老師你好，想你幫手比下意見
本人今年35 已婚有兩個仔, 老婆有工作，人工大約32K,
本人有工作依家27K, 依家每月供樓大約比15K每個月
工作方面，轉咗工未有三個月唔係太順利
自己做呢一行大概七年，Title只係升咗一級，不過人工多咗一倍, 喺度諗緊，其實7年升咗一個Title，不過人工多咗一倍，
經濟方面我老婆份工都相對比較穩定, 感覺自己都好似唔太適合做呢一行咁樣，只係升咗一級，人工都係喺呢七年裏面，不停咁跳先可以跳到依家呢一個金額。都有出過去見工，俾面試官感覺我太jumpy而唔太順利，依家都係有介紹先至可以去到呢個金額。
依家喺度諗緊，我會唔會去轉行比較好？
可能去做一啲相對容易handle、多勞多得嘅工，例如速遞員等等。因為感覺自己係呢七年，工作上都冇乜人賞識。只係怕轉咗工之後，未知人工會唔會同我依家差唔多，定係由頭再嚟過，或者可能要搵around 20K左右嘅工
同埋依家呢份工都係要返Shift，未轉工之前間公司唔使返Shift，相對時間比較較穩定，可以陪到小朋友
依家人工多咗但係返Shift, 比起之前都唔算陪得多小朋友。所以想搵一份人工低啲，但係相對可以陪多啲小朋友嘅工咁樣會唔會比較Risky?
因為其實我哋依家都有供緊一層樓，而且有工人。兩個仔一個分別半歲，一個三歲, 大致上個background就就係咁
其實我都好羨慕，好似你咁財務自由咗
不過我老婆喺投資嗰方面都相對比較保守，所以我哋喺銀行都有做定期，加埋大約400,000左右
呢度就係我嘅經濟背景︰
四大長老方面，老爺返緊工，外母都返緊工，反而外父同奶奶兩個退咗休無返工，而且佢哋四個都唔使我哋每個月俾家用去養佢哋，所以相對喺老人家照顧嗰方面都暫時冇壓力
而且外父外母佢哋有保險，聽講唔知去到幾多歲之後可以拎返出嚟，可能有400,000左右
反而老爺奶奶就乜都冇
感謝您！可唔可以幫我分析一下
我轉工嘅風險，同埋轉工嘅建議
個案重點：
‧35歲已婚，有2個小朋友
‧家庭月入$60000
‧供樓$15000
‧轉工三個月，人工高左，但工作不太順利
‧現金$40萬
重點目標：
‧有意轉行
‧再轉工可以陪到小朋友
龔成老師分析：
我大致了解你架情況，主要係覺得而時工作行業不合適，同時又擔心轉工人工會大跌。
首先，你要了解清楚，到底生活上每月需要多少錢(最好每月有一定資金餘下作投資)。之後，再去了解一下若果轉工，會唔會令財務出現問題，來評估風險。
不過，有一點我想你先弄清楚。因為你說現時行業不合適，似乎主要是一些人事問題(無乜人賞識)。
如果自問不是自己有問題，而係有實力，為何不先試一下其他同行公司? 或者在同行中找一些不用返shift的，就可以解決左個問題。
<<工作選擇>>
如果你都係覺得要轉工，你要從幾方面去思考，你未來要行架路。工作選擇無話一個100%標準答案，最重要係適合你自己想法︰
- 家庭生活︰
工作固然緊要，但最終目的都是為了家庭。如果因為工作而大幅度影響到家庭生活和規劃，就未必值得。
- 你希望工作可以幫你達成什麼目標︰
(i) 你是希望透過工作，去邊支援生活，邊投資去幫自己致富。
(ii) 利用工作經驗和專業性提升(如持有專業資格)，去提升人工增長可能性。
(iii) 利用多勞多得工作(如銷售)，去提升人工增長可能性。
(iv) 透過現時工作累積金錢或經驗，去自己開公司....等等。
(想清楚你架發展路向，才想未來要選擇什麼樣的工作。)
- 重點，你思考一定要用長線做出法點。有些工作短期不利，但長線可以明顯幫到自己，都要考慮。
你要思考清楚，長遠來說，那一類工作，那個人工，那個生活平衡點，最適合你。
<<面試>>
其實jumpy，而家應該已經係一件平常。除非你係年年轉，否則你只要解釋清楚自己轉工原因，一般HR都唔會太介意。
所以，有機會係會解釋時候做得唔好，要注意翻。
（上述文章只是分析，只供學術性質，並不構成任何投資建議或邀約，投資者在投資前，請自行花時間了解，才決定是否適合自己。）
龔成老師簡介
‧ 暢銷書《圖解美股小百科》、《圖解股票小百科》、《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《38全球倍升股》、《大富翁致富藍圖》、《5年買樓4部曲》、《80後百萬富翁》、《80後2百萬富翁》、《80後3百萬富翁》、《80後千萬富翁》、《千萬富翁致富學問》、《財務自由行》作者
‧ 《經濟一週》理財真人Show 節目擔任致富教練
‧ 曾接受港澳多個傳媒訪問
‧ 過往於銀行從事投資相關工作多年
‧ 曾在萬多元月薪狀態下，憑股票累積數百萬財富
‧ 現為全職投資者，擁數千萬財富
‧ 於網上分享投資心得，瀏覽量過百萬，為人氣博客，解答網友理財問題逾40,000條
‧ 《經濟一週》、《華富財經》專欄作家
‧ 擁財務學學士學位
‧ 證券業持牌人士
‧ 投資課程導師，香港及澳門學生人數逾5,000 人
‧ Facebook專頁「龔成」粉絲人數超過300,000人
若有問題發問，可在fb專頁「龔成」（www.facebook.com/80shing）inbox。