Q39541：

龔成老師，你好，我係你之前上堂嘅學生，我有啲嘢想唔通想請教吓你指點方向：

本人51歲及丈夫53歲

[Below in HK$]

沒有物業，租住屋每月13,000, 全月收入:

本人 60,000, 丈夫 13,000

可月蓄25,000 (after paid all home expense, personal spending)

Bonus: expect zero to 2 months salary (0 – 120,000) since my company restricting and may be laid off.

Current assets (Whole Family)

Cash $100,000

[有以下股票:]

#788, 166,000 shares, cost $185,920

#2800, 4000 shares, cost $89,040 (can cash out)

#0941, 1000 shares, cost $51,100 (can cash out)

紙黃金: Now market value $1.27M (cost 850,000 in Nov 2020)

宏利強積金(自願性) $800,000 (average 10% increase per annum)

Mandatory MPF $1.4M (All)

年金兩份: $480,000 (All) (每人各一, 240,000 x 2) balance 60k each will be paid in Jan 2025

因為本人在这公司已經工作8年， Accountant 但冇CPA牌 , 因為之前我會覺得喺依間公司做到退休大概55歲，做到冇得做先，既然人工都有出邊CPAA所以我就懶得去考。

最近公司重組可能我會被裁員，所以我近日都有留意出邊嘅工作，但係好靜，我知道如果而家出去搵工要返呢個人工就一定要有CPA牌，所以我可以搵返份工30-35k per month , 公司細少少都唔緊要，因為我而家間公司係行業龍頭。

另一方面，我有諗緊考埋最尾嗰五module CPAA, 因為我有個同事一年之前離開咗我公司，狀況同我一樣，佢又係未有CPAA牌，所以我哋大家諗住一齊去讀，就算我1.5 years 考到個牌都未必搵到份工，因為年齡問題，公司一定係請過後生嘅，所以現在好困惑同埋有什麼可以有被動收入?

另外我會預留紙黃金同埋自願性供款嘅強積金去買一層火炭穗禾苑，現價250万，我希望2026年內買入不用上按揭，因為樓價仲有下調空間。我近日情緒有點波動，所以希望老師請教一下，指點我而家方向，我係應該自己搵定工定係等到佢炒我先？ 如果到時出年真係被炒又未搵到嘢做，我點樣可以有被動收入呢？

我係唔係應該照做？等佢真係要裁員啦先至出嚟再搵工同埋我四月照去考試

龔成老師︰

大致了解你架問題，我們要明白，世界發生好多架事，其實同投資市場都好似。好多因素唔係我地可以控制，或者預判得倒。但我地可以做架，係盡力係而D限制之下，找出一個最合符自己風險承受力，同時效益最高的方法。

[工作]

我唔太熟你行業，但我大方向會建議你，除非出面已經有Offer，或者遲左轉會明顯拖低你未來轉職架機會，先好考慮轉工。始終大環境麻麻，盡力保持自己架主動現金流，係現階段係重要。

另外，你現金水平有點低，特別係你工作職位上有風險。建議你"至少"將應急現金水平，提高至6個月。

[物業]

其實你無自住物業，長線會承受租金波動架風險，唔太理想。所以，開始規劃置業都係正確。

我自己預期香港樓唔會再好似過去20-30年咁一直升，長線只係平穏格局，唔大升，同時唔大跌。

所以，你可以開始物悉定都得，只要適合自己長線居住，個價又理想，已經可以考慮。

至於是否FULL PAY，你可以睇自己投資取態，想保守D，同時自問投資技巧好一般，可以咁做。但始終現時息口唔高，保留若干資金作長線投資，都係一個可行選擇。

[投資資產]

至於持股，都有長線投資價值，未來時間可以用水桶2(平穏增長股)作為主力，去提高翻少少個組合架增長潛力。同時長遠建議加少少美股，去平衡地區性風險。

以下是一些現時較優質的水桶2股票，你可以參考下︰

平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

至於黃金，主要係用來對沖黑天鵝風險，唔建議持有太多，最多組合3-5%，同埋最好用實金。

記住，我地規劃上一定係生活行先，先確保基本生活安穏，有餘力才再投資增值。

Q39542：

龔成老帥, 請問6889,DYNAM JAPAN 是否值得買入?請問可否給分析意見?謝謝

龔成老師：

DYNAM JAPAN（6889）過往獨特性較強，但近年行業的發展較一般，整體業務只是一般。

佢的日式彈珠機遊戲館，為顧客提供體驗日式彈珠機及日式角子機兩種遊戲的場所。日式彈珠機投注額通常介於每粒彈珠０﹒５日圓至４日圓，而日式角子機投注額通常介於每個遊戲幣５日圓至２０日圓。

顧客租用彈珠及遊戲幣進行遊戲，贏回的彈珠及遊戲幣可用於換取獎品或留作日後使用。

集團提供的獎品包括便利店出售的零食、飲料及香煙等商品、以及「特別獎品」如嵌有金片或銀片的裝飾卡或錢幣形金銀吊墜。

集團經營３個品牌的遊戲館，包括高投注額的傳統日式遊戲館，低投注額的悠遊館遊戲館及信賴之森遊戲館。

業務近年的發展不太好，整體投資價值，只是一般般，未見有特別的發展力。

Q39543：

你好，龔成先生

285 和 1810 現在可以入貨嗎？他們的前景還可以大升嗎？

如果1801 信達生物和285 哪一個潛在力會好啲？和現價可入嗎？🙏🏻🙏🏻

龔成老師：

以整體質素及投資值博率來說，1810、285會較好，可以優先考慮。

小米（1810）以手機、智能硬件，以及物聯網為平台的公司，小米專注於互聯網直接銷售產品，近年發展電動車。

雖然發展電動車，投入了較多資金，令風險比過高左，現時的發展情況不差，如果長遠成功，股價可以倍升。

隨著新產品系列推出，小米賺錢能力提高，同時佔據了一定的市場，在中國安卓類手機4,000至5,000元價位，小米出貨量排名第一。

另外有一點值得留意，小米最新的全球及中國大陸MIUI月活用戶數持續增長，達到約6億和1.5億，均創歷史新高，而這部分會慢慢產生更多的將來收入，所以前景又不用睇得太差。

考慮到小米過往的發展，其產品性價比不差，以及研發能力強，佢電動車長遠發展值得期待的。

這股可長線，現價合理中上，分注可以，不過都要控制注碼，預佢股價仍波動。

比亞迪電子（0285）這股正面的，佢是比亞迪股份（1211）的子公司，現時業務已涵蓋智能手機、平板電腦、新能源汽車、智能家居、無人機、物聯網、機器人等多元化的市場領域等。

由於母公司比亞迪股份（1211）業務主要為新能源汽車，因此，比亞迪電子（0285）部分業務都會與新能源車有關，當1211增長理想時，都會帶動0285。

比亞迪電子近年發展正面，在部分領域處全球領先位置，每年現金流理想，同時每年投入大量資金作研發，以保持業務發展，以及技術的領先，因此長遠發展正面。

現時股價大約處合理區中間，如果之前有貨，可以長線持有，只要貨不過多就無問題，由於股價波動，現價如果想買入要分注，同時要控制好注碼。

Q39544：

龔Sir有無研究過呢隻新股9660？

龔成老師：

地平線機器人（9660）從事為乘用車提供汽車解決方案，亦提供非車解決方案，使設備製造商能夠設計及製造具有更高智能水平的設備及器具。

是乘用車高級輔助駕駛「ADAS」和高階自動駕駛「AD」解決方案供應商，擁有專有的軟硬件技術。

企業有長遠發展力的。雖然業務發展快速，但企業仍處於虧損狀態，因此，可理解這股為風險類潛力股，如果睇好，都只建議小注投資，相信佢股價上落會好大，如果風險承受能力不高，就不宜投資這股。

Q39545：

老師, 想問下1113長實集團,依家徘徊喺$30左右歷史低位,是否業務有問題有危機?呢隻值得買入嘛?謝謝

龔成老師：

長實集團（1113）仍有質素，佢業務涵蓋物業發展及投資、酒店及服務套房業務、基建及實用資產業務，以及飛機租賃。

由於有部分業務，令佢中短期仍會較弱，因為現時地產市道弱，不過長遠會慢慢好轉。但不是高增長類別，這股都有長線投資價值的，現價合理。

買入可以，只要不過多就無問題。

Q39546：

老師，請問TSLA現價是否已經過高？

定係仍有上升空間？

龔成老師：

特斯拉Tesla, Inc.（TSLA）長遠有發展，但股價上落大，要注意這方面的風險。

現水平的可理解已去到合理區頂部，如果業務有理想增長，當然未貴，但如果增長力減，這刻就貴了！

佢成立於2003年，總部位於加州，是一家垂直整合的可持續能源公司，以及製造與銷售電動車。

Tesla銷售用於發電的太陽能電池板和太陽能屋頂，以及用於住宅和商業地產（包括公用事業）固定存儲的電池。特斯拉擁有多款車型，包括豪華、中型轎車和SUV汽車。

Tesla是全球最大的電動車製造商，全球電動車銷量第一位，以現時這企業擁有的技術與優勢，領導地位將會持續。企業過往發展速度十分快，憑藉其主打車型「Model S」、「Model X」、「 Model 3」、「Model Y」，帶領Tesla發展成為電動車王者。

佢有一定的質素及潛力，但不是無風險的，第一，電動車始終是較新興行業，業務始終有不確定性，第二，Tesla估值有時會偏貴，第三，Tesla過往股價甚為波動。

因此，這企業不是不可投資，但投資者要注意風險，最簡單的方法，就是投資時小心控制注碼，最好以小注分注的模式進行，同時，要控制好總投資金額。如果有貨，可長線持有，如果無貨，現價可分注，你預現價是合理區頂部，要留意股價上落大。

Q39547：

老師，現時有沒有值得推薦入市的美股？

謝謝

龔成老師：

美股要留意風險，近年已升左好多，投資要控制好注碼。

你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）。

如果想增長力高少少，可考慮潛力股，例如指數基金，美股可投資納指基金（QQQ）

個股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）你可以了解下，並從中選股，但佢地波動性和風險會較高，要自己平衡。

Q39548：

有網上課程嗎？

龔成老師：

股票班，由於內容太重要，只有實體班，唔會開網上課程。

因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。

Q39549：

老師點睇1359？

龔成老師：

中國信達（1359）質素只是中等，未算好強，投資也不宜過多。

睇翻佢前身，係中國信達資產管理公司，係在中國成立的國有金融企業。集團的主要業務如下：

（１）不良資產經營：收購及受託管理、投資及處置金融及非金融機構的不良資產經營、債轉股資產經營、破產管理、發行金融債券等。

（２）投資及資產管理：自有資金投資、資產管理（私募股權基金）、資產及項目評估、財務顧問及諮詢、房地產及實業投資。

（３）金融服務：對外投資；證券及期貨買賣、信託、融資租賃、基金管理、保險。

由於資產質素較弱，除非中國經濟較強勁，否則，業務有一定的風險。

現價唔貴是賣點之一，但唔建議投資太多。可以投資收息，但要控制注碼。

Q39550：

老師 請問我依個月先開始月供VOO，會唔會太高價，係咪應該唔好供咁多住，等佢回返先加多d錢月供呢？🙏🏻

龔成老師：

現水平的確有少少高，不過，如果美國經濟真的持續強，又未必會大跌。所以，如果你完全無貨，可考慮用小注分注模式，慢慢買入，就能減少一次過在高位買入的風險。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。