Q40631：
成哥，想問下如果新世界違約，會唔會令香港樓市大跌？
龔成老師：
相信會有一定的影響，因為市場的擔心情緒會上升，而佢要賣資產等，也會令市場轉弱。
不過，佢其實持有不少資產，只是佢不想賣，同時要短期賣未必易，所以，佢仍有得守的。相信違約風險不算高。
佢主要從事物業發展及投資；建築；銷售壽險及醫保產品；經營收費公路及高速公路；於中國及東南亞的酒店運營業務、物業發展及投資等，每年都有一定的生意，以穩定來說不差的，其實除地產以外，不少業務都穩定的。
Q40632：
03416 這隻息口不錯正在考慮買
請問有什麼評價？
龔成老師：
ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
由於這ETF運作，並不是無風險，加上這ETF較新，未知佢做成點，所以，如果你睇好，可以小注投資，但不建議太大注。
Q40633：
龔Sir，請問港股331及900的現價投資價值🤔🙏
龔成老師：
豐盛服務集團（0331）主要係於香港、中國內地及澳門，從事機電工程服務、建築材料買賣、環保產品貿易及提供相關工程諮詢，亦於香港從事清潔及廢物處置管理服務、回收及環保處置服務以及洗衣服務。近年更加入物管業務。
過往生意都有穩定的增長，而盈利都是，但企業的規模較細，因此風險較大，同時規模效益不高。但以佢現時的估值計算，價格是在合理區。
你可以投資這股，分注買入就得，長線持有，但就不建議投資得太多，始終這企業有點風險。
ＡＥＯＮ信貸財務（0900）整體質素中等，不是劣質，但又未去到高質。
佢主從事提供消費信貸融資服務，包括簽發信用卡、提供私人貸款融資及提供汽車、家品及其他消費品之租購
融資及保險顧問及代理業務。
可以將佢業務主要分為四個營運部門，包括：
（１）信用卡：向個別人士提供信用卡服務及為會員商號提供帳務清算服務。
（２）分期貸款：向個別人士提供私人貸款融資。
（３）租購：向個別人士提供汽車融資及家居產品和其他消費產品租購分期付款。
（４）保險：提供保險顧問及代理業務。
生意算是穩定，不過盈利就有少少波動，始終業務都有少少風險，增長力就不強。
這股作為收息股，都可以，現價合理，但就唔好對增長有太大期望。同時由於佢業務有風險，因此不能太過大注。
Q40634：
老師，我是退休人士，當日買了548深圳高速公路作被動收入，但今天知道公司發了盈警，利潤減少了40至50%，很擔心呢！我需要賣出然後轉換其他收息股嗎？
龔成老師：
其實佢在2024年上半年，也出現了盈利下跌的情況，相信這情況會在中短期持續。
至於業務核心，仍是有質素的，但就會出現短期波動。
由於你是退休者，風險承受能力較低，現時要睇你的持貨多唔多，如果不多，就可以持有，不用太擔心，長期收息就得。
但如果貨多，就要在反映減部分，以平衡組合的風險。
Q40635：
想問老師美股 英偉達股價是否過高？
是否潛力股
龔成老師：
英偉達公司NVIDIA (NVDA)有質素。是《38全球倍升股》的其中一隻，長遠發展正面，有長線投資的價值。
佢是一家人工智能計算公司，其業務部門包括GeForce圖形處理單元（GPU）、GeForce NOW遊戲流媒體服務和相關基礎設施，和其相關的處理方案。
其業務可應用層面，都相當廣泛，投資係可以，當然，回翻少少先買會更有投資值博率，至於現價，算是合理區頂，現價只宜小小注，等跌再加，但股價波動，或者用月供儲貨，會比較好。
Q40636：
美股和前面兩班比較，實用嗎？
龔成老師：
今次美股班，比起之前的課，會加多左實戰部分，多些大環境及現時企業的直接分析。
當然，知識層面不能沒有的，但就會多些實戰內容。
Q40637：
多謝老師回覆，老師都睇得出我嘅問題😓.
最大原因我想繼續hold住層樓，係因為好似可以安然無助有被動收入，但一睇回報其實又唔係咁樂觀。租出物業應該有質素，位於港島東商業辦公室，近太古坊，樓客戶都係白領人士。 現在租咗俾一位婆婆，佢賣咗自己層自住樓，租咗呢度近佢個仔。
美股都有聽老師嘅分析-巴郡B，不過好貴，希望回落咗之後我可以買，老師其實而家係咪合理㗎呢？我喺加拿大做嘢時有RSP戶口（好似MPF戶口）我係諗住喺用RRSP Account買呢隻股票作長線投資
龔成老師︰
如果物業唔係太差，未來租金有上升空間，可以保留。
雖然回報未必有優質股咁好，但從財富平衡角度，都有佢值得保留架地方。
Berkshire Hathaway Inc（BRK.B）即是巴菲特主理的巴郡B股。
巴郡是一家控股公司，擁有從事各種業務活動的子公司，包括保險和再保險、公用事業和能源、鐵路貨運、製造和零售，屬於大型綜合企業，可以理解為一個投資公司，或可視為一個基金。有質素，可以長線。
由於有巴菲特作操作，基本上有一定質素，有長線投資價值。
巴郡的平貴度，建基於其資產組合平貴度的分析，考慮到現時主要持股的平貴度，大致推算巴郡在合理區較上位置，有興趣的投資者可分注(但不要過份進取)，或用月供方法去儲貨，並長線持。
Q40638：
老師我想問下如果有現金20万會選擇放回層樓提早還少許款或是選擇投資較好?
龔成老師︰
其實主要睇你投資能力，和風險取態。
如果你投資經驗淺，或者好保守，可以優先處理負債。因為投資存在不確定性，但提早還款省下來的利息，郤是保證。
但如你投資實力較高，投的回報高過利息，這樣，投資就較好，因為投資回報減去利息仍有回報差額，當然，要明白投資會有風險。
所以，你可以因應自己情況，去決定是否優先處理負債，還是保留(全數/部份)資金作投資。
Q40639：
龔成師傅你好, 想請教吓你以下問題
我31歲女，月入42000，另外每月約28000被動利息收入，與家人同住，沒有太大消費（可能是瑜伽及健身），
現在銀行大約有8,000,000現金（定期），想在兩三年內買樓，股票銀行戶口有200,000（多用作投機，但現在只有30,000，170,000還在等待機會購買），現金有150,000，
另外也有年金及儲蓄保，請問我是不是太保守？
也有什麼建議可以給我？
龔成老師︰
首先，唔好再"投機"，因為同賭博無分別。我地投資一定係長線，你見全世界最成功的投資人巴菲特，都只會做長線投資，唔會短炒。
因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。
所以，我地唔會好似坊間散戶咁，經常要睇住個股價上落。反而係投資前，我地要做較多準備功夫，去分析一間企業質素和平貴度，以制定入市策略。
當買入後，只要佢長線質素無明顯轉壞，我地長線持有，讓其自然增值就可以。
以下是一些影片，係講點去分析，同埋做長線投資的好處和例子，你可以睇下︰
[初學者選股教學] https://www.youtube.com/watch?v=3qCvxwxTnjk
[複利故事] https://www.youtube.com/watch?v=ZaVTKyodNCg
[巴郡跑贏美股100倍] https://www.youtube.com/watch?v=xm1dx0A2Q5k
至於未來投資策略，當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時31歲去計，應以增值為主。策略上，你可以投資「平穏增長股」和「潛力股」。
定期、年金、儲蓄保太過保守，比較適合保守型或年紀大的投資者。
而你未來要做，就是為退休和置業做準備。由於置業會在未來2-3年進行，這部份資金不宜過份波動，建議集中係「平穏增長股」，再保守D可以係「收息股」和定期。
到你置業前半年，就慢慢沽貨(唔好到用個下，先一次過沽)，去平衡價格波動風險。
至於為退休準備部份，可以投資「平穏增長股」和「潛力股」。
除了現有資金，建議都用每月5成儲蓄做月供，其餘先儲起，用一邊月供一邊儲蓄的策略。
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
餘下的另一半現金，我地就等機會，當大市出現較大回調，就加大力度掃貨，然後作長線投資。
現時大市大致算在合理區中下部(港股)和上部(美股)，你現有800萬資金(扣除半年至1年生活開支作應急後)可以先投入50-60萬，用"分注"形式，慢慢買貨。餘下資金和每月所儲到的資金，就等大市每有回調，才慢慢加注，然後長線投資。
Q40640：
龔sir，請問我自己投資比較保守啲，我選擇投資煤氣、港鐵及港燈各1000股做長線投資，會否還可以呢？謝謝！
龔成老師︰
如果你自問保守的話，可以集中係一些收息股作為投資目標。
你所講3隻股票都有質素，但煤氣(0003)近年弱左，只宜小注，不建議買太多。
除了港鐵(0066)及港燈(2638)，可以加入以下收息股作為組合一部份。
不過，長線計你應該以人生階段作為配置參考。我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因此，你在選擇應該投資那一類股票時，會係因應你人生階段、投資經驗和風險承受能力，去做決定。
假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。
相反，你係退休之年，就應集中「收息股」。用而個模式去配置，對你人生規劃才是最理想。
收息股︰
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。