Q25401：

Hello 襲Sir你好！

我是一位從來沒有投資概念的人，亦沒有進行什麼投資，（極端例子是 我已經工作15年 從來沒有關注過自己的MPF 戶口。）

去年11月份與中學恩師見面，我們談起投資，最近她鼓勵我睇吓你的page 。

今年我訂立了一個目標：增長財務知識，過去兩個月我看了「富爸爸 窮爸爸」

閱讀書本，觀看短片，亦開始去買入一些股票 讓自己去感受一下

不過，我還是沒有一個有系統的方法及學習方向 （或許所謂的方法方向係好個人？感覺很散亂⋯⋯

我想請教 我應該由如何開始去建立及學習財務知識？

人到中年，亦開始對這主題感興趣

謝謝你

龔成老師︰

我至今睇左過千書有關投資、理財、股票、成功、激勵、心靈、致富等各方面的書。

我一開始，對投資一無所知，其實開始睇，發現自己過住的投資方法都是錯，更發現坊間的所謂「專家」、散戶，投資方法都是錯！

我明白點解香港有9成散戶，投資股票都是輸多贏少，因為佢地無知識！

當我愈睇書，就愈明白真正的投資道理，同時自己的投資實力大升。由多年前輸多贏少，到現時贏多輸少。唔少散戶，可能憑短期市況好而獲利，但如果要做長勝將軍，就只有靠知識。

巴菲特的閱讀就更多，他多年來，絕對不是「睇住個市」，而是不斷睇書增加知識，睇年報了解企業。

我最初睇得好廣泛，到後來會睇較多「分析企業」、「價值投資法」、「巴菲特」類的書。

以下是我認為適合初學者睇的書，部分要到圖書館找的：

《我十一歲，就很有錢》

《經濟蕭條中，七年賺$1500萬》

《富爸爸，窮爸爸》

《思考致富聖經》

《秘密》

《財富金鑰匙》

《有錢人想的和你不一樣》

《世界上最偉大的成功寶典》

《洛克菲勒寫給兒子的38封信》

《解讀巴菲特》

《巴菲特傳-永恆的價值》

《勝券在握》

《智慧型股票投資人》

《非常潛力股》

《彼得林區的選股戰略》

《誰搬走了我的乳酪？》

《人性的弱點》

Q25402：

平時我睇FCF

Free Cash Flow

Operating cash flow

Capital expenditure

Free cash flow

佢就好好比哂我睇，但係睇年報，d數點加點減我就唔太識

因為近排有聽過

FCF VS FCFF VS FCFE

咁我相信依家Morning Star呢個都係FCF Only not FCFF

因為我聽人講FCFF 好似比FCF更加準確想學下點計

你知道三者既分別嗎？同埋好處唔好處？

可唔可以教下我計700既FCFF

龔成老師︰

FCFF是公司所有投資者（包括債券持有人和股東）的剩餘金額，而FCFE是公司普通股股東的剩餘金額。

所謂無槓桿自由現金流，和槓桿自由現金流之間的主要區別在於，無槓桿自由現金流不包括利息費用和凈債務發行（還款）的影響，而槓桿自由現金流包括利息費用和凈債務發行（還款）的影響。

FCFE = Net income – net capital expenses – change in net working capital + new debt – debt repayments

代表自由現金流的權益衡量一旦費用，淨營運資本變化和債務償還減少並增加新債務後在股東之間分配的金額。

FCFF = Operating cash flow – expenses – taxes – changes in net working capital – changes in investments

是一種財務績效衡量標準，它著眼於在所有費用、稅收、淨營運資本變化和投資變化都減少後為公司產生的現金量。

不過，我地係估值時，好少會用到這種方法。除了因為較複雜外，用現金流去做估計，都較難得出準確答案。

如果你有印象，我講過現金流折現法，只係適用於一些係好平穏現金流的企業。

好似騰訊(0700)這類現金流變化大企業，要估算佢每年現金流變動，其實好難。只要你有一個數稍有偏差，最終答案可以差好遠。

計算騰訊(0700)這類企業，用市盈率估值法，會較為合適。

Q25403：

龔Sir, 你好。自從去年上完你的股票基礎同進階班，獲益良多。我從去年3月開始陸續將自己的現金買股票。差不多投入咗40%啦。我宜家既股票組合如下：

3067 2500 $12.9入

700 200 $446.27入

9988 400 $163.9入

1177 5056 $6.72入

2382 100 $170入

1448 8000 $7.25入

1810 800 $22.50入

285 1500 $28入

2800 1674 $25.53入

2822 257 $19.24入

823 900 $67.4入

12 1305 $33.20入

3319 3250 $21.51入

66 1724 $42.54入

1038 1153 $44.49入

2388 1655 $25.84入

270 6000 $11.94入

6823 2000 $10.52入

1398 1714 $4.66入

941 500 $47.85入

548 4000 $7.19入

303 600 $68.62入

以上資產組合可以給我一點意見嗎？另外，下一步應該點樣繼續投放餘下的資金？我打算保留大概30%現金。

期望你的回復，謝謝你龔Sir。

龔成老師︰

你的組合主要問題是股票隻數過多，難於打理，檢視質素的時候要花好多時間，建議100萬的組合集中在10隻就好。

質素上，大致都是優質的股票，可以持有。

現時大市處於合理的水平，保留5成現金會較爲合適，剩下的一成資金，你可以加大現時的股票比例，但就不建議再增持新的股票，只加注現有組合好了。

如果你想進取少少，只留3成現金都可以。但緊記，係分注入市。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，我地係做投資選項時，會睇翻你現時人生階段。假設你係年青至中年人士，應先做好增值，我一般建議用「平穏增長股」 + 「潛力股」作組合，去創造一個增值平台。

但如果你希望開頭穏陣D，或者你係年紀較大，你應該用「平穏增長股」 + 「收息股」的組合。

你的組合中有約3成潛力股，1成收息股，其餘平穩增值股，這比例適合年青至中年人士。你可以睇翻你自已年紀和風險承受能力，去做決定。

如果你想組合有多點的增長力，隨住投資經驗和知識的提升，可以將比例增加到約5成，但同時都要注意風險。

餘下3-5成現金，等大市有較大的回調時大手買入，長線持有。

Q25404：

老師，之前我買9988，119買入，而家跌左！

我係咪應該止血

放咗佢就算

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。

阿里業績差，相信阿里中短期仍較弱。

阿里巴巴第二季度收入同比增長約3成，而純利逾53億人幣，同比跌8成，非公認會計準則淨利潤285億元，跌4成。

盈利大跌，其中一個原因是上年度同期，有較多投資收益（投資在上市公司，股價上升帶來會計上盈利），如果以較反映經營層面的數據分析（即是不考慮會計、一次性相關因素），盈利下跌約4成，這個數字，當然是不理想，其中一個原因是支出增加，反映行業競爭加大，同時，增長力減少。

另外有一點值得投資者留意，該集團指，調整2022年財政年度的總收入指引，預計2022財政年度的總收入同比增長為20%-23%（而過往預期是30%）。

以最新的業績，以及阿里收入的收入修正，相信中短期的經營環境，仍會較一般，投資者要明白短期股價波動，但長遠來說，阿里始終本身有優勢，慢慢能適應新經營環境。現時，要睇你持有的%，如果%太多，就宜減，如果佔組合比例不過多，就守住先。

其實，除了持股，你更要留意自己投資概念。你現時「賺錢」的思維，與98%的散戶想法一樣。

你追求實在的現金，認為要賣出賺到現金，才是賺錢，但我地最重要是講求「財富最大化」。

當一隻股票上升，例如你買入價$10，現價$15，賣出可以賺$5。

但當你套現$15後，你怎樣將這個「$15」再次增值，令你的財富增長，比留在原有股，得到更大的回報？

如果原在的股票是優質股，即是我地持有優質企業，當你一直持有這股，企業長期價值向上，就會帶動我地的財富有最大增長。

簡單來說，我地是從「財富長遠最大化」的角度去想。

可能你會問，一直不賣，那麼永遠無法取出財富。

我地累積財富，會用「先增值，後現金流」作策略，前者著重增值，之後就會改變策略，將已增值了的資產，轉為現金流類別，而我地就是不斷享受資產產生的現金流。

如果你真係想做到財富增值，投資策略一定要長線。透過長期持有優質股，待期自然增長，以達至財富增值目的。

Q25405：

你好，我想請教一下，我月入45k，27歲 想30歲前買樓，想請教一下有冇咩投資方法

龔成老師︰

以你現時27歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

不論是儲錢置業，還是累積財富，你策略上都可以投資「平穏增長股」和「潛力股」，去作為你的增值平台。

你每月5成儲蓄做月供。其餘先儲起，用一邊月供一邊儲蓄的策略。

潛力股這類風險較高的股票，以你年紀，最多維持2-3成好了。但由於你首要目標，係儲錢3年後置業，時間不算太長，建議集中翻係平穏增長股類別。

餘下的另一半現金，我地就等機會，當大市出現較大回調，就加大力度掃貨，然後作長線投資。

到你要置業前半年左右，你就要開始慢慢沽貨套現，唔好到用先一次過沽，因為無人知當時個大市水平。因此，你要慢慢沽，去平衡價格波動的風險。

Q25406：

多謝你呀老師好寶貴嘅意見，真係要好好保存你呢段說話

我想問匯豐係唔係已經不再是平穩啦？

至於中國海洋石油呢？

龔成老師︰

匯控（0005）公布去年全年業績，去年基準收入495億元美元．按年跌近2%，主要是由於上年環球利率下跌，以及資本市場及證券服務業務收入減少的影響。

去年淨利息收益265億元，按年跌4%，淨息差1.2%，較上年度下跌12個基點。基準稅前盈利189億美元。整體來說，匯控去年利潤略差過市場預期，而收入則大致符合預期。派發末期股息每股18美仙。

相信匯豐最差時期已過，但由於全球仍有疫情等不確定因素，因此仍有潛在風險，但相信較大機會會慢慢好轉，但就不是高增長，只是穩定，慢慢好轉，投資者不能對股價有太大期望。現價是合理。

中國海洋石油（0883），質素都算有，但不是最高質類別，佢對油價較為敏感，所以，如果長遠油價向上，佢都會增值的。

雖然佢都有一定的規模及質素，但卻不是最高質素的企業，這是由於佢地的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

Q25407：

老師，有那些潛力股？

龔成老師︰

潛力股可選安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845）、三星FANG ETF（2814）、安碩納指一百（2834）。如果有投資美股，可投資QQQ。但佢地波動性和風險會較高，你要自己平衡。

現時安碩恒生科技(3067)、騰訊（0700）、阿里（9988）、中生製藥（1177）、小米（1810）、舜宇光學（2382）都有投資值博率，算是合理區中間以下區域，而安碩納指一百（2834）、QQQ算在合理區中上，都可分注投資。

Q25408：

老師你好！之前我一口氣買了幾本你的書，「大富翁致富藍圖」、「選股勝經」、「股票勝經」及「年報勝經」。

頭幾本我已經讀完了，但一直都未讀「年報勝經」，因為我怕會太複雜，作為新手投資者嘅我會睇唔明。最近因為疫情常在家，終於的起心肝開始讀了！

我後悔冇先讀「年報勝經」！老師你真係講解得好清楚，可以睇得出你做咗好多資料蒐集，好努力去將內容簡化！讀完之後我除了更加了解年報，

亦都更加清楚你喺其他幾本書入邊做嘅選股分析，及介紹的一些財務指標（我在你其他書中都有見你介紹ROE，但一直都唔明白，直至而家了解報表中的互動，我終於明白了！）

我而家終於覺得自己掌握到基本概念，可以報讀你嘅股票班啦！我亦都終於明白投資係自己身上，及增加財務知識嘅重要性！期待疫情快啲過去，我地可以係班上見！

龔成老師︰

多謝你支持我架書!!!

我經常都會叫學生，上堂之前有時間，最好先睇《80後千萬富翁》、《財務自由行》和《股票勝經》，都適合初學者。

之後，你有時間，可以再睇埋《選股勝經》和《年報勝經》，咁上堂就會易明好多。

同時間，你都可以睇下相關新聞、年報等，對市場資訊有個概念。

希望疫情盡快過去，股票班見!!!

Q25409：

您好， 龔Sir.又有事請教您。由於我先生一直不贊成我買股票，覺得風險大。監於近日疫情。上星期已賣哂 d股票。

但我本身很不想， 因知道自己退休後， 要多d現金流作保障。 我想偷偷地再入市。 您意下如何？

現我想買的是

1258 中國有色金屬

939 建行

152 深圳國際

547 深圳高速

請幫忙給予意見

龔成老師︰

股票風險主要不在於本身，而係投資者對佢架了解。好多人有個號碼、聽個消息、或者只知好少架資訊就入市，這就是主要風險。

另外，你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。

所以，唔好見個大市跌，氣氛差就亂沽貨。這樣做，反而令你失去長線增值本錢。

你上述股票，都有質素，現價都合理，可以分注入貨。

深圳國際(0152)係深圳高速(0548)母企，業務有相關性，2隻不宜同時持有太多，以免有過度集中情況。

中國有色礦業（1258）主要係非洲贊比亞經營銅開採、選礦、濕法冶煉、火法冶煉及銷售業務，主要產品為銅精礦、粗銅及陰極銅，以及粗銅冶煉工序中產生的副產品硫酸。

佢係中國有色礦業集團於銅及鈷資源開發的海外平台。

佢擁有四個營運中的礦山，即Ｃｈａｍｂｉｓｈｉ主礦、Ｃｈａｍｂｉｓｈｉ西礦、Ｂａｌｕｂａ中礦及　Ｍｕｌｉａｓｈｉ北礦。另外，Ｍｕｌｉａｓｈｉ濕法廠及剛果（金）項目亦已投產。

業務不是無質素的，見佢生意保持向上，不過，盈利就有點波動，有時盈利會大跌超過一半，相信好受成本及國際資源價值影響，反映佢有少少被動，企業質素未算最高。

過往股價上落大，要留意風險。企業質素算是中等，現價有少少貴，最好等佢回多少少才考慮。此股都有長線投資價值，但就唔值得持有太多。

Q25410：

我打算購買雲遊控股，有機會大升

你覺得點

同埋 必瘦站算唔算潛力股？ 定係bucket 2？

都可以講講必瘦站是否值得投資

龔成老師︰

雲遊控股（0484）是中國的網頁遊戲研發商和發行商，遊戲在集團平台９１ｗａｎ或合作夥伴的網絡上發放。

比較麻煩，佢的生意不斷下跌，而且已出現多年的虧損，係咁樣的前提下，企業價值只會不斷向下，這類股投資價值不大，長期股價將下跌。

除非佢的業務有突破，又或出了一些好爆的遊戲，否則，佢只會繼續處較弱的情況。

佢近半年業績有錢賺，純粹係公平值變動(會計數字，非真正賺錢)，同埋出售左一些業務。若以常規業務計，都係蝕。

你投資係可以，但風險好高，要控制注碼。

完美醫療（1830）係水桶1，長遠有發展，本身有一定的質素。

睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。

加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。

現價合理，這股有潛力，同時風險都有，分注投資較好。