Q23621：
龔成老師你好，本人 33 歲，有幾個問題想向你請教一下：
現時投資組合
港股
0778.HK 置富 2000股
0823.HK 領展 300股
1177.HK 中生 3000股
3067.HK 安碩恆生科技 1000股
3988.HK 中國銀行 5000股
6618.HK 京東健康 50股 (IPO)
美股
PFE 輝瑞 10股
CRM 賽富時 Salesforce 6股
ASML 阿斯麥 2股
債券及外幣
iBond 3 手
人民幣現金 5000
人民幣定存 50000（本人佔 80%，家人佔 20%）
(1) 想問現時投資組合，有沒有需要改善的地方，或者是某部分需要重新分配？
(2) 現時持有的人民幣現金應否轉換為港元，然後轉為投資港股？
(3) 如果現時想買入一隻至兩隻平穩增長股的話，請問領展、港鐵和粵海之間，哪一／兩間會比較好？
(4) 早前留意到中生 (1177.HK) 和福壽園 (1448.HK) 已經從高位調整不少，請問現時是否買入時機？投資組合會否太傾側於潛力股？
(5) 阿斯麥 (ASML) 早前因為中國開始製造光刻機的影響，股價出現比較大的調整。老師認為 ASML 的獨特優勢往後能否維持？
謝謝龔成老師解答以上問題。
龔成老師︰
- 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
你33歲，應以增值為主，建議你用「平穏增長股」 + 「潛力股」作組合，去創造一個增值平台。置富(0778)和中行(3988)只係收息股，增長力不高，唔建議持有太多。
另外，你組合好多都係潛力股(除了0823,0778,3988，其餘都係)，佢地雖然有增長潛力，同時風險都較高，不宜持有過多。
你算年青，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。
未來時間，你就要加大翻平穏增長股部份，令組合更平衡。
IBOND係定息產品，只係用來收息，唔適合你，建議你沽出。
-
除非你有實際用途，否則轉會港元去投資較好。
-
3隻都可以，但你本身領展(0823)有貨，你可以考慮其餘2隻，令組合更平衡。質素上，會係港鐵(0066)最好。
-
現時2隻都在合理區中上部，福壽園 (1448)可以入首注，但中生(1177)由於你有貨，建議再等等。另外，都要留意翻潛力股比重，唔好過多。
-
始終佢有一定技術和品牌優勢，唔會話一時間比人取代左。但長線，我地就要再分析，優勢有無出現收窄的情況。
佢擁有領先的技術，不用擔心。這是值得長線持有的股票。
Q23622：
hello 龔sir, 想問下你點睇美股PayPal?因為睇佢嘅基本面其實唔差
我入左兩注,平均價@248 到而家225 如果繼續跌嘅話 我仲應唔應該繼續入貨for 長揸? thx
龔成老師︰
PayPal Holdings Inc (PYPL)是一家科技平台與數字支付公司，支付方案包括PayPal、PayPal Credit、Braintree、Venmo、Xoom、iZettle和Hyperwallet等。
集團有一定知名度和規模，長線發展是正面的。
早前集團開始允許部份國家用戶﹐購買、持有及出售加密貨幣。在加密貨幣日漸普及時代，有機會成為集團新的增長點。
雖然此股過去數年，盈利增長不錯，但以現價計已經唔平。由於佢長線發展正面，你現貨持有，係無問題。但相再加注，最好等佢回多少少先，或用月供模式去儲貨會較好。
Q23623：
Tqqq 老師覺得點
龔成老師︰
ProShares UltraPro QQQ(TQQQ)係追蹤納指100指數，但當中包括3倍槓桿，風險唔細。
我預期未來10年，中美都會維持世界最大經濟體地位，故美股有一定投資價值。不過，我唔建議用有槓桿的產品，因為風險太高。
若你想投資納斯達克100指數，你可以用無槓桿的Invesco QQQ Trust(QQQ)。
Q23624：
你好啊，想請教你 海底撈依家買得過嗎？
龔成老師︰
海底撈（6862）正本質是不差的，長遠仍會正面，不過中短期會弱。
第一，管理層有講過，之前市場對佢地公司過度樂觀，估值偏高。第二，管理層話公司面對中國的市道，其實業務不是一直都好的。
加上這股之前貴，相信中短期股價仍一般。
不過以長遠來說，這股仍有質素的，佢以「海底撈」品牌經營火鍋店及外賣業務，火鍋菜單由鍋底、醬汁蘸料以及在鍋底烹飪的食材三個主要部分組成，可點單鍋、鴛鴦或四宮格鍋底組合，餐廳提供多種調料及食材，以及供應小吃、酒和飲品。
在中國有好多分店，以及外國都有。
有規模，有品牌，整體正面。相信長遠仍有發展的。
不過，這股市場之前比佢好高估值，就算近期回落，最多只能稱為合理區中上，一定未平。如果有貨可長線，但無貨暫時只建議小注，股價始終波動。
Q23625：
老師，呢兩隻質素如何？騰訊音樂/富途控股,
龔成老師：
騰訊音樂 (TME)業務主要為在線音樂娛樂平臺和音樂應用，公司的主要平臺包括QQ音樂、酷狗音樂、酷我音樂、WeSing、酷狗直播和酷我直播等。
此股有投資價值，暫時睇佢發展都理想。不過過往股價都幾波動，現要算回調至合理區中上部。
你現貨可持有，若現時只有好小注，現價加少少係可以。但此股有一定不確定性，要控制注碼。
富途（FUTU）有增長力的。但要注意監管風險，對佢中短期不利，長遠先會慢慢好轉。
佢係一家在線經紀公司，提供一站式在線投資服務，騰訊（0700）為股東。該公司通過網上平台提供服務，其中包括香港、中國大陸，以及美國股市的市場數據、交易服務和新聞源。
佢以經紀佣金，以及手續費服務的形式產生收入。
早前佢由於被質疑在內地《個人信息保護法》不合規，令股票大跌。但公司已出來解釋，一直嚴格遵守和踐行相關法律法規。暫時睇，佢問題不算太大。
這企業雖然有發展，但現時市盈率好高，股價變化大，要留意風險。
這股小注都可以，長線有增長力。
Q23626：
龔Sir, 想問匯豐仲值得持有嗎？
我買了d穩陣嘅股票2638、2800、66、823、5。
5就在2018年和2019年以60.65和55.7各買了一手，共兩手。由上年大跌之後，朋友們紛紛都沽晒。
我在這兩年內有機會離開香港。所以都有點十五十六。
想問長遠/短期內應該如何計劃我嘅大方向？（我知道長遠一定係要增加我嘅理財和股票知識）
龔成老師︰
如果你要離開香港，而離開時又需要將所有在港資產套現的話，就不宜再加注投資。我建議你先確認，你2年內會否離開。
若然係會，其實可投資時間不多，故你不要再加大投資金額，反而係在離開前一年，慢慢分段沽出現貨，以減低價格波動對你回報影響。
相反，你係有較長時間投資(至少3-5年)，你最好以因應自己人生階段，去作一些投資配置。
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
我相信你係年青至中年人士，係投資配置上，應以增值為主。
匯控(0005)唔係無質素，但佢同港燈(2638)都只係收息股，增長力唔高，主要係收下息，以你年紀不宜持有太多。
建議你用「平穏增長股」 + 「潛力股」作組合，去創造一個增值平台。將每月儲蓄資金，去做個定期增值。
現在你每月先用5成儲蓄做月供。其餘先儲起，用一邊月供一邊儲蓄的策略。
由於「潛力股」係需要一定經驗和有一定波動性，如果你經驗較淺，可以先小注，大約佔組合3成左右。若你係有一定經驗，你可以投資到約5成比重。
至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
Q23627：
老師請問你之前說組合裏，要每個行業30%，甘係計買入價，定幾時？因為每隻都升升跌跌，有些跌左一半
龔成老師︰
唔係計買入價，而係計你組合現時市值。
你唔洗成日去睇住，預大約每半年至1年檢視一次，咁就可以。
但有時有些股票會較為波動，所以最理想其實係用一年平均價。但若你唔想太複雜，用現價計個組合比重，咁就可以。
Q23628：
龔成老師你好，以往我一向覺得石油是必需品，持有中石油貨值較多。但近年形勢轉趨新能源，我亦在觀察有否有質素能源股可投資。
看過你的書後，尤其覺得信義光能(968) 和新天綠 (956)是各自行業龍頭，行業有優勢。但比較兩隻P/E值，信義差不多高一倍。
請問這代表信義還處於較貴的價位，可先考慮吸納新天綠嗎？
龔成老師︰
化石能源，未來相信會慢慢被可再生能源所取締，但唔會係一朝一夕的事，石油股都依然有投資價值。
但由於佢只係商品，無價格差異性，故投資價值只屬中等，不值持有太多。
這2隻再新能股，都有投資價值。但我地唔會單憑PE高低，就話一隻股票相對平定貴。
我地還要考慮其本質、業務、行業發展，財務狀況等，才可以得出結論。有機會係PE較高的一隻，反而值博率會較好。
信義光能（0968）本質不差，業務保持有一定的增長力，股本回報率處高水平，加上現金流強勁，是有一定質素，可長線投資的股票。
現價合理區頂至略貴水平，如果想入，要慢慢分注，但仍不是大注投資的時候。這股股價上落都大，要注意金額。
新天綠色能源（0956）本質不差，有一定的增長力，但由於都有一定的負債，考慮到風險因素。
你投資都可以，分注無問題，但由於這企業規模比較細，加上有行業風險，因此唔建議太大注。
近期此股已被炒起，現價已經係偏貴，你要等有明顯回調，才好開始小注入貨，並長線持有。
Q23629：
我有聽你意見做月供，有做 緊700 & 1211
如果我放美團 & 港視，應該而家趁700/ 9988 低入貨？算唔算合理水平？
同埋1830
謝謝你
龔成老師︰
現時月供騰訊(0700)係可以，但比亞迪(1211)仲係偏貴，你最好等回到$200以下，才開始月供。
如果你真係好想月供新能車相關股份﹐你可以暫時用GX中國電車（2845）去取締，這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。
至於美團(3690)和香港科技探索（1137 - 即HKTV）緊記係因為佢地確定性高，建議係"減持"，而唔係一定要沽晒。現價計，騰訊(0700)和阿里(9988)都係合理區中間至中下位，可以分注。
而完美醫療(1830)則在合理區頂，由於你有在手，除非你資金好充裕，否則等佢回多少少才加注，會比較好。畢竟此股風險偏高，不宜持有太多。
另外，我留意到你組合(持股和月供)，依然係好偏重左係潛力股(1211,9988,1830,0700,3690,1137)，佢地雖然有增長潛力，同時風險都較高，不宜持有過多。
以你年青至中年年紀，潛力股可佔約4-5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。
未來時間，你就要加大翻平穏增長股部份，令組合更平衡。
另外，你唔好太過偏重係單一行業，好似騰訊(0700)、阿里(9988)、美團(3690)都同屬科技股。
個別企業和行業，不要佔組合15%和30以上，銀行業更加不要高於組合20%，否則會有過度集中性風險。
在創建組合初期，組合金額較少，出現超標都係可以接受。但長線你要參照這指標，去維持組合的平衡性，才算理想。
Q23630：
龔成老師，如果呢刻有一筆空閒錢3萬，中國生物製藥，中國平安，海底撈，建行。我應該選擇邊一隻比較好？
龔成老師︰
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
你所講的股票，都係有質素。但選擇邊一隻，就要睇翻你人生階段。
中生(1177)和海底撈(6862)係潛力股，風險較高，若你係年青至中年人士，這類股票可佔你佔合3-5成。
而平保(2318)係平穏增長股，若你未到退休之年，基本上這類有穏定增長力，但風險又算過高的股票，都適合你。
建行(0939)係收息股，主要適合中年至退休人士，增長力不高，主要提供穏定現金流。
你可以因應自己年紀，去進行配置。
我地唔好成個組合，只集中係1,2隻股票身上。
最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。
同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。