Q44531：
2840，如果每月月供可以嗎？
龔成老師：
不建議投入太多資金，所以，就算月供也只宜小注。
因為黃金始終無現金流，只是一個保值，或叫做基本升值的工具。同時，有對沖大型不利事件的風險。
因此，可以佔整個財富組合，小部分，例如5%，就算你睇好，佔10%已是上限。
所以不建議投資太多，你月供是可以，但就要到了某個%，停供。
Q44532：
我想買voo
都貴呀…6百幾
龔成老師︰
佢現價係唔平，我唔肯定你係正確理解平貴概念。
正確分析一隻股票平貴，係睇佢企業質素、財務數據、行業發展等去分析出來。
而唔係睇佢買入成本，因為同樣USD600一股架股票，可以一隻係平，另一隻係貴，一切係從佢企業價值去估算，而唔係個USD600。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，加上現時已經唔平，不建議一次過大手買入。最好的方法慢慢分注，或以類似月供模式進行，長線持有，這是一個最好的投資策略。
以下是有關VOO的Youtube影片，你都可以睇下︰
https://www.youtube.com/watch?v=RnYZQlSG8qA
Q44533：
您好，龔先生：本人55歲，女性，健康狀況良好，未退休，自顧人士，有好的收入，想用50萬港幣作長期投資，已跟您的you tube 一段時間，請問有好建議嗎？美股港股都可以，謝謝
龔成老師︰
以你55歲年齡，其實要開始為退休做準備，但同時，財富仍有增長力（但不是進取），因此，你可以投資「平穩增值股」+「收息股」。
若你想進取些，可集中「平穩增值股」，相反你想保守少少，可以集中在「收息股」上。但比重要隨著年齡增加調整，你要慢慢上調收息股比例。到退休時，你收息股比例，應提升至100%。
平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等，你可以了解下，並從中選股。
同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，你可以了解下，並從中選股。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。
現時大市大致算在合理區中至中上(港股)和上部(美股)，你現有50萬資金可以先投入一半，用"分注"形式，慢慢買貨。餘下一半資金，就等大市出現一定程度的下跌，才大力度掃貨，然後長線投資。
另外，投資取態方面，你都可以思考下。
如果你本身個生意長線發展係好，其實個回報可以跑贏優質股，所以你手上架資金應該優先留比生意部份。
而投資優質股目的，就會由"增值"，變成"分散風險"。
令到你收入來源唔會過於依賴生意部份，使你整個財富組合變得更穏當、更平衡。
Q44534：
你好，龔Sir，請問覺得1037雲智匯科技這股票如何？謝謝
龔成老師︰
雲智匯科技(1037)是一間聚焦於智慧製造和資訊技術解決方案的服務商，專注於製造業的數位轉型。
主要經營業務包括︰智能製造解決方案(例如大數據、工業連接設備、機器人)、智慧辦公室、數字零售標牌解決方案等。
集團規模唔大，收入波動，而且多年有虧損情況。
暫時所見，投資價值不算很高，最多只宜小小注。
Q44535：
- 關於Nvda
就係而家OpenAI 搵AMD合作，美國政府有禁止輝達出售晶片比中國，再加上中國企業而家都自己研發晶片，其實會唔會即係代表輝達嘅護城河已經冇咗呢？投資價值都冇以前咁高？
- 月供美股
我本身已經有一定嘅港股，所以都開始緊月供美股。
本身供緊25%落qqq半年，同埋coinbase有少少貨，不過就唔係月供，簡單咁講目標上供四隻。
如果我有以下心水qqq, coinbase, tesla, nvda, appl的話你會建議我揀邊四隻呢？
龔成老師︰
- 佢護城河依然存在，因為佢護城河唔係單單晶片設計，而係成個生態所構成。同埋OpenAI找AMD合作，相信唔係單純晶片技術水平因素，而係仲有資金鏈和出貨時間作考慮。
當然，長線好多國家會將晶片生產本土化，的確長線護城河有機會被受挑戰。
- QQQ係必需，因為具分散風險能力。其餘會係tesla, nvda, appl。
而Coinbase偏向建議慢慢買，而唔係月供，因為佢風險度較高，唔可以持貨太多。
同埋，你要留意，你上述架除左AAPL，其實都係潛力股，小心組合總體風險度過高。
Q44536：
早晨老師，
1211比亞迪同埋美團而家係可以比較大手買入嘅時間未呢？
因為我見佢仍然好有質素，但係股價就比估值低
我而家各自有大概4%左右嘅佔倉，多謝老師
龔成老師：
1211、3690，合理價，不是大手時機，但可以適度分注去買，其實1211發展力會較強，3690面對競爭大左。
如果佔你組合4%，兩隻都可以慢慢加注，而1211相對可以加多少少，當然，你都要明白當中的波動風險。
比亞迪（1211）相信短期仍會面對中國車市較一般的情況，短期股價有機會較波動，不過以長遠角度分析，其實近年企業業務發展理想，研發不斷進行，汽車賣得好好，電池技術發展得很好，出口部分理想，企業長遠發展正面。
現時已經成為中國電動車市場的一哥，同時品牌及銷售網絡理想，長遠仍有發展，不過，股價就有少少波動。
現價約在合理區中下，可以分注或月供投資，不過要控制好總投資金額，這股佔整個股票組合，最好在15%以下。
如果本身有貨，可長線，雖然企業最爆炸性增長已過，但長遠仍有發展，但就預佢股價波動，因此，只要持貨不過量，就可以長線持有。
Q44537：
老師，想問我宜家33歲，有$80000，可以有咩平穩增長既股票選擇，同埋買3110既話佔既比例可以幾多？
龔成老師：
以你33歲年紀，可投資「潛力股」+「平穩增長股」，但如果你初投資或資金不算多，初期不建議投資潛力股，可以集中在平穩增長股先。
你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、英偉達（NVDA）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
至於高息基金（3110），其實是穩陣的收息工具，不過價格都會有上落，不過，以你的年紀，其實應該集中增長，而未必是收息。
所以，3110佔比不用太多。
GX恒生高股息率（3110），是一個投資收息股的基金，追蹤恆生高股息率指數之表現。這指數投資一些在香港上市，大型的企業，加上要有一定的派息的上市公司。
基金有50隻成份股，以下是基金部分持股：
中國海洋石油（0883）、中國神華（1088）、中國宏橋（1378）、中石油（0857）、中煤能源（1898）、電訊盈科（0008）等。這基金雖然收息組合，但增長力不強。
另外，由於基金持股集中在中國企業，投資者不能只持有這基金，最好視為收息股的其中一員，如果投資者低風險，宜同時持有其他的低風險、收息工具。現時算是合理區中間，可以分注投資，長線持有。
Q44538：
老師，有推薦的收息股嗎
龔成老師：
投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。
你可以建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
3110可以視為收息股的組合中其中一員。這基金可投資的，現價合理，可分注。佢是投資香港大型，派息較高的上市公司。
這是不差的收息組合，但增長力不強。
Q44539：
請問股票班會否開設早上時段？
龔成老師：
相信暫時未必有。
始終較多同學想閒日晚上，或星期六下午。
Q44540：
老師，唔好意思我知你好忙 但我今次又想求救於你。
本人今日 發現有兩隻派特別 高股息的股票：
香港中旅 編號308特別股息 0.336港元， 除淨日11月18日
萬達酒店發展編號169 每股派特別股息0.462 除淨日10月30日
不知是否適宜買入上面兩隻股票收特別股息? 不知這兩隻股票除淨後是否仍然可以持有？ 請老師賜教！ 萬分感激！
龔成老師︰
你諗你對派息和除淨概念，係錯左。覺得派息前買，之後沽，係會有賺。
如果你要收到股息，必需在「除淨日」前一天，依然持有股票。「除淨日」，其實就是用來確認那些股東收到這權益的日子。等到「除淨日」當天才買，派息就唔會有你份。
「除淨日」那天，股價就會扣除派息部份，例如原來股價$20，派息$1。那麼「除淨日」就會將股價，從$20下調至$19，以反映派息動作。
而「派息日」，就係這班合資格股東，正式收到股息($1)的日子。
由於「除淨日」股價會下跌($1)。而下跌比重同收到息($1)係一樣，所以只係左手交右手動作，你唔會在此期間因買/沽貨，出現任何著數。
[假設除淨日 - 5月21日]
5月20日賣出收益︰股價$20 + 股息$0
5月21日賣出收益︰股價$19 + 股息$1
詳細除淨解釋，你可以睇翻以下Youtube影片︰
https://www.youtube.com/watch?v=iy_G1yjs0fY
另外，特別息好多時係一次性派發，未來未必會有。所以，唔係用來分析一隻收息股的因素。
香港中旅(0308)和萬達酒店(0169)本身就不是一隻理想收息股，不適合你這類已退休人士。
作為已退休人士，你可以選擇以下收息股。
另外，你可以考慮在被動收入組合中，加入一些債券(A級)、年金、定息產品，去令佢更多元化。同時間，保留一定現金，以備不時之需。
目標是5%以上股息率的收息股，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，你可以了解下，並從中選股。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。
長遠你只要將資金平衡配置在不同的收息資產，咁就可以。