Q27851：
ETF見到有個叫資產淨值NAV架野，是什麼?
龔成老師︰
資產淨值(NAV)就是將ETF中所有資產、現金和未發放的股息，再扣除開支後，除以總股數。
主要表示每一股ETF的淨值。
但NAV數據，一般會遲1,2天，要留意這點。
Q27852：
想問呀SIR，點睇 2638 港燈，仲係咪可以當收息股。有無其他高息股 介紹？
龔成老師：
港燈（2638）仍是不錯的收息股，現時股息率約4%，雖然不算多，但2638佢會進行資本投資。
即是說，過幾年派息就可以慢慢增加。長線投資的話，就可以買這股，但最好都是以分注作投資，現價在合理區中下，都可分注，但不是大注。
你可以建立一個收息股的組合，目標是4%-6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。
Q27853：
老師，澳門博彩股你點睇呀？
龔成老師：
長遠仍是一個有錢賺的行業。
但要留意，最近出左澳門修訂博彩法草案，發放最多6個賭牌，批給期不多於10年，初步睇，比之前所見的條款無咁嚴，同埋，未有派政府代表。由於發牌數量為6個，因此，有好大機會現時的6間博企，都能順利過渡得到賭牌。
但仍要等正式立法，以及賭牌正式獲得，先算正式過關，但已經有不少不明朗因素無左，雖然，未必好似過往咁年代好賺，但起碼對博企正面。
但要留意，澳門政府不斷打擊中間人業務，會對博企有間貴賓廳業務造成影響。
長遠來說，澳門賭業股仍是有質素的類別，不過，增長力已不及過往年代。
另外，全球疫情反覆，對佢地有短期不利影響，不過，相信這只是中短期，以長遠的角度分析，疫情因素影響不算大。
相關企業投資價值仍在，但由於優質度減左，以及有不確定性，因此，這股投資價值略減，投資不是不可，但注碼就不是大注，如果原本有貨，只要不是過多，可持有。如果想月供，都可以，不過就不會太大注進行。
Q27854：
龔成老師 請問你有研究滬深股票嗎？想投資隆基綠能601012，請問你意見如何？
龔成老師︰
我較爲集中研究美股和港股，滬深股票相對較少。
隆基(601012)的業務包括半導體材料、太陽能電池與組件開發、製造、銷售;商品進出口業務。
初步睇，業務都有投資價值，現價合理，可分注。
Q27855：
早前入一手700 $312.8
龔成老師︰
騰訊（0700）有潛力，但因爲政策監管，中短期較弱，有貨可以持有，現時騰訊處於合理區中間以下區域。
Q27856：
謝謝老師回覆！現時扣除按揭供款同埋日常開支，我地每月可儲蓄3萬蚊，想問現階段每月儲蓄都係穩陣擺番mortgage link acc好啲嗎？
我現時只有10萬左右股票，分別係00823領展，00270粵海
00778置富 ，02800盈富
因為之前聽你講，新手投資又唔想承受大風險，就買左呢幾隻
我地仲有成7百萬按揭要還，都想盡快甩左按保先，咁樣都起碼方便轉按
我先生就傾向呢幾年股樓波動，狂儲錢擺落mortgage link搏提早甩按保先
唔知點先係好
龔成老師︰
如果你投資經驗不多，無知識為多餘的資金創造更多的回報，將資金放於高息戶口抵消加息都是一個不錯的選擇。
領展（0823），粵海（0270），置富（0778），盈富（2800）都是優質的股票，可以長線持有。但當中置富（0778）只係收息股，增長力不高，你還很年青，不建議持有太多，以免拖慢增長力。
現時香港處於加息周期，若你成功找到較平轉按機會，可以減輕加息的壓力，同時可以退回部份按保保費。但你要計清楚，因為轉按都有一些費用，你確保係有明顯利益，才好行動。
現時港股處於合理區水平，比樓市更有值博率，你現時股票佔投資組合的比例偏少，長遠應該慢慢加大股票的投資，達到「股樓平衡」。
以你現時33歲，可以選擇一些「平穩增值股」+「潛力股」作投資目標。
你可以考慮用部份儲蓄，進行月供股票。每月先用一半儲蓄（約$10000-15000)，另一半就先儲起架策略。
例如潛力股部分，現時安碩恒生科技(3067)、騰訊（0700）、阿里（9988）、中生製藥（1177）、小米（1810）、舜宇光學（2382）都有投資值博率，算是合理區中間以下區域，而安碩納指一百（2834）、QQQ算在合理區中上，都可分注投資。
由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。
現時大市只在合理區，餘下資金就等你有一定知識，或者大跌市出現時，才動用。
Q27857：
多謝龔sir你甘詳細回復我，感謝你。
其中一隻收息股吾系恆生，系洐生集團6893，賣七星茶間集團，呢隻股值得投資？
龔成老師︰
衍生集團(6893)主要從事開發、營銷、銷售及分銷個人護理產品、保健產品及家居產品，以及提供中醫保健及相關服務。
佢規模好細，1年的營業額連HKD2億都無，而且按年下跌中。
近年更出現虧損狀況，暫時睇唔倒佢有投資價值，建議你有反彈，就沽出會比較好。
Q27858：
老師你好，請問你有減持金沙中國,還是保持原有, 還是因現時只是中短期問題,故有增持?
請問現時價格是於合理區底嗎？便宜區大約是幾錢下?
我自己是認為賭博行業雖現時是受疫情影響,但疫情已持續3年多,
此疾病大家也會漸漸覺得是普通疾病,各地方慢慢也會開放, 恢復旅遊,故長遠仍有價值。
謝謝
另請問金沙中國,安碩恆生科技,福壽園,
以現時環境搏擊率優先次序應是什麼
請問幾錢才到便宜區?
麻煩了
龔成老師︰
金沙（1928）雖然續牌件事係明朗化左，但博彩業依然存在不確定因素。我無減持，不過因為佢賺錢能力比過往略減，所以就算股價下跌，我都無增持。
澳門政府不斷打擊中間人業務，會對博彩企業有關貴賓廳業務造成影響，對金沙賺錢能力略有影響。
長遠來說，澳門賭業股仍是有質素的類別，不過，增長力已不及過往年代。
另外，全球疫情反覆，對佢地有短期不利影響。不過，相信這只是中短期，以長遠的角度分析，疫情因素影響始終慢慢減少。
金沙投資價值仍在，但由於優質度減左，以及有不確定性，因此，這股投資價值略減，投資不是不可，但注碼就不是大注，如果原本有貨，只要不是過多，可持有，現價合理區中下。要到平宜區，最少要跌多1、2成。
福壽園（1448）因爲政策的監管，長遠的投資價值略減，貨不多可以持有，但就不建議加注；安碩恆生科技（3067）可長線。
三者的值博率次序是：安碩恆生科技（3067），金沙（1928），福壽園（1448），三者都是處於合理區約中下水平。
Q27859：
龔sir 想問吓你新書幾時出，好期待澳門會同步有得賣嗎？
另外大市徘徊在萬九-二萬點，好多股票好似都有價值，但從中應該點樣選取倍升股票？
好似比亞迪咁，佢雖然有價值但係已經炒高咗好多，按市價300左右好難翻到一倍，相反，比亞迪電子從上年最高位比跌咗一半有多，如果按現時$22左右入，係咪值得入手？
同樣地，科網股嗶哩、美團等都從最高位跌至現時三份一或¼嘅價值，咁樣計係咪入得過？
另外想問一下點樣計算一隻股票嘅市場價值？
問題比較多，有勞你了
龔成老師︰
我的新書大概在10月上市，現時已經進入最後階段。澳門有得賣，但可能比香港遲少少。
有關如何選取倍升股和企業估值，好難三言兩語就講完(上堂我都要講數小時)，我整個課程都是圍繞有關的課題做講述。
簡單來講，你可以從利用行業選股法，生活選股法，以及篩選3步曲將這類股票選出來，具體的操作，可以參我本《選股勝經》。
比亞迪（1211）現時處於略貴的水平，想翻一倍的確不是容易的事，不過現時電動車仍然未普及，長線仍然有成長，所以，有貨的話可以長線。
比亞迪電子（0285）質素不差的，有潛力。睇佢過往發展都正面，有技術，而前景都唔錯。現價合理區底部，可以分注。
嗶哩嗶哩(9626)，美團（3690）雖然從高位回落不少，但本身不確定性高，而且股價波動大，科網企業面對監管的風險都存在，現時處於合理的水平，但如果想投資，小注好了。
如果你係想學好分析企業和估值，建議你抽時間去上堂，盡快了解相關知識。雖然而家我未可以過澳門，但你可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。
因為現時已有好多澳門人留左位。
Q27860：
謝謝，另外想問下銀娛（27），37.5有3000股，現在獲利還是繼續持有？
龔成老師︰
銀河娛樂（00027）是優質股，雖然續牌件事係明朗化左，但博彩業依然存在不確定因素。加上疫情令賺錢能力略減。
此股值得你長線投資，只要佢唔係佔你組合比重太多，咁就無問題。
我地賣出股票會基於可能因爲企業質素有變，價錢太貴又或者有更好的投資機會。
現時銀娛的質素沒有太大的變化，而且不算貴的水平，除非你有更好的投資機會，否則建議長線持有，等待更大的收成。