Q48131：
龔Sir你好,
全球快餐店麥當勞（美股：MCD),分店遍佈全球, 是平穩增長股嗎？ 值得長線持有嗎？
（股息2.5%）
龔成老師：
McDonald's Corp（MCD）有質素的，有長線投資價值。
麥當勞創立於1955年，現時在100多個國家擁有近40,000間餐廳，每日為全球約6,500萬人提供服務。麥當勞業務收益主要來自三個部分︰自營店、特許經營和其他分部。
現時麥當勞策略主要是發展特許經營店，透過這個模式令集團快速滲透不同市場，同時令收入波動性降低。特別是租金收入部分（佔總收入約3成半），因為有最低租金協議，所以不論經濟順逆，都能從特許經營商身上收取一定收入。
麥當勞有一定的優勢，無論品牌、商業系統、賺錢能力等都是高質素，具長線投資價值，加上業務模式令其收入與盈利都穩定，是適合中低風險投資者的類別。
考慮到企業的質素及增長力，現水平算是合理區中間，分注投資可以，但就要控制注碼，不是大手時機，買入後並長線持有。
Q48132：
投資6號仔定1038好啲？
龔成老師：
都是有質素的股票，現水平合理，如果你目標收息較穩定，就電能（0006），如果想收息及增長力多少少，就長建（1038）。
Q48133：
sir，有時间可以分析一下 QNDX 嗎，謝
龔成老師：
State Street SPDR Portfolio Nasdaq 100 ETF（QNDX），目標是追蹤納斯達克100指數。
指數主要涵蓋在納斯達克交易所上市、市值最大且非金融板塊的 100 家美國及國際企業，成分股包含微軟、蘋果、輝達、亞馬遜等全球科技與消費巨頭。
比起另一隻都是追納指100的ETF：QQQ，這QNDX的優點是管理費較低，但缺點是規模較細，所以買賣差價有機會闊過QQQ，流動性也有機會比QQQ弱。
QNDX長遠有一定的潛力，但要留意，指數較為波動，現價已在合理區較上部，不建議這刻大手投資，最好的方法，就是月供或分注小注投資，長線持有。
Q48134：
阿SIR, 請教下,本人港股都未搞掂,仲可以報美股班嗎
龔成老師：
可以，因為美股其實無你想象中咁難，過往不少上過「港股班」、「美股班」的學生都認為，其實兩邊的難度差不多，而我的美股班，主力是教「價值投資法」，當中的核心知識，其實可以套用在港股。
而你學美股，可以幫你提高整體的投資知識（港股+美股），同時，長遠你一定要加入美股，因為港股集中在中國及香港企業，而美股是「國際企業」，可以幫你組合更加平衡。你不用擔心美股班很深，課程會教你一些入門投資者都能買到的美股類別。
Q48135：
想請教一個技術性嘅問題，例如2338 這星期的表現，如有興趣投資 在今天控制注碼入了1/3資金，我見你一般說法都會等跌的時候先再入注， 但如果持續上升我應該照追？
或者下跌的時候比我當初的成本價更高，這些情況我該如何處理？
龔成老師：
如果現價買入一注後，股價上升，不要太急追，可以觀察一下先，就算我地用分注模式，都不會近期（無論價格、時間）。
可以過一段時間，例如2個月，到時再睇翻股價，如果股價都是向上，就要計算一下平貴度，如果仍合理，可以買入，但如果升到貴，就不買。
其實，每種策略都有利弊，沒有完美。
分注的好處是將買入價平均，減少一次過在高位買入的險，但有時在股價上升時，反而會拉高了平均價。雖然有這問題，但我地仍會以風險度考慮，即是減少一次過高位買入的風險。
Q48136：
龔Sir
有機會講下山東黃金如果有耐性等中線再上可能性？！
龔成老師：
中長線會好轉，但短期波動就好難估。
山東黃金（1787）主要於中國從事黃金採礦及加工，以及銷售黃金產品。
佢係於中國合共控制及經營十幾座礦山，大部分位於山東省，並於中國擁有多個選礦設施及冶煉及精煉設施；當中，持有一定數量的黃金。
佢雖然有一定的資產價值，個都要留意番，雖然這類資源股雖有投資價值，但只算中等。
原因是這樣，資源本身有一定的價值，但盈利始終受國際黃金價格影響，本質上會較為被動，無乜價格自主能力，同時產品無差異性，是典型的商品企業。這類企業都有一定的投資價值，但未到最高類，如果投資都可以，但在近年金價已高的情況下，暫時只建議小注。反而，簡單買翻黃金都是可考慮方案。
Q48137：
老師，想問問，我有40萬既人民幣，但係香港好似搵唔到大過2%既低風險投資。咁如果係咁，換返港幣再投資會唔會更好？
龔成老師︰
如果你人民幣無具體用途，換回港元做投資，長線相信會較有利。
畢竟貨幣長線只會貶值，故必需透過投資優質資產去保持/提升價值。
Q48138：
老師你好，現時買比亞迪，有望回升至$110嗎？
龔成老師：
短期未必得，現時佢中國業務較一般，因為市場競爭好大，這不是短期好轉。不過，佢出口數據好好，相信長遠會成為增長動力，上翻$110無問題，但要進一步等佢出口向好。
比亞迪（1211）相信短期仍會面對中國車市較一般的情況，短期股價有機會較波動，不過以長遠角度分析，其實近年企業業務發展理想，研發不斷進行，汽車賣得好好，電池技術發展得很好，出口部分理想，企業長遠發展正面。
現時已經成為中國電動車市場的一哥，同時品牌及銷售網絡理想，長遠仍有發展，不過，股價就有少少波動。
Q48139：
成哥你好 想跟進幾隻股票
Nike (NKE)
Coinbase (COIN)
Tyson Food (TSN)
Visa (V)
謝謝！
龔成老師︰
-
先講結論，佢地不是完全無長線投資價值，但部分風險高左，賺錢能力減左。若你係年青至中年人士，適合。
-
Visa無問題，但不確定性比過往略增，這是因為多左區塊鏈結算，長線或影響佢盈利能力。
Nike同幾年前相比，質素係弱左少少，主要是近年市場策略出錯，加上消費者對運動用品偏好轉變，都令佢優勢向下
Nike持股不多，可以守住先，再觀察。若多，最好減少少，平衡風險。
-
Tyson Food (TSN)，質素無大變，你預佢長線平衡增長。
-
Coinbase Global Inc（COIN）依然可長線，但幣市近期弱，難免有影響和會好波動，重點都係控制注碼。
此股雖然有獨特性，但真正的長期價值有多少，根本好難估。
Coinbase已經比上市時，成熟左好多。但現階段依然好受幣市影響，所以你預佢中短期會好波動。若持貨不多，又預長線持有，咁就無問題。
此股依然有長線投資價值，其實佢股價較高位有明顯回調，但長線潛力依然係有。佢現時不停開闊緊自己架業務，由幾年前只係做買賣交易，收下買賣交易費。到現時已有託管、集資、鏈上抵押借貸(BASE公鏈)等能力。(當然，暫時仲係手續費收入為主。)
長線佢發展，有機會慢慢變成類似港交所(0388)模式，即係一個全功能架集資交易平台。甚至長線有機會蠶食部份傳統經濟架金融業務。
當然，這個只係"預測"，唔係一定做到，但佢現時相信是向這方向發展，故具有潛力，值得持續觀察佢發展。
投資此股係可以，但要明白佢係高風險類別，只宜小注。若你本身投資經驗/風險承受力好一般，此股就未必適合你。
Q48140：
請問月供如果想941定2388兩選一
邊款比較好？
龔成老師︰
如果2選1，中銀香港(2388)會較適合你年紀。
因為佢係平穏增長股，有一定增長力。
而中移動(0941)係收息股，對你30+年紀而言，有少少保守。
當然，我地唔好成個組合，只集中係1,2隻股票身上。
最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。
同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。