Q44421：
Sir, 而家好多投資群組叫你加入chat group, 每日都比一股介紹，如果你買咗嘅話呢就截圖俾佢睇，跟住到價佢會提你賣，跟住夜晚呢會有個討論update，好Pro個喎！但係又唔收費！其實佢哋係什麼目的 ？點操作？
通常呢啲group都會有一兩個經紀跟進，又會問候吓你咁🤷♀️
原來兩個月後開始收費，以半年為周期，收取總利潤嘅15 %
龔成老師︰
提翻你，現時投資群組，有99%都是騙局！
而家好多而類群組，最初會做到好專業，甚至有機有些股票令你賺錢，最後，佢去推介一些有問題架股票，去到散貨，令到唔少散戶損失慘重，所以小心！
唔好以為先免費，後收費，就當佢一定係正常群組。因為可能未到2個月，個群組已經唔存在。只要佢地成功散貨，群組就會消失，以往見過太多！
我真的收到好多網友被騙個案！所以要好小心！
另外提翻你，投資要長線，透過企業成長，以達至財富增值的目的。所以，唔係做短炒，就算全球投資最叻架巴菲特，都唔會短炒，而係做長線。
所以，本身教你短炒就已經有問題！
最後再提你，唔好亂信貼士，你要有知識，獨立分析，信自己！
Q44422：
老師 想問一下量子計算概念 那些公司比較值得留意?
龔成老師：
留意，行業風險較高，行業企業從事量子計算機的研發、製造、應用，或者提供相關的軟體、服務等。
由於量子計算目前還處於發展初期，這些概念股的股價波動可能會比較大。
D-Wave Quantum Inc（QBTS）是其中一隻，是高風險類潛力股。
從事量子計算係統、軟件和服務的開發和交付，是量子計算機的商業供應商，也是唯一一家同時製造退火量子計算機和門模型量子計算機的公司。
該公司的使命是釋放當今量子計算的力量，造福企業和社會。它通過實用的量子應用提供客戶價值，解決物流、人工智能、材料科學、藥物發現、行程安排、網絡安全、故障檢測和金融建模等各種問題。它的退火量子計算機可通過該公司的LeapTM雲服務訪問。
由於長期處於虧損狀態，幾時有具體的盈利，未知，因此企業風險較高，估值也較難。好睇講這企業能否成功，只可以話高風險，如果你睇好，只建議小注投資。
如果較穩陣，而有少少相關性，IBM有提供雲端量子計算平台，並積極參與量子計算的研發。
Google正積極投入量子計算研究，特別是在超導量子位元技術方面。
Q44423：
請問 金價要去到幾多先適合再買返呢？thx
龔成老師：
好難估計，因為以長期角度，仍是向上，但短期上升較多，有機會波動（波動的意思，不一定是跌，也有機會上升），而黃金沒有現金流，所以無完整計估值方法，只能分析供求等因素，而這刻因素會持續變化，令估值變得不夠實在。
Q44424：
老師你好，6年前曾經來信，當時老師已經不吝賜教，非常感激。回看訊息，當時期望3年內存到人生第一個一百萬，最後成功達標。
本人33歲，現時月入44k，現持有股票1.5M（當中有80k 綠色債券），現金佔比大概300k，請問現時股票現金佔比合理嗎？因為有置業打算，應該目標3年內置業，請問需要逐步安排沽出股票換回現金以作準備嗎？
持續月供股票幾年，最近略有調整，現時每月月供股票共$11k：1211 $2k，1810 $3k，2800 $3k，3067 $3k
現時股票佔比如下，希望以後能持續增長財富，每年回報8-10%，請問應該需要如何調整以下組合呢？
-
0005: 8.1%
-
0012: 11.2%
-
0388: 15%
-
1177: 9.8%
-
1211: 24.6%
-
1448: 2.6%
-
1810: 1.4%
-
2800: 25.1%
-
3067: 2.4%
另外，請問老師對以下股票有什麼看法？能作為潛力股長期持有嗎？
1651 津上機床中國
2050 三花智控
2259 紫金黃金國際
2510 德翔海運
2590 極智嘉
6613 藍思科技
謝謝你🙏
龔成老師︰
先講資金和持股比例，係現時市況，係合理。
但綠色債券始終只係收息(較適合退休人士)，增長力弱，長線不要持有太多。
置業方面，你可以係買樓前一年，慢慢"分注"沽出手上股票去套現。
由於你持股都有長線投資價值，可以每隻按比例沽就得。0012可以沽多少少，因為佢增長力唔算好高，不太切合你年紀，如果你追求較高增，0005也可以減部分。另外，1211都可以沽多少少，因為佢佔比略高。
同時，記住唔好盡晒(除非生活所需)，點都要留些去保持增值。
總體而言，這個組合長線可以做到每年回報8-10%。
你現時組合明顯偏重晒係港股，建議你未來加入一些美股(但美股現價唔平，可以慢慢做)，令整個組合變得更平衡。
但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
以下是介紹VOO影片，有需要可以睇翻︰
https://www.youtube.com/watch?v=RnYZQlSG8qA
最後，你提到的股票，都有投資價值，但唔算係相當有質素。
當中，津上機床中國（1651）、極智嘉（2590）、藍思科技（6613）佢地不確定性高，只宜小小注。
Q44425：
老師你好！仔仔現時15個月，有14萬利是錢，我想請教下你，可以如何配置呢筆錢同阿仔一齊成長呢？謝謝你！
題外話，追蹤左你好耐同買你書，有月供盈富（2800）同中生（1177），全部都有盈利！
龔成老師︰
小朋友由於可投資時間長，策略上十分簡單。你可以儲盈富(2800)，佢係包括數十間質素不錯上市公司股票的組合，有一定增長力。
若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。
另外，你可以考慮埋美股指數ETF，令組合分散風險能力更高。VOO和QQQ，前者追蹤標普500，算平穏增長型，類似盈富。QQQ追蹤納斯達克100指數，風險會較高，風險度近似3067。
操作上，建議你用月供模式儲貨。每月大約用一半儲蓄，去做月供，餘下一半就先儲起，去等大跌市機會。如果你覺得太複雜，可以每月全部儲蓄都做月供，都係可以。
以下是2800和VOO的簡介影片，你可以睇下︰
https://www.youtube.com/watch?v=nBr4tCJ__oY
Q44426：
成哥，你點睇柏瀧呢個盤
龔成老師︰
近港鐵係佢最大優勢，但總體地點和環境上，算唔算話好吸引。
如果你係自住的話，供得起，又長線適合自己，可以考慮。
但如果係投資的話，現時就有少少保留。
Q44427：
你好呀Sir.. 有一事想請教下
相信你有好多資產 （現金、股票），請問你會點樣存放？銀行同證券商？證券商有邊幾個係值得信賴？
我用緊耀才、富途，銀行主要係渣打，基本上都放哂喺度，但係即使有存款保障，都係唔太安心
尤其係最近好多騙案（成日睇東張😂），就算係證券商都可以係被假冒，所以都會擔心。
買賣股票銀行收費又貴，最近想將大少少部分放入美債，但富途唔知放太多會唔會穩陣🙏🏻🙏🏻
另外，美債應該都係一個吸引嘅選擇？我投資（過於）保守，追到通漲已經叫滿意🙏🏻🙏🏻
謝謝你分享
龔成老師︰
股票主要係放係銀行，我用中銀。
其實香港監管唔差，只要係合規架銀行或證券商都可以。(富途係香港係合規)
如你擔心，就考慮較大型的，例如銀行可以考慮中銀、匯豐，證券行考慮富途、耀才（當然，上述不是推介，你要上網較下。）
至於騙案，而D要自己小心，唔好亂開link，同埋唔好貪心，唔好入投資群組，唔好信士，相信已經可以避開絕大部份騙案。
至於銀行手續費貴，的確一般係會較高，但我地做長線投資，交易頻率好低，實際影響唔明顯。
而美國國債，主要係收息，唔係用來增值，較適合退休人士。但如果你自問保守，你買D都可以。
Q44428：
老師 2197 / 1177 可以有大分別嗎？🙏🏻
我女女已經上你的班
在整理30-40萬的投資組合
龔成老師︰
你在整理投資組合時，第一，要睇每一隻股的質素，業務長遠有無發展。
第二，考慮翻你自己的年齡、風險度，了解這股是否適合你。
第三，留意每一隻股，佔你組合比例，是否適合。
第四，你要以長期角度，建立一個適合你的組合（不是炒賣，是長期配置）。
至於上述2隻都係醫藥股，2197主要係疫苗等西藥，1177主要係中藥。
2197風險較1177高，因為佢未做到收支平衡。而1177已經有唔少市場化藥品，同時已經係有盈利較長時間，故表現相對穏定。
不過，2者都係潛力股，同樣不宜持有太多，特別係2197，只能小小注。
三葉草生物（2197）係有風險，有潛力類。
佢於2007年成立，是一家處於臨床試驗階段的全球性生物技術公司，致力為傳染性疾病以及癌症及自身免疫性疾病開發新型疫苗及生物治療候選產品。主要產品於各治療領域的適應症分別為COVID-19、惡性腹水及強直性脊柱炎。
佢引進Trimer-TagTM專利技術平台成為COVID-19疫苗開發企業，並已創製出核心產品SCB-2019應對SARS-CoV-2引起的COVID-19疫情，亦已開發另一款核心產品SCB-808，用於治療風濕性疾病。
集團產品管線包括六種 Trimer-TagTM亞單位候選疫苗，包括SCB-2019，兩種Trimer-TagTM腫瘤治療候選產品，及三種Fc融合蛋白候選產品，涵蓋13種適應症。
雖然企業不是完全無發展，但最難在於估值，因為佢完全無錢賺，不斷燒銀紙，如果產品成功能市場化當然股價可升，但如果長期無法市場化就會再跌，而成功與否並不易分析。因此，只可以話風險高，如果不能承受風險，就不建議。就算能承受高風險，也只宜小注投資。
中生製藥（1177）長遠有發展。
早幾年中國政策因素，影響了行業及企業的賺錢能力，不過，行業同時進行汰弱留強，所以長遠對一些較有實力的企業來說，不一定是壞事。
而中生製藥，是中國藥企中，其中一間較具研發能力的，而經過近年的投資期，特別是部分創新藥陸續進入收成期，這股將慢慢進一步好轉。
部分創新藥，開始為中生製貢獻不少收入，同時增長快速，加上近年投入大量資金研發，考慮到這企業過往能不斷推出新產品及擁有的研發能力，相信之後能保持推出具有競爭力的產品。
投資這類醫藥股，投資者要集中睇長遠前景，而不是短期情況。
這企業短期仍受中國政策等因素影響，但長遠，企業仍是擁有一定的研發能力，長遠仍是有發展的。
要留意，始終醫藥企業有風險的，投資者要考慮自己的風險承受能力，控制注碼，如果你投資後不能承受股價波動風險，就不建議投資這股，同時，要控制佔組合比例不宜過多。同時要耐心持有，等企業收成。現價算是合理區中上部位置，可以月供或分注，但由於唔平，不宜過份進取。
之前我有出過影片分析佢，你可以睇翻︰
https://www.youtube.com/watch?v=zvHAyP77Pss
Q44429：
請問可樂咁大隻品牌，他的增長潛力係邊到？
龔成老師：
增長力不會太強，但其實，佢多年前已好有規模，但都能保持基本增長，相信之後都是。其實，最主要是人口增長、新興市場，加上不斷開發產品，令集團保持到基本增長力
Q44430：
龔成老師，請請教🙏,美股MBLY (Mobileye Global Inc) 值得入手嘛？現價差不多USD 14?謝謝老師分析意見🙇🏻🙇🏻🙇🏻
龔成老師：
Mobileye Global Inc.（MBLY）創立於1999年，總部位於以色列耶路撒冷，前稱Mobileye N.V.，於2017年被英特爾收購，是一家自動駕駛汽車和高級駕駛輔助系統（ADAS）開發商。
公司設計和開發嵌入式攝像機的高級駕駛員輔助系統相關軟件和技術（無人駕駛技術）。
公司提供的技術可通過攝像機的感應設備對視野範圍（行車路線）進行詳細運算和預測，以避免與其他車輛、行人、騎自行車的人、動物、雜物以及其他障礙物可進行的碰撞，另外，公司的技術也能準確檢測道路標誌
如：車道、道路邊界、障礙、交通標誌、限速、攝像頭和交通燈等，以實現安全的無人駕駛。
其實發展都有的，但業務風險較高，由於未能確定佢是有否好大優勢去保持市場，因此，這刻的投資值博率只是一般。如果睇好，都只建議小注投資。