Q38321：

龔sir,財務報表上，想問有無邊個位可分析到產能過剩等問題？謝謝。

龔成老師

沒有明確這樣講的，因為財務報表是顯示企業自身的財務情況，而產能過剩是行業情況。

當然，我地從財務報表，可以觀察多年的變化以分析，例如不斷投資不斷增加資產，但生意增長力度卻不足，同時盈利的增長比生意增長少，就反映每件貨的賺錢能力減少，反映市場有減價情況，然後我地再分析市場發生甚麼事出現減價，去立體了解企業。

Q38322：

自2019年上了股票班後，心中有一直有個疑問，是關於資金的分配問題。

無記錯的話，老師有教授水桶投資法，但不要將資金集中放在某一股票超過10%，但想了解上述所指＂不要超過10% ＂是以最原始資金投放比例計算，亦或以現值投資比例計算（因有可能基於其他股票上升，使原股票的資金比例降至總現值的10%以下）。

如：有100萬，分別投入10只股，每只10萬，經過2年後，10只股都有上升，若以現值比例計算，有5只各佔現值5%(合共25%），另外5只各佔15%(合共75%）。如果我有新資金，是以最初投資時的資金比例再分配嗎？

上述疑問亦見於水桶投資法的調整

求老師解答🙏🙏🙏，萬分感謝～

龔成老師：

正確來說，是同一行業，不要多過30%，同一股票，不要多過15%。

以我地的計算方法，是以最新股價計，不過，有時股價會較波動，所以，可以利用近6個月的平均股價計算。

如果過2年，比例出現少少不平衡，可以不用理會，如果出現較大的不平衡，就要調整。

Q38323：

有不少嘅優質嘅企業

但一直無上市會有乜野因素存在？

龔成老師：

因為佢地無集資的需要，所以認為無特別目的去上市。

而上市要遵守好多監管，所以不是每間公司都想。

加上上市要將部分股票賣出比市場公眾，如果企業本身好優質，大股東其實都不想同人分，所以反而不想上市。

Q38324：

老師，幾時大跌可以入貨呀？

龔成老師：

如果美股，的確偏高，但只要經濟數據不差及企業盈利理想，就不易大跌，所以有時都要思考一下策略，以應對不同的市況。至於港股，其實現水平都有投資值博率，可以分注投資，但要耐心長線持有，短期仍未必強。

Q38325：

成哥您好！

請問2331李寧，27銀娛現價直博嗎？

龔成老師：

都有投資值博率，但都受中國經濟及消費弱的情況影響，預佢地中短期仍一般，至於長遠，則會慢慢好轉，但要時間。所以投資都要控制好注碼，同時要耐心等好轉。

李寧（2331）有質素，佢係中國領先的體育品牌企業之一，擁有品牌行銷、研發、設計、製造、經銷及零售能力。

產品主要包括運動及休閒鞋類、服裝、配件和器材系列。主要採用外包生產和特許分銷商模式，已於中國建立龐大的供應鏈管理體系以及分銷和零售網絡

亦自行經營李寧牌零售店，李寧牌產品的主要銷售渠道為特許經銷，亦通過直接經營之零售店舖進行銷售。

增長力不差，這股可長線。現價合理底部。

銀娛（0027）有質素有發展，可以長線持有。

佢本身擁有一定的資產及品牌，加上以賭彩加娛樂模式進行，企業有一定的價值，雖然澳門最高速發展年代已過，但相信仍長遠仍有發展力。佢是6間賭企業，較有發展及優質較強的一間。

銀娛投資價值仍在，不過就不是高增長股，相信有平穩增長的能力，現價合理底部，分注投資，長線持有，可以。

Q38326：

龔成，想問目前除中特估，可唔可以講多幾隻可以渣耐d既收息股，想豐富收息組合，唔該成哥

龔成老師：

你可建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。

3110可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

Q38327：

老師點睇 1415 2018

龔成老師︰

高偉電子（1415）本質不差，集團以原設備製造方式生產及銷售各類相機模組，用作多種具備相機功能的移動設備的重要部件。

集團亦生產及銷售用於多種消費電子產品的光學部件，包括玻璃板、透鏡及棱鏡。

高偉電子在精密光學行業當中都擁有一些技術，在擴增實境AR「Reality Augmented」、虛擬實境，VR「Reality Virtual」等行業不斷發展，這企業的技術需求就會更大。

這企業在光達（LiDAR）的技術，在全球並不差的，在全球智能駕駛市場的發展下，這企業相關技術的應用增加，帶動業務發展。

雖然在過往幾年間，企業的大環境不算差，但始終行業變化大，以及市場變化大，高偉電子在個別年份業績都試過大跌，反映行業始終有一定的波動性。

因此，如果投資者想買入這股，只建議小注投資，同時明白短期股價可以波動，要以長線投資作核心，現時處理區較上部。

瑞聲科技（2018）早幾年較弱，但又不是完全無質素的，近期有好轉情況。

之前智能手機市場較為一般，下游手機廠商持續去庫存，對這企業聲學業務帶來一定負面影響，管理層表示，由於與同海外客戶的多年緊密合作，才能保持了市場份額。反映這企業為了保持生意及市場份額，減價去保持這情況，同時反映市場競爭加大，管理層不得不這樣做，最終令企業盈利減少。

由於企業並不是完全無質素的，始終在行業都有技術，而近年這企業生意有好轉情情況，令業務開始穩定。

由於質素未能稱為最高，因此不建議投資太多，現價合理。

Q38328：

龔Sir，想請問保險公司嘅儲蓄計劃，即係供5年、10年，15年果啲，其實我點樣分析衡量

1）呢類型儲蓄產品啱唔啱？

2）又或者邊個年期啱？

3）IRR / TIRR嘅意思又係咩呢？

龔成老師︰

1) 其實你應該明白，每間公司不同產品，都係有分別，我比較難好具體咁教你。

我自己本身一般會建議讀者，如果係風險承受力好低，又唔係好識投資，就可以考慮儲蓄保而類產品。

但始終長線回報唔高，所以真係好保守先會建議佢地用。

2) 至於邊個年期，要睇佢地自己現金流安排，好難一概而論。例如佢較後生，現時收入較少，未來有可能會結婚買樓之類，長年期攤開少少，令佢地資金壓力細D，應該會較好。

3) IRR內部報酬率是一種投資的評估方法，也就是找出資產潛在的報酬率，類似我地計按年投資回報率，主要用於比較唔同保險產品架回報表現(以我理解，不同產品架影響因子會有D唔同，具體想知點樣計，建議你問翻自己公司架產品設計或者精算部門。)

Q38329：

你好，成師傅, 想了解下澳門樓市情況

如果好似而家局勢咁睇，中國係會不斷咁減息，咁人民幣就會不停跌，因為港元跟葡幣都跟美元挂勾，咁澳門經濟同樓市就面臨兩大困境

第一☝️以前澳門靠國內人口紅利同人民幣升值，啲人落黎買貴曬啲樓，導致香港澳門急速通貨膨脹，但而家貨幣眨值，如果中國再差落去並且負利率或維持低利率政策，人民幣會大幅眨值，令到港澳樓同產品對國內人購買力下降

第二，由於國內貨幣眨值，並且港澳人開放北上，對港澳人國內消費更便宜

想睇吓我哩個睇法會唔會有錯，因為我想在澳門置業，我比較擔心自己睇錯上唔到車同擔心下一代

港澳不論人口以及資金都嚴重失衡

因為我在網上睇到，人民幣匯率其實同樓市都挂勾

龔成老師︰

你個想法都有合理，因為始終投資客少左，而且好多人架消費模式都改變，變相令澳門和香港物業長遠架需求都細左。

而且，係中國經濟未完全復常，或者息口有明顯下調之前，相信都唔會有明顯起色。

長線，我相信澳門樓市會係平穩發展，始終地有限，所以不會大跌，但又不會大升架格局。

Q38330：

我爸爸退休了，手頭上有七十萬人民幣，請問有咩建議如何運用用筆錢製造被動收入，以支出未來退休生活費用？

龔成老師︰

你可以將這$70萬，分成5部分。

第一部分投資收息股，你可以建立一個收息股組合，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。

你可以將$70萬資金，平衡地分配在上述的項目上，對你來說是最好平衡風險，同時有穩定的現金流。