Q47781：
老師 我係好耐之跟左你買1211並長期持有, 但想問下佢比美國納入中國軍方企業名單呢件事上面, 對1211有幾大影響, 係咪時候食糊?
龔成老師：
有少少影響，但不是核心性。
企業長遠質素仍在，但近年風險度略有增加，你最重要控制注碼，如果貨多減部分，留部分都得。
比亞迪（1211）相信短期仍會面對中國車市較一般的情況，短期股價有機會較波動，不過以長遠角度分析，其實近年企業業務發展理想，研發不斷進行，汽車賣得好好，電池技術發展得很好，出口部分理想，企業長遠發展正面。
你可考慮減部分，留部分。
現時已經成為中國電動車市場的一哥，同時品牌及銷售網絡理想，長遠仍有發展，不過，股價就有少少波動。
現價約在合理區中下，可以分注或月供投資，不過要控制好總投資金額，這股佔整個股票組合，最好在15%以下。
Q47782：
老師，你認為樓價會唔會返到去2021年高位？
龔成老師：
中短期不會。至於長遠，始終現時供求已平衡（過往年代是供求失衡），所以，長遠只是平穩向上，不是倍升模式。
Q47783：
老師😊
想請問下邊隻AI股較有質素，你會推薦邊隻🙏🙏
龔成老師：
英偉達，ASML、台積電、GOOG。如果港股，981算有質素，但較波動。。。最後要留意，現時整個版塊都唔平，投資要控制好注碼，明白波動，要以長線投資作方向。
Q47784：
早晨壟成老師，又有嘢想請教你啦，我$33買咗1810,我見佢不斷跌,所以想請教你我應該繼續持有定係應該止蝕好🙏🏻🙏🏻謝謝你
龔成老師：
小米（1810）你預佢短期仍會較一般，因為佢之前升太多，加上品牌轉弱及近期汽車多事故，要建立品牌不是短期，要比時間佢。再加上成本增加，賺錢能力受壓，同時要時間處理。
但佢長遠發展仍是正常，不過可能要比多少少間佢。你見佢過往造車，3年時間可以由零開始成功，反映企業發展強，現時面對較弱的環境，但可以好轉。
如果用較長遠眼光分析，其實小米近年的業務發展唔算差，無論手機、ＩｏＴ、智能車，各類業務部分，都有相當的增長，除了反映不同類別的業務都發展理想外，相信小米的品牌及產品性價比高等因素，能帶動整間企業發展。只是在近半年，業務有點轉弱，只核心質素仍在。
不過，你預佢股價上落大d，如果明白風險，而你貨不是過多，可持有的。
Q47785：
成sir 700現時在便宜區嗎
龔成老師：
騰訊（0700）業務正好轉中，佢過往受中國政策規管影響，令企業之前的賺錢能力略減，以及企業估值都會略減，不過，政策影響又未到核心性，無令到企業無法賺錢，只是賺錢減少。
同時，見中國政府之後在政策上開始有放鬆，相信中國政府明白騰訊這類企業對經濟有一定的重要性，同時之前規管較嚴，開始調整翻。相信行業最差的時期有已過，之後會慢慢好轉。
這企業長遠仍有質素，有發展力的。佢最有價值的，就是「平台」，這亦是現世代好有發展的資產。
佢業務模式係提供平台，如通訊平台、交易平台、入門網站、遊戲平台等，而收入來源則是其廷伸的服務，如增值服務、網絡廣告、電子商務交易等。
過往的業績理想，又身處長遠有增長的行業，加上擁有重要的資產，即龐大的客戶群，將來發展各業務都有相當的優勢，這都是騰訊值錢的地方。現價合理區中下，分注可以。
Q47786：
多謝龔sir無私的分析！像阿sir說現中國的AI股比美國AI股便宜，請問阿sir如何看2513，0100 和杭州六小龍
龔成老師：
雖然部分中國AI股，的確比美國平，但也有部分較，同時有部分美股AI股，的確較優質（令佢地貴得有道理），所以要好立體分析。
智譜（2513）是中國人工智能公司，致力於開發通用大模型。
集團已開發出首三個階段的大模型及智能體，如中國首個千億規模大模型ＧＬＭ－１３０Ｂ（預訓練階段）、中國首個開源大型聊天模型ＣｈａｔＧＬＭ（對齊及推理階段）以及中國首個具備反思能力的ＡＩａｇｅｎｔ ＡｕｔｏＧＬＭ – Ｒｕｍｉｎａｔｉｏｎ（自主學習階段）。
另外，集團亦推出了模型即服務（ＭａａＳ）產品開發及商業化平台，透過該平台提供大模型服務，其主要提供四類模型：語言模型、多模態模型、智能體模型及代碼模型，以及用於模型微調、部署及智能體開發的集成工具。
截至２０２５年６月３０日止，集團的模型已為逾八千家機構客戶提供支持；以及於２０２５年１２月２２日，已為約８０００萬台設備提供支持。
集團的客戶包括機構客戶（私營企業及公共行業實體）及個人用戶（個人終端用戶及獨立開發者）。
企業有一定的發展力，但財務數據弱，風險高，如果能承受風險，可考慮小注投資，耐心等企業有更大成長。
稀宇科技（MiniMax）（0100）是一家全球化的AI大模型公司，該公司是中國大模型領域「六小虎」之一，專注於研發文本、語音、視覺及多模態融合的通用大模型技術。
集團致力於推動人工智能科技創新，實現可執行各種人類智力任務的能力，包括學習、推理、規劃以及泛化多元領域知識。
集團以MiniMax M2、Hailuo-02和Speech-02為核心的自研大模型組合，具備長上下文處理能力，可理解、生成並融合文本、視覺、音頻等多種模態。這些模型支持着集團的核心AI原生產品－包括MiniMax、海螺AI、MiniMax語音、Talkie╱星野，以及面向企業和開發者的開放平台，為全球用戶提供極致的智能體驗。
截至2025年9月30日，集團的AI原生產品累計為來自超過200個國家及地區的逾2億名個人用戶，以及來自超過100個國家及地區的10萬餘名企業以及開發者提供服務。
集團的收入主要有兩大來源：AI原生產品及開放平台及其他基於AI的企業服務，其客戶包括各個行業及地區的廣泛且多元化的群體。
企業有質素，相信都有發展力，但始終業務較新，你預風險會較，加上新股上市，上市前財務數據參考價值會減，在估值上較難，因此，這股暫時只宜小注。
至於杭州六小龍，我之前有分析影片，可睇：
https://www.youtube.com/watch?v=pbNqsDCLEF0&t=114s
Q47787：
保費融資係點？
龔成老師︰
Premium Financing(保單融資)，其實就係透過借貸，去以槓桿形式放大回報。相比傳統儲蓄保險，佢增長潛力會相對較大，同時風險會相對較高。
若保單實際回報，係多於貸款利息，投保人自然會因為槓桿操作，而令回報放大左。
但由於保單本身，好多時回報和利率都係不保證。再加上貸款利息，多為浮息。在低息環境，固然會受惠。但進入加息週期，利潤將進一步被蠶食。
因此，用保單融資去投保，係有一定風險。
其實係財富增值上，最好集中係優質資產上(如物業、優質股)。
「保險」只係一種產品，主要係用作防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。
但最好係一些較傳統儲蓄保單，而非這類有槓桿性質的產品。
Q47788：
老師，我係睇某邨重建之後街市應該會無咗，睇吓有無可能加盟錢大媽。超級市場哩方面唔夠佢爭。而領展街市又貴。
我覺得只要搭到哩隻船我先可以做到下一步。
我睇過網上資料京東早年有注資錢大媽。
或者第二個計劃係開本地農產品分銷
然後我又諗我啱啱先有公屋，其實我係咪應該儲錢到時俾首期。公屋富戶政策滿10年就要資產審查，之後2年又審一次。2人家庭大約200萬就爆。為咗個女將來著想好似應該要買樓。
而我又唔想供樓，想一筆過買斷，即係我仲有8年時間避開資產審查嘅操作。
龔成老師︰
我諗你唔好想到咁複雜。
你大方向，相信是希望自力更新，唔再用公屋，轉私樓。生活靠自己，唔係靠資助。
所以，你重心應該係思考，如何令自己走向這個"方向"。同時，點行法，先最有效率。
前者(方向)，努力學投資，加快資產增值。
後者(效率)，因應自己專長和經驗，去做增值。例如你本身有經營食品凍肉經驗，咁你考慮加盟、或者自己開店，都可以考慮。
(大前提，係你有這方面能力，同時了解加盟規限。)
若無特別專長，我建議長線累積優質股，去做增值。
因為投資優質股，入場門檻低。同時，要達至一個合格的回報(平均年回報10%)，其實唔難。但要去到更高，想更快致富，就要投入時間去學習更多。
Q47789：
老師您好！本人有少量1211，111.3買入，心目中有1810、3750，請問老師我如何選入？🙏🙏🙏
龔成老師：
1810、3750都可考慮，但你要控制好總投資金額，因為佢地都是中國科技股，部分行業相同。同時，你預1211、1810短期一般，回勇要時間。
3隻現價都合理，但要控制好注碼。如果你有1211，你可優先考慮3750。
Q47790：
港股要俾股息稅既 報價app會有提示嗎？
龔成老師：
未必有。
再問：
以前就話內地註冊，整整下連香港註冊既都要
龔成老師：
過往是「中國註冊」，但現時，有部分公司，當中國致府認為主要業務是中國，就算註冊地不在中國，都會視為中國企業，就要比稅，所以財經網站未必有寫。