Q47041：
Sir, 請問新手投資美股現時可以留意邊d?
龔成老師：
你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）。
另外再加其他個股：美股如巴郡（BRK.B）、蘋果公司（AAPL）、Costco好市多（COST）、麥當勞（MCD）、可樂（KO）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），另外再加：美股如微軟（MSFT）、英偉達（NVDA）、ASML Holding（ASML）、Tesla（TSLA）、Amazon（AMZN）等，你可以了解下，並從中選股，但佢地波動性和風險會較高，要自己平衡。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
Q47042：
2360 優品，有11厘，稳陣嗎？
龔成老師：
優品３６０（2360）質素中等。
佢主要在香港以「Ｂｅｓｔ Ｍａｒｔ ３６０（優品３６０）」品牌店舖從事食品、飲品、家居及個人護理產品零售業務。
佢整體算是不過不失，生意是有的，但就唔算好賺佢過往盈利的表現都只是一般。
現價合理，但你預佢發展力就不強。你投資收息可以，但不建議太多。
Q47043：
龔成老師您好，我好有興趣學習你的股票課堂，但我身處在英國，請問一下你有沒有開網課？
龔成老師：
股票班，由於內容太重要，只有實體班，唔會開網上課程。
因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。
Q47044：
龔Sir你好,請問點睇港股下半年走向？以及是否投資環球投市會好一點？謝謝
龔成老師：
好睇全球戰事的發展，如果戰事無太大不利情況，相信港股會向好，但未必能大升，始終中國及美國經濟未到很好，美國失業率上升中，而減息力度又有機會比預期低，但如果能減息，股市收會利好。
Q47045：
老師好，想問吓港股雲業務嘅企業有邊隻值得長線投資呢？
龔成老師︰
若果你睇好雲業務，你可以研究以下港股雲概念股︰
金山雲(3896) - IaaS、政企雲服務，但未有盈利，故風險高。
阿里巴巴(9988) - 中國市佔率第一，加上其AI有利於雲需求。但佢業務很多元化，雲只是其中一部份。
騰訊控股(0700) - 多元業務都對雲有協同性，例如騰訊雲、遊戲雲、AI算力需求等。
中國移動(00941) - 移動雲、政務雲，但總體業務增長弱，是收息股類別。
Q47045：
老師可唔可以講吓隻1024？ 快手。
你覺得佢前景如何？值唔值得做月供
龔成老師：
這企業雖然仍有基本質素，但增長及賺錢能力不及過往年代，月供儲貨並不適合。你或者小注投資可以。
快手（1024）雖然近幾年的營業額有好轉，但增長力及賺錢能力，並不及過往年代。
快手本身在直播方面不過不失，快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等，但中國監管近年幾年前開始加強，對佢都有影響，賺錢能力受打擊。
由於過往一直的估值都高，所以，除非業務有明顯及較快的增長出現，才能支持到往後股價大幅向上，否則，往後股價只能處於波動及慢慢向上，現價合理，不過都要控制投資比例，以這企業現時的增長力來說，不值得買太多。
Q47047：
想問吓呢一則新聞會唔會影響Coinbase? 係唔係應該要賣走晒佢？
龔成老師︰
先講結果，暫時唔會對COINBASE有影響。
暫時所見，未來3-4年，應該未有太大問題。
成件事要解釋，係有排講。
但你要知3點︰
-
量子電腦一方面威脅緊加密貨幣，另一方面社群都做緊依方面架防衛更新。所以，就算威脅出現，都已經有解決方案。
-
威脅係有，但相信唔會係短期出現。
-
前期威脅，未必係所有BTC，而係一些較舊錢包，用緊P2PK制式架加密貨幣。(例如中本聰持有的BTC)
Q47048：
老師，你點睇 Bowtie 呢啲網上保險公司？長期而言，網上保險公司買 定 傳統保險公司買 好？
如果我唔需要經紀都得
龔成老師︰
網上保險，無話絕對好，定唔好，睇你自己想法。
好處︰
-
因為無代理佣金，故保費較平
-
由於無指定代理跟單，故較少會有人向你主動推銷新產品
壞處︰
-
自行投保時，較大機會漏報關鍵資料，影響日後賠償。
-
索償時，要自行處理(有唔少人，會覺得自己處理到。但其實有D索償係較複雜，同埋當你係有病在身，成件事就更加困難。)
-
有問題時，無專人跟進(好多人會攪錯一點，覺得Agent同CS都係保險公司架人，無分別。但實際上，Agent係你架代表，因為係你出糧比佢，所以佢會以你最佳利益為優先。)
Q47049：
群核科技買得過？
龔成老師：
群核科技（0068）是杭州六小龍之一。業務係有關於空間智能、同模擬技術，公司擁有深厚架3D技術，自主GPU集群、AI算法平台，同埋海量架合成空間數據庫。
佢架物理世界模擬器，主要用係家居設計、工業生產製造、虛擬物理世界等多方面。
集團架空間語言模型，能夠精準辨識場景中架物件、結構、同空間關係。支援自然語言指令交互，令AI可以明白當中架空間邏輯。若果長線可以成為機械人訓練架虛擬場景平台，佢架價值，會進一步提升。
現時產品廣泛應用於從住宅及辦公樓到零售店及商業項目等業務場景。集團的軟件及服務基於三項核心技術能力：專門構建的GPU基礎設施，先進的人工智能(AI)應用程序及合成虛擬數據生成。
在國際市場，集團針對亞洲及美國市場推出一款本地化空間設計軟件Coohom，其擁有適配特定地區的設計界面及模型庫，支持18種語言。
集團主要採用訂閱模式運營，其收入主要來自企業及個人客戶對集團軟件的訂閱，客戶涵蓋整個空間設計價值鏈的主要參與者，主要包括設計師、室內設計及建築公司、家具製造商和零售商、定製家具生產商、房地產開發商及建築材料提供商。
企業有發展力，但現時仍處於虧損狀態，這點令估值較難，股價上落也較大，投資者要留意這點，這股小注投資都可以的。
Q47050：
龔sir, 幾年前買咗一堆內銀股收息，依家股價升咗好多，請問我應該賣還是繼續收息？我依家係半退休狀態，股息係我主要收入來源。謝謝！
龔成老師：
如果你半退休，在整個投資組合，會偏向收息，由於內銀仍是不差的收息股，所以你可以持有。
但如果你貨多，或你本身除內銀外無其他收息股，就建議減持部分，轉去其他收息股，收息ETF，如3110、3466，能優化你整個收息組合。