Q24551：
龔sir,想問下tesla依家仲入得過嗎？
龔成老師：
Tesla不差，增長快，近年當業務由虧轉盈時，股價向上好勁。不過穩健度不足，股價上落好大。
例如在資金上，要不斷在市場各途徑集資，以維持營運及研發，未能憑以戰養戰的模式，去穩健地發展新項目，資金鏈斷裂風險存在。
市場方面，有危有機，因為電動車是高增長市場，但行業結構變化大，存有未知數。
另外，股價上落太大，市場超前反映前景因素，只要增長力比預期差少少，都會有明顯回落。
如果你長線睇好，預佢股價上落一定好大，唔好理中短期股價，只要你投入注碼不過多，可長線，等更大收成。
Q24552：
3187好似息口幾好
龔成老師：
三星高息房託（3187）追蹤標普高收益亞太地區（紐西蘭除外）房地產投資信託精選指數的表現。
這個REIT ETF，相關追蹤指數有30隻成分股，涵蓋在澳洲、香港、日本及新加坡等亞太區已發展市場上市的房地產信託基金，房託項目包括辦公室、住宅、酒店、貨倉、醫院、商場、停車場等。
簡單來說，就是一個亞太地區的房地產組合，如同同時持有多隻房託，管理費為每年0.65%，算是合理，股息率大約5%、6%。
這ETF都有投資價值，因為地產收租長遠仍是不差，雖然未必是高增長，但都能平穩發展，同時有不差的派息，加上分散在多個地區，有分散風險的能力。
適合分注或月供，長線投資，可作為財富組合的其中一部分。
Q24553：
有人統計說習慣亂花錢的人很難改，你覺得有什麼方法改？
龔成老師：
可以用針對性的方法，第一，定計劃，第二，不用信用卡，第三，每天記錄支出，第四，參加銀行的儲蓄或供基金等計劃。
Q24554：
你好，我而家月供緊apple ，每月出糧買10股，長遠預佢升，見到富途牛牛有得融資，即係買10股既價錢可買20股apple，如果我長遠預佢升，可每個月買15股嗎，想儲多d股數
龔成老師：
唔建議。
世上無免費午餐，融資會有利有弊。
我自己長遠都睇好這股，但這股現價唔算平，你以正常模式月供10股，可以，但融資，原理即是借錢，始終提高了你的風險，加上現價唔平，這樣做的投資值博率不算高。
加上將會加息，你之後的融資成本會增加，對你不利。
因此，你以正常模式月供10股較好。
另外，要留意不要過度集中同一隻股。
Q24555：
Hi 老師 請問 215 、386、1024、700、1398、1183、1810 全部跌好多，是否要止蝕？
大市係咁跌
龔成老師︰
如果企業無質素，但你現時蝕錢中，繼續持有只會令你財富繼續貶值，因此要賣出。
如果企業質素轉差，就有可能要減持，因為這股佔你組合的比例，未必值得太多。
你現時持有股票，都係有質素，暫時未見佢地質素有明顯轉差的情況。
不過，快手(1024)佢本身不確定性高，風險唔細。投資係可以，但必須控制注碼，不可以太多。
Q24556：
老師3067不能月供，我今個月買入300股，下個月再買入儲貨是否可以.
另我已有平穩增長組合領展及盈富，咁我將港燈改成潛力股是否較好？1177或9988好？
快手我已改為小米1810
龔成老師︰
可以，其實"定時定額"咁自行入貨，都可以做到平衡價格波動的效果。
快手(1024)改為小米(1810)係可以，但餘下的港燈(2638)，我建議更改做平穏增長股。
因為以你年紀計，潛力股(1810,2382,而916算2者之間)和平穏增長股(2800,0823)，最多各佔一半好了。而且，你經驗唔係太多，再加一隻潛力股，風險會過高。
Q24557：
- 之前入咗9626同388
1258
700可以入市嗎？
- 700、1211几多可以入市
（我持有：9626、700、1211、1810、1725、388、8150、1610、1258）、11、1398）
龔成老師︰
- 嗶哩嗶哩(9626)和港交所(0388)可持有，但記住嗶哩嗶哩(9626)不確定性較高，唔好持有太多。
而中國有色礦業（1258）主要係非洲贊比亞經營銅開採、選礦、濕法冶煉、火法冶煉及銷售業務，主要產品為銅精礦、粗銅及陰極銅，以及粗銅冶煉工序中產生的副產品硫酸。
佢係中國有色礦業集團於銅及鈷資源開發的海外平台。
佢擁有四個營運中的礦山，即Ｃｈａｍｂｉｓｈｉ主礦、Ｃｈａｍｂｉｓｈｉ西礦、Ｂａｌｕｂａ中礦及 Ｍｕｌｉａｓｈｉ北礦。另外，Ｍｕｌｉａｓｈｉ濕法廠及剛果（金）項目亦已投產。
業務不是無質素的，見佢生意保持向上，不過，盈利就有點波動，有時盈利會大跌超過一半，相信好受成本及國際資源價值影響，反映佢有少少被動，企業質素未算最高。
過往股價上落大，要留意風險。企業質素算是中等，現價合理區中上部，都有長線投資價值，但就唔值得持有太多。
- 至於騰訊(0700)，現價算係合理區中上部，無貨可以首注，但你預佢中短期都會較波動。
比亞迪（1211）而價處略貴水平，大約去翻$220以下先月供會較好，如果真的好想買入，或現價小注月供好了。始終現價投資風險高，回翻先考慮正式買入。
如果本身有貨，可長線，但預佢股價波動。
如果唔夠貨或無貨，而又想買入，只建議小注月供，其實最好落多D先月供較好，但如果真的好想儲貨，同時現金足，現價以小注模式去月供，都可以的。
又或者可考慮GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。
由於近期不少車股被炒起，此股現價略貴。無貨可以現時入少少，到有明顯回調才再慢慢加注。
潛力度是有的，但會比較波動，如投資宜慢慢分注，可長線。
另外，我見你問的股票，都主要係潛力股，部份更是風險較高的類別。佢地雖然有增長潛力，同時風險都較高，不宜持有過多。
若你係年青人，潛力股最多可佔約5成，餘下應用以下平穏增長股。若你投資經驗較淺，或者係較年長，潛力股比重，要再調至3成以下。
如果潛力股已佔你組合比例較高，你就要加大翻平穏增長股部份，令組合更平衡。
記住，財富增值係要講求平衡性，唔好只諗回報，同時都要考慮組合的風險水平。
Q24558：
早晨，龔成老師，請問世界健康科學基金，環球高級抵押債券基金適合退休人士投資嗎？
龔成老師︰
由於你是已退休人士，投資目標應以收息資產為主，透過創造穏定現金流，從而支援退休生活上開銷。
貝萊德世界健康科學基金，此股主要從事保健、製藥及醫學科技及生物科技，有一定風險，而且並非派息類基金，不適合你。
至於霸菱環球高級抵押債券基金，雖然係收息類，但佢投資目標係一些高風險債券，風險太高。
而且債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品。
第一，有些基券基金，會投資「高收益債券」，即是「垃圾債券」，你一定要睇睇佢所佔的比率。
第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。
第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。
我不是說債券基金有問題，只是說明當中的風險，因為市面上的基券基金好多，你要細仔分析。
最好，你係直接投資一些A級債券，就會較穏陣。
Q24559：
老師，光正教育6068，業積跌50%, 佢係我愛股之一，政策對佢未來係咪好有影響，還有投資價值嗎？
純想分享個人感受，近期好多監管同制裁等等，覺得好灰，港股好似好難賺錢，先前賺落的，依家已經輸返晒，自己都開始有d驚，先前分析覺得既好公司，
全部都跌起馬30%,咁岩都係受監管行業，究竟係唔好彩定係自己道行未夠。
E家揸住d錢都唔夠膽買，自己都有既感覺，係咪別人恐懼我貪婪既時候，感謝老師聽我廢up
龔成老師︰
光正教育（6068）教育類股票增長力比過往略有減慢，加上政策因素，成為不確定性，始終市場都會擔心之後不少有甚麼政策。
因為我地睇翻近幾年，教育行業的政策，中國政府都有收緊，無論在學費收費上及發展上。
由於市場擔心企業之後的增長力，令這股的股價較弱。因為佢過往曾經增長不差，但在政策風險下，最影響的不是現時的業績，而是之後的發展，令增長力減慢。
唔建議投資太多，始終政策風險難估。
其實政策風險，有時係好難估，而且今年政策變動所影響範疇，十分廣泛。但算你組合好平衡，分散到不同行業，都有機會受到影響。
但我地唔好因為咁，就放棄投資。我地要保持理性，分析翻每間企業，受影響程度、是中短期，還是長期。有那些企業，未來會較不受影響。
我地必需透過理性分析，重新調整計劃。因為投資市場永遠都係多變，我地一定要適應這種狀況，長線才會有理想投資回報。
Q24560：
请问老师，您怎么看ebay的质素？
龔成老師︰
eBay (EBAY)是一家全球性的商業平台，集團透過自身技術和服務，為買家和賣家提供相關貨物交易。
此股有質素和長線投資價值，但增長力唔會好高，算係平穏增長型。
不過，睇翻佢近幾年，整體賺錢能力有少少減弱跡象，要再觀察。整體而言，都有投資價值，現價算係合理區中上部，可以分注，並長線持有。