Q38621：

老師，想請問下，我最近搵緊美股etf，但我發現通常etf回報冇咁高，例如醫療行業咁，個股10年可能回報有10倍，但etf就得5倍，咁應該買個股好定etf好

龔成老師︰

簡單來說，個股風險較高回報也高D，而ETF風險低D回報也低D（當然要視乎個別情況）。

ETF總體的回報未必有個股咁高，但由於是一個組合，當中有分散風險的作用。所以，你要睇翻自己架投資能力和風險取態，去決定自己選擇一籃子(具平衡性)架個股，去提高自己架回報。

還是情願回報少D，投資平衡性高架ETF。

ETF有以下好處：

• 交易方便

• 管理費低

• 入場費低

• 風險有效分散

• 不用費神選股

• 質素多數不差

所以，如果你本身投資經驗較淺，無太多的選股能力，ETF是投資初學者的起步，當然，如果你本身已經有一定的投資能力，再配合選股，回報當然會比單純投資ETF高，但ETF可以説是投資初學者的入門工具。

Q38622：

Hello 龔Sir

您今次的股票班，我終於抽到時間支持您了, 希望仲有位

真係好認同您嘅投資觀點，（我都係偏向儲資產型）。

可惜, 事與願違 手上的資產 現時令到我有點吃力

之後同您的對話唔知仲有冇留, 好想睇吓您俾到d咩意見我🙏🏽

4架的士 , 每年燕梳+牌費 17萬（每月補貼1.5萬 供呢4架）

*已申請供息少供本,

仲有大約2萬其他必須開支

*呀女 補習費、普通支出⋯）

每個月收入支出‘’慢慢‘’緊 , 好驚繼續咁落去 會破產, 手上冇乜現金流

但之前買落嘅股票，現時市值只剩大約100萬

之前講嘅舊樓收緊租，cover到個租金 所以冇理會 現時要賣都未必賣到出去

講多少少, 先生做嘅行業靠佣金收入, 呢幾年行業經濟低迷, 現時我哋住緊租金加車位35000

前兩年賣咗層樓，啲錢擺落股票度 同樣唔見咗一大半，佢每月必須開支起碼5萬，大家都期待個市好轉，壓力山大。

知道龔Sir您好忙，慢慢覆 唔急

即係我哋兩個加埋, 每月必須開支10萬

龔成老師︰

其實你個問題，都唔單一個方法可以解決。

但我建議你先從短期問題，開始想方法去一步步解決。

記住，我地投資增值一定係用閒錢，再進取都好，都唔好用自住樓或者生活費去放埋落投資度，而一點要記住。

中短期個市點走無人，但我自己相信中美會係未來2大經濟體，所以港股會慢慢變好。但幾時，無人知。

所以，你唔好諗話等個市轉好，跟住賣股票去套現，以減低生活壓力，而個方法我覺得唔理想。

其實睇翻你手上架資產，明顯的士係太多，不單令個財富組合唔平衡之餘，仲增加左你生活開支水平。

我建議你考慮一下，減持部份的士(如果可以的話)，去套現解決短期生活壓力之餘，可以大幅減少你每月開支。如果有錢剩，除左可以保留部份作應急資金，仲可以用來把握現時市況，睇下有無優質股可以加注。

可能你會諗，而家沽的士，咁我會蝕好多。

但你要明白，的士價值已經同好多年前唔同，只會平穏發展，估計唔會大升。而且，仲要面對網約車挑戰，風險唔細。

我地是否長線持有一隻資產，唔係睇當刻賺蝕，而係睇佢長線價值。你要考慮，那個資產長遠的升值較好，怎樣配置才能「將你的財富最大化」，的士牌已下跌了一水平，會否再跌，我都無絕對答案，但相信已較大像過往般大升，因此，你減持部分，都是其中一個平衡財富的方法。

股票班見！

Q38623：

啊Sir，你好，最近想分析華潤電力、中國電力及龍源電力，請問做行業分析的話，不清楚加埋 大唐新能源（1789）及新天綠色能源（0956）是否合適？還是有其他更合適的的？

龔成老師︰

可以，我自己都係用而幾隻做比較。

你可以加埋2208、1811落去比較。

同埋，分析架時候唔好只係集中用舊數據，而係要用佢未來唔同供電類別佔架比例，去判斷未來佢架盈利能力，先會更接近現實架情況。

Q38624：

龔SIR, 想請教一下

未來 國泰君安(2611) 與海通證券(6837)將會合併，我持有10000股 海通證券，將會有什麼變化嗎？

龔成老師︰

國泰君安(2611)以換股方式，吸收合併海通證券(6837)。

當國泰君安(2611)，會出現攤蔣情況，令每股價值下跌。

而海通證券(6837)暫時未有明確講點處理，一般做法都是將現有6837股票，變成為若干2611股票。

Q38625：

101派息穩定嗎？

長期持有收息如何？

龔成老師：

恒隆地產（0101）都有質素的，但增長力不強。你作為投資收息股，可以，但要控制注碼，始終行業短期未必強。

佢係一家多元化的物業發展公司，旗下物業組合包括商場╱商舖、寫字樓、住宅、服務式寓所、工業╱寫字樓、以及停車場物業等。集團的基本重點是在營運的城市購入最佳的土地，並作出高品質的設計和高質量的物業，物業項目遍及上海、瀋陽、濟南、無鍚及天津多地。

佢的長遠目標是擴展中國內地業務，並同時在香港本土繼續投資，成為兩地市場內最優質的地產發展商。

這股投資收息可以，股價能平穩增長，但不是高增長，現價合理。

Q38626：

龔Sir，請問3983中海石油化學，前景如何嗎？

龔成老師：

中海石油化學（3983）主要從事生產和銷售尿素、甲醇、磷肥，包括磷酸一銨和磷酸二銨，複合肥和聚甲醛。

業務都不算差，但盈利就較為波動，現價合理，但這股始終規模細，盈利波動大，因此股價都會有潛在風險。這股都可投資，但不建議大注。

Q38627：

老師， 548 宜家可以入市做月供嗎？🙏🏼

龔成老師：

可以，不過由於佢最近公佈的業績較一般，令短期股弱，但長遠會慢慢好轉，不過你預佢不是高增長類。只要你不要一次過大手，慢慢月供，同時控制總投資金額，就可以。

深圳高速公路股份（0548）是不差的公路股，持有多條位於中國的公路，業務穩定。整體有質素的，現金流穩定，不過增長力不強。

企業近年開始發展公路以外的業務，相信是考慮到公路日後有到期的問題，企業想平衡發展，近年逐步擴展環保、管理服務、智能交通業務等。

這股作為收息股的作用，與過往大致一樣，雖然股息略有波動，但整體算是穩定，同時股息不算差，由於持有的業務都是穩定類別，所以長遠賺錢能力仍算穩定，相信長遠在股息上不會太差，不過，增長力就不強。

由於這類企業的本質穩健，加上派息穩定，較適合較低風險、收息類的投資者。股價都略有波動，因此投資都不能太過大注，現時股息率不差，約合理區中間，可以分注投資作長期持有收息。

Q38628：

龔Sir,請問2318,我在35蚊以下,長其儲貨作長线持有,不知是否可以,謝謝

龔成老師：

可以，但都要控制好總投資金額。

中國平安（2318）近年表現較弱，從業務上，並不是完全負面的，但增長的確有減慢情況，回勇要時間，企業仍有質素的。而另一個影響近年股價因素，是近1、2年的內房及延伸資產問題，會對平保中短期不利影響。

因為平保除了有企業本身的保險業務，會將浮存金進行投資，因此當中國類資產質素轉弱，都會對這企業的資產質素造成影響。

如果用較長遠的角度分析，平安不是無質素的，但的確要等中國經濟及資產質素較正常，這股表現才會較好。而這股近2年表現較弱，主要受兩大因素影響，第一，業務，第二，資產質素。

平保這類保險公司，會持續收取客戶的保費，這些浮存金就可以進行投資。但由於近年中國類的資產質素轉差，都影響了平保的資產質素，無論是與內房相關，又或同其他行業相關的。

企業回勇仍要時間，如果內房等資產問題無明顯惡化，這企業會慢慢好轉。

長遠來說，企業仍是有質素的、有規模、有品牌，因此發展力仍在。這股長線投資價值依然存在，現價算係合理區約底部，但由於短期股價仍波動，因此投資者投資，都要明白這方面的風險。

Q38629：

之前 857 7元買入

今日好唔好再加注

龔成老師：

如果你本身已有貨，不要太急加注。

因為油價對全球經濟敏感，現時全球經濟都有少少不確定性，同時市場現時正焦點地睇住經濟數據，相信會令股市較波動。

所以，你可以等佢回多少少，先加。

同埋，都要控制總投資金額。

這股有質素，可長線的。

Q38630：

請問941中移動而家可入嗎🙏🙏

龔成老師：

可以，中移動（0941）有質素，5G對佢有正面影響，長遠發展仍正面，值得長線持有，作為收息及平穩增長。

過往中國的電訊企業每月每戶平均收費不算高，而5G業務的ARPU則去較高水平，在5G用戶持續增長的前提下，帶動業績理想。

過往幾年的股價弱，但情況開始好轉，其中一個原因與支本開支有關，因為電訊業要投入巨額資本開支，影響現金流及派息，這令過往幾年股價表現都較弱，但到了近一年，中移動的資本開支有減少情況，反映投資最高峰時期已過，令企業現金流得以提高。

整體來說，這股有質素，有長線投資價值，如果本身有貨，可持有，是不差的收息及平穩增長類股。現時合理水平，都可分注投資。