Q48221：
我37歲 ，我想同成哥分享下 呢刻都未無理財計劃 有買股票 港股同美股 約有400萬現金貨
我係一名生意人 收入都係正財
世界盃輸左250萬 股票都輸
未有試過赢股票
香港有兩層樓供緊 大陸有一層輸緊 呢條人生路好前 有時好迷惘 生意唔係太好 我有留意你分享 長線我又覺得太耐 🤣
所以聽下你意見
龔成老師︰
首先，唔好賭博。
其實你開始正視自己存在問題，已經係一個好開始。但有很多地方，你需要調整，包括心態。
- 投資心態︰
我地投資一定係長線，你見全世界最成功的投資人巴菲特，都只會做長線投資，唔會短炒。
因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。
所以，我地唔會好似坊間散戶咁，經常要睇住個股價上落。反而係投資前，我地要做較多準備功夫，去分析一間企業質素和平貴度，以制定入市策略。
當買入後，只要佢長線質素無明顯轉壞，我地長線持有，讓其自然增值就可以。
以下是講解長線投資有什麼好處，你可以睇下︰
https://www.youtube.com/watch?v=9BhH0XciOJ0
- 生意，如果做得好，長線增長力大機會比優質股高。
但如果生意不太理想，你先要思考清楚，係一時架問題，定係結構性長久架問題。
因為資金，係有機會成本。
如果生意你預長期都無起色，可能配置係其他地方，長線對你更有利。
- 股票︰
審視翻佢地質素，是否適合你年紀(37歲應以增長為主)，和是否有長線投資價值。
更重要，要睇翻自己過往輸架原因，唔好比佢重覆。
- 物業︰
佢佔你財富比例唔細，除左適合長線自住個間，其餘2間你要睇下佢地租金或者樓價長線回報，是否理想。
如果預係一般，建議考慮沽出。
- 總結︰
其實除左賭錢，你大體上財富配置都算多元化，係好事。
但就投入方法和目標，或者唔係太完善，令到你出現虧損。
建議你每個範疇，都認真思考下，自己問題出係邊，之後先再前進，咁會對你較有利。
Q48222：
老師你好！我想問下1384還有冇機會升返？我平均價57文
龔成老師：
滴普科技（1384）短期好難估，要睇資金流向及有無利好消息，至於中長期，都有，但這股不建議持貨太多，始終風險高。你預佢會大上大落。
企業專注於為企業提供企業級大模型人工智能應用解決方案，助力企業大規模高效整合數據、決策及運營。
憑藉集團的FastData Foil數據融合平台及Deepexi企業級大模型平台兩大基礎設施，實現Agentic人工智能應用在企業的部署及實施，集團向企業客戶提供FastData企業級數據智能解決方案及FastAGI企業級人工智能解決方案。
以2024年的收入計，集團在中國企業級大模型人工智能應用解決方案市場排名第五，市場份額為4.2%。
集團已經實現了在多個垂直行業的規模商業化落地，包括消費零售、製造、醫療及交通等。截至2025年6月30日，集團為各行業累計283名企業用戶提供服務，其中集團的複購客戶為94名，佔客戶群的33.2%。
雖然行業有發展力，但企業的技術是否好有優勢，在長期競爭上能跑出，都有未知數，加上新股不確定性較高，財務數據參考度只是一般。因此，只宜小注持貨。
Q48223：
龔成老師，老師你好，在網上拜讀老師對股票投資的分析文章多時，覺得老師是一名務實及無私分享的人，與其他談論投資的網紅大相逕庭。能夠有緣看到老師的文章，深感緣份。而老師會開放平台答覆讀者們的投資問題，更顯氣度，所以也想請教老師一些投資上的建議，還望老師賜教！🙏🏼🙇🏻♂️
本人仍香港普通打工仔一名，月薪$16,000 ， $13,000作為家用及日常生活開支，每月可儲蓄$3000。
然而接觸股票也是多年前一些熱門的IPO（現在當然已不是新股），所以所持股數並不多。不像老師其他讀者們般擁有大量資產，請勿見笑。
現在還有數年便接近退休，所以想整合一下所持有的股票，例如那隻要賣出或把資金集中在那些股票身上，加上現在市況動盪，應該在何時作出以上部署？以上等等問題，希望老師能夠給予一些建議，感激萬分。
以下是本人持有的股票資料
0005 滙豐 800股（月供股票中）
0017 新世界發展 250股
0066 香港鐵路有限公司 1000股
0728 中國電信 2000股
0939 建設銀行 1000股
1088 中國神華 500股
1398 工商銀行 1000股
1658 中國郵政儲蓄銀行 2000股
1928 金沙中國 400股
3328 交通銀行 1000股
3968 招商銀行 800股
3988 中國銀行 1100股
老師願意抽時間為本人提供意見，再次感謝！
龔成老師︰
- 首先，我知唔少人都鐘意抽IPO。
我唔係話IPO架股票唔好，但由於初上市，背後唔會有太多有用數據，可以用作分析。
同時，一般上市定價都唔會低。所以，我自己唔係太建議抽IPO。
- 至於你投資配置方面︰
以你"數年便接近退休"的年齡計，其實要開始為退休做準備，但同時，財富仍有增長力（但不是進取），因此，你可以留意下「平穩增值股」+「收息股」。
策略上，你每月5成儲蓄做月供。其餘先儲起，用一邊月供一邊儲蓄的策略。
若你想進取些，可集中「平穩增值股」，相反你想保守少少，可以集中在「收息股」上。但比重要隨著年齡增加調整，你要慢慢上調收息股比例。到退休時，你收息股比例，應提升至100%。
平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等，你可以自己了解下，並從中選股。
同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，你可以自己了解下，並從中選股。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。
至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
但考慮到你每月儲蓄不多，只有$3000。
建議你集中指數ETF，例如2800和VOO各$500，3110就$1000，餘下$1000等大跌市機會。
- 現有持股︰
大部份都適合你，但1928, 0017近年弱左，長線不宜持有太多。
另外，你組合中太多銀行股，有機會超標，你自己計下。
任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。
因此，你要建立一個平衡的投資組合，當中有不同的類別、不同的行業，這是最好的平衡風險方法。個別地區不要高於組合70%，相同行業不可佔組合多於30%，而單一企業不要高過15%。
但盈富(2800)、VOO這類指數基金，則不受企業和行業限制，因為它是一個包含一籃子不同行業的優質股組合。因此，盈富(2800)、VOO就算在組合中佔較大比重，都唔會造成(企業和行業)過度集中性風險。
以下影片都有講組合平衡的重要性和做法，你可以睇下︰
https://www.youtube.com/watch?v=Z9Yglj7eKvA
- 由於未來你會開始集中係收息股，以下影片都建議你睇下︰
[一般收息股] https://www.youtube.com/watch?v=5xmiZGYNptI
[避開"假"收息股方法] https://www.youtube.com/watch?v=3bf4bhV-f-g
[高息股 - 此類別波動大，不宜大注] https://www.youtube.com/watch?v=y9uzb_jNUWU
Q48224：
請問龔sir ,0728如何？想用作收息及有增長，現價可入？
龔成老師：
中國電信（0728）質素不差的，有長線投資價值。你收息是可以，現價都合理。
近年股息不差，再加上管理層表示，之後的派息比率提升至70%以上，可見這股在收息方面不錯。
中電信有穩中求勝的特點，業務穩定，每年現金流過千億，原有電訊業務是現金流穩定的業務，同時，有兩大業務當中有潛力，第一，雲計算業務正快速增長，旗下的「天翼雲」收入發展不差。
另一部分是人工智能。管理層表示，人工智能聯天技術將引領新程式時代，包括為人工智能提供大模型算力服務，以及自身的一些人工智能發展。
整體來說，這股有質素，有長線投資價值，如果你本身有貨，可持有，近年上升較多，現時處合理區較上部，投資者可分注投資，但現水平不建議買太多。
Q48225：
3466 係美國加息週期，同佢本身減派息，係咪要減持？謝謝！
龔成老師：
其實已反映了相關因素，只要美國不是大幅加息就無問題。如果你持貨適量，其實仍可持有，因為持有這ETF目標是長期收息，不用太在意一些中短期因素。
恒生高息股30指數ETF（3466）是一隻指數追蹤基金，其旨在盡實際可能取得（未計費用和開支前）接近恒生高息股30指數的價格回報表現。
此基金其一個特色，是香港上市股票通常會每季或每半年派息一次，而恒生高息股30指數ETF旨在每月派息。
不過，大家要記住，選擇收息股最重要係質素，唔係一年派幾多次息。如果你係要每月收息，其實將全年股息集埋，自己再分配成12份就可以。
至於此ETF，行業有工業、地產、能源、金融、公用、必需性消費等。持股包括偉易達（0303）、裕元集團（0551）、國泰航空（0293）、恒安國際（1044）、嘉里建設（0683）、電訊盈科（0008）、恒隆地產（0101）、中國光大銀行（6818）等這些股票都有質素，適合長線收息。
Q48226：
𣾀豐到現階段利息已只有4%，應否賣出，去買其他高息的收息股？ 有提議買那只好呢些？
龔成老師：
由於匯豐近年的盈利有實質增長，因此股價有支持，現時雖然在歷史高位，但未到明顯貴，不過，都在合理區較上部。
如果你目標是收息，的確考慮減持部分，將資金轉其他高息股，這樣能增你現金流。也可考慮留部分匯豐，長線目標股價平穩增長，以及收息。
至於其他高息資產，可考慮高息基金3466，又或香港電訊（6823）。
恒生高息股30指數ETF（3466）是一隻指數追蹤基金，其旨在盡實際可能取得（未計費用和開支前）接近恒生高息股30指數的價格回報表現。
此基金其一個特色，是香港上市股票通常會每季或每半年派息一次，而恒生高息股30指數ETF旨在每月派息。
不過，大家要記住，選擇收息股最重要係質素，唔係一年派幾多次息。如果你係要每月收息，其實將全年股息集埋，自己再分配成12份就可以。
至於此ETF，行業有工業、地產、能源、金融、公用、必需性消費等。持股包括偉易達（0303）、裕元集團（0551）、國泰航空（0293）、恒安國際（1044）、嘉里建設（0683）、電訊盈科（0008）、恒隆地產（0101）、中國光大銀行（6818）等這些股票都有質素，適合長線收息。
此股可作收息之用，現價合理，可分注儲貨。
香港電訊（6823）長遠有質素，是不差的收息股。
佢是香港的固網、流動通訊及寬頻服務的綜合服務供應商，提供本地電話服務、本地數據及寬頻服務、國際電訊服務、流動通訊及其他服務。佢亦透過中盈合資公司，向中國的電訊營運商提供網絡整合及相關服務。
綜合來說，可以用「業務穩定」去形容這企業，整體的業績不差，但又沒有特別驚喜，整體業務穩定。
另外，佢用全派息的政策，即是賺幾多派幾多，所以派息比率會高。只要佢之後保持賺錢能力，派息就能保持。這股可長線的。
股價增長力不強，不過就是理想的收息股，股息率不差，現時處合理區中間，投資者都可以分注投資，長線持有，作長期收息。
Q48227：
我10月參加你 班 其實我比較忙 我好希望係有真正知識
但我本身對股票唔熟 會唔會入唔到腦
龔成老師：
放心，股票班（基礎班）適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。
每一課有兩份筆記比你，並有指引，要你在一星期內找那些資料，溫那些內容，做功課等。
每一堂更有一個附加的網上影片，是大約30分鐘的重點重溫片，可比你在家溫習。另外，每一堂都有簡單功課要你做，並有附加影片解說答案。
只要你跟著去完成，就能掌握整個課程所學。到你讀完後，你能自己選股、投資時機、配置、評估平貴，在投資上已掌握了一定的知識。
另外，你上課之前，多睇理財、股票類的書（例如睇《股票勝經》、《圖解股票小百科》這書），留意一下財經新聞，到時就較易跟到。
Q48228：
想問問龔sir如果月供中銀，阿里健康，港交所而個3個，每月每隻各$1000，持續10年，有冇建議？或更改？作儲錢用途
龔成老師：
中銀（2388）、港交所（0388）可長期月供，都是優質股，但阿里健康（0241）風險高，不建議長期月供，最多只宜小注投資。
餘下一隻你可考慮指數ETF，可以平衡你組合，例如盈富（2800）、標普500（VOO）/（3195）。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，現價也不便宜，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
Q48229：
我大部分嘅錢都放咗喺呢兩隻股 148, 1888。
如果要等，都唔係唔得，只係同時我就再冇錢買其他股。師兄唔好介意我煩，我真係好擔心，如果以下方案，你最建議邊樣：
-
一直守落去，等呢兩隻股都返上去 (100附近） 先再考慮放
-
放其中一隻先，雖然蝕成50蚊放，但係攞返啲錢買其他股票嘗試賺返。
-
呢一兩日，如果升返 10% （即係尋日嘅價） 就兩隻放晒佢
-
過去八日一直跌，所以聽日咩價都好，放晒佢
龔成老師︰
- 我建議減持部份，留部分。
你可以現價先減少少，等再有反彈再慢慢減。
唔係因為佢地無質素，而係你大部份資金，都投入晒2隻股票(仲要同系)當中，有過度集中性風險。
- 任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。
因此，你要建立一個平衡的投資組合，當中有不同的類別、不同的行業，這是最好的平衡風險方法。個別地區不要高於組合70%，相同行業不可佔組合多於30%，而單一企業不要高過15%。
但盈富(2800)、VOO這類指數基金，則不受企業和行業限制，因為它是一個包含一籃子不同行業的優質股組合。因此，盈富(2800)、VOO就算在組合中佔較大比重，都唔會造成(企業和行業)過度集中性風險。
以下影片都有講組合平衡的重要性和做法，你可以睇下︰
https://www.youtube.com/watch?v=Z9Yglj7eKvA
- 學好估值，因為你現時虧損，主要係買貴左。
其實投資，唔係單單買入隻優質股，之後長線持有，就會出現理想回報。
投資知識(分析股票性質和優質度)、估值能力(定平貴能力)、組合配置/平衡性、年紀/風險承受力等因素，都會影響到長線組合回報效益。
在你學會更多知識前，可以先用供或分注模式去儲貨，透過平均成本買入法，去減少買貴貨風險。
長線，你要努力提升自己投資知識，特別係"估值"和"選股分析"能力。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
※※【投資倍升股課程】(基礎班)(共24小時) ※※
馬上報名：https://www.80shing.com/register.php?id=1
課程查詢：WhatsApp: 5545 7212
※※【環球美股實戰班】(共24小時)※※
馬上報名：https://www.80shing.com/register.php?id=6
課程查詢 whatsapp:5545 7212
Q48230：
請問一下係咪可以請教吓投資嘅心得？
因為我一直都有睇開你個post
因為我依家42歲
係地盤月入$45,000
成副身家只係得500,000
一直以來都只係將500,000分開做活期
利息絕對唔多
請問一下有邊啲組合係可以做到將來每個月出糧嘅投資組合🙏🏻🙏🏻🙏🏻謝謝你
同埋講多少少背景資
我係單身，未結婚
暫時住嘅地方都係同父母一齊
就係好想好想快啲儲一筆錢，買樓又好投資又好🙏🏻求求你幫幫我
龔成老師︰
好欣賞你，願意為未來人生去做規劃。
你現時42歲，只要認真學好投資，用正確方法去做，依然可以做到一個理想架回報。
<<物業>>
如果你預期長線，都有搬離現居，出去自置物業架必要。
咁你計算架時候，緊記預留一筆資金，去作置業用。
<<投資增值>>
首先，我唔建議你咁早﹐就去做每月出糧組合。
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時42歲去計，應以增值為主。
(定期存款，對你而言太過保守，增值能力都好弱。)
策略上，你可以考慮「平穏增長股」和「潛力股」。
用你每月儲蓄做月供股票，每月就先用5成儲蓄做月供。其餘先儲起，用一邊月供一邊儲蓄的策略。
選股上，你可以留意一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、英偉達（NVDA）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先自己了解平穏增長股，甚至先集中盈富(2800)和VOO這類指數ETF。到你投資知識有所提升後，才慢慢加入潛力股到組合之中。
現時大市大致算在合理區中下(港股)和中上部(美股)，你現有50萬資金可以先投入一半，用"分注"形式，慢慢買貨。餘下一半和每月所儲到的資金，就等大市出現一定程度的下跌，才大力度掃貨，然後長線投資。
(緊記投資前，要預留半年至一年生活費，作為應金資金，這才算穏當。)
以下是有關"平穏增長股"和"潛力股"教學分享的影片，你可以參考下︰
https://www.youtube.com/watch?v=5bQc6sWIie8
https://www.youtube.com/watch?v=Vq_g4uQ4VMI
<<學習>>
- 你係新手，建議你睇下而3條影片，係講指數ETF、長線投資和複利效應而2個重要概念，會對你有幫助︰
https://www.youtube.com/watch?v=nBr4tCJ__oY
https://www.youtube.com/watch?v=ZaVTKyodNCg
https://www.youtube.com/watch?v=xm1dx0A2Q5k
- 你要明白上述月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需加強投資知識，提升選股分析和估值能力。令你可以做到因應市況平貴，自行制定入市策略。
因此，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
(當中不少影片，係用來幫讀者提升投資和財務知識，所以無時間性，幾年後再睇依然有用。如果你係想提升自己投資知識，建議你抽時間，睇翻舊影片去為自己增值。)
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，課程可以更直接幫你提升"選股 + 估值"等最核心的投資知識。每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
※※【投資倍升股課程】(基礎班)(共24小時) ※※
馬上報名：https://www.80shing.com/register.php?id=1
課程查詢：WhatsApp: 5545 7212
※※【環球美股實戰班】(共24小時)※※
馬上報名：https://www.80shing.com/register.php?id=6
課程查詢 whatsapp:5545 7212