Q45021：
成老師/有什麼債券基金，風險相對較為安全 有息派的/有什麼好推薦/因為是長期投資的/中度風險也可以/應該會透過富途牛牛app購買的
希望你推薦一下
謝謝你~🙏
龔成老師︰
首先，持有債券的目的，是用來創造被動現金流(而唔係增值)，所以若你未到退休之年，不太建議你部署。
債券，這其實只是「產品」，物業、優質股是「資產」，所以從財富本質上，我地應較集中持有「資產」，才對我地最有利(你可以睇睇《財務自由行》一書，我從財富本質上，講述了當中原理)。
另外，就算部署，我都唔建議買債券基金。
債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。
第一，有些債券基金，會投資「高收益債券」，即是「垃圾債券」，你一定要睇睇佢所佔的比率。
第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。
第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。
我不是說債券基金有問題，只是說明當中的風險，因為市面上的基券基金好多，你要仔細分析。
至於投資時，只要係香港合規架平台，咁就可以。
Q45022：
老師請問美股didiy滴滴属潛力股，佢優質度同增長度如何 現價属何估值區間？
龔成老師：
滴滴出行（DIDIY）是一家經營出行技術平台的內地企業。主要業務為共享出行，為消費者提供各種不同的出行服務。
數年前其APPS被內地下架，對佢造成一定影響，由於主要股東是包括UBER、軟銀等外國企業，令中央擔心內地數據外流。未來或對其營運模式，施加限制，最後退市，之後在場外交易市場上市，新代號為（DIDIY）。
這股有發展力，在中國有一定的市場份額，生意有增長，不過財務數據未穩定，過往經常虧損，所以估值也較難，因此，未能確定平貴度，如果你睇好，小注投資都可，但要明白風險。
Q45023：
sir,為什麼 intel 大升？
龔成老師：
因為之前業務好弱，其後得到英偉達支持，有合作，所以重新利好翻這股。
Intel Corp英特爾公司（INTC）質素減少，企業過往擁有的強大優勢有所減少，同時增長力比過往年代減少。
不過，最近英偉達入股，令佢加翻分。整體來說，不過不失，不建議持貨太多。
這企業從事產品和技術的設計和製造，包括數據中心部門（DCG）、物聯網部門（IOTG）、Mobileye部門、可編程解決方案部門（PSG）。
這企業領導半導體行業幾十年，但在最近幾年開始面對更大的競爭，技術優勢也減弱了，因為來自台積電等的競爭對手，不斷有新晶片推出市場，人工智能的高性能微處理器又面對英偉達的競爭。
這企業正大力投資在技術層面，期望能保持企業過往擁有的優勢。
企業不是完全無技術，不過賺錢能力會比過往略少，同時短期情況未必強，由於面對的競爭比過往加大，企業不確定性會增加。投資只宜小注進行，同時要觀察企業行業的發展。
當然，最近英偉達入股，佢的情況會不同，相信有機會好轉，但就要控制好注碼，由於發展仍有不確定性，暫時只宜小注。
Q45024：
成哥早前大火奪去咗好多生命
好心痛好難過
我相信你都有咁嘅感覺
你會點樣平復/面對？
龔成老師：
人總會面對好多高低，這是正常，我地要學會面對，不要永遠停行在負面緒。
事實已經發生，我地要不能改變，能變的就是我地的想法，我會唔開心，但不能長期停在這情況，要想翻一正面事情，或一些能實際幫到人的事，例如有人去做義工，而我都有去捐錢。
如果你真的好開心，就要停一停，不要再睇相關資訊，做其他野，如情況嚴重，就要找專業人士。
Q45025：
老師，想請問Global X 國指成份股備兌認購期權主動型ETF（3416.HK) ok 嗎？ 請指教🙏🏻
龔成老師：
ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
由於這ETF運作，並不是無風險，所以，高息是否保持，無人知，同時要明白有價格波動。
由於這ETF成立時間不算長，而這段時間，港股大致是向上的。
但佢始終未經歷過港股下跌週期，未知做成點，所以這個是最大風險（到時派息會否大減？價格會否大跌？無人知）。
我並不是說不能投資這ETF，而是要明白上述的風險，同時在注碼上不宜過多。
Q45026：
老師，請問你新Facebook有冇link？
龔成老師：
我有2個FB
FB名稱︰龔成
FB連結︰www.facebook.com/80shing
FB名稱︰Kung Shing
FB連結︰https://www.facebook.com/kungshing80
Q45027：
你好阿sir
我剛剛睇到你本股票勝經.我就係想請問一下複利息.我就係想長線投資.應該選擇邊一方面嘅股票會有複利息
我係一個新手.已經選擇咗供股2800同1810.
但我想問一下邊一方面嘅股票會有複利息我就係唔係好明白
嚟緊下個月會再去供股3190
另外我我想了解有一個認知.就係何謂槓桿孖展.?
我可以從什麼渠道去得到更多呢一方面嘅認知
我已經喺google .deep seed搜尋過但係好廣泛嗰個答案
好空泛
龔成老師︰
你現在選擇的股票，都具質素。若你未近退休之年，係適合的。
但緊記以2800為主，1810為輔，因為1810係潛力股，風險高。
至於3190，都可以。但佢係高息股組合，若你未近退休之年，不建議持有太多，始終增長力唔算太強。
長線你要建立一個組合，唔好得1,2隻股票，而係有不同行業和地區架優質股。但在你經驗不多前提下，建議先集中指數ETF。
因為指數ETF係一籃子不同行業架組合，具放散風險能力。就算當中個別股票出問題，對成個ETF都唔會有嚴重影響。
例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800），都係指數ETF類別。這些ETF有質素，適合一般投資者選擇。
若你未有定平貴能力，可以用月供或者分注模式去儲貨，去平衡買貴貨風險。
如果想知多少少指數ETF係乜，可以睇翻我之前架Youtube影片︰
https://www.youtube.com/watch?v=nBr4tCJ__oY
而複利息的原理，就是當你收到股息後，再投資翻去該股，你初期供，儲到的股數不多，產生的股息不明顯，因此進行再投資的動作，比較困難。
你可以簡單去儲起收到的股息，然後儲到一定數目後，再投入到月供中的其中一隻股裡，這都能產生類似作用。
當然，唔係一定要有派息的股票，才有複利效應。一些不發息股票，只要佢將賺到架錢，重投自己業務作發展，都會有複利效果。
如果想了解多少少，可以睇翻我Youtube架影片︰
https://www.youtube.com/watch?v=ZaVTKyodNCg
至於槓桿孖展，你可以簡單理解為借錢買股票，風險好高，不要用。
知識方面，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
(當中不少影片，係用來幫讀者提升投資和財務知識，所以無時間性，幾年後再睇依然有用。如果你係想提升自己投資知識，建議你抽時間，睇翻舊影片去為自己增值。)
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
Q45028：
龔sir , 對1830業績有咩睇法？值得加注嗎？thx.
龔成老師：
業績一般般，仍會面對較弱的環境，回勇要時間，考慮到企業面對的不確定性比過往增加，不建議加注。
完美醫療（1830）最近公佈的截至2025年9月30日止六個月的中期業績顯示，公司收益及純利均錄得下跌。
營業額： 約4.86億港元，按年下降21.7%。
純利： 約9,480萬港元，按年倒退32.7%。
每股盈利：7.5港仙。
中期股息： 宣派每股中期息7.6港仙。
管理層解釋，公司將業績下滑因多項宏觀經濟因素，包括香港居民持續外遊增加，以及營運地區整體消費氣氛疲弱，導致消費者開支減少。
Q45029：
知道。 真係好感激老師咁用心 指導我， 但係我發覺我現在 銀行所淨返嘅資金有限仲要作生活費
所以正考慮是否仍然 在股票市場作出投資。
老師若果有 更好嘅建議就請告訴你的哎呀徒兒。 再次多謝老師！
我終於在周大福創建 659除淨翌日於低價7.58買入小注。
由於是除淨過後買入, 所以我不能享有股息和股份派送, 但我現在諗起將來那些持有紅股的股東會否收到紅股後會獲利沽出 而影響股價震盪。
龔成老師︰
投資一隻股票，係睇佢長線價值，唔好將焦點放係跟業務無關架地方。
佢地係有機會影響股價，但只係短期架波動，唔應該太在意。
至於除淨前後，其實只係左手交右手遊戲，唔會影響你持有價值。
如果你要收到股息，必需在「除淨日」前一天，依然持有股票。「除淨日」，其實就是用來確認那些股東收到這權益的日子。等到「除淨日」當天才買，派息就唔會有你份。
「除淨日」那天，股價就會扣除派息部份，例如原來股價$20，派息$1。那麼「除淨日」就會將股價，從$20下調至$19，以反映派息動作。
而「派息日」，就係這班合資格股東，正式收到股息($1)的日子。
由於「除淨日」股價會下跌($1)。而下跌比重同收到息($1)係一樣，所以只係左手交右手動作，你唔會在此期間因買/沽貨，出現任何著數。
[假設除淨日 - 5月21日]
5月20日賣出收益︰股價$20 + 股息$0
5月21日賣出收益︰股價$19 + 股息$1
詳細除淨解釋，你可以睇翻以下Youtube影片︰
https://www.youtube.com/watch?v=iy_G1yjs0fY
最後，投資一定係用閒錢，如果筆錢係你未來一年內架生活費，就不要用來投資。
Q45030：
龔Sir理排NVDA好似比有集體暢衰😅，本來上升得好地地，好似係都搵D野講令佢股價下跌喎呀😅，都加埋比GOOG夾擊，令佢近排個股價都好波動
同埋我想請教一下COIN係咪, 因為近排比特幣下跌所以佢股價都會跟住下跌？
龔成老師︰
其實唔係唱衰問題，而係本身佢估值已經唔平，有明顯回調架條件。
只係之前，市場氣氛太好，無人理負面因素。
再加上近期Gemini新架Model和功能表現唔錯，令到市場開始思考，GPU架重要性和需求，係唔係會比ASIC(例如Google架TPU)取替，所以有較明顯調整。
我之前影片有分析過而D負面因素，你可以睇翻。
https://www.youtube.com/watch?v=gbeVBsTHuvo
另外，雖然COINBASE成熟左，但現階段依然好受幣市影響，所以你預佢中短期會好波動。若持貨不多，又預長線持有，咁就無問題。
此股依然有長線投資價值，其實佢股價雖然係有明顯回調，但長線潛力依然係有。佢現時不停開闊緊自己架業務，由幾年前只係做買賣交易，收下買賣交易費。到現時已有託管、集資、鏈上抵押借貸(BASE公鏈)等能力。(當然，暫時仲係手續費收入為主。)
長線佢發展，有機會慢慢變成類似港交所(0388)模式，即係一個全功能架集資交易平台。甚至長線有機會蠶食部份傳統經濟架金融業務。
當然，這個只係"預測"，唔係一定做到，但佢現時相信是向這方向發展，故具有潛力，值得持續觀察佢發展。