Q47641：
老師，現在強積金邊隻好
龔成老師：
強積金的配置並不複雜，首先要注意，強積金是一個超長線投資，因此不宜做中短期炒賣，不用以預測投資市場的走勢去將強積金轉來轉去，除非你很確定，現時的投資市場明顯平，或明顯貴，否則在大部分情況，強積金不用轉來轉去
其實，你只要按你的年齡階段，去進行分配就得，年輕時較進取，到了中年就以平穩作配置，到退休前5-10年基金配置就要趨向保守，為退休做準備。因此，你只要按年齡做好配置，並且因年齡漸增，慢慢將強積金轉為較保守類別就得。
另外，在股票配置的部分，你可以考慮環球股票，又或以中國+美國作為核心，因為這兩在往後10年，都是全球兩個最大的經濟體，你同時持有可以。
其實強積金，著重配置、平衡，不著重炒賣。要考慮長期配置的模式。
Q47642：
如果最後一日上唔到堂有無得補返
龔成老師：
有，課程有補堂機制，你無上個別堂，可安排下一期補翻。
同時，課程有重點重溫影片，你可以自行網上睇左，就更易跟到。
Q47643：
龔Sir, 我想問新一期嘅股票班，我想介紹一個18歲嘅青年人去上堂，俾佢知道理財嘅重要性，你個班會唔會教啲基本嘢俾佢哋知道？
佢哋18歲已經想出信用卡，我諗係受MONEY HERO 嘅影響，但係我曾經上過嚟嘅堂，你話唔好負債，我又呢啲位好矛盾，我記得最初上堂你係有講儲錢嘅原則性….呢啲位你又覺得如何，一個18歲又未搵錢準備上大學嘅青年人，係咪已經可以開始使用信用卡？ 反而我覺得儲錢理財將來投資係咪更加重要？
龔成老師：
課程會教正確理財知識，負債、累積財富等概念，及講正確的投資知識。
信用卡是理財工具，但好多人都誤用，因為利用負債消費是不智的行為。
課程會教大家，要先儲錢，才有資金進行財富增值，而我地用「先投資，後享後」的方法，而不鼓勵先洗未來錢。
同時，課程唔會教人炒賣、投機、短炒、孖展這類行為，課程會教大家，怎樣有效用投資，助我地一步步財富增值，這是一個在自己可承受風險情況，去爭取合理回報的方法。同時，教大家做好「長期財富配置」。
Q47644：
現在才開始月供voo, nividia google 等等, 時機會唔會唔太好？因為好多美股現在都在高位？
龔成老師：
時機雖然不是最好，但無人知幾時跌，如果你等跌先開始，但如果一直不跌，點算？
最平衡的做法，是小注月供，只要你月供金額不多，同時拉長買入期，而你除了月供外，同時要留現金（當大跌又可以把握機會），這樣是較好的做法。
最重要是，上述幾隻都是優質股，可以用這方法，長期儲貨。
Q47645：
老師，我有4500股823，想問如轉倉做700或1810好嗎
700現價是咩位置？
龔成老師：
首先要睇翻你的風險承受程度，以及投目標。
823較穩陣，風險較低，收息，但回報也不及700、1810。
700風險高過823但增長力也高D。
而1810就風險再高D而潛力再D大。
所以，如果你想增長力提高，可考慮轉，700比例上可多過1810。
Q47646：
686，822，1259，2015，1810唔該
蟹貨
龔成老師：
方向上可持有，但都要控制注碼：
1810、2015
（2015風險會高D，所以要控制好注碼）
減持部分：
822
賣出：
686、1259
Q47647：
308 香港中旅 $1.59入
持倉佔比3%
1177 中國生物製藥 $6.27入
持倉佔比12%
1810小米 $54入
持倉佔比3%
1875東曜藥業 $4.51入
持倉佔比0.1%
3888金山軟件 $34.75入
持倉佔比13%
9988巴巴 $170入
持倉佔比1.5%
謝謝你🙏有哪些建議止蝕？
仲有美股：
Meta 655.4入 持倉佔比1.3%
Sofi 22.3 入 持倉佔比 1.8%
謝謝🙏
龔成老師︰
你持有股份，部分都有長線投資價值，但留意幾點︰
-
香港中旅(0308)質素較一般，長線轉去其他優質股較好。
-
1177、3888比例到了上限，不要加注。
另外，你而家太偏重左係潛力股，佢地雖然有增長潛力，同時風險都較高，如果你風險承受能力不高，不宜持有過多。
長線潛力股最多可佔約5成，餘下應用以下平穏增長股。
未來時間，你就要加大翻平穏增長股部份，令組合更平衡。
平穩增值股，例如指數基金，美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，睇下適唔適合你。
Q47648：
老師你好，去年搵你請教嘅時候剛好 遇到港股好好嘅一年，十月份嘅時候帳面係賺差唔多十萬
但我繼續月供 然後今年港股嚴重下跌 帳面變成負十二萬….請問你建議我繼續擺嗎？
我已經停止月供，但之前我覺得跌到好低的時候有加少少，估唔到繼續跌
低處未算低
薪金有限，主要都想留返買美股。唔夠資金投入太多港股，但係都做唔到割肉，唯有繼續擺…你有無咩建議？謝謝
龔成老師︰
其實，你而家犯緊一個典型散戶架錯。
之前我聽唔少讀者，話見個市跌，就覺得危險，要沽貨。
但大家要先攪清，股價跌，其實唔等同"質素跌"
你要明白一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
其次，散戶好鐘意追升緊架市場，覺得一定好，所以先升。
其實再好架股票，只要貴，你都係可以輸錢。
所以，當一個市場升到好勁，你開始忍唔倒手想買。你要問自己，係機會、定係高位接貨架危機。
我地投資，永遠只會係平宜和合理區去儲貨。
唔識估計，就做月供，透過長線儲貨，去拉平均個成本。
如果你跌市停供，即係放棄"平價"入市機會，長線你個月供回報，好大機會造成嚴重影響。
所以，記住減持或者停月供，係用"質素"考慮，而唔係"股價跌"。
至於你持股，可以守，但留意︰
-
長線要加少少美股，平衡地區性風險。
-
1928賺錢能力減，因此都要控制翻金額，不建議持貨太多。
而2150、3416不宜持有太多。
- 你而家太偏重左係潛力股，佢地雖然有增長潛力，同時風險都較高，不宜持有過多。
以你27歲計，潛力股最多可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。
未來時間，你就要加大翻平穏增長股部份，令組合更平衡。
平穩增值股，例如指數基金，美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，睇下適唔適合你。
另外，組合要加入美股，VOO是最入門，要長期月供，例如用年計去供，不要在意短期情況。
Q47649：
龔Sir你好
想請問一下如果美股方面
MU 同 sndk。值唔值得投資？
眼見佢地最勁升左好多, 我之前啲蟹貨跌到殘晒
諗緊好冇把心一橫放晒佢, 轉入買呢2隻反身？
龔成老師︰
你而家犯緊一個典型散戶架錯。
之前我聽唔少讀者，話見個市跌，就覺得危險，要沽貨。
但大家要先攪清，股價跌，其實唔等同"質素跌"
你要明白一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
其次，散戶好鐘意追升緊架市場，覺得一定好，所以先升。
其實再好架股票，只要貴，你都係可以輸錢。
所以，當一個市場升到好勁，你開始忍唔倒手想買。你要問自己，係機會、定係高位接貨架危機。
我地投資，永遠只會係平宜和合理區去儲貨。
MU和SCAN有質素，但唔平。
如果本身持有股票質素(真係)有問題，可以減持。
但是否轉至現價唔平架MU和SCAN，我就有保留。當然，你入少少係可以，但唔好進取。
MU和SCAN分析︰
- 美光科技 Micron Technology, Inc.（MU）
這企業是全球最大的半導體公司之一，專注於內存和存儲芯片，企業主要收入來源來自動態隨機存取存儲器 (DRAM)，並且少數收入涉及非NAND或NAND閃存芯片。
業務經營分為四個部門：運算與網路業務部門、行動業務部門、儲存業務部門與嵌入式業務部門。公司提供有數據儲存與檢索用的DRAM，包括提供高速與高頻寬的DDR4、DDR3及DDR2，還有低延遲DRAM，及其他利基型DRAM產品。
美光服務於全球客戶群，向數據中心、移動電話、消費電子產品以及工業和汽車應用銷售芯片。
業務有一定的發展力，加上企業有技術，當長遠人工智能發展正面，都會推動這企業發展。
不過，最大是估值問題，企業財務數據不穩，估值難，近年股價也較波動。現時已有少少貴，除非企業持續有高增長去支持，才會慢慢去翻較合理的估值。
因此，這刻的投資值博率不算高，如果睇好想投資，也只建議小注進行，同時要承受到高風險。
- SanDisk閃迪(SNDK) 是一間美國企業，專門研發和製造快閃記憶體（Flash Memory）、固態硬碟（SSD）、記憶卡與USB隨身碟等存儲產品。
此股都有投資價值，以往這類企業盈利波動，因為很難跟客戶定立長期合約。但AI需求，令到這個波動性或會降低。
不過，集團生產晶片類型，唔算高技術含量，所以投資價值只係中等。
企業有技術與發展，不過之前的財務數據不算強。近期收入大升，一定程度是因為產能問題，引致供不應求所致。
雖然開始有盈利，但考慮到總體因素，此股風險依然高。加上近年股價上升較多，如果現水平投資，只宜小注，同時要明白風險。
Q47650：
我想請問龔成老師騰訊是否可以繼續長揸,因為咁大跌到心都慌慌,平均價548
順手問龔成老師小米是否可以長揸嗎?
小米平均價42,5
想問埋龔成老師商湯是否可以繼續長揸,平均價2.3
龔成老師︰
騰訊(0700)和小米(1810)可以長線持有，跟我之前回覆你一樣。
你要明白一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
記住減持，係用"質素"考慮，而唔係"股價跌"。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
商湯集團（0020）有質素，但擔心政治風險。
佢係一家專注於計算機視覺軟件的人工智能軟件公司。根據報告，按2020年收入，為亞洲最大的人工智能軟件公司，並以2020年11%的收入市場份額成為中國最大的計算機視覺軟件提供商。
佢專有的人工智能基礎設施SenseCore，截至2021年6月30日，佢已開發超過22,000個用於不同應用的商用人工智能模型，涉及多個垂直行業，已於智慧商業、智慧城市、智慧生活及智能汽車領域取得市場領先地位，服務商業空間管理、住宅物業管理、城市管理、製造、基礎設施、交通、移動設備及應用、醫療及汽車。
長遠來說，佢的技術應用將會更多，有發展力。
不過，美國之前有對佢進行打壓，相信之後仍會面對一定的政治風險，這對投資者來說都是一個較大的不確定因素。
因此，這股都有長線投資價值，但由於政治風險，因此不建議投資太多。