Q39041：

老師，經常聽你講

但其實什麼叫值博率？

龔成老師：

用賭博來說較易，如果去賭場買大細，開大的機會少過50%，如果只是1賠1，其實作為賭客，沒有值博率，因為長期賭一定輸。

但如果賠率升至1賠1.2或以上，情況就不同，在理論上，長期買財客會有錢賺，因為有這風險狀態下，有較大的回報，即是有投資值博率。

其實，不代表下一局賭客買大一定贏，而是在計算風險與回報的情況下，值得投資。

投資股票都是一樣，當我話有投資值博率，不是說一定贏或之後好快會升，而是考慮風險與回報的情況下，值得投資。

Q39042：

早晨，龔Sir, 近日6993 藍月亮升返少少，我16.4 持有，應該點部署？

龔成老師：

藍月亮（6993）不是劣質，但上市後的業績持績令人失望，到近期，開始有點好轉。

相信中短期未必強，但長遠，其實又不算好差，佢成立於1992年，擁有衣物清潔護理、個人清潔護理和家居清潔護理三大系列共73個品種的產品。

佢要上翻高位，並不易。

現時要睇你持貨，如果貨不多，可以守住先，第中國經濟過1、2年好轉，希望股價上翻多D，到時再決定處理方法，如果經濟好轉但佢業務也只是一般，就要賣。

Q39043：

龔sir , 請問點睇3383， 唔講大市爆升，以減息令樓市好轉，地產股係咪好轉呢？

龔成老師：

雅居樂（3383）對中國樓市有風險，加上佢本身負債較高，減息、行業好轉，佢當然會利好，因此，相信最差時間已過，但不代表佢無風險，負債高仍是問題。

但如果投資，要有心理準備是上落大，一定要小心控制注碼，無人知佢會否順利過渡難關。

Q39044：

嗯嗯，美股買的是NVDA，BRK.B，COST，VOO，佔比在美股金額的10～30%之間，不過美股價位太貴，不敢買太多，投入的金額大約佔總金額的12%左右

龔成老師︰

你買的美股都有質素，同時適合你年紀。

雖然美股未到貴，但都已經係一個比較高架水平，所以唔洗太急住去加注，長線加翻大D，去平衡組合就得。

不過要留意，NVDA風險較高，所以要控制比例，平常心面對短期波動。

Q39045：

Sir,2822和3188又有咩唔同？

龔成老師：

雖然都是投資中國股票，但追蹤的指數不同，其實兩隻都可考慮，而3188會廣泛D。

南方Ａ５０（2822）目標為追蹤富時中國Ａ５０指數之表現。

簡單來說，就是買大陸股票的組合。

當中都是大型及有質素的股票，長遠正面，現價仍算是合理，不過就比較波動，投資時最好分注，或以月供模式運作。買入後可長線的。

華夏滬深三百（3188）投資目標為追蹤滬深300指數的表現。

中國企業長遠有增長力，這基金都有投資價值，不過內地股市的特點就是波動性較大，價格上落會較大，因此，建議以慢慢分注或月供的模式投資，買入價長線持有，相信是不差的策略。

Q39046：

老師妳好！我想請教下收頭上一些股票是否應該趁大市生番時減持，全部都繼續虧損中。包括：希慎， MTR，領展，金沙，舜宇光學。我覺得金沙和舜宇光學質素變差，可減持。其餘企業質素尚可，可繼續持有。老師的意見麻煩賜教？

龔成老師︰

金沙（1928）有質素，可以長線持有，本身擁有一定的資產及品牌，加上以賭彩加娛樂模式進行，企業有一定的價值，雖然澳門最高速發展年代已過，但相信仍長遠仍有平穩增長的能力。

佢業務情況慢慢向好，但全面回勇始終需要時間。

金沙投資價值仍在，不過就不是高增長股，相信有平穩增長的能力，長線持有，可以。

舜宇光學(2382)近年的業績弱左，再加上大環境及中國經濟對佢不利，相信短期都會弱。

不過，佢始終有技術，長遠仍有發展的，但就算這刻，不確定性高左，要投資此股的話，需要有超長的耐性等企業成長，同時不建議持貨太過多。

港鐵（0066）、希慎興業（0014）、領展（0823）都是有質素的企業，可長線。

你整體持有的企業其實都有質素，但需要時間回勇，現時市況雖然回升，但中短期仍然會較爲波動，建議你不要太集中於「賺蝕」，反而企業的前景才是最重要，但如果持股比例較多以及風險較高的話，建立可以慢慢減持部分。

Q39047：

今日有進帳 388 700 3690

988 9618 手上都有

龔成老師︰

你是指988，定9880？？

988已被取消上市地位，不能再交易。

優必選（9880）主要從事智能服務機器人及智能服務機器人解決方案的設計、生產、商業化、銷售及營銷以及研發。

業務雖然有發展力，但生意波動大，財務數據弱，之前都是虧損，加上市場對這股有時炒作大，令股價上落好大，風險較高。暫時只建議小注投資，同時，一定要明白風險，低風險者不宜。

京東（9618）業務波動，但長遠不是無質素，發展仍有的，不過股價上落就較大，投資要注意風險。

佢係一間電子商業銷售平台，佢定位為「以供應鏈為基礎的技術與服務企業」，現時是中國第二大電商，有一定的品牌。同時，根據《財富》按收入統計的全球500強排行榜，集團是中國最大的零售集團。

從質素上，這股不差，但波動較大，這股可以長線投資的。

港交所(0388)、騰訊(0700)都是有質素的企業，可長線。

Q39048：

股市大升又大跌, 想要d潛力股短期的

因為我蝕太多錢，想轉其他賺得快d ge股

龔成老師︰

潛力股，長線發展得好，會升得好過大市。相反，發展不似預期，都會跌得好多。所以，你唔好以為買潛力股，就一定賺得多，有機會係倒轉。

另外，投資係一個長期配置，所以唔好諗短線。

短炒我見好多人都係蝕錢收場，股價中短期一定會有波動。而波動架原因可以同企業本質無關，只有長線股價才會反映企業質素，所以優質股一定要長線持有。

你見全球最賺錢架投資人巴菲特，都唔會做短炒，只會係做長線投資。所以，你要改變你投資方法，唔好再做短炒，並以長線投資優質股為目標，會對你較好。

最後，都係最重要架一點。就係你唔好諗點去追損失，咁只會令你愈來愈急，好易做錯決定(見過唔少讀者都係咁而虧更多錢)。其實，你而家重點應該係整理好個組合，和學好正確投資理念，長線自然會把失去的會賺回來。

Q39049：

龔老師，先多謝你，我依家真係吾知點處理，之前都吾敢睇係近年先至有啲勇氣睇吓究竟咩狀況，大部分都已經蝕左好多現階段賣出又好吾捨得，吾賣又好似睇唔到希望，老師比啲建議我可以點部署？

最大問題係，吾知應該放棄邊隻，留邊隻

龔成老師︰

先講你持股問題(有以下幾點要注意)，之後再講你個人部份。

1) 持股太多，建議長線集中10隻左右，會易D定期審視佢地質素變化，長線有助於控制你組合表現。

2) 持股大體上都有長線投資價值，可以守。但0772、0241,0708,1952,6618,6606,6060,2158,6969,1801,3800,0451,2269,0189,0757風險度較高，而0127,0270,0382近年質素弱左，這些股票長線只宜小小注。

3) 你持有太多潛力股，就算係年青和有投資經驗，都只直佔一半以下。若你係較年長，或者經驗淺要再下調。

4) 你現時組合明顯偏重晒係港股，建議你未來加入一些美股，令整個組合變得更平衡。

但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

投資要成功，需要知識(判斷質素和平貴)。同時，要學會理想和客觀做判斷。如果你自問好難控制到自己情緒，有機會係你本身不適合進行投資，你要思考下這一點。

如果可以調整倒，你需要的就是提升自己這方面知識。

我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q39050：

Sir , 我係想問2324 😀

首都創投

龔成老師︰

首都創投(2324)主要於香港及中國投資上市及非上市公司，以及從事創業融資業務。

而種業務模式，其實好難去準確評估佢架投資價值，故投資風險行高。

加上市值唔係好大，以往又出現過十合一、五合一之類的情況。我對投資而類股票，會好有保留。