Q40571：
曾聽聞報導直債和債券會毀約不派息不派債, 請問兩者有冇監管和買幾多等級債就不會毁約？
龔成老師：
債券的原理就是借錢比企業、機構、政府。如果佢地無力還錢還息，就會出現違約。
至於這個可能性高唔高，其實可以從債的評級去參考，如果有「A」評級，一般都較穩陣，風險較低。
如果買政府債，例如美國國債，風險極低，違約可能性極低（但當然，無人能保證必然不會違約）。
如果在「BB+」以下的評級，市場稱為垃圾債券，風險會較高，就有較大機會違約，當然，由於風險較高，派息也較高去吸刜投資者，所以這些債券也稱為「高息債券」。
Q40572：
成哥 如果我只夠錢 獨注一隻潛力股hold 5-10年
請問買小米定nvda會比較好？
龔成老師：
比較好的做法，當然是平衡配置，不建議集中在一隻。所以，同時投資兩者，其實會比集中一隻好，上述兩股我都有貨，我都不會過度集中。
其實兩隻都是有發展力的，都是可長線投資之選。
你預nvda潛力度較高，當然風險都會高D。
Q40573：
老師：幾時來澳門開班？
龔成老師：
相信在2026年，會在澳門舉辦基礎班！
你或者可以預早留位，whatsapp 852-55457212，打「留位澳門班」就得。我地有具體資料就會 whatsapp，你可到時先決定報唔報，無所謂。
Q40574：
想問下669現價104，是否在合理區上部分？
龔成老師：
大約合理區中間。
創科股價由2021高位回落，到近年開始好轉，由於創科的業務與美國樓市都有一定的相關性，因此，過往當市場擔心美國樓市轉弱，就會影響創科的業務及股價。之前美國按揭利率上升，令供樓者的負擔增加，在美國持續加息的前題下，樓市就存有不明朗因素。
到近年，美國開始減息，並將會開始新的減息週期，都令市場對美國樓的信心增加，也支持這企業的股價。當然，投資者最重要分析企業的長遠發展情況。
整體來說，這企業業務雖然對美國樓有少少敏感，但以長期情況分析，有品牌，有品牌，有銷售網絡，長遠有發展，這股值得長線投資。
股價中短期都會略有波動。現時估值算是合理區中間，長遠質素仍有的，但業務可能會因美國樓而出現波動，所以最好不要一次過大手買入，要分注投資，預期長遠有平穩增長能力。
若然是已經持有的長線投資者，此股可繼續持有作長期投資，但由於仍面對中短期風險，因此都要控制好持股比例。另外，此股的股息不多，收息者不宜。
Q40575：
龔Sir, Johnson & Johnson現在是否已到平宜區，這股現在適合買入做退休收息股（分散投資美股部分）？
龔成老師：
未到，只是合理區中間。
強生集團（Johnson & Johnson，JNJ）有一定的規模及質素，是典型的平穩增長型股票，適合中低風險的投資者。
強生主要分為三個業務部份：消費者健康、製藥、醫療器械。不少人都會以為強生業務是類似P&G（PG），主營個人護理產品，但實際上，集團是以製藥和醫療設備相關業務為主。
強生於美國新澤西州成立，至今已有超過135年歷史，集團現持有多個銷售量達十億美元計的知名品牌，不少產品已成為很多人日常生活的一部份。
現時集團於全球僱用近14萬名員工，從事研發、製造和銷售醫療保健領域等產品。同時，跟超過45,300家供應商和數百家外部製造商合作，以支持開發和在全球製造集團的產品。
現時強生股價唔算平，以一間平穩增長型的企業來說，估值有點高，不過，考慮到企業的獨特優勢強，可推算為合理區中間，如果投資者對這股有興趣，可以分注投資，長線持有，相信這股適合中低風險類的投資者。
Q40576：
想問吓1372或3337边隻有值博及持有呢？
龔成老師：
中國碳中和（1372）企業規模唔算好大，股價、營業額和盈利都十分波動。過去有多年出現虧損，加上過去幾年，核數師都比出「無保留意見 (修定報告)」
雖然唔一定有問題，但我地對這類股票，就要保守少少。之前做建築，近年轉做碳中和概念，但未見有成績。
整體而言，此股投資價值不高。
安東油田服務（3337）屬風險類。
佢的產品及服務涵蓋油氣田壽命的各個階段。例如油井服務部門提供高端的陸上壓裂及酸化、防砂及固井服務。
生意雖然有增長，但盈利波動都幾大。業務獨特性唔算強，增長力不高，投資價值只是一般般。
現價是合理的，但這類股唔值得佔組合比例太多。
Q40577：
老師，年金值得買嗎？比了一大筆錢，卻不能隨時取，好似要好長命才真正得益咁。多謝指導！
龔成老師︰
年金，其實佢架概念，你可以理解為由第三方，將你提供的資金(一筆過/每月供款)用作投資後，再按要求(指定年數)每月派發定額收入比計劃參加者。
由於佢架現金流係穏定，所以適合作為退休資產的其中一員。其餘可以配置收息股、A級債券、定息產品之類。
至於好長命生得益，其實唔應該作為你主要考量。因為你唔係用佢賺錢，而係希望透過年金，去創造穏定的被動現金流，支援退休生活。
另外，如果年金投資者較早離世，餘下的戶口結餘(扣除費用和已提取金額後)，一般都可以退還給指定的受益人，所以唔會因為早退出年金計劃，再大幅咁蝕左本金。
Q40578：
你好, 龔成老師
想問一下英偉達現價合理嗎？
同埋我想問吓一隻美股RXRX, 佢好似係用AI同醫療嘅結合, 英偉達都有投資落去, RXRX有投資價值嗎？
龔成老師︰
英偉達公司NVIDIA (NVDA)有質素。是《38全球倍升股》的其中一隻，長遠發展正面，有長線投資的價值。
佢是一家人工智能計算公司，其業務部門包括GeForce圖形處理單元（GPU）、GeForce NOW遊戲流媒體服務和相關基礎設施，和其相關的處理方案。其業務可應用層面，都相當廣泛。
黃仁勳表示，人工智能時代正全面啟航，推動全球轉向採用英偉達的運算架構，市場新產品的期待都令人難以置信，人工智能正在改變每一個產業、公司與國家，企業正採用人工智能代理來徹底改變工作流程，各國都已經意識到發展人工智能技術與基礎設施的重要性。
整體而言，此股有長線投資價值。
不過，始終近股近年佢股價上升很多，你可以理解是「佢要一直保持理想業績，持續係一個市場預期的高增長水平，才能支持到當刻的股價」。
所以，最穏當的做法，是等其再回翻少少，先慢慢儲貨，始終現價唔平，只宜小小注。同時，但股價波動，或者用月供儲貨，會比較好。
之前都有出過分析NVDA的影片，你可以睇翻︰
https://www.youtube.com/watch?v=CKI2zA7LaV0
Recursion Pharmaceuticals Inc (RXRX)是一家臨床階段的生物技術公司，通過整合生物學、化學、自動化、機器學習和工程技術來解碼生物學，以實現藥物發現的工業化。該公司的平台包括Recursion操作系統，其結合先進的基礎設施層來生成專有的生物和化學數據集，以及Recursion地圖，一套定制軟件、算法和機器學習工具。
我未仔細研究此股，佢業務雖然有增長，但依然未做到收支平衡。雖然佢虧損幅度有收窄，但考慮到業務性質、市值等因素，佢架整體不確定性仲係好高。
如果你睇好，投資都得，但只宜小注。
Q40579：
中芯981值得長線嗎?
龔成老師︰
中芯國際（0981）業務有增長力，但未必能稱為好優質的股，算是有風險有潛力類。但政治因素成為風險，因此投資時要留意這點。
分析過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。
中芯國際長遠業務仍有增長力，算是有風險有潛力類，企業在中國行業裡有技術，同時產品始終市場，因此仍有前景的。
但投資者要留意，政治因素成為風險，因此投資時要留意這點。這股不建議大注，加上現價已經唔平。勍算無貨，都最多小注好了。同時以長線眼光去投資這股。
以下是中芯分析影片，你都可以參考下︰
https://www.youtube.com/watch?v=n22zk2vLeII
Q40580：
Hello 龔sir，真係好開心聽到你喺YouTube 講關於加密貨幣嘅知識，廣東話嘅加密貨幣YouTube Channel唔係咁多，如果你日後可以分享多啲就非常之好👍
其實我都有好多問題好想聽吓你嘅解釋，就係
1. 其實「區塊鏈」、「公鏈」、「Layer 2」我哋唔係科技人可以點樣理解？
2. 比特幣數量上限2100萬個，其實係點樣驗證或者可以喺邊度驗證？
3. 你喺YouTube片度話投資Micro Strategy等如槓桿買比特幣，呢個我唔係好明，可唔可以講解多啲？
4. 唔知你有冇睇過Micro Saylor 預測比特幣會逐漸由世界資產的0.1%去到7%（附上我講嘅YouTube片），你覺得呢個有冇可能？
5. 呀 sir 你有冇研究Defi裏面嘅永續合約、yield farming ，參與Airdrop嘅機會？
唔該晒龔sir🙏😃
龔成老師︰
好，其實我自己都係集中港美股多D。加密貨幣始終我自己無直接投資(純粹投資左Coinbase)，但都會盡量將知架野﹐同大家分享下。
1) 其實同分析一家公司一樣，當你買英偉達(NVDA)，你都無可能知道和明晒背後技術上架野(除非你係相關專業人士)。
係而個時候，我地就會用數據和佢地係生態上架價值等方向，去到側面判斷佢地架價值。
至於你問個3樣野︰
區塊鏈：
區塊鏈是一種去中心化的數據庫技術，它通過將數據分成一個個區塊並按時間順序鏈接起來，形成一個不可篡改的數據記錄。每個區塊包含一組交易數據，並通過加密技術確保其安全性和完整性。而個技術，其實就係而家成個加密經濟最底層，同最重要的元素。
公鏈：
公鏈（Public Chain）是指任何人都可以參與和查看的區塊鏈系統。公鏈的數據是公開透明的，所有參與者共同維護和驗證數據的安全性和正確性。公鏈的特點包括"去中心化"、公開透明和高安全性。大家現時用緊的公鏈，包括比特幣、以太坊等。
私鏈︰
私鏈（Private Chain）就有一定限制性，雖然佢用區塊鏈技術，但只有少部份有許可資格人士，才可以查看鏈上交易記錄，即係"中心化"。
Layer 2：
Layer 2 是指在區塊鏈主鏈（Layer 1）之上構建的第二層解決方案，目的是提高區塊鏈的可擴展性和交易速度。你可以理解為Layer 2技術，係幫Layer1(如以太坊)去解決交易速度過慢問題。通過將部分交易移到主鏈以外處理，去減少主鏈負擔，從而提高整體性能。
2) 比特幣的數量上限是2100萬個，係由比特幣的原始設計和其底層區塊鏈技術決定。
以我所知，係要睇比特幣源代碼先見倒。但而個太深，我都唔識。
3) 其實微策(MSTR)而家係透過買入BTC，去提升股價。再用而個做誘因，去吸引更多人買佢架可換股債券。
之後，佢就可以用債券所得，去再投資BTC，再推高股價，不斷重覆而個循環。
不過，由於佢架資金係借翻黎，故(有機會)需要還。
如果債券到期日﹐股價係"高"於換股價值(現時它發行的可換股債券，換股價都是高於現價一定距離。)，借貸人一般會換成正股，咁佢就唔會有(還錢)架資金壓力。
相反，如果債券到期日﹐股價係"低"於換股價值，咁借貸人就會要求歸還本金。係而個時候，好大機會係BTC價格不理想(否則股價唔會咁低)。
咁微策(MSTR)要還錢，就可能要平賣(甚至賤賣)BTC，最壞情況會出現資不抵債，而個就係當中風險。
4) 無，不過預期比特幣佔全球資產比例，係會持續提升。
5) 無，我自己無直接投資加密貨幣，所以唔會參考到DEFI項目。
如果你有興趣，記住你分析清楚，相關DEFI是否可靠，例如是否大公司或者有一定良好經營歷史的DEFI。記住，不認識，就不要投資。