Q36681：

你好 龔成, 想請教你，提供意見

本人今年49，早年做全職家庭主婦，重回職場數年，有一個14歲兒子，文職工作月入2萬5，先生46歲收入沒有我穩定約2萬多，

想用綠表買二手居屋，但積蓄不多2-30萬，預計300萬供30年，現兩公婆有70萬MPF, 15年後退休拎番就放去層樓，還有奶奶層樓將來預分3分之一，現值700萬，又可還按揭，請問值得買嗎？

希望層樓留比兒子, 謝謝

龔成老師︰

自住物業的話，最重要係佢適合自己長期生活需要(講緊未來10-20年)。同埋長線有信心供得起，咁就可以。

以你情況，我建議你先思考以下幾點，再作決定︰

1) 你們有否能力供30年

2) 若你打算用MPF和沽出奶奶層樓收益，去到處理餘下按揭款項，係可以。但你要明白，到時你MPF回報和奶奶層樓樓價，未必如今天一樣(但你借左架金額，係唔會變)。係而個不確定前提下，你有無信心處理倒。

3) 同埋，你奶奶層樓將來預分3分之一，但幾時分(如果另外2/3業權架人唔想賣，咁點?)，甚至係唔係一定分倒。

4) 你們幾乎用盡所有財務資源，去供這居屋，那你們退休後生活開支有何打算?

建議你思考清楚這些問題，再作決定。你要買都可以，但你要明白將會面對這些風險，若你願意承擔或有解決方法，咁你係可以去按計劃行動。

Q36682：

Hi 龔Sir, 你講得好啱，最後讀左個所謂好學校既master of finance, 但係最後都係冇乜用，人讀master 我讀same master, 最後我同學轉到我本來想轉既工，但係我都係度原地轉咁🥲

我覺得自己真係好似冇analytic skills 咁，人寫report, 我寫corporate credit report, similar to 阿sir 你既書分析公司好正，人哋好有framework 有根有據

但我就好似永遠集百家之大成，抄news, 少左啲咩咁，表達得好差。其實阿sir 你點解可以分析得咁好？🙏🏻

龔成老師：

你這刻，最重要是想想，怎樣做好這一刻，令你學得有用，之後能有發揮。

有關寫分析報告，第一，你要好了解企業，不是炒，而是消化。

第二，你要解讀，要配合大環境、財務數據、管理層、企業情況，去拆解怎樣的背景，令企業出現這情況，當你有左這樣的分析，下一步，就是分析之後的大環境，從而分析企業之後的情況。

你可以研究一下，不同企業財務數據，與過往大環境及發展的關係，這樣你慢慢就掌握到分析技巧。

你加油，想想自己長遠，怎樣有更好的發展！

Q36683：

呀sir, 依家咁高息環境，如果買入優質的收息股，我回報都唔系太明顯。如果有經驗的投資者，呢100萬去買水桶一，再進行長線投資，會唔會更加好？

龔成老師：

如果較年輕，以及能承受風險，才可以買較多水桶1。

始終在我地追求回報之前，首先要考慮風險因素，建立自己適合的組合。

如年輕及能承受風險，的確可以考慮水桶1較多，到升幅後再進行其他投資。現時港股估值較低，各類型股票都有投資值博率，而當股市好轉，水桶1的確回報會較好。

Q36684：

請問最新業績會否影響股價？

龔成老師：

會，市場一定要預先估業績中少，到出業績時，就會睇預期與實際的差距，股價就會因為咁而有調整。

不過投資者留意，雖然市場會對短期業績有即時的股價波動，但最重要仍是睇企業長期發展，就算睇業績時，也要同時睇數年的業績，而不是將當刻業績過度放大。

Q36685：

你好，龔sir 請教下9888百度 前景如何

龔成老師：

百度（9888）有質素，有獨特性，長遠發展不差。回勇要時陳，長線仍有增長力，小注投資都可，股價較波動。

佢係全球最大的中文搜索引擎「百度」的營運商，係內地用家搜尋資訊主要對口，用戶規模突破10億，百度App日活潑用戶超過2億，多個指標都處中國第一。

業務上，佢擁有好強大互聯網基礎的領先AI公司。自2010年起一直投資AI以提升搜索及變現能力，並使用核心AI技術引擎「百度大腦」開發新AI業務。

百度核心業務（唔包括愛奇藝）由AI驅動，為其貢獻超過70%的總收入，主要提供基於搜索、信息流及其他在線營銷服務，以及來自AI新領域的產品及服務。

並廣泛使用AI技術開發創新營銷服務（例如動態廣告），為各搜索用戶推薦最適合的營銷客戶產品。

現時佢坐擁不少資訊和客戶群，就可以利用佢地去發展很多不同業務，可以話係一個好大的優勢。佢收入不差，長遠有發展，但由於本身有相當規模，因此，未必是高速增長型。

百度在規模和質素上，一定係有。但近期科網股波動，風險高左，同時到上市一刻不確定性高左。

現價未到平，合理區較下部，但長線有增長力，小注投資都可，股價較波動。

Q36686：

老師，我有一千萬請問可以點樣做投資？

龔成老師：

要睇你的年齡、風險承受程度、投資目標等，每個人都不同。

我保守少少，假設你承受風險能力低，年齡也不輕，只想追求收息回報，而不是高回報，你可以參考以下的配置。

你可以將這$1000萬，分成5部分。

第一，建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。

3110可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

這是不差的收息組合，但增長力不強。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。

你可以將$1000萬資金，平衡地分配在上述的項目上，對你來說是最好平衡風險，同時有穩定的現金流。

Q36687：

老師，見你講過年輕人浪費生命的特徵，例如無夢想，那麼，50歲、60歲的人呢？

龔成老師：

一個人到了50歲、60歲，就可以計劃一下退休，現有的財富，收入，退休時想要的生活質素，財富，怎樣安排最好。

過往在年輕時，可能用左較多時間在工作、家庭，如果到退休，家庭負擔減少，例如小朋友已大，同時已有一筆財富做好退休準備，就可以好好計劃退休的生活。

好多自己過往無時間做，但好想做的事情，都可以在退休後做。

最重要是思維一下，自己想要甚麼，怎樣能取得平衡，那些事情才是對自己真正重要，能否「做自己」。

Q36688：

請問可分析下753中國國航嗎？謝謝您！

龔成老師：

中國國航（0753）主要基地位於中國北京，亦係中國最大之商業航空公司之一。由於佢負債較多，近年經營環境一般加上利息高企，令佢出現虧損，風險度增加，質素也減少。

主要業務包括航空營運業務，即提供航空客運及貨運服務。以及其他業務包括提供飛機維修服務、地勤服務及其他航空公司相關服務。

除利息外，另一風險，是油價。油價對佢成本影響好大，令盈利有波動。

另外，航空業對經濟週期較敏感，收入不穩，同時唔算係一個好賺錢的行業，因此這股的質素只是一般。

這企業投資價值只是一般，如果睇好，當小注博下都可以，但預佢短期一般，要長遠先慢慢好轉。

Q36689：

龔sir 您好！看您的貼文學到好多野，感謝您！請問可以分析下澳門的樓市嗎？現時值得投資嗎？澳門回報率較低，如有60萬，您建議現時儲錢買樓、存定期定係買股比較好？或者點樣分配好？謝謝🙏

龔成老師：

澳門樓市在過往20年，已經上升了好多，這是由於澳門在近20年的發展力，的確很強，而樓價也去到一個較高的水平，租金回報率也不太吸引。

到現時，樓價從高位回左，算是合理翻D，但從投資角度，投資價值也不算十分吸引。

相信澳門樓最高增長時期已過，之後只會平穩增長，如果自住，可考慮，投資，則只是一般，始終澳門之後的發展力，會有，但已減慢，並不是高速。

Q36690：

龔sir! 我由23歲開始已經同男朋友一齊向目標前進 延遲左買名牌包包到依家28歲

跟你投資放左接近百萬股票 同男友上年安居完 最近男朋友正式上岸 太開心要同你分享 我同男友依家狀態就係我哋8年前幻想願竟 今日達成夢想！

即將兩人月入會5w+ 相信人工仍有好大進步空間 穩定後準備開始房地產投資 我一直都好想擁有channel 包包 好想買 但幾萬又覺得好唔捨得 你話呢個時候買唔買好獎勵下自己 定太早享樂 再遲啲先買？

就想同你分享 出左社會後冇咩人分享到

同埋身邊朋友都會比較心 就冇咩人分享到

龔成老師︰

看到你多年的努力，造就今天成果，我都感到好高興。

而個平台，雖然唔會好似課程咁高效益。

但至少，我希望可以幫大家唔好係投資上，走錯路。更理想，就好你一樣，可以改變你架人生。

希望你可以一直努力，令自己不論知識、投資、還是人生，都可以更上一層樓。

加油，在人生的財富配置上，我地會運用「先投資，後享受」的方法，你地的方向正確，繼續加油！

你地之後的財富，會比其他人順好多！