Q44901：
你好啊 我朋友問 如果佢買左500萬樓 過咗一年罰息期 如果儲到一舊錢如50-100萬 應提早還款嗎？
有人話還左100萬啲息就再計過 息口高左 還左等於冇還 通常係最尾儲到一筆清先還
定係應唔提早還款 只擺供樓既高息（=樓貸利息）戶口賺息呢
儲到錢應否提早還款？應儲一筆幾多錢才提早還款呢？
龔成老師︰
其實，這個係機會成本問題，最重要睇你朋友投資知識水平。當中有兩大考慮因素。
第一，投資實力。
如果你朋友投資經驗淺，或者好保守，都可以加大付款部份。因為投資存在不確定性，但省下來的供樓利息，郤是保證。
相反，你朋友係有一定投資經驗和能力﹐就應該保留較多資金，去進行投資增值。
所以，你朋友可以因應自己情況，去決定買樓投入資金比重。
第二，供樓利息與投資回報的比較。
如果利息高，還錢較好。但如果利息不高，而投資都有一的回報，例如投資收息股，得到的股息率，大過按息，這樣將資金不還錢，用作投資，會較好。
Q44902：
老師，我係美股新手
應該買邊隻？
龔成老師：
如果新手，最好買ETF，不要太急買個股，始終現時美股唔平。
其中一隻可留意的，是Vanguard S&P 500 ETF（VOO），就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，現價唔平，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
Q44903：
早晨呀老師，有樣唔太關事嘅問題想問，for興趣啫。就係小米出左業績，明明都幾好呀，點解反而當日開市大跌？如果啲人係追小道消息唔係反而係會升🤣 佢哋睇到啲乜嘢？定抑或係呢d野其實冇原因？
利申：5年前開始月供小米，比亞廸等，極到感謝遇上你🙏🏻🙏🏻🙏🏻(非gay😅)
龔成老師：
主要是近期中國車市競爭大，小米的車又有事故，市場對之後的情況較擔心。
坦白講，佢銷量在中短期，的有機會波動，但最重要是企業長遠發展，這股仍正面的。
始終短期股價有好多因素，而部分因素同企業面無乜關係，所以唔好浪費時間分析短期情況。另外，其實我在FB有出面講小米業績後點解跌。
月供優質股，長線持有！
Q44904：
請問老師點睇兩隻汽車新股賽力斯9927同奇瑞9973？市值都2000億，尤其是9927市盈率都高
比起其他汽車股會唔會值搏率高啲？如果要兩隻揀一隻長線投資邊隻會比較好？thanks🙏
龔成老師：
如果能承受風險，奇瑞汽車（9973）略好。
奇瑞汽車（9973）以「奇瑞」、「捷途」、「星途」、「ｉＣＡＲ」、「智界」等品牌從事設計、開發、製造及銷售乘用車。
乘用車主要分為轎車及ＳＵＶ（運動型多用途汽車），具多種動力系統（包括燃油、 插電式混合動力、增程式電動、純電動）可供選擇，面向大眾、中高端和豪華細分市場。
集團亦會向第三方汽車製造商銷售發動機、變速箱和汽車組件及零部件，以及與售後服務相關的零部件。
集團主要通過中國及海外的經銷商網絡銷售乘用車，亦有向海外ＯＥＭ（整車廠）、海外合營企業及貿易公司進行銷售。
企業近年發展不差，生意與盈利都保持一定的增長，不過，中國車市近年競爭不斷加大，之後的生意有機會波動，也令股價波動。
整體來說，企業都有基本質素，但要明白波動風險，現價合理，只要控制注碼都可投資，但如果不能承受風險，這股未必適合。
賽力斯集團（9927）是以新能源汽車為核心業務的技術科技型企業，業務涵蓋新能源汽車及核心三電等產品的研發、製造、銷售及服務。集團於2021年發佈問界品牌，已經成功推出問界M5、問界M7、問界M8和問界M9四款車型。
根據資料，問界品牌在2024年下半年以82%的NPS淨推薦值登頂新能源汽車口碑榜首，且2024年問界品牌全年總交付量達38.71萬輛，同比增長268%。按2024年銷量計，問界在中國新能源乘用車市場排名第五，市場份額為3.7%，而在中國高端品牌新能源乘用車市場排名第三。
截至2025年6月30日，集團實體問界門店包括位於中國240多個城市的超350個AITO用戶中心和超700個體驗中心。
集團絕大部分收入來自汽車銷售，主要是集團的新能源汽車，以及少部分的燃油車。集團主要通過經銷商的問界門店銷售新能源汽車。
企業雖然都有發展力，但始終業務仍新，財務數據不穩，風險較高。加上新股上落較波動，如果你投資，只宜小注。
Q44905：
你好，龔成老師。
我有三個問題分別想問問你的專業意見
第一個問題係小米有14000股算唔算多股？ 同埋小米現價可否合適再加注儲貨？
第二個問題係昊海生物科技 6826 現時合適再持有嗎？見佢最近業績有稍為下降。
最後第三個問題係 陽光房地產基金 可作為長期收息股嗎？本身有貨 或者現時可以再加注嗎？
唔該晒龔成老師
龔成老師︰
-
現價可加注，但是否多不是睇股數，而係佢佔你組合比重。建議個股，長線不要高於組合15%。
-
昊海生物科技(6826)都可以投資，但用來收息就一半半，始終佢派息都好受盈利影響，而盈利又遇有波動。所以，唔係理想架收息股。4358
-
陽光房地產基金（0435）你用來收息，係可以。
短期會因香港市道一般而弱，但長遠仍有質素，可長線收息，但就不要對增長有太大期望。
佢為恒基兆業地產（0012）旗下的間接全資附屬公司，恒基陽光資產管理公司所管理。
主要業務為擁有及投資於可提供收入之香港寫字樓及零售物業，寫字樓有甲級及乙級，而商場位於上水、將軍澳、元朗、尖沙咀等。
雖然近年的業務表現較一般，主要受香港地產市道、租務市場影響，由於香港短期經濟回勇力度仍不算強，因此對寫字樓部分都有影響，至於中長期，則會慢慢好轉。
至於商場方面，香港人的消費模式改變，都會對佢有點影響，例如網購及北上消費，不過香港人一向好貪新鮮，因此有部分人北上消費模式並不是長期性的，但當然，也有部分人會成為一個長期消費模式。
簡單來說，陽光作為收息股可以，但面對香港市道，短期表面會較一般，但長遠會慢慢好轉，長遠收息不差，但就不要對股價有太大期望，現時股息率不差，現水平有都有投資值博率，只要投資者以長期收息作為視點，長線持有，但都要記住，投資都不能太多。
以下是一些值得考慮的收息股，你都可以參考下︰
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
[各類收息股比較] https://www.youtube.com/watch?v=t1VSoLLtpic
[避開"假"收息股方法] https://www.youtube.com/watch?v=3bf4bhV-f-g
Q44906：
我想慢慢儲VOO同QQQ，但係唔用月供既方式，而家我係見佢回少少就入少少，想問下合理區大概係邊？咩價位值得大手啲去買？
另外想請教下3416呢隻股，收息既比例好吸引，背後有咩潛在風險，如果我而家現金股票比例5050，將手上一半現金買3416，風險會唔會太大？
龔成老師︰
你預佢地現價係合理區較上部，甚至合理區頂，你如果長線分注咁入，現價首注都可以。
若你用平貴去分注，咁你可以每回5%咁，用相同(或接近)金額就入一次。(你可以因應自己資金狀況去調整)
如果要到平，要有一個好明顯架大回調先算，至少回2-3成。
ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
由於這ETF運作，並不是無風險，所以，高息是否保持，無人知，同時要明白有價格波動。
由於這ETF成立時間不算長，而這段時間，港股大致是向上的。
但佢始終未經歷過港股下跌週期，未知做成點，所以這個是最大風險（到時派息會否大減？價格會否大跌？無人知）。
我並不是說不能投資這ETF，而是要明白上述的風險，同時在注碼上不宜過多。
若你想重點部署，建議用翻大路架指數ETF，如2800、3067之類。
Q44907：
老師你好！我始終都冇機會買 659 因為升咗好多我覺得估值好似貴咗啲。 就算嚟緊佢會派息我都冇買諗住等佢估價回落再考慮。
老師，我想請教 3668兗州煤澳大利亞這隻股票是否適宜買入收息？ 中國神華實在升得太多了。 老師，你曾經講 435陽光房地產基金可考慮。那麼泓富產業信託 808 是否也是可以考慮收息的股票 已經到了52週高。 謝謝老師！
還有我在高位持有快手 1024和阿里巴巴9988
龔成老師︰
周大福創建（0659）現時股價尚在合理水平，依然可以分注。
我地投資唔好估走勢，因為我地唔知佢大升之前，係唔係一定會回調。
所以，我地會係佢合理水平，就開始慢慢小注咁去儲。到佢開始平，先大手D咁入，黎到平衡佢價格波動架風險。
但提多一點，0659唔算好優質，長線不宜持有過多。
兗煤澳大利亞（3668）為澳大利亞主要煤炭生產商。其主要從事生產供亞洲市場發電和鋼鐵行業用的動力煤及冶金煤。
集團擁有分佈在新南威爾士州及昆士蘭州的五個煤礦綜合體的所有權及經營權，並管理分佈在新南威爾士州、昆士蘭州及西澳大利亞州的其他五個煤礦綜合體。
於新南威爾士州的開採權益包括ＨｕｎｔｅｒＶａｌｌｅｙ Ｏｐｅｒａｔｉｏｎｓ（集團與Ｇｌｅｎｃｏｒｅ合營經營）、彼此毗鄰的露天礦ＭｏｕｎｔＴｈｏｒｌｅｙ及Ｗａｒｋｗｏｒｔｈ的整合業務、由露天礦及地下礦組成的Ｍｏｏｌａｒｂｅｎ煤炭綜合項目、由相互鄰近的Ｓｔｒａｔｆｏｒｄ及Ｄｕｒａｌｉｅ煤礦整合而成的整合業務。於昆士蘭州的開採權益位
於Ｂｏｗｅｎ盆地，且包括Ｙａｒｒａｂｅｅ煤礦以及持約５０％權益的Ｍｉｄｄｌｅｍｏｕｎｔ煤礦。開採權益亦包括新南威爾士州的Ａｓｈｔｏｎ、Ａｕｓｔａｒ及Ｄｏｎａｌｄｓｏｎ煤礦（Ｗａｔａｇａｎ）。
集團的客戶遍佈亞太地區，主要國家包括韓國、中國、新加坡及日本。
企業質素都有，但始終國際資源價格波動，對佢都會有一定盈利上的影響，令股價較為波動。
投資價值算是中等，但由於資源價格較難預測，因此不宜大注投資。企業都有長線投資的價值。
不過，佢股息水平好受盈利影響，而佢盈利又好波動，所以不宜作為收息股。
泓富產業信託（0808）於本港非核心商業區擁有七項物業，包括三座甲級寫字樓、一座商用物業、兩座工商綜合物業及一座工業物業之全部或部分，可出租總面積約為1,280,000平方呎。例如有紅磡都會大廈、北角千禧廣場、觀塘創業街9號等。
市場始終擔心香港之後的租務市場情況，如果情況不理想，會不利這房託，相信要到租務市場更穩定，香港整體租金穩定及出租率好轉後，才會有利這房託。
綜合來說，這房託作為收息工具，仍是合適的，不過股價就比過往更波動，但不要對短期股價有太大期望。
長遠則會因為利率回到正常，以及當香港租務市場好轉後，就會對股價正面。不過投資者要明白，短期股價可以波動，風險比過往略有提高，投資要小心控制注碼，現價算是合理區中下部，可分注投資，只要總投資金額不過多就無問題。
不過，記住"52週高"而類技術指標，我地係唔會用來分析企業價值和決定買入時機。我地只會分析企業質素、行業指標、財務數據等去作投資判斷。
最後，快手(1024)和阿里巴巴(9988)有長線投資價值，但佢地都係潛力股，對退休人士而言，風險太高，不建議你持有。
Q44908：
龔sir，現價買入smh長揸可行嗎？
龔成老師：
VanEck半導體ETF（SMH）你預有風險，有潛力。
這基金追蹤MVIS US Listed Semiconductor 25 Index，投資的標的以半導體產業為主。
行業長遠有發展力，但行業本身的風險都高，當中股票價格波動較大，現價算是合理，但只建議分注投資，唔建議太大注，同時要明白行業風險，買入後宜長線投資。
Q44909：
龔Sir要幫手
我今次大獲了
隻藍思科技跌到萬丈深淵咁樣
之前見佢跌又溝左貨
而家佔左40%都重倉
蝕左唔少
溝均晒平均價先27.3
請問我仲有冇望返家鄉
應該點樣做好
龔成老師：
第一，溝貨是錯誤行為。
第二，同一隻股票不能超過組合15%，如果這股風險較高，比例要進一步調整。
第三，藍思科技（6613）風險較高。加上上市不算耐，不確定性較大。
藍思科技股份以科技創新為核心、以智能智造為驅動，是業內領先的智能終端全產業鏈一站式精密製造解決方案提供商。集團為行業內首批承接人形機器人及AI眼鏡╱XR頭顯關鍵核心部件量產及整機組裝的企業之一。
以2024年收入計，集團在全球消費電子精密結構件及模組綜合解決方案行業中排名領先，在全球智能汽車交互系統綜合解決方案行業中排名領先，市場份額分別為13%及20.9%。
集團的收入主要來自提供各類智能終端精密製造解決方案，包括智能手機及電腦類、智能汽車及座艙類、智能頭顯與智能穿戴類及其他智能終端類。客戶主要是消費電子和智能汽車行業的全球品牌公司。
集團在國內外擁有九個生產和研發基地，包括位於東南亞的海外生產基地，以及位於香港、美國、日本及韓國等地的海外辦公駐點，實現國內外市場的廣泛覆蓋。
行業及企業發展力不是無，但企業規模未算好大，也未能確定獨有優勢是否很強，因此，如果不能承受風險就不建議這股。如果明白風險，也只建議小注投資，始終上市前數據參考價值會減。
簡單來說，你持有40%，要減，你好減部分先，之後反彈再減。餘下部分就持有。
Q44910：
請問，3110,0005,6823，咩價入好？謝謝你
龔成老師：
現價仍合理，可分注，不過，就不算便宜，如果回翻5%-10%，投資值博率會提高，但就不知能否見到。
因此，現價利用分注模式去投資，策略上較平衡。
這幾隻都是有質素的收息股。