Q27081：
龔成老師你好 ! 我是你的忠實粉絲, 每天都有留意你的投資資訊, 我打算報讀星期六班, 已留位.
目前我仍有十年時間要為退休作出準備. 我根據自己的風險承受能力, 年齡, 財政狀況, 要求回報…
等因素, 分段買入及建立以(潛力股 + 平穩增值股 + 收息股) 作一個長線投資組合, 會長期持有.
現手持股票組合如下 :
1830 完美醫療 有10,000 股, $4.63
1810 小米 有 5,000 股, $13.62
2800 盈富 有12,000 股, $23.20
2318 中國平安 有 2,000 股, $49.20
00270 粵海 有 4,000 股, $ 9.89
00778 置富 有 5,000 股, $ 6.90
3988 中國銀行 有10,000 股, $2.90
00939 建設銀行 有 5,000 股, $5.67
00941 中國移動 有 1,000 股, $51.80
2638 港燈 有10,000 股, $7.86 + $7.72
00548 深圳高速 有6,000 股, $8.11
-
以上股票是否可以作長線投資 ? 請問哪些是優質股票 ? 哪些是沒有質素可沽出減持 ??
-
每個行業的比例是否適合 ?? 持有股票是否會太多 ??
-
現持有60萬現金, 等大市再跌, 還可以掃什麼貨 ?? 請給予意見.
-
請問保險公司的年金是否值得買呢 ?? 風險如何 ??
-
另我在一家公司已工作超過19年, 一直是從事會計工作, 雖然月入不算高, 但屬於穩定, 由於疫情關係,
公司生意明顯比以往差咗, 我擔心未來公司會裁員, 如果失業的話, 以我的年齡, 很難再找到一份
穩定的工作, 除了收股息之外, 有什麼方法可以產生被動收入, 請問你有什麼建議 ??
希望老師在忙中抽空給予意見, 非常感謝你的指教及為我解答疑難.
龔成老師：
- 你持有股票都有長線投資價值，全部都有質素，可長線持有。但完美醫療(1830)和小米(1810)係潛力股類，風險較大。當你接近退休之年時，就要慢慢減持。
另外，你組合比較多收息股(0778,3988, 0939, 0941, 2638, 0548)。你尚有10年才退休，其實尚有一個合理增值時間，建議你未來加入多少少平穏增長股，去提升增長力。
當然，如果你想保守D，現時組合就可以。
- 你組合平衡性，無大問題。
你只要記住，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。
因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。
特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。
-
餘下60萬，建議你主力入平穏增長股，再加少少收息股。如果要穏陣D，就加多少少收息股。
-
可以，但佢主要創造被動現金流。因此，你最好近退休之年，才考慮。而且，佢只係其中一個退休創造現金流項目，唔好太重注。
-
你可以自己做些小生意，或者試下用自己架專業，接些Freelance工作做。你可以集中，從自己興趣和專長去想想。
加油，之後課堂上見!!!
Q27082：
我抄左十年股，都未能賺到錢，其實抄股得唔得？
龔成老師：
理財要一步步，先從知識，基本理財開始，再投資。首先，要學真正賺錢的投資者、基金經理，如巴菲特，佢用的投資方法成為全球最賺錢的方法，簡單來說，就是投資優質股長線持有，不要短炒，這樣能有效令財富增長。投資股票是可行的方法，但前提是用正確的投資方法。
Q27083：
經濟衰退機會有幾大
龔成老師：
暫時睇，2、3成，美國經濟數據不算差，但並不是無潛在風險，加上之前試過債息倒掛，都是風險因素。
Q27084：
想投資香港樓，有無邊D地區較值得睇?
龔成老師︰
除左鄰近商區地段，好似中環、東九、北大嶼(或有變數)外。你都可以留意一些潛力較高地區，好似堅尼地城、大圍、黃竹坑等。
不過現時香港物業的投資價值不算高，樓市處於合理區的中上水平。
香港樓市，中短期會有少少上落（但不會大跌），長遠會向上，因爲背後的需求。
以投資的角度分析，現時的租金無大跌情況，樓價都不會大跌，因此樓市平穩。
當然，政府及中央現時有較大決心處理好樓市問題，我相信會令之後的供應增加（不是中短期，要長期才慢慢見到），因此，樓市不會大升，但相信都較難大跌（始終需求大）。
長遠計，樓價會平穩，有少少向上，但不是倍升，不會好似過往般倍升，而是平穩向上。
因此，香港樓作為自住的價值仍在，長遠樓價平穩及有少少向上。但投資價值，就只是一般，未見好吸引的水平。
你在分析物業的投資價值時最重要都是睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。
另外，你再要審視其升值潛力，未來地區上、交通上、生活等等的配套發展，才去下一個結論，咁會較好。
Q27085：
你好 龔成老師 ！ 想問下關於樓換樓既問題！我同另一半於幾年前以3百幾萬買左現在居住既單位，
而家單位已經升到630-650萬 。
我地都有意想換樓，目標係想換青衣站上蓋既2房單位。
但都至少要8百幾萬，而我地流動資金亦唔夠比首期。請問係呢個情況下，你有什麼建議
龔成老師︰
幾個方法，第一，先沽出現有物業去取得首期，中間有機會要租屋，變相增加換屋成本。此期間，新物業也可能會出現變數，如貴左、已出售等。
第二個方法，若你想先取得首期，用先買後沽。但你現時唔夠資金，因此要同加按方法，但較進取，同埋有可能會在罰息期賣出要罰錢，因此唔太建議。
先加按，套現一筆錢去做首期，但你要考慮自己還款能力。同時增加了之後按揭的難度。
因為你同時持有2個物業，係做按揭時會用2套房去計。你要確保有足夠收入，過度銀行審批和壓力測試。
另外，由於係第二套房，你要預繳15%「雙倍印花稅」，都會令買樓資金需求增加。（但如果在一年內賣出原有物業，政府會退翻）。
第三個方法，你地將現有物業拆名，然後加按，再用另一人名去買新物業，但就要計清楚數，這方法太進取，所以都唔太建議。
所以，第一個方法較可行，先賣出，後買入，只要買賣中間的時間差唔太長，就無問題。如果計過數資金都唔足夠首期或供樓，就累積多D財富先，遲少少先進行計劃。
Q27086：
sir,939同1398都優質，939比1398優勝嗎？
龔成老師：
其實兩隻都接近，好難絕對話邊一邊隻，只是投資者會以不同的角度指標，去比較企業質素。從股本回報率來說，建行（0939）賺錢能力較強，但同時，這銀行的壞賬情況，比起工行（1398）略高。
Q27087：
我買樓想找阿哥做擔保人，好唔好。咁會唔會影響佢之後買樓??
如果會，咁將來幫佢再除名(擔保人)，會唔會好麻煩??THX
龔成老師︰
其實你找的擔保人，將來都會置業的話，就會較麻煩。除非佢本身收入好高，因為佢置業去做按揭時，銀行會將佢做擔保部份，一併考慮，令佢借貸能力大減。
不單其按揭成數受影響，連「供款佔入息比率」及「壓力測試」銀行都會比非擔保人，更為嚴謹。
所以好多時擔保人自已要買樓，都需要從舊有擔保中除名。但要做到除名，你自己必先收入上有改善，能過「壓力測試」，或者找到其他擔保人頂替，才可以。
現時普遍會用轉按，去解除擔保人名字。由於等同新按揭安排，你係需要再做按保，除非你物業升值，令你借貨在估值的6成以下。
此外，你預有機會因轉按，而令按息增加，拉高了你每月還款負擔。
較好的策略，是你地加快還款後，減去你擔保人的名字，回復你正常的按揭能力。
Q27088：
Sir, 我從未買過債劵, 家人已退休想有穩定收息, 最近我睇匯豐見到有隻紐西蘭政府債劵想請教阿Sir, 可以幫我看看嗎?
大約$50萬港元起, 符合我家人的budget, 信貸評級AAA, 但我見有中級風險, 何解呢? 紐西蘭政府不可靠嗎?
應否買美國債比較低風險?謝謝阿Sir 解答~~
龔成老師︰
債券主要係用來創造被動收入，適合已退休人士。
但債券都存在一定風險，所以我地只會選A級債券，以盡量減低佢違約架機會。(任何債券都會有機會違約，只是多和少架分別。)
你連結中架債券，屬於政府發放債務。一般發達國家的國債，大體上都係安全。
風險評級是基於產品而定，就算是紐西蘭政府發行的債券都有機會有風險，但唔算高(係可接受水平)。
美國國債風險會相對較低，但當然息率都會相對較少。
Q27089：
你好，龔 sir, 我早前入了 2638 港燈$7.5, 想八月收息，現況應 keep住嗎？謝謝
龔成老師︰
港燈（2638）是不錯的收息股，如果你目標係收息，值得你長線持有。
而你架問題，我唔肯是想問，你覺得佢8月前佢會跌，所以沽唔沽先。定係諗住，8月收埋息先再沽，可以賺多少少。
如果是前者，你買2638目的應該係為收息，因此唔應該放係股票變動上。只要質素無變﹐就可以一直持有。
若後者，你對派息運作，似乎有點誤解。
如果你要收到股息，必需在「除淨日」前一天，依然持有股票。「除淨日」，其實就是用來確認那些股東收到這權益的日子。等到「除淨日」當天才買，派息就唔會有你份。
「除淨日」那天，股價就會扣除派息部份，例如原來股價$10，派息$1。那麼「除淨日」就會將股價，從$10下調至$9，以反映派息動作。
而「派息日」，就係這班合資格股東，正式收到股息的日子。
由於「除淨日」股價會下跌。而下跌比重同收到息係一樣，所以只係左手交右手動作，你唔會在此期間因買/沽貨，出現任何著數。
Q27090：
本人今年35歲，兩夫妻，沒有打算生小孩。
目前擁有資產：
17萬股盈富基金 (現時約值350萬)
自住物業 (現時約值300萬，月供約6600元，尚欠大概110萬供款)
兩人打工月入：共約40000元
目前每月生活開支：約9000元 (不包括供樓)
投資目標：
足夠現金流在4x歲財富自由/退休
投資計劃：
- 繼續買盈富基金
- 投放33萬港元買美股etf，VO (擺35年或以上)
- 投放33萬港元買 VBR (擺35年或以上) 請問，這個退休安排有何改善地方謝謝你。
龔成老師︰
若你打算4X歲退休，你可以先計好自己退休目標，大約洗費要多少，才去做配置。
如果你希望退休後每月有3萬蚊現金流，以股息率6%計，你需要本金600萬。你就以此作目標，去做增值。
你現時計劃都可以，不過我建議加大美股部份，因為個別地區最好少於組合比重70%。
而投資目標，VO和VBR都可以，但我覺得VOO會想對理想。
以每年回報10%計，5年就應該可以累積到600萬，當然要睇當時市況而定，但成事機會都偏高。
到你有600萬，就慢慢換成收息資產，去創造被動現金流，咁就可以了。