擇。如果兩者的表現差不多，就應該選ETF，因為管理費一般較低，但如果該傳統基金表現較好，或你較睇好，或無ETF作替代，你就應該選該傳統基金。
Q39528：
另請問1357 可否分析下？
有意月供 謝謝
龔成老師：
美圖公司（1357）業務有發展，但算是有危有機類的股票。
這股只宜小注，不能買太多，不宜月供。
佢近年加強發展人工智能影象生成技巧，在中國算是行得較前，佢令圖片、影片、設計、數碼人像製作變得更簡單，見佢有實在的生意提升。
佢主要從事提供在線廣告及其他互聯網增值服務；以及開發、製造及銷售智能硬件產品。
業務發展中，投資價值有，但始終有不確定性，財務數據近年也有好轉情況，因此，如果睇好可以投資，但就唔建議太過大注。
Q39529：
您好，想請教一個問題，我一直都想出本書係關於敘述自己的平凡之路，主題係想講自己無人脈無錢，慢慢一步一步向上爬同開始見成功，故事主要係想敘述自己人生道理，想問下我應該點做第一步？直接聯絡書局溝通還是點樣，thankssssss
龔成老師：
你可以寫了部分的內容先，然後，可以找一些出版社，電翻他們。
將你的書的理念、大綱、部分內容等資料，同出版社講（可以找多幾間），睇下佢地有無興趣。
Q39530：
龔老師，您好，想請教一下，如果長線睇好恆指和科指，可否逢低買或者月供7200和7226來代替2800和3067呢？
龔成老師：
因為有槓杆，所以唔會特別鼓勵，例如月供，其實會輸了潛在的成本（因為槓杆有成本的，你持有時間耐，成本就較高）。
ＸＬ二南方恒科（7226）產品之投資目標為追踪恒生科技指數每日表現兩倍（２ｘ）的投資業績。
雖然我長遠認為，恆生科技指數正面，但中短期可以較波動，由於這基金有槓杆，就會令價格更加波動，其實有風險。
我會較建議投資無槓杆的恆生科指ETF（3067），始終較好。