Q47831：
多謝回覆，我長期買388 的😂👍
388 利息高，今次跌市是好機會撈底🙏👍
謝謝回覆
80歲 距離 55仲有好多年，25年退休生活唔容易，好彩我都多年前有準備
龔成老師︰
可以，港交所(0388)係適合長線持有，平穏增長 + 收息，適合你長期部署。
退休規劃，我唔記得有無比過你參考，你可以再睇下︰
你可以考慮將退休資金，分成5部分。
第一部分投資收息股，你可以建立一個收息股組合，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，大多有5%股息
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。
（你可睇下《50穩健收息股》當中仲有好多）。
你平衡的投資這些股，除了可以得到穩健的收息收，同時可有效的分散風險。
第二，投資債券，你可以選擇A評級的債券，年期較長都可以，但利息卻不高。你可以到銀行問問。
第三，投資年金，你可以睇睇，這是適合你們的產品，零風險，可以有穩定回報。
第四，你亦可投資銀行低風險類的產品，你可自行到銀行了解下，總之是「低風險，持續現金流」的。
第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。
你可以考慮將退休資金，因應自己取態，去平衡地分配在上述的項目上，對你來說是最好平衡風險，同時有穩定的現金流。
以下有關退休配置的教學影片，你可以參考下︰
https://www.youtube.com/watch?v=U9NNezbDob8
Q47832：
收到啊sir🙏🏻 我計劃的美股組合和策略如下，唔知咁樣對資金運用會唔會較好？
1）VOO ：每月定一個日期固定買入10000港元儲貨。
2）NVDA： 現價買入15000 港元，以「每跌10%加倉」；以及每3個月檢視如果未跌到加倉價，則自動買入一股。
3）GOOG：現價買入15000 港元，以「每跌10%加倉」；以及每3個月檢視如果未跌到加倉價，則自動買入一股。
龔成老師︰
- 可以，但長線記得都要買些港股，平衡風險。
2 & 3) 可以，但記得事前規劃好，總共入多少錢在NVDA/GOOG。唔好唔小心變化，一跌就係咁溝貨，咁就OK。
(長線個股，不要比例高於組合15%)
Q47833：
老師你好，我的1177 由$4.4 買了升到$9.3 沒放，呢家跌返到around $4 , 真係傷心，應該長期持有嗎？港股真的有價值投資嗎？
龔成老師︰
其實再優質架股票，都會有波動，特別係大市和宏觀條件都弱架時候。
這類情況買股票，經常發生，你要學懂平常心面對，理性面對。我過往1211，都試過由$10升到$88，再跌翻$12，這些情況好常見，關鍵不是「股票」，是「投資者的心態」。
最重要，我地係睇翻佢"長線核心"質素，有無變化。
如果無轉差，照持有就可以。轉差就要賣。理性處理！
中生製藥（1177）中短期會較波動，但長遠有發展。不過，政策風險近年上升左，所以「可投資金額」宜比過往更小心控制。
早幾年中國政策因素，影響了行業及企業的賺錢能力，不過，行業同時進行汰弱留強，所以長遠對一些較有實力的企業來說，不一定是壞事。
而中生製藥，是中國藥企中，其中一間較具研發能力的，而經過近年的投資期，特別是部分創新藥陸續進入收成期，這股將慢慢進一步好轉。
部分創新藥，開始為中生製貢獻不少收入，同時增長快速，加上近年投入大量資金研發，考慮到這企業過往能不斷推出新產品及擁有的研發能力，相信之後能保持推出具有競爭力的產品。
投資這類醫藥股，投資者要集中睇長遠前景，而不是短期情況。
這企業短期仍受中國政策等因素影響，但長遠，企業仍是擁有一定的研發能力，長遠仍是有發展的。
要留意，始終醫藥企業有風險的，投資者要考慮自己的風險承受能力，控制注碼，如果你投資後不能承受股價波動風險，就不建議投資這股，同時，要控制佔組合比例不宜過多。同時要耐心持有，等企業收成。現價算是合理區下部位置，可以月供或分注。
之前我有出過影片分析佢，你可以睇翻︰
https://www.youtube.com/watch?v=zvHAyP77Pss
Q47834：
請問還有比亞迪股票,見到啲負面新聞質素有變嗎
龔成老師︰
近期佢大跌，主要係美國制裁名單消息＋海外工廠延遲，令市場情緒較負面。
長線核心(世界對新能車需求、刀片電池技術優勢、比亞迪電子0285潛力等等)，依然無變，是可以長線持有。
比亞迪（1211）相信短期仍會面對中國車市較一般的情況，短期股價有機會較波動，不過以長遠角度分析，其實近年企業業務發展理想，研發不斷進行，汽車賣得好好，電池技術發展得很好，出口部分理想，企業長遠發展正面。
現時已經成為中國電動車市場的一哥，同時品牌及銷售網絡理想，長遠仍有發展，不過，股價就有少少波動。
現價約在合理區中下，可以分注或月供投資，不過要控制好總投資金額，這股佔整個股票組合，最好在15%以下。
Q47835：
早晨老師，我今年49歲，單身。住在一層差一百萬按揭嘅居屋。 每月收入約28000， 供樓$8000、儲蓄$10000。本身有三百幾萬現金，想從現金取出一百萬，作為以下部處：
1）HK$250000 買3466 作收息之用
2） HK$250000 買VOO
- USD50000 買儲蓄保險，15年至20年後用
4） 其他現金用作美元定期之用
請問老師，以上配置可以嗎？ 真的沒有人可以商量，請用你專業眼光，幫我看看，感謝老師
以上是US$40000 儲蓄保險、另一份為$10000，如果自己用不作，想留比家人的心意。因為成日驚錯誤墮呃錢圈套，所以想用儲蓄保險來鎖起某部分金錢🙏🙏🙏
我都好想上你堂，但上班時間沒有彈性，所以未有機會
龔成老師︰
- 其實以你49歲計，可以用平穏增長股，作為增值工具。
策略上，你每月5成儲蓄做月供。其餘先儲起，用一邊月供一邊儲蓄的策略。
若你想進取些，可集中「平穩增值股」，相反你想保守少少，可以集中在「收息股」上。但比重要隨著年齡增加調整，你要慢慢上調收息股比例。到退休時，你收息股比例，應提升至100%。
(VOO是平穏增長股，適合你。除左月供，你25萬可以"分注"慢慢咁儲)
(3466係收息股，對你而言有少少保守，但25萬"分注"慢慢咁儲都可以，但長線唔好佔組合太高比重，畢竟你距離退休尚有長時間。)
平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等，你可以自己了解下，並從中選股。
同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，你可以自己了解下，並從中選股。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。
至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
- 儲蓄保和定期，不太建議，佢地增值能力弱。除非你自問好保守，先好考慮。
但保障型保險，就必需要有。
- 你手上"三百幾萬現金"，不知是否已有用途。
如無，長線慢慢"分注"投入優質股，會對你更有利。
當然，最少保留番一年開支應急。同時，都留有一定現金，等大跌市機會。
但你現時現金比例，係有點過高。
Q47836：
阿sir，您好👋有一個問題想請教一下你，但可能比較敏感，如果你不想答的話，我明白的。
聽說現在中央可能會打擊渣打及匯豐銀行，因我於2025年12月尾時在渣打買了一手6823，並放了$20,000於個人儲蓄戶口，請問我需要把股票沽出，然後把所有錢轉去海外戶口以避險嗎？謝謝您
阿sir，您好。補充番，我依家仲負債$9xk，扣除債務後，只有四萬元港幣
龔成老師︰
我覺得無需要，佢主要係打擊內地人走資行為。
一般香港人投資，唔會受影響。
至於負債，如果高息，記得先處理好，之後先再投資。
Q47837：
你好老師
好想請教一下 ， 我早前買了這試股票，已經選大名，不過都持續蝕錢，請問係咪持續長揸？
定係趁低入多少少
龔成老師︰
- 首先你要明白一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
- 你持有股票，都具有長線投資價值，但你跟很多坊間投資者一樣，都係犯左一些共同錯誤，就係買左貴貨。令到自己長線持有優質股，但長線組合依然係輸錢。
其實投資，唔係單單買入隻優質股，之後長線持有，就會出現理想回報。
投資知識(分析股票性質和優質度)、估值能力(定平貴能力)、組合配置/平衡性、年紀/風險承受力等因素，都會影響到長線組合回報效益。
在你學會更多知識前，可以先用供或分注模式去儲貨，透過平均成本買入法，去減少買貴貨風險。
長線，你要努力提升自己投資知識，特別係"估值"和"選股分析"能力。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
※※【投資倍升股課程】(基礎班)(共24小時) ※※
馬上報名：https://www.80shing.com/register.php?id=1
課程查詢：WhatsApp: 5545 7212
※※【環球美股實戰班】(共24小時)※※
馬上報名：https://www.80shing.com/register.php?id=6
課程查詢 whatsapp:5545 7212
Q47838：
龔Sir你好，剛剛才開了投資戶口，積蓄不多，只有10萬元左右，如果攞1萬元出來投資，請問有沒有什麼建議呢，謝謝你
龔成老師︰
- 如果你對個股無特別睇法，或者投資經驗好一般，可以買指數ETF。
因為指數ETF係一籃子不同行業架組合，具分散風險能力。就算當中個別股票出問題，對成個ETF都唔會有嚴重影響。
例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800），都係指數ETF類別。這些ETF有質素，適合一般投資者選擇。
你可以將1萬先買入佢地，餘下資金，每有回調(5-1)%)就再加注，之後長線持有。
如果想知多少少指數ETF係乜，可以睇翻我之前架Youtube影片︰
https://www.youtube.com/watch?v=nBr4tCJ__oY
-
如果你每月有閒錢，都可以月供指數ETF。
-
但長線你一定要增進投資知識﹐令自己可以自行選股和定價，去做買賣決定﹐咁樣個回報先會高。
不過，你而家係新手，先小注或者月供，試下儲指數ETF先，會較穏當。
- 這些影片你都可以先睇下︰
[複利故事] https://www.youtube.com/watch?v=ZaVTKyodNCg
[巴郡跑贏美股100倍] https://www.youtube.com/watch?v=xm1dx0A2Q5k
[基本知識上集] https://www.youtube.com/watch?v=Z9Yglj7eKvA
[基本知識下集] https://www.youtube.com/watch?v=kzyx_PQTCNA
5)最後，緊記要提升自己投資知識。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
Q47839：
老師，想問417, 1918, 839, 三隻都差不多蝕緊50％， 應否繼續等？
龔成老師：
謝瑞麟 （0417）質素不太好，建議賣出，或減持。
融創中國（1918）有一定風險。近年質素也減少。
這企業始終負債過高，現時市場預期樓市見底好轉，如果順利當然對企業有利，但如果過程反覆，這股的負債超高，面對不利因素，股價都可以十分波動。
這股宜減持，最多小注持貨，當博之後樓市好轉。
中教控股（0839）面對政策因素，成為不確定性，始終市場都會擔心之後不少有甚麼政策。
佢的賺錢能力有影響。
睇翻近幾年，教育行業的政策，中國政府都有收緊，無論在學費收費上及發展上。
由於市場擔心企業之後的增長力，令這股的股價較弱。因為佢過往曾經增長不差，但在政策風險下，最影響的不是現時的業績，而是之後的發展，令增長力減慢。
由於不確定性大多，會建議賣出。
Q47840：
老師，你覺得龍源電力如何？現時價格是合理，未來有冇上升空間？
龔成老師：
龍源電力（0916）是新能源相關企業，因此股價會較波動，所以有風險，注碼也要小心控制，長遠來說有質素，這股有長線投資的價值。
龍源係中國發展風力發電業務，收入大部分來自銷售風電場及火電廠所發的電力，而有關電力銷售主要倚賴淨售電量及上網電價。旗下客戶為風電場及火電廠連網的各地方電網公司。
由於風電為龍源核心業務，佔收入7成半以上，而龍源近年的風電平均上網電價有下跌情況，影響了賺錢能力，其實企業風力發電長遠的大方向仍是正面，不過，中短期一定會因為政策因素、短期供求問題、電價因素，而令龍源的收入受到影響。
因此，相信這企業短期仍會面對這類風險，令股價較弱，但長遠會慢慢好轉，如果業務好轉，加上市場對新能源股提高估值，這股股價可以有一定升幅，因此，都有一些潛力的。
所以這股仍有長線投資的價值，但回勇要時間，同時，龍源存有風險因素，因此投資都要控制好注碼。現價大約在合理區較下部。