Q26431：
阿sir, 啱啱上完第二堂，你講到3個水桶配置，我就檢視一下自己股票，見到蝕左好多真係好驚，但又提醒自己唔可以有散戶心態
我差唔多40歲，3個水桶配置應該係40/40/20, 咁睇好似高風險股票有啲多，而且我啲股票其實有啲分散，所以想問下有冇邊隻無質素嘅，可以放左佢？
700、823、1177、1398、1810、2338、2800、3067、3328、9988
龔成老師︰
首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。
所以，你首先要理性地檢視一下自己的組合，理性的重點是「當自己無貨」，從企業的質素去考慮股票長遠是否值得持有，如果無質素，蝕都要賣，否則，長遠會拖低組合回報。
睇翻你持股，質素上係無問題，可以守。如果想優化組合，也只是配置的問題。簡單來說，就是無太大問題，只要按你的年齡及風險度，做一些調整就得，長遠來說，也可以考慮加入美股，第二堂都有提及。
「40/40/20」這個比例不是絕對的，我課堂上都有講解。當我地進行投資增值時，係會因應自已的財政狀況、風險承受能力、年齡、負擔、要求回報等，
從而確認那一類股票較適合自已，而年齡只是其中一個考慮的因素。你可以根據自己的財務狀況，風險承受能力做調整，這個配置只是一個參考用途。
以你40歲，其實這個比例都可以。想進取D，可以將收息股變埋平穏增長股。
如果你覺得潛力股的風險配置比較多，可以將比例調低到20至30。總之，自己覺得舒服就可以。但同時你要明白，調低之後，增長力就會相對減弱。
如果你重溫筆記，就知道一個100萬以下的組合大約持有5-10隻股票較爲適合；100萬以上就約10-15隻，
如果你覺得太散，可以集中投資，將無質素的首先賣出。
Q26432：
你好，老師，依家月供盈富4千（到8月差不多一年），工商5千（只有一個月），想請問股市跌，我是否應該繼續供，我如何先知對我有幫助，定何時就停供？謝謝。
龔成老師︰
這是一個長遠累積資產的過程，至少月供3年，持有5年先可以見到效果，你不需要的理會短期的股價波動，如果是優質的股票，繼續月供就可以。
如果你月供的股票太貴又或者人生階段轉變，都會有停供的可能。但盈富（2800），工行（1398）現時處於合理水平，所以不建議完全停供。如果你覺得這兩股佔你組合的比例開始多，反而可以等多1年，等股價再上翻多少少後，到時先停供。
你的組合只有2隻股票比較少，風險集中，建議你可以將這9千月供金額平均分配到不同股票來平衡風險。
如果你希望開頭穏陣D，或者你係年紀較大，你應該用「平穏增長股」 + 「收息股」的組合。
若你係年青至中年，你就可以用增長性和風險都較高的「潛力股」，配合「平穏增長股」作一個組合。
你可以睇翻你自已年紀和風險承受能力，去做決定。
現時大市只在合理區，每月資金唔好盡用。最好留有部份，等大跌市出現時，可以用來掃貨。
Q26433：
龔成老師你好，目前小弟有3年投資經驗，對投資有一定程度的認識。但最近遇上樽頸，我發現自己的風險管理及注碼控制未如理想。
以股票組合為例，我並不肯定每隻股票應投放多少金額，我明白分散投資有利於穩定回報，但有時候太過分散也會令回報降低，如何分配才算適中？
我想問我應該從什麼途徑學習這些知識。
龔成老師︰
有些風險可以控制，但有些風險其實是不可控的，例如：市場風險/系統性的風險，就不是我地可以控制的範圍(例如戰爭)，風險管理只能管理可以控制的部分。
「分散投資」和「控制注碼」是其中兩個風險管理的方法。
「分散投資」代表我地唔好成個組合，只集中係1,2隻股票身上，要建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。
同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。
所有的投資策略都會有好有壞，分散投資有助平衡風險，但投資回報率較低；集中投資回報可能會較高，但風險同樣會較高，
初學者和大部分的投資者都比較適合分散投資；一些較爲有經驗的投資者可以嘗試集中投資，但我個人不建議隨便亂用，一定要有相關知識和經驗，3年在投資來講不算長。
一個100萬以下的組合大約持有5-10隻股票較爲適合；100萬以上就約10-15隻，這樣的配置會相對容易管理。
至於「控制注碼」，其實無一定的答案，如果不懂分析平貴，可以用平均入市法 （價格平均法或時間平均法）。
時間平均法，就是每隔一段時間（一個月或三個月）入一次市，用時間的濶度將價格拉開。
價格平均法，就是將總體的投資金額分成3-5注，每跌10%就入一注，波幅越大的股票，注數就越多，相隔的幅度就應該越大，這種投資方法一定要先設立一個投資金額和百分比，配合整個財富配置計劃進行，而不是為「拉低平均價」。
本人的【投資倍升股課程】有講述相關内容，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
書本上，你可以睇我寫架《80後千萬富翁》、《財務自由行》和《股票勝經》。
Q26434：
龔Sir，你好! 近期市場波動，請問以下股票是否可繼續持有呢？ 謝謝!
981中芯國際 $19.00入1500
1810小米集團 $12.027入7000
968信義光能 $19.50入2000
708恒大汽車$68.00入1000
2160心通醫療 $19.50入2000
2380中國電力 $4.00入4000
2208金風科技 $16.70入1200
857中國石油股份 $3.80入6000
342新海能源 $3.03入4000
123 越秀地產 $9.60入2400
9988阿里巴巴 $199.70入200
龔成老師︰
你上述持股，都係以增長類股票為主。如果你係年青至中年，這些股票都可以。若你係近退休之年，風險就太高。
新海能源 （0342）因爲延期發佈業績問題停牌，營業額近年有倒退的跡象。
睇翻佢2021年業績，建議核數師作出"不表示意見"，而且佢又年頭又換過核數師，財務數據上可能有唔少潛在問題，建議在復牌後首先賣出。
恒大汽車（0708）早期申請復牌後又停牌，原因未明，恆大系由於負債問題，風險仍然存在，建議同樣在復牌的時候首先賣出。
微創心通醫療科技（2160）有潛力，但同時風險系數高，現貨可以持有，但就不要加注。
中芯國際（0981），中國石油股份（0857）質素一般，現貨可以持有，但就不要加注。
内房由於監管及高負債等問題中短期會較弱，質素中等，故有一定風險。越秀地產 （0123）不適宜持有過多，現貨是可以持有，但就不要加注。
小米(1810)，信義光能（0968），金風科技（2208），阿里（9988）屬於潛力股，但不確定性高，不建議持有太多，小米（1810）佔比偏多，要適量減少少。
中國電力（2380）有潛力，可以持有。
記住，我地決定是否投資一隻股票，關鍵位係睇企業質素和前景。中短期因素，我地係唔需要太在意。
Q26435：
你好，龔成老師！我是一位失婚的在職人媽媽，今年46歲，月入$23,000, 有2位小朋友，月儲$5000左右，流動資金有$300,000，因不懂投資，
以前有買入大量銀行股，以作收息用途。
滙豐控股 (0005) 2400股
恆生（0011) 500股
建設銀行 (0939) 19000股
工商銀行 (1398) 10000股
中電 (0002) 1500股
現想作穩定增值，以備日後2小的成長所需，請教老師我應如何重整投資策略，謝謝老師
龔成老師︰
銀行股雖然都算是穩定的收息股，但因爲銀行本身有系統性的風險，因此比例最好維持在20%以下，你現時組合中持有的都是銀行股，長遠要適量放小小，避免風險過於集中。
如果想買股票收息，都可以將資金分散到其他不同行業。
你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、置富（0778）、陽光（0435）。收息基金(3110)，都可以。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。
如果你長線目標，係為2個小朋友儲錢，我建議集中投資「平穩增值股」。佢增長力會較收息股好，你可以用佢做主力。
但如果你想有一定現金流，去幫補生活開支，就偏重收息股，你自己去平衡下。
由於你係家庭收入支柱，建議你現時30萬的資金，先留起半年開支。餘下的資金，就先用一半去分注入貨，餘下一半就等大跌市出現時，可以用來掃貨。
Q26436：
老師！請問電能有冇機會上返$70 thanks
龔成老師：
電能實業（0006）佢主要從事投資能源及公用事業相關業務，範圍包括火力及可再生能源發電，輸電和輸油，配電及配氣。
佢除左持有港燈（2638）外，亦有國際業務，如英國、澳洲、新西蘭、中國內地、泰國、荷蘭、葡萄牙、加拿大和美國等能源及公用事業相關業務。
這股是收息股，但增長力就不強，現價合理，有長線投資價值。要上$70相信要多點時間，投資這股焦點，應該放在股息之上。
Q26437：
龔 Sir1919可以買嗎
龔成老師︰
中遠海控（1919）主要從事提供集裝箱航運、集裝箱碼頭管理與經營服務。
整體的質素算是不過不失，雖然在行業有一定的規模與優勢，但行業整體的賺錢能力無過往咁強。
經濟好轉會對佢有利，因為始終是對經濟較敏感的行業，現時的股價已反映相關利好因素。股價大升後，其後之後較難有高增長，因為已反映了利好因素，反而預佢之後轉為平穩增長。
現價略貴，回1、2成會合理翻d。
Q26438：
咁3067要溝少少貨嗎？現價8-9
之前有買少少2800，好似係28個時買的，蝕緊
龔成老師︰
要睇你的風險承受能力，安碩恒生科技（3067）現價係吸引，你可以加注。
但你要記住，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。
因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。
特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。
但盈富(2800)、VOO這類指數基金，則不受此限，因為它是一個包含一籃子不同行業的優質股組合。因此，盈富(2800)、VOO就算在組合中佔較大比重，都唔會造成過度集中性風險。
盈富(2800)有質素，佢組合中有60隻不同行業優質股，可以守。
不過，你要"緊記"一點，投資係要長線(持有最少3-5年以上)，中短期股票會好波動。所以生活上的開支，不要用來投資，我地投資只會用空閒，不影響基本生活的資金。
Q26439：
老師，想再請教。若股票持貨已夠。
手頭現金200萬，那個較可取：
- 投資樓市，買個細單位500萬左右收租去供樓（已有自住單位）
- 派息基金每月派息（年息6%，安聯派息基金，管理費2%） 如果係你會揀邊個？
還是先靜觀等樓市下調先行動？
龔成老師︰
香港的樓因爲供求的問題，長遠都會升，但就不是大升，只是平穩增值，現時處於合理區的頂部，投資值博率不算高。
市面上的基金有好有壞，你要留意當中的投資項目以及收費等才決定購買。
安聯算是市面上較有知名度的公司，派息基金理論上以派息爲主，但你都要了解當中的持股，小心有「賺息蝕價」的風險，同時，要留意基金過往的表現是否理想。
2%的管理費不算多，但長遠可能影響回報，你要確定佢長線回報（扣除費用後）可以跑贏大市，都可以考慮。
我地投資增值會運用「先增值，後現金流」作方法，如果你已經打算在不久的將來退休，可以選擇派息基金創造現金流，
但如果你仍然年輕，還打算工作多幾年，可以考慮先增值，股票是最快增值的工具，但由於你不想投資股票，或者持股已經好多，同時間無物業資產，可以考慮買多一層樓收租投資。
最好跟自住物業是相隔約8年，避免同一個經濟周期買樓，承受相同的風險又或者等樓市有明顯的回調，有一個更好的買入機會才行動，
長遠財富的分配要做到「股樓平衡」，同時要留有適量的現金等大跌市掃貨和應付不時之需。
Q26440：
老師，我琴日入咗012恆基地產，因為你係FB介紹。我發現全線地產股都跌，而前日除淨的2800係升的，似乎跟除淨後無大關係。
謝謝老師，我近幾日開始感受到退休的快樂。除了學畫時裝素描，我又跟個女學彈結他（我初中的活動）！
老師，我提供一個反面教材俾你丫！😂我今日探爸爸媽媽，他讓我看炒股紀錄，原來除了005，1919，我一直聽的，他也買阿里爸爸，財險，雅居樂。。。仲有比亞迪！
呢幾年賺咗幾百萬！他再一次話收息股係“無用”的！真心佩服！好好運賭徒呀！
我會有呢個genes嗎?
有個醫生知我退休，叫我唔好擔心，話我可能做女股神！
龔成老師︰
除淨日，係會將股息金額，從股價中除去。所以單係而個動作，個股價會跌。但因為同時間佢會受不同因素影響，所以最終可以係升。
恆基(0012)有投資價值，但佢唔係純收息股，故有一定波動性存在。以你退休人士計，不宜持有太多。
仲有，投資係長線，唔洗成日睇住個市。只要你定期，可能半年至1年，就睇一睇隻股票本質(係佢業務質素，而唔係睇佢股價升跌)，有無出現大問題，咁就可以。
記住，退休人士投資一切從簡，唔洗諗到好複雜。愈複雜，你愈易出問題。集中係優質收息股就得。
唔洗理佢股價波動，因為你係收息，個股價升跌係唔會"實質地"影響到你。
用些時間，好好享受退休生活，到一些以往想做，但又無機會做的事吧!!! 這樣對你個人生活和投資，都係更有利。
其實要長輩改變佢地投資想法，的確有點難。其實佢持有股票，都係有質素，只係風險太高。如果佢平時生活開支，都唔係太緊張，咁就算。
否則，你就試下話幫佢打理組合，之後先幫佢改。