龔sir你好, 想請教下你有關創業既問題~~

過往一直都係自己做小生意, 主要透過網上平台幫自己宣傳同接job,做左接近5年,儲儲下有唔少客人,自己亦覺得累積左唔少幫人寫網頁/寫app經驗，更儲到一筆創業資金（數百萬）, 呢排開始接到一啲較大型既項目,以我一人之力應付唔來,需要一個團隊先搞得掂。

如果創業新手想係香港開有限公司（關於網頁設計/幫人寫app的）應該點部署?

係咪最好比錢請啲專門負責開公司既人（e.g. 會計師/秘書）幫我搞就得?

另外想請教下你呢

一間最基本既公司要請啲咩人?

因為我身邊冇任何創過業既人 我唔係好清楚一間公司 最基本上 需要有咩部門同員工,自己大學時係讀it的,中學亦冇接觸過商科個啲,一諗到黎緊可能會做老細 就有啲擔心,因為我唔知點去營運同管理一間公司。

另外開公司仲有冇咩需要注意呢?

唔該哂龔sir

個案重點：

‧做小生意

重點目標：

‧如何建立團隊

‧開公司各種事宜

龔成老師分析：

你無需要特別擔心，你自畢業後可以自己創業並有如此成績，足見你有能力。你現時有經驗，有客，有一定的資金，有商業模式，這些最重要的元素你都有，根本不用擔心，開公司請人等，反而不是最核心事。

只是之前你的專長是IT，現時要將事業搞大，就必須要建立團隊/公司。這是一個必經的階段，網上都有好多相關的資料可以參考。

香港開公司不難，你只要有商業登記證，好簡單，就可以開設公司。如果你想做大，以及從長遠的角度，最好開有限公司，我自己都有數間有限公司，你不用擔心，坊間有好多公司專開幫人開公司、處理報稅等事宜，你要做大，就要行這一步。我建議你找這類公司幫手，幫你開有限公司及處理報稅等事宜。

我不清楚你過往有無正式報稅，但你如果想長遠做大，想一直做，就要做翻好，而開有限公司、正式會計、報稅是需要的。

另外，無論做生意、做人，都要「THINK BIG」！

可能你最初請人，開公司，都會擔心，我自己都是，我最初請全職員工的時候都會擔心的，但如果要做大就一定要行這一步，因為這是一個循環，有人幫你，才能做得更大，之後有更多資金，又可以請更多的人。

如果你擔心，可以先請兼職，首先，你可以用我上述所講坊間的公司，都幫你處理開公司報稅等宜事。另外，當你公司有一些文職或鎖碎事要處理，你就可以請兼職幫你手，例如你要處理客戶資料，會計等等。同時，當你面對一些你不懂處理的工作，而這些工作對你公司很重要，就要請人。進一步，你可以請人幫你更有系統做宣傳、找客等等，幫你生意進一步做大。

在建立團隊方面，可能你就要細心考慮，你團隊需要的人的特質。

例如，你讀IT，對寫APP好在行，但對請人/行政上的事情就一概不知，你團隊就需要有一個行政人員，負責出糧、請人、營支援等。

又例如：你一個人已經無辦法應付龐大的寫APP工作，這時候你可能要多一個有相關知識的合作夥伴。

其實每間公司需要的人手都不一樣，你可以上JOBDBS睇下各類工種的要求，可能會給你一些啓示自己將來的公司需要什麽人手。

唔需要特別害怕，只要你踏出第一步之後，事情會變得順利，所以，你只要放膽去做就可以。

最重要是開始左先，有大方向，之後再慢慢修正。行動最重要！

龔成老師簡介

‧ 暢銷書《股票勝經》、《選股勝經》、《年報勝經》、《38全球倍升股》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《80後千萬富翁》、《千萬富翁致富學問》、《5年買樓4部曲》、《財務自由行》、《圖解股票小百科》作者

‧ 《經濟一週》理財真人Show節目擔任致富教練

‧ 曾接受多個傳媒訪問

‧ 過往於銀行從事投資相關工作多年

‧ 曾在萬多元月薪狀態下，憑股票累積數百萬財富

‧ 於網上分享投資心得，瀏覽量過百萬，為人氣博客，解答網友理財問題逾20,000條

‧ 《經濟一週》、《華富財經》專欄作家

‧ 證券業持牌人士

‧ 股票課程導師，學生人數逾5,000人

Facebook專頁「龔成」粉絲人數超過200,000人

若然你有問題想向龔成老師發問，可在龔成的fb專頁中（www.facebook.com/80shing）inbox龔成。