Q47981：
請問451改名：時代數字
發展新業務，可買入？
其實我過往有貨，早幾年$1.2 購入。
收到通知 稱這股份將於2026年6月23日起 改名為 "時代數字控股有限公司", 簡稱 "時代數字".
是否公司有新方向 新作為 可以溝貨嗎？
龔成老師：
不建議。
佢這動作反映，原有業務發展失敗，現時要找新出路，反映管理層及整間公司，過往都做得不太好。
另外，發展新業務，反映佢本身在這類別沒有特別優勢，如果你睇好這些新業務發展，不如直接買一間「已經在這類別成功」的成功，而不是博這企業轉型成功，因為未知數太多。
坦白講，這企業年年虧損，投資價值不高，建議賣出。
Q47982：
其實而家股價大跌
我想加大月供股票
小米、比亞迪、比亞迪電子和1772
各3000
可行
趁底吸纳潛力股
龔成老師︰
可以加大了了注碼，但你要留意幾點︰
-
每月要有錢儲，等大調整機會
-
你講架都係潛力股，記住長線佢地最多只宜佔組合4-5成，留意組合平衡性。
-
長線加美股
Q47983：
跌超過20%就是熊市開始？
要如何對應？
龔成老師：
不一定，最重要睇經濟及市場情況。
現時港股有機會熊市，但仍要睇中國經濟數據，如果面對熊市，最重要是持有優勢企業，如果企業無質素要賣，同時，手上要有一定現金，慢慢等機會買貨。
只要買入後耐心持有，等企業成長，等市況好轉就得。
另外，組合不能只買港股，要「港股+美股」進行，美股最入門是（VOO），但要留意短期波動。
Q47984：
Hello 老師，1211 沈左幾日幾時有起色？
龔成老師︰
你預佢中短期都會較弱，始終大環境經濟，都係好一般。
但我地投資，重點係睇長線，佢依然有值得長線投資架地方。（即是以年計去持有企業，等企業成長，所以根本不用理短期股價）。
比亞迪（1211）相信短期仍會面對中國車市較一般的情況，短期股價有機會較波動，不過以長遠角度分析，其實近年企業業務發展理想，研發不斷進行，汽車賣得好好，電池技術發展得很好，出口部分理想，企業長遠發展正面。
現時已經成為中國電動車市場的一哥，同時品牌及銷售網絡理想，長遠仍有發展，不過，股價就有少少波動。
現價約在合理區中下至下的位置，可以分注或月供投資，不過要控制好總投資金額，這股佔整個股票組合，最好在15%以下。
如果本身有貨，可長線，雖然企業最爆炸性增長已過，但長遠仍有發展，但就預佢股價波動，因此，只要持貨不過量，就可以長線持有。
Q47985：
還有想問老師03750寧德時代，這股是否潛力股？
是護城河嗎？
龔成老師︰
寧德時代（3750）算係潛力股至平穏增長股之間。
佢係有一定護城河，因為電池技術和經驗係市場領先。
你可以睇翻分析影片︰
https://www.youtube.com/watch?v=5bQc6sWIie8
寧德時代（3750）有質素，長遠有發展。佢係全球領先的動力電池系統供應商，專注於新能源汽車動力電池系統、儲能系統的研發、生產和銷售，致力於為全球新能源應用提供一流解決方案。
佢係電池材料、電池系統、電池回收等產業鏈關鍵領域擁有核心技術優勢及可持續研發能力，形成了全面、完善的生產服務體系。
業務有增長，生意與盈利也不差，不過股價就略為波動，現時估值唔平，現價算是合理區中上至頂，如果控制注碼，分注投資都可以。可長線持有。
Q47986：
您好龔成，買左股票7年第一次問你意見
美光科技
我在26年3月尾見Q2財報爆升，下跌時果斷建倉，買左190股成本約$350
現在Q3財報更爆裂，現價已3.5倍
我不是show off, 個問題係撒出價，我問過gemini pro建議撒出價$1950走90股，$2650走埋個100股
原因美光屬重工業當產能追上後價格會下跌屬週期股
但我感覺人工智能是剛開始，需求會比想像上大，走勢圖我覺得會有啲似比亞迪，長遠股價遠不止$2650（將來肯定會拆股）
所以想睇下你點睇，
我全買正股，算係閒錢不急用，謝謝你的無私回覆
龔成老師︰
首先，唔好睇圖。
我地投資，只會睇企業質素、行業發展、財務數據。
去判斷一隻股票架投資價值(決定是否可投資)，同埋平貴度(決定何時投資)。
美光科技 Micron Technology, Inc.（MU）
這企業是全球最大的半導體公司之一，專注於內存和存儲芯片，企業主要收入來源來自動態隨機存取存儲器 (DRAM)，並且少數收入涉及非NAND或NAND閃存芯片。
業務經營分為四個部門：運算與網路業務部門、行動業務部門、儲存業務部門與嵌入式業務部門。公司提供有數據儲存與檢索用的DRAM，包括提供高速與高頻寬的DDR4、DDR3及DDR2，還有低延遲DRAM，及其他利基型DRAM產品。
美光服務於全球客戶群，向數據中心、移動電話、消費電子產品以及工業和汽車應用銷售芯片。
業務有一定的發展力，加上企業有技術，當長遠人工智能發展正面，都會推動這企業發展。
不過，記憶體週期性好大。以往當求過於供，利潤會大升。但將市況逆轉，好易會變成產能過剩，由賺變蝕。
但未來受AI、智能駕駛、具身智能影響，長線剛需會大左，令佢週期性波動應該無以前咁明顯。
總括而言，受惠於AI推動，近年股價升唔少，現時已有少少貴。除非企業持續有高增長去支持，才會慢慢去翻較合理值。
因此，這刻的投資值博率不算高，如果睇好想投資，也只建議小注進行，同時要承受到高風險。
我唔係話佢無投資價值，只係現價值搏率唔算太高。
如果你長線睇好佢發展，可以小注咁慢慢儲，等佢長線成長。
若不會估值，唔知幾時沽貨。我一般建議"升一倍，沽一半"，先收回成本，其實零成本持有，等佢成長。
Q47987：
樓主你好，一直好欣賞你的觀察力和分析，有個事情想跟你學習一下，請問現時白銀在這個價位裏面可以開始投資嗎？謝謝。
龔成老師︰
首先，你要明白黃金白銀之類架用途。
我地可以在整個財富組合上，持有一小部分貴金屬，如黃金、白銀。
因為現時用的紙幣不斷發行令其永遠貶值，金銀就會不斷升值，投資者只要投資紙黃金、黃金ETF等，已能簡單地享受到當中的升幅。
同時，當環球出現一些重大事件，如發生一些極罕見但影響極大的不利事件時，就會對全球財富定義造成極大震盪，如大型戰爭、超級天災、大型人為災難等，我們現時所認知的貨幣系統就有可能崩潰，甚至連法律也沒有作用。而人們唯一仍視為有價值的，除了糧食外，就是金銀了。
不過，這類極端事情發生的機會率極低，大量持有金銀令財富組合變得無效率，由於沒有現金流，會損失了當中的機會成本。
因此，投資者只需在財富組合中持有少量已可以，作用就是平衡組合，基本上佔組合的2%-5%已足夠。
持有時，最好係用實金/銀，如果你覺得唔方便，可以考慮SPDR黃金ETF(2840)或者SPDR黃金ETF（GLD）而類黃金ETF，或SLV(白銀ETF)。
至於現價可否投資，我建議長線分注，慢慢去入。
因為現時(大機會)開始加息，金銀會變得波動，不宜一次過太大手入市。
以下是黃金白銀分析影片，你可以睇下︰
[金銀價值] https://www.youtube.com/watch?v=35UjiuLJKT8
[金銀買賣方法] https://www.youtube.com/watch?v=pWdMCqwJiMY
Q47988：
請問slv可以買入嗎？
龔成老師：
iShares Silver Trust（SLV）是一隻追蹤白銀價值的ETF。佢應該是規模最大的白銀ETF，創立于2005年。
佢是跟踪白銀價格的，即是白銀向上佢價格向上，白銀跌佢就跌，而費用率約0.50%。長線投資價值都有的。
不過要留意，白銀市場較細，價格上落大，加上近年在高位，雖然我睇好白銀長遠價格，但都要留意短期波動風險，控制好注碼。
Q47989：
龔成老師，請問3067 現時可買入? ＄９ 以算是平嗎? 謝謝
龔成老師：
只是合理，未到平。安碩恒生科技（3067），有長線投資價值，但由於是科技類，都要控制注碼。始終是科技股，風險會比其他股高，不能持貨過多。
這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。
這基金上落較大，現價合理，但始終較波動，因此，不建議一次過太大注投資。
最好的策略，就是分注，或月供（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。
Q47990：
想問下而家喺咪最好時機趁低買入mpf 港股成分呢？
龔成老師：
唔太建議這類轉來轉去情況，除非你之前的配置與你年齡及風險度不適合，轉部分到港股可以，但也不建議只集中在港股。
強積金的配置並不複雜，首先要注意，強積金是一個超長線投資，因此不宜做中短期炒賣，不用以預測投資市場的走勢去將強積金轉來轉去，除非你很確定，現時的投資市場明顯平，或明顯貴，否則在大部分情況，強積金不用轉來轉去
其實，你只要按你的年齡階段，去進行分配就得，年輕時較進取，到了中年就以平穩作配置，到退休前5-10年基金配置就要趨向保守，為退休做準備。因此，你只要按年齡做好配置，並且因年齡漸增，慢慢將強積金轉為較保守類別就得。
另外，在股票配置的部分，你可以考慮環球股票，又或以中國+美國作為核心，因為這兩在往後10年，都是全球兩個最大的經濟體，你同時持有可以。
其實強積金，著重配置、平衡，不著重炒賣。要考慮長期配置的模式。