Q39471：

成兄, 月供945可以嗎?

龔成老師：

可以的。宏利金融（0945）有質素的，業務不差，長遠不斷增長。

佢主要全資附屬公司宏利人壽於１８８７年成立，至今業務遍布１５個國家或地區。

集團主要提供金融建議和保險，分部包括亞洲分部、加拿大分部、美國分部、全球財富和資產管理分部，以及企業和其他分部。亞洲分部在亞洲提供保險產品和基於保險的財富積累產品。

加拿大分部在加拿大提供保險產品、基於保險的財富積累產品和銀行服務，並擁有有效的可變年金業務。美國分部提供人壽保險產品、基於保險的財富積累產品，並擁有有效的長期護理保險業務和有效的年金業務。資產管理分部為其世界各地的零售、退休和機構客戶提供收費的財富解決方案。

近年發展不差，不過盈利就有少少波動。整體來說，都有長線投資價值，現價合理較上部，但不建議一次過大手，最好慢慢分注。

Q39472：

初學者應報什麼課程學習？

龔成老師：

股票班（基礎班）適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。

每一課有兩份筆記比你，並有指引，要你在一星期內找那些資料，溫那些內容，做功課等。

每一堂更有一個附加的網上影片，是大約30分鐘的重點重溫片，可比你在家溫習。另外，每一堂都有簡單功課要你做，並有附加影片解說答案。

只要你跟著去完成，就能掌握整個課程所學。到你讀完後，你能自己選股、投資時機、配置、評估平貴，在投資上已掌握了一定的知識。

【投資倍升股課程】第57期。

日期：2025年2月6, 13, 20, 27日，3月6, 13, 20, 27日(逢星期四)

時間：1900-2200

地點：灣仔

了解及報名：https://www.80shing.com/register.php?id=1

第一課：投資與股票基本功

第二課：投資策略與行業分析

第三課：穩健股及收息股投資術

第四課：買賣時機與估算合理價

第五課：企業估值模式

第六課：選股秘技

第七課：分析年報技巧

第八課：特質類倍升股與潛力股

**附加資料：合共超過240分鐘的溫習影片

Q39473：

北京汽車1958應該繼續持有嗎？

龔成老師：

北京汽車（1958）質素只是中等。持貨不是不可，但增長力唔強，如果貨多宜減部分。

佢主要於中國從事乘用車車型設計、研發、製造及銷售，及提供相關服務，乘用車包括轎車、運動型多用途汽車（ＳＵＶ）、多功能乘用車（ＭＰＶ）及交叉型乘用車。

集團亦通過持有51%權益之北京奔馳汽車產銷梅賽德斯－奔馳品牌（Ｍｅｒｃｅｄｅｓ－Ｂｅｎｚ）乘用車，並為中國唯一一家該品牌的轎車及ＳＵＶ之製造商。

另外睇翻佢資料，佢的自主品牌包括以下三大產品系列「紳寶」「北京」「威旺」。

表面上好似有d品牌價值，但過往業績一向都一般般，盈利波動，同時無太大的增長力，反映產品的賺錢能力唔算強。

同時品牌對經濟有一定的敏感度，而近年中國經濟一般，影響生意，相信這情況會持續一段時間。

現價合理中下，但長遠的發展力唔算好強。

Q39474：

現在keep月供voo可以？

龔成老師：

美股的確有點高，但如果經濟能保持增長，又未必會大跌。

因此，你月供雖然可以，但都要控制好金額，不建議金額太多。

Q39475：

老師想問你對於高息外幣掛鉤存款有咩意見？

我近日首次日元掛港元

嚟緊可能係港元掛人民幣

龔成老師：

唔算特別鼓勵，因為表面上有高息，但其實你背後承受了定的風險，當你仔細分析，這工具是「回報有限，風險無限」，因為就算價位升好多，你都只會得到該利息，但跌你就要承受所有風險。當然，這工具不是無價值，始終佢在一定範圍都能賺到高息，但你要明白背後的原理。

Q39476：

776買得過？

龔成老師：

帝國科技集團（0776）對佢有保留。

佢每年做的營業額只有數億，年年虧損，業務有點雜亂，以之前的中期業績計，雲計算及數據儲存營業額為$360萬元，電子競技營業額為1800萬元，生意好細。

但現時市值高達$20億！貴！除非有巨大的潛力，否則，現價絕對不合理，小心。

Q39477：

老師，我做緊功課，有啲問題想請教

1. 六福2024年3/31報告顯示revenue is up. 我去research 下，佢係benefited from low base effect. 請問什麼是low base effect?

2. EBITA 同 adjusted EBITA 分別在那裏？

Thank you

六福的adjusted EBITA 係less depreciation of right of use assets. 什麼是right of use assets?

一般睇earnings時，我哋會睇earnings before 定after interest, taxes n amortization?

龔成老師︰

1) 「低基數效應」（Low Base Effect）是指當比較兩個數據時，由於基準數據點（即比較的起點）好低，導致到今次結果變幅"看起來"特別大。

所以，點解我係課堂會同大家講，至少睇4-5年數據，就係避免左而D誤區，影響你判斷。

2) EBITA是會計準則，全部公司都係同一個標準。

而adjusted EBITA(或者你係年報見倒任何adjusted XXXX)，都係公司因應自己情況，係會計準則下再作額外調整，例如將當年一次支出減去(好似收購、特殊減值之類)，令到個數字更接近業務狀況。

不過，我自己會用"非adjusted"過架數據去作為分析主力，一來有時公司係有心做靚條數，二來你將佢同同業做比較架時候，會更準。

3) Right of use assets是指使用權資產，即係個D租黎營運業務架物業，例如街舖。

4) 我地睇佢收益時，最主要係睇"純利"，係六福年報中"Profit attributable to: Equity holders of the Company"

Q39478：

先謝謝回覆 就係見今日港股升番，諗緊係咪關明早個大選事。

另外之前高追嘅388港交所由原先11手平均價$391，溝左d，又蝕賣後，剩番6手平均價$354， 今日都算升番好多，咁想問應否再下注溝下添呢？

龔成老師︰

個別日子變化，可以受好多因素影響。而且，我地焦點應該放係企業長線核心價值，去到做投資判斷。

港交所(0388)有質素，適合長線持有。

但我想你先明白一點，就係"溝貨"與"分注"的分別。溝貨是愈跌愈入，同時不理企業質素，不理自己的設定金額，盲目去入。分注則是「一早定好買入策略，一早定好本金總數，並以有策略的模式進行」。

如果你係"分注"的話(即係本身預左資金去入佢地架話)，你係可因應平貴和質素，去進行。現價算合理，可以慢慢加。

但相反，只係"溝貨"(即係見佢跌，純粹只係想盲目咁拉低平均個價)，就不是再入貨。因為再平，都只會令你增加風險。

我建議你睇翻以下Youtube影片，對你理解溝貨而件事(作用和風險)，會有實際幫助。

https://www.youtube.com/watch?v=5yu9jrvfGX4

至於港交所(0388)本身，只要你唔係佔組合比重太高，你係可以保留。

Q39479：

Hi 龔sir

我想問下只中手遊$3入, 而家跌到個位，要斬纜嗎？

龔成老師︰

中手游（0302）主要於中國從事手遊發行及遊戲開發業務。佢提供多種類型的手遊，包括ＣＣＧ（可收集卡牌遊戲）、ＲＰＧ（角色扮演遊戲）、ＭＭＯＲＰＧ（大型

多人網絡角色扮演遊戲）、ＳＬＧ（模擬遊戲）等。

行業業務波動，不確定性大。同時近兩年有虧損，都反映佢賺錢能力弱左。再加上本身佢不確定性高，這股最多只宜小注。

如果你投資不過多，可以守住先，再觀察。但如果你貨多，會建議你減持部分。

Q39480：

您好，襲成老師，我依加有睇您本書財務自由行，想問下依加目標放在3年時間買樓放租仲合時宜嗎，還是投資其他項目？

背景，今年27歲，20萬儲蓄，剛結婚，有3個月小朋友，月入14000

龔成老師︰

現時香港的樓市處於合理區的中間左右，買入自住可以考慮，但投資就未到有值博率的水平。

現時香港的樓市雖然從高位回落不少，但香港的經濟存在不明朗因素，消費力未完全復蘇，不過，香港始終有較大既住屋需求。

總體而言，我預期未來的樓價不會大升，同時不會大跌，只會平穩增值。

3年後個整體市場變成點，無人知。如果你遇到好的項目，例如：一個比市價低好多的放售單位（凶宅除外)，以投資的角度而言，若租金回報率理想，都可以考慮。

不過，若以現時計，港股比起投資物業較有投資值博率，加上你資金不多，故現時建議先加強儲蓄，並將部分資金投資優質股，去累積大個財富先。

到將來時間，如果租金回報率理想，而你現金又好充裕，先至考慮收租物業。

以你現時的年紀，是財富增值的好時機，可以考慮先用月供的模式，將資金滾打，再投資理想的物業。

書本上，你可首先睇：

《圖解股票小百科》

《圖解美股小百科》

《80後千萬富翁》

《財務自由行》

之後再睇其他。

我YOUTUBE CHANNEL都會不時分享一些投資技巧和知識，你都可以睇下。

http://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。