Q48241：
龔sir：早晨！我女兒25歲剛剛出咗來做嘢，我叫佢月供股票儲下錢，請問一下龔sir可唔可以介紹幾只股票俾佢月供一下，謝謝您🙏🙏🙏😄
龔成老師：
佢可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果佢無太多投資知識，最入門是月供：
（VOO）（VT）（2800）。
Q48242：
老師，點可以好好計劃自己退休？
龔成老師：
第一，要計自己退休後，每月支出。
第二，要睇退休時有多少財富。
第三，以這財富為目標，應該怎樣利用儲蓄及投資，合理滾存。
在人生財富累積的過程，大致可分成3個階段：
1）累積期
2）平穩期
3）消耗期
年輕時，最少負擔，就是累積財富的黃金時期，這是一生中，財富累積最關鍵的時間。如果可以的話，建議大家儲收入的一半！
到了中年，雖然收入增多，但如果有家庭，要供樓、養父母、養子女的開支大增，要儲錢也不易，這時就是平穩期。如果理財較好，這段時間也可以儲到錢，加上由於過往累積了一定的資產，可以做到基本的財富增值。
到退休，就是消耗期，如果過往已經有一定的資產，就能產生理想的利息等收息，生活質素不減
文章有詳細述。https://blog.80shing.com/index.php?route=blog/post&post_id=2591
Q48243：
早晨，龔老師，多謝分折。
他有自住樓，另一層是收租之用。他想賣樓套現，投資股票或者定期。我覺得不安全，危機又多，想請教一下
龔成老師：
如果從投資角度，物業最高增長年代已過，所以，轉其他工具不是不可，但就要睇佢的投資實力，以及風險承受程度，因為物業租金穩定，下跌有限，但其他工具，雖然回報可以高過物業，但風險同樣會增加，因此要睇翻佢的信心，如果信心不足，就暫時留在物業類先，同時可以增加知識，等遲些再決定。
Q48244：
早晨老師：我有2000股9890貪玩17元入現差不多腰斬請問要如何處理谢谢！
龔成老師：
貪玩（9890）業務波動，獨有優勢不強，你可考慮減部分，留部分。
佢是中國的網絡遊戲產品發行商，於中國營銷及運營網絡遊戲（尤其是手機遊戲），及有關網絡文學產品的營銷服務，並開發自有消費品品牌，包括速食食品品牌「渣渣灰」及潮玩品牌「Ｂｒｏ Ｋｏｏｌｉ」。
業務近年變化大，盈利波動，始終行業變化較大。整體投資價值只是一般。
Q48245：
早晨阿sir幫我看看2556我47园買
前景如何是否要放棄呀
龔成老師：
邁富時（2556）通過軟件即服務（ＳａａＳ）向中國企業客戶提供營銷及銷售軟件解決方案，以及提供精準營銷服務，包括賬戶管理、流量採購、廣告製作及分發以及營銷策略制定及優化。
這股近年發展只是一般，長遠投資價值中等，但佢不是完全發展，見佢盈利都上升不差，不過現時市盈率仍要70倍，預測市盈率30倍，你要耐心先有機會上翻，如果貨多要減持，這股不建議持貨太多。
集團主要提供兩種標誌性ＳａａＳ產品，即Ｔ雲及珍客；截至２０２３年１２月３１日止，集團擁有２３７個功能模塊可通過Ｍａｒｋｅｔｉｎｇｆｏｒｃｅ平台供ＳａａＳ產品使用。
集團總部位於上海，第二總部設立於武漢。
由於財務數據不穩，未能為企業估值。只可以話，發展力雖然有，但風險高，就算睇好，暫時只建議小注持貨。
而佢近年發展力一般，因為邁富時的 SaaS 系統主要服務於國內的消費零售、汽車、醫療等中小企業。在近年的宏觀經濟環境下，中小企業對於行銷及廣告的預算普遍收緊。同時，AI Agent 和 GenAI OS 等新技術研發投入大，但轉化為實際規模化營收（商業化變現）的速度不及市場預期，導致其高昂的研發成本拖累了利潤增速。
Q48246：
請問2638 同6 號比較邊隻更穩陣更適合收息, 謝謝你
龔成老師：
兩隻都是理想的收息股，其實都可考慮，現價也合理，如果要2選1，可考慮0006，因為業務平衡度較好。
電能實業（0006）佢主要從事投資能源及公用事業相關業務，範圍包括火力及可再生能源發電，輸電和輸油，配電及配氣。
佢除左持有港燈（2638）外，亦有國際業務，如英國、澳洲、新西蘭、中國內地、泰國、荷蘭、葡萄牙、加拿大和美國等能源及公用事業相關業務。
這股是收息股，但增長力就不強，有長線投資價值，適合中低風險類的投資者，投資目標是收息，及有少少增長，而這股的股價也較穩定。現價合理區中間。
Q48247：
- 龔Sir, 請問能否幫忙分析一下nok同埋vsh?
呢2隻買入後曾經有升過
之後一路倒跌20%
有賺我冇放到之後而家倒輸咁多
心裡很難受 請問長遠黎講有冇發展？可以長渣嗎？
- 另外仲有隻dram高位買左
買完即跌 直插跌左接近20%
請問我能否溝貨？
- 而家我港股美股原來總共買左20隻股票 大部份都輸緊錢
又唔忍心割左忽肉
想等佢升返先放
- 隻7709又係有賺時冇放
而家跌咁多 真係心都灰埋
你認為我應唔應該放左佢
轉買海力士adr?
龔成老師︰
我建議你(認真)睇翻我6月頭答你架野。
你輸錢，唔係隻股票有問題，而係投資技巧和心態，存在很大問題。
因為你唔了解自己投資緊乜，同時都唔了解佢地價值。
你照用這個模式投資落去，我肯定你只會一直輸落去。
講緊唔只係熊市，而係牛市都有機會輸錢。
你以上提到股票，唔係無投資價值。只要唔係持有太大比重，可以守住先，再觀察。
除左7709有槓桿，唔好再持有。
有心睇好正股，就買正股，槓杆根本是輸潛在成本！
其次，組合大約10-15隻股票好了，太多好難管理。
最後，建議你盡快上股票班。
唔係想Hard Sell你課程，而係你問題太大(你自己應該最清楚)。上述講架情況，我相信你已經唔係第一次遇到，而係長期面對緊架問題。
我相信你自己慢慢自學架話，應該較難短時間內，有明顯成效。
所以，你自己認真諗下。
以下是最新課程資料，已經接受報名：
★10月美股班(香港)
★11月港股班(香港)
【美股班~香港】
日期：2026年10月30，11月6, 13, 20, 27日，12月4, 11, 18日(逢星期五)。時間：1900-2200
了解及報名：https://www.80shing.com/register.php?id=6
(報名whatsapp 55457212)
【港股班~香港】
日期：2026年11月25日，12月2, 9, 16, 23, 30日，2027年1月6, 13日(逢星期三)。時間：1900-2200
地點：灣仔
暫時優惠價：$8800
了解及報名：https://www.80shing.com/register.php?id=1
(報名whatsapp 55457212)
Q48248：
龔Sir,想請教一下現時應該怎樣配置🙏
1.有兩個物業，其中一個是村屋空置(老人家剩低)，一個是我一家三口自住。
2.我是家庭主婦沒收入，丈夫月薪17,000,女兒中五。
3.定期400萬，股票15萬，現時支出大約13000。但每個月入不夠用。
補充，丈夫60.我53
MPF共100萬未拎到
龔成老師︰
以你們年紀計，係開始要為退休準備。
<<股票>>
以你53歲年齡，其實要開始為退休做準備，但同時，財富仍有增長力（但不是進取），因此，你可以留意下「平穩增值股」+「收息股」。
策略上，你每月5成儲蓄做月供。其餘先儲起，用一邊月供一邊儲蓄的策略。
若你想進取些，可集中「平穩增值股」，相反你想保守少少，可以集中在「收息股」上。但比重要隨著年齡增加調整，你要慢慢上調收息股比例。到退休時，你收息股比例，應提升至100%。
(以你和你先生年紀，我建議用收息股做重心)
平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等，你可以自己了解下，並從中選股。
同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，你可以自己了解下，並從中選股。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。
至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
而手頭上400萬，建議先用30-40萬入市。之後，分注將餘下資金，慢慢咁投入，唔好一次過大手咁入，去拉平均個買入成本。
<<家庭收支>
建議你記帳，睇下有無乜D不必要開支，可以刪除。
另外，預留至少1年生活開支，作為應急之用。用現金持有，唔好投資。
<<物業>>
村屋，你一係放租，一係賣左佢，唔好空置咁浪費。
自住物業，如果適合長住，又供得起，可以保留。但退休時，最好已經供完，或者到時提早還款。
退休後，依然有負債，其實唔太理想。
Q48249：
原來真係有本書講巴菲特&索羅斯，仲有ESG投資法我見恒生銀行好似好主打咁
佢哋強調嘅係唔虧損，
並不是賺錢😂
哩兩個人嘅起心動念都係傻嘅
但係ESG嘅作者係首批特許分析員，咁即係同巴菲特嘅觀點有衝突。
龔成老師︰
ESG你當佢係一個參考，其實最重要係學識點去完整分析一間企業。
其實好少人，會純用巴菲特個套模式，因為需要時間比較長，一般投資者都唔會有而個耐性。
但係其實佢架方法，反而係對新手最友善，同簡單。
只要肯學好，比耐性，一般回報都唔會差。
你睇翻全球富豪榜，有邊個投資人可以長期排前列，就只有股神巴菲特一個。
Q48250：
持有68已跌一半，換過去3317?還是100比較好?
龔成老師：
如果你不想承受太高風險，就應該轉其他類股。如果你能承受高風險，才轉到3317或0100，你預這兩股有潛力，但風險都高，如果2選1，可考慮：
稀宇科技（MiniMax）（0100）是一家全球化的AI大模型公司，該公司是中國大模型領域「六小虎」之一，專注於研發文本、語音、視覺及多模態融合的通用大模型技術。
集團致力於推動人工智能科技創新，實現可執行各種人類智力任務的能力，包括學習、推理、規劃以及泛化多元領域知識。
集團以MiniMax M2、Hailuo-02和Speech-02為核心的自研大模型組合，具備長上下文處理能力，可理解、生成並融合文本、視覺、音頻等多種模態。這些模型支持着集團的核心AI原生產品－包括MiniMax、海螺AI、MiniMax語音、Talkie╱星野，以及面向企業和開發者的開放平台，為全球用戶提供極致的智能體驗。
截至2025年9月30日，集團的AI原生產品累計為來自超過200個國家及地區的逾2億名個人用戶，以及來自超過100個國家及地區的10萬餘名企業以及開發者提供服務。
集團的收入主要有兩大來源：AI原生產品及開放平台及其他基於AI的企業服務，其客戶包括各個行業及地區的廣泛且多元化的群體。
企業有質素，相信都有發展力，但始終業務較新，你預風險會較，加上新股上市，上市前財務數據參考價值會減，在估值上較難，因此，這股暫時只宜小注。