Q38431：

Sir, 請問呢一期課程如果Miss咗，下一期會係幾時開始？

因為我唔肯定返唔返到學。如果我先俾咗錢，係咪都可以當留位，可以下一期讀返，係咪咁樣都可以攞到嗰幾隻潛力股資料？😅

龔成老師：

下一期（第57期），將會在2025年2月舉行。

如果你比左錢，預先同我同事講「今期有機會上唔到，可能留到下一期」，是可以的，我地同事會幫你安排。

另外，課程也有補堂機制，如果你個別堂上唔到，都會安排你下一期補翻。

Q38432：

想問課程裏學的股票是集中在港股嗎？

龔成老師：

「投資倍升股課程」，所教的是價值投資法，即是巴菲特所運用的方法，對港股美股都適用，相關應用技巧，套用在港股及美股同樣可以。

課堂港股美股都會教（例子以港股較多），由於技巧同時適用於港股美股，但只要配合美股工具，同樣適用美股。

另外，課程會有一份附加筆記，作為美股補充資料，會具體教課堂內容怎樣配合在美股應用上。

Q38433：

老師你好，記得你上堂講過，每隻股票不應超過組合最多15%，我現時1211佔整個組合30%，買入價$44，應該賣出以減少比例嗎？

龔成老師：

要睇你風險承受能力，以及整個財富的情況。

你現時持貨為30%，的確超過15%令你出現集中風險，比較穩健的做法是減一手。

不過，如果你整個財富有不同類的資產，而股票只佔少部分。又或者，你年輕，日後仍會保持增加其他財富，或增加其他股票，令1211比例慢慢減少，這樣就不用這刻減持都得。

另外，如果你明白會有集中風險，能承受，都可不減持。

Q38434：

老師你好，想請教中年人 將股票錢轉換年金，會否比較保守，定一半一半。 而年金同保險儲蓄是否差唔多同類產品🙏🏻

龔成老師：

如果開始為退休作打算，的確可以考慮年金，因為年金是退休人士其中一個不差的產品，雖然增值力欠奉，但這的確是獲取穩定現金流的工具。

方法就是先支付一筆過資金或指定年期保費後，保險公司就會在派發年金期內，向你每月以「連本帶利」形式支付一定現金。這筆每月派送的現金，可以作為你穩定的生活費，令你生活更有預算。

若你在年金派發期結束前不幸離世，任何餘下的價值，一般都會退回受益人，而不會出現白白浪費的情況。

雖然，年金可以幫我們將一筆錢，自行每月連本帶息提取，以支付生活費用。但我們卻不知自己何時才百年歸老，較難預算投保那個「年金派發年數」的計劃會較好。

若果選擇派發年數太短，令年金計劃過早結束，有機會造成晚年每月收入不足的情況。反之，若選擇派發年數太長，會令每月派發金額相對減少，有機會令生活費出現不足情況。所以，購買年金前要先仔細規劃，以確保找出一個最適合自己的年金方案。

總括而言，購買年金能令自己每月取得合理的現金，令生活更有預算，是其中一個值得考慮的退休解決方案。

如果配合你的情況。

你中年，雖然都可以為退休作準備，但你仍承受風險，仍有財富增長力，因此，並不建議你將太多資金買年金，部分可以。

Q38435：

阿SIR您好，我貪心啲，想請教下幾隻出咗業績嘅股份，285、1448和2020，謝謝

龔成老師：

比亞迪電子（0285）不過不失，公布，截至２０２４年６月３０日止中期純利１５﹒１８億元（人民幣．下同），按年升０﹒１％；每股盈利０﹒６７元，不派中期

息。

期內收入７８５﹒８１億元，升３９﹒９％；毛利５３﹒７９億元，升２２％。

其實收息與毛利都有一定的增長，不過純利就無增長，反映成本上升，以及市場競爭加大，影響了賺錢能力，相信在現時的市場環境，仍會較一般，但長遠，這企業仍是一隻有發展潛力的股票。

福壽園公佈業績差，始終這企業受中國經濟及消費力影響，因為佢產品較高端，對經濟敏感度較高，相信在短期，佢的表現也較一般。

福壽園（1448）公布，截至６月３０日止中期盈利

２﹒９億元（人民幣．下同），跌３５﹒７％，每股盈利１３﹒２分，派中期股息每股６﹒３８港仙。

該集團指，收入１１億元，跌２７﹒８％，經營利潤跌３９﹒４％，至５﹒１億元，經營利潤率４６﹒６％，跌８﹒８個百分點，其中墓園服務經營利潤率自去年同期的６２﹒３％下降至５４﹒４％。

主要由於去年同期被累積和遞延的市場消費需求得以快速釋放，帶動各地墓園服務銷售量反彈，導致同比基數較高，而期內墓園服務銷售量下降和固定成本影響。

不過，從本質來說，佢是有優勢的，但回勇的確要時間，這股長線投資無問題，但就要控制好注碼，始終中短期面對風險，最重要控制注碼，不建議投資太多。

安踏體育（2020）業績不差的，中期純利按年升６３％至７７億元人民幣，收入增１３﹒８％至３３７﹒４億元人民幣，毛利率６４﹒１％，雖然之後的業務，仍會受中國消費市道影響，但起碼暫時的業績，不算太差。

Q38436：

龔sir, 想問問一些理財建議。

我有個想法，我想將D資金分做三部分︰

第一筆是主要儲蓄，

二是作為投資，

三是作為突發用資金。

想問將D錢分在不同銀行户口好些，定是放在同一銀行户口但自己另外記賬會好些。各有什麼優缺點？謝謝。

龔成老師︰

你這樣分配都可以，但你要清晰各自比重。

同埋，我唔太肯定你儲蓄的作用，會否同應急資金重疊。如果你係用來等投資機會，或者係其他生活上架目標，咁係可以。

至於是否用不同戶口，其實睇你自己，如果你係數目分明和清晰的人，你放在同一戶口都可以。

其實分開同放埋一齊，無話邊個一定最好，只要適合你自己就可以。

Q38437：

龔Sir，我又有一個問題想請教你了,之前多得你嘅意見，我今年嘅股票投資都算順利，多謝你！

我父母前幾年相繼離世，而家我獨住公屋三人單位，但之後會被安排調去細單位。嚟緊我會有「鐵飯碗」，基本上可以保證有穩定收入，所以想趁而家用綠表買二手居屋自住，最近睇中咗個大約300萬嘅單位，樓齡超過35年。

我諗住做95%按揭供30年，但好多朋友都勸我唔好而家入市，寧願租樓，以免變負資產；亦都有朋友話做9成或者8成按揭會安全好多。其實我都認同後者嘅講法，但我手頭上資金唔多，覺得留返啲現金買股票增值或者備用會更好。

依你之見，其實香港嘅樓市重有冇前途？我應唔應該而家入市？如果買，做幾多成按揭會係較好嘅選擇？

龔成老師︰

先講香港的樓市，中短期較一般，始終中國及香港經濟未完全回勇，但相信未必大跌，最多少少調整。

另外是高息因素，高息對樓市會不利，這就近1、2年樓價回落較多的原因。不過，這個因素基本上已反映，加上香港買樓需求仍大，相信不會大跌。

而當美國正式開始減息，會對香港樓市有穩定作用。不過，香港減息的力度不及美國，所以難以令樓市大升。。

相信樓市在長遠計，因供求關係，較難大跌，不過，也不會有大升的情況出現。

政府現時有較大決心處理好樓市問題，我相信會令之後的供應增加（不是中短期，要長期才慢慢見到），因此，樓市不會大升，但相信都較難大跌（始終需求大）。

長遠計，樓價會平穩。因此，香港樓作為自住的價值仍在，長遠來說，暫時睇未必會大跌，最多只會平穩加少少向上。

你買樓以自住為目的，現時樓價已經由高位回落不少。因此，自住的話，現時則屬於合理的水平，可以考慮。

但買樓自住，仍然需要符合兩個條件：「供得起」+「物業滿足未來10-20年的住屋需求」。

你在文中提到，其實你「手頭上資金唔多」，需要做95%按揭，就算你現時工作穩定，但難保生活上可能會遇到意外，最好持有一定數量的現金，在理財上其實有防守的作用。所以，不建議你在手頭緊的情況下貿然入市。

至於負資產與否，其實不是自住需要考慮的主要因素。因為你有足夠的供款能力，其實對一位自住用家而言，就算負資產都唔會有實質影響。

不過，樓齡較高的物業，本身潛在維修成本較高。同時，超過45年樓齡的物業，按揭會較難，你要轉手的話，都會有難度，這方面你要都加入考量。

至於做幾多成既按揭先最好，無一定既標準，視乎你手上的資金情況以及你本身投資的能力。

如果你能夠為手上持有的現金創造比利息更高的回報的話，當然，可以盡借（但都要在供得起的範圍），但如果你本身投資能力只是一般，以現時的高息環境，借少些反而會較好。

一般來講，做9成或8成的按揭會較爲安全，以你現時的情況，你仍然可以居住在公屋。所以，無短暫的住屋需求，唔洗操之過急。

買入居屋是是解決長遠的住屋需要，你可以慢慢計劃，等資金再充裕些的時候再考慮都未遲。

Q38438：

我想請教一下，我問了銀行借了一筆錢投資股票，後來發現原來比緊十六萬利息，但我股票輸了好多錢，欠下巨債，請問有沒有方法可以解決呢個問題？

我很煩惱，謝謝老師

龔成老師︰

記住，財不入急門，你現時要做的，是一步步做好理財，不要心急投資，要由提高收入，減少支出，增加儲蓄，合理還債，去著手。

我建議你先將個問題，分開2個份去思考。

1) 你要明，借錢投資其實有風險，我一般都唔會建議讀者咁做。

因為就算你有實力，佢始終都係會倍大左你個風險。就算你有一定投資實力，我都會建議只能用借貨去投資風險低的投資項目。若果本身經驗一般，就更加不要考慮做槓桿。

所以，你睇翻自己係邊一類，先決定借貸投資是否適合你(是否匹配你現有架投資經驗和項目)。

2) 這個貸款利率，是否很高。

就算你過到第一關(即有投資經驗，同時投資項目有質素和低風險)，但如果利率好高，長線都會蠶食你高比例架回報，令到息差效果薄弱。如果係而個情況，我都建議盡早還款較好。

因為節省架利息係保證，但投資回報係有不確定性，如果息差效果低，就不值。

希望你能夠透過是次的經驗，能學到一些經驗，未來要因應自己情況，去作出更理性和穏當的決定。

Q38439：

阿Sir！若然按照你咁分析嘅話業績理想只係市場預期太高去推斷咁即係應該嚟緊會繼續大升？一隻股票炒高40幾倍估值仍存在上升空間好大？依排科網股龍頭業績一出見光即死，So far暫時除咗京東、美團公佈業績後急升外，其他業績一出即崩堤，依排最典型嘅拼多多已經係版本🤔（本人只係理性分析下而已）

龔成老師

如果市場預期業績升一倍，而佢業績升一倍，股價就不會再大升，因為已經符合市場預期。

最重要是分析，現時股價，反映了企業估值多少情況，如果1個月前股價100，現時股價130，而這30%升幅是反映業績十分理想，到最後，如果業績只是理想（不是十分理想），就有機會跌翻$110，其實股價都由$100升到$110。

因此，所有野都是企業估值的預期，以及業績公佈後較具體的企業估值，不斷調整的情況。

Q38440：

老師 你點睇1448

龔成老師：

福壽園公佈業績差，始終這企業受中國經濟及消費力影響，因為佢產品較高端，對經濟敏感度較高，相信在短期，佢的表現也較一般。

福壽園（1448）公布，截至６月３０日止中期盈利

２﹒９億元（人民幣．下同），跌３５﹒７％，每股盈利１３﹒２分，派中期股息每股６﹒３８港仙。

該集團指，收入１１億元，跌２７﹒８％，經營利潤跌３９﹒４％，至５﹒１億元，經營利潤率４６﹒６％，跌８﹒８個百分點，其中墓園服務經營利潤率自去年同期的６２﹒３％下降至５４﹒４％。

主要由於去年同期被累積和遞延的市場消費需求得以快速釋放，帶動各地墓園服務銷售量反彈，導致同比基數較高，而期內墓園服務銷售量下降和固定成本影響。

不過，從本質來說，佢是有優勢的，但回勇的確要時間，這股長線投資無問題，但就要控制好注碼，始終中短期面對風險。