老師，要請教，我約30歲，醫藥業，月薪5.1萬，現時每月淨儲蓄2.6-3萬, 部分去咗家用, 保險同埋日常開支
<資產>
讀書已用左錢很多, 還需要餘下七萬元去完成課程, 股票及現金不算多
我而家有自住樓，家人名下的，已供完。股票如下：
1177 — 1000股@3.85
1810 — 200股@11.54
2800 — 500股@19.69
現金$5萬
<目標>
3-4年後想到英國買樓, [更希望可以投資英國開藥房]
買英國樓主要是生活加升值
<買樓資金>
需要一共100萬港幣首期買250-300萬港幣的英國樓，借7成 （未知銀行批不批）
*30萬港幣小朋友儲備金以防不時之需, 15-20萬港幣用作結婚旅行
<投資疑問>
-
投資初學者, 有看老師你嘅書, 日常工作難以抽身日日望住股市, 應該怎樣投資股票基金 （只知道趁著早上, 和lunch嘅時間set限價單&趁低吸納歐元及英鎊 ）
-
我咁樣會太冒險嗎？每月薪金51K，3-4年後到英國打工嘅薪金應該會下跌至 28-30k，供樓每月around 10k with partner（???），日常必要支出5-8k，仲有6k可以做儲蓄或利用香港淨低嘅錢投資開英國藥房
-
短期內（3-4年）能夠承受高風險股票基金, 但因為係初學者, 好多嘢都唔識 （需不需要買外幣基金?）
-
係咪應該襯今次疫情盡力購買潛力股? 如有應該點樣買?感謝您抽時間回覆
個案重點：
‧約30歲
‧月入$51000，月儲約$30000
‧家人名下有自住樓，已供完
‧少量現金及股票
重點目標：
‧4年後買$250萬-$300萬英國樓
‧4年後擁$100萬首期
‧投資英國開藥房
龔成老師分析：
1）我想先糾正你一個錯誤的投資觀念，我地投資一定係長線，你見全世界最成功的投資人巴菲特，都只會做長線投資，唔會短炒。
因為中短期股價，可以因為好多因素影響，有些因素甚至跟企業無關，所以無得計，但長線企業價值，必然會反映在股價上，只要長線持有優質股，就自然會有理想回報。
所以，我地唔會好似坊間散戶咁，經常要睇住個股價上落，反而係投資前，我地要做較多準備功夫，去分析一間企業質素和平貴度，以制定入市策略。當買入後，只要佢長線質素無明顯轉壞，我地長線持有，讓其自然增值就可以。
對於沒有時間管理財富的人，月供股票、月供基金，都是很好的策略，它不需要你「望住股市」，只需要到銀行或證券行開一個證券戶口，並準備做月供股票就可以。如果你對股票不認識，就考慮一些基金。
另外，你現時持有中生（1177），1810（小米）都是潛力股，盈富基金（2800）在組合中有平衡的作用，可以持有，不過可考慮月時加入美股，最入門如VOO。
至於投資外國樓我經驗不多，不知道當地法律及詳情，建議可以找地產經紀詢問，了解情況。
好建議你多了解，先進行整個計劃，因為某些因素，如樓價變化，法律問題，按揭因素等，你都最好預早搜集資料，等你更有效這刻制訂計劃。
2）你現時每月可儲$30000，一年$36萬，3年都超過$100萬，就算你只投資一些低風險工具，你都可以擁有$100萬完成目標。不過，我不建議你只有剛剛好的資金，最好有更多額外儲備會較好，如果你到時只是勉強夠，可考慮再儲多一年錢先過多。
另外，你表示現時有家人名的香港樓，但你未有具體交代，未知這物業會否運用，但由於我未有太多你提供的資料，暫時就假設不運用這物業。
要提醒，你一定要清楚當地的按揭情況，是否如現時計劃的情況，多問一些專業人士的意見，不能只聽坊間的網上資料。當你清楚的事情愈多，計劃就會更穩陣。
以你初步比的資料，如果你到英國置業後，供樓數目只佔你預期收入的3分1以下，你是可以應付到的，但要計清楚其他生活費。
3）如果你打算移民，免不了會有不知道的開支，所以在準備的期間都不建議投資太高風險的工具，3-4年在投資來講不算長，好多潛力股的股票都需要5年以上的時間成長。如果你因爲急需現金而賣股票將會無法享受到回報。因此，建議你投資一些流動性高（可快速賣走轉為現金的的），以及風險度不太高，可考慮中等風險的工具。
至於外幣基金，如果你用於應付英國的生活，可以買，但外幣基金的回報率一般不高，作為投資增值工具的話，建議還是股票合適。
4）疫情中短期會令企業的增長減弱，股價會調整，但卻為長線投資者提供一個買入的機會，是否買入潛力股就不一定，我地講理財其實是一個配置的過程，
不會集中某一類股票，要按照自己的投資目標，年齡，風險承受能力等做出選擇。
由於潛力股有一定波動性，你投資經驗較淺加上將來生活的不確定性，不宜持有太多，大約2-3成好了。到你累積到較多經驗，才慢慢將比重提升。
未來3-4年，建議你先集中係平穏增長股，潛力股小注。
到你要移民前半年至1年，你就要開始慢慢沽貨套現，唔好到用先一次過沽，因為無人知當時個大市水平。因此，你要慢慢沽，去平衡價格波動的風險。
龔成老師簡介
‧ 暢銷書《股票勝經》、《選股勝經》、《年報勝經》、《38全球倍升股》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《80後千萬富翁》、《千萬富翁致富學問》、《5年買樓4部曲》、《財務自由行》、《圖解股票小百科》作者
‧ 《經濟一週》理財真人Show節目擔任致富教練
‧ 曾接受多個傳媒訪問
‧ 過往於銀行從事投資相關工作多年
‧ 曾在萬多元月薪狀態下，憑股票累積數百萬財富
‧ 於網上分享投資心得，瀏覽量過百萬，為人氣博客，解答網友理財問題逾20,000條
‧ 《經濟一週》、《華富財經》專欄作家
‧ 證券業持牌人士
‧ 股票課程導師，學生人數逾5,000人
Facebook專頁「龔成」粉絲人數超過200,000人
若然你有問題想向龔成老師發問，可在龔成的fb專頁中（www.facebook.com/80shing）inbox龔成。