Q39421：

龔sir , 不知不覺 月供已完成了3年， 每月堅持月供10月份開始見到成效了， 感謝你嘅分享，睇你既書另我開始月供，分水桶🪣，3年後開始有回報了，謝謝你

1/ 因為股票價格開始升，另到1810 的佔比增加了不少，原則不可超過15% 但依家超出了， 我應該要點做？

2/ 另外，我認為1810 好快會賺到100% ，我記得你教過升一倍放一半，咁到100% 係咪應該放緊d ?

龔成老師︰

1) 15%唔係一個硬性準則，但如果係初學者，風險承受力較低投資者，以15%作為界線會比較穏當。

但如果你對集股票有好深認知，同時又願意付較高風險，持有多少少係可以。我自己比亞迪(1211)，都係明顯超過左而個標準，當然我對佢研究係好深入，先至會咁做。

另外，我地唔係用而一刻架價格去計比重。面對1年內波動好大架股票(例如小米1810)，我地最好用1,2年架平均價去計，會較為客觀。

你可以見到這股佔你組合，有明顯多時，例如20%、25%以上，就減部分。如果只是超過少少，如17%，就不用理。

其實，所有%都只是一些方向，不用太過嚴格。

2) "升一倍放一半"係比一D唔識定平貴架初學者，有一個策略可以參考。目的是幫他們先取回成本，餘下零成本長線持有。

如果你想穏陣D，可以減持部份收回成本，但一定要保持一定持貨。

因為始終佢未到貴，而且企業依然有潛在發展空間，所以建議長線持有，不要而一刻清倉。

Q39422：

sir, 請問Nike現價值博率高嗎？

龔成老師：

有投資值值率，不過業務略有轉弱，而市場競爭大左，所以，都不能一次過投資太多。

NIKE (NKE)於1967年創立於美國俄勒岡州，業務包括運動鞋、服裝、相關配件等。集團現時為全球最大運動鞋及服飾銷售商，主打較年輕的消費者市場。

現時旗下產品種類，主要分為跑步、NIKE籃球、The Jordan、足球、訓練和運動服裝。其次，還有美式足球、哥爾夫球、板球等戶外運動用品。

集團擁有強大品牌和研發技術，透過高質素的運動產品，令其一直於行內保持領導地位。

集團過去多年，收入、盈利和股息，一直都有唔錯增長。近年集團開始踏足元宇宙和NFT範疇，有機會成為新增長動力。

整體而言，此股有質素，現價算合理區中下，可以分注儲貨，並長線持有。

Q39423：

Sir，聯邦製藥、石藥同1177比較，聯邦製藥是否潛力同風險都會比較大呢？

同埋石藥業績差，同中央大規模採購，導致藥物價格下跌有關，而佢喺心腦血管方面嘅藥物都有銷量下跌嘅情況（ 核心產品），是否可視為質素有轉壞？

龔成老師：

聯邦制藥（3933）在當中的潛力度較高，但風險也會高少少。

聯邦制藥係一間藥品研發、生產、經營產一體的公司。

佢從生物發酵開始集醫藥中間體、原料藥、藥物制劑、藥包材生產一體，可以話實現垂直一體化的生產經營模式。

佢擁有多個生產基地，包括香港聯邦制藥廠（制劑）、珠海聯邦制藥股份（原料）、珠海聯邦制藥股份中山分公司（制劑）等。

佢可以定為三個業務分部：

（１）中間體：中間體產品６－ＡＰＡ採用直通工藝法生產；７－ＡＣＡ及克拉維酸叔辛胺鹽的生產規模居於中國前列，技術先進。

（２）原料藥：原料產品４大系列３０多個品種，產品暢銷亞洲、歐洲、南美洲、非洲等世界各地。其中，阿莫仙原料是國內唯一通過德國認證、歐盟認證、美國ＦＤＡ認證的產品

（３）制劑產品」制劑產品８大系列５０多個品種，產品涉及多個治療領域，有抗生素類、解熱鎮痛類、抗過敏藥、降糖藥、抗乙肝藥、心血管藥等。

這企業本身都有質素，過往的生意與盈利都有增長，但就不是高增長。

現價合理，都有長線投資價值，但不是潛力類的企業。

至於石藥（1093）業績轉弱其中一個原因是大規模採購，導致藥物價格下跌，再加上市場環境較弱，都影響了表現。

Q39424：

老師，請問3311中國建築點部署好呢？

龔成老師：

中國建築國際（3311）由中國海外發展（0688）以介紹形式分拆上市，業務主要分為樓宇建築及土木工程。

佢參與所取得建築工程項目的日常管理及實施。一般透過競投過程取得項目工程。將部分建築工程外判予分包商，並於建築工程進行時負責客戶或他們的顧問、分包商及供應商之間的協調工作。

過往生意與盈利都穩定，但增長力就不強，現價合理，不過唔好對股價有太大期望。目標是收息。

Q39425：

龔Sir，請問3983中海石油化學，前景如何嗎？

龔成老師：

中海石油化學（3983）主要從事生產和銷售尿素、甲醇、磷肥，包括磷酸一銨和磷酸二銨，複合肥和聚甲醛。

業務都不算差，但盈利就較為波動，現價合理，但這股始終規模細，盈利波動大，因此股價都會有潛在風險。這股都可投資，但不建議大注。

Q39426：

Sir.如果2揀1選擇1288好或3988好

龔成老師：

兩隻好接近，其實都可投資，現都合理。

如果2選1，中行（3988）有機略好。但由於內地經濟無過往年代咁強，股價增長力不強，不過，作為收息股，仍是不差的。

近年中國的經濟及內房負債問題，令到市場擔心，內銀的壞賬問題，並影響之後的派息。

其實，內銀的壞賬問題也不是今天的事，股價在估值方面，已經反映了相關因素，同時由於中行規模大，以及過往壞賬控制算是不過不失。

以長期及整體的角度分析，中行本身質素不差，有一定的規模，在全球都有網絡，本身不會無質素的。

不過，這股增長力不算強，只是一隻收息股，現價投資可以，因為在合理價區較下部，但不要對股價有太大期望。

現時市盈率4倍、5倍，股息率6%、7%，仍有投資價值，同時低市盈率，已經反映了一定程度的壞賬問題。而最新的財務數據，也未有嚴重惡化的程度。

因此，有投資價值，分注投資可以，買入後收息。

Q39427：

事隔4年，繼上次比亞迪倍升N倍後，又要再一次多謝你龔成老師！

我隻小米已經就嚟返一倍，我知道老師你都持有小米

我記得你教過我哋策略可以係贏一倍放一半，另一半就可以了安枕無優擺響度，呢個策略適合小米嗎？但我估老師一定會長揸唔放

龔恭老師：

正！恭喜晒！

現時要睇你持貨多唔多，如果貨少就全部長線持有，小米（1810）仍有發展力的。

我自己暫時都無賣到的。

當然，始終這類潛力企業，發展過程會有波動，所以股價上落都大，因此，如果貨多，可考慮賣出一半，餘下長線，都是可行的策略。

Q39428：

請問老師是否認同現時香港股票市場與復常前已大大不同？（最近有位銀行朋友這樣告訴我）以往我是投資港股，不買不認識的股票，但朋友說現在轉到美股較好，請問老師點睇？🙏

龔成老師：

港股近年增長力較慢，加上單一市場風險增加，的確不能只集中在港股，而我會建議「港股+美股」。至於港股，又不是完全無質素，但就要小心尋找較優質的企業，睇長線，慢慢等經濟及企業好轉。

你有興趣可睇《圖解美股小百科》，都有比較港股與美股，以及美股是否應該投資。

Q39429：

老師你好，我已年過30, 無儲蓄，心急想賺錢放晒落股票 上落好大，有無問題？

龔成老師︰

首先，你要明白我地投資股票，其實等同投資一間企業。希望透過其自然增長，以達至財富增值的目的。

所以，我地投資一定係長線，而唔係短期炒賣，去賺差價。由於係長線計劃，你唔好預期佢對你短期財務上，會有任何幫助。

好多散戶都覺得投資係短炒，賺快錢架工具。以往我係證券行做，見倒短炒架都係輸錢架一群。反而明白投資係買企業，長線等佢成長個班，先至賺到錢。所以，你要了解清楚投資到底係一件什麼的事。記住，投資無得急，財從來都不會入急門。

你還很年青，是一個適合投資優質股增值的年紀。

不過，你要學識分析選股和了解平貴度，因為就算再好架股票，中短期都會有波動，不過長線佢內在價值，一定可以反映係股價當中，所以上落波動大唔係問題，反而係你有無選對合適股票，和配置好一個平衡性高，又適合自己的組合。

Q39430：

Sir,我36美元持有40股SMCI，最近負面新聞咁多，仲可能面臨退市，我應該繼續觀望還是直接全賣？

龔成老師：

其實這股本身是較高風險的類別，加上近期有不少不利消息，都影響了股價。

現時最擔心是賬目問題，因為如果賬目出事，所有分析都無意義，佢最近出現核數師辭任，這的確是一個不利因素，雖然不一定出公司一定造數，但都反映賬目「可能有古怪」。

這股建議先減持。

當然，佢本身業務不是劣質，Super Micro Computer, Inc.（SMCI）為雲計算、數據中心、大數據、高性能計算和“物聯網”嵌入式市場提供高性能服務器技術服務。

該公司致力於開發和提供基於創新、模塊化和開放標准架構的高性能服務器解決方案。該公司一半以上的收入來自美國，其餘來自歐洲、亞洲和其他地區。

業務發展都不差，生意與盈利都有增長，但在考慮到賬目風險下，這刻你可減部分，如果你能承受高風險，就留部分，再觀察企業的發展。