Q25511：

早晨 想問下3136可以買入作為平穩股選擇嗎？

龔成老師︰

恒指ESGETF(3136)是以恒生指數為基礎的ESG ETF，並為證監會認可環境、社會及管治 (ESG) 基金。

組合中，以金融和科技佔最大比重，加起達一半以上。

前10大持股，包括匯控(0005)、騰訊(0700)、友邦(1299)、港交所(0388)、平安(2318)、中移動(0941)等等。

此股都算得上平穏增長型，有投資價值，可以用作長線持有。

Q25512：

老師。近期計劃買樓。但股票大跌。該如何處理

龔成老師︰

如果你短期內要置業，而又要用到手上股票。我建議你開始分段沽出，唔好等到用先一次過沽。

因為我地唔知你用個陣，個大市係什麼情況。

所以，你要平衡風險，去到分段出貨。

Q25513：

GX中國電車與GX中國潔能哪個質素較高？如兩者一起投資會否有較大風險？

龔成老師︰

2個ETF都係有質素，而且投資主題係唔同，好難直接比較。

2個一齊投資係可以，但記住個別行業，不要持股多於組合30%。

另外，這2隻股票都係潛力股類。若你年青，潛力股最多可以佔組合一半。如果你較年長，比重就要再向下調。

Q25514：

龔Sir, 我29歲，2021年頭開始玩股票，本金50萬，而家輸了一半，近期清了倉，你覺得而家全倉小米長渣，

然後用較遠期Short call方法，制造一些收入，你覺得可唔可行？

龔成老師︰

如果你現家輸左一半，我相信你係2021年年頭，大市較熱架時候加入。

而可以輸一半，你應該係高價買左一些市場熱炒架股票所致。如果是這樣，你應該係好受市場氣氛影響，去作投資決定。

你要記住，我地投資要理性。投資前要分析好股票質素，同時估算平貴度，再定入市策略。

而你講的方法，存在2個重大錯誤。

第一，我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

第二，唔好用Short call這些短炒模式，去進行投資。

我地只會在合理，甚至平宜時買入股票，並長線持有，去達至財富增值目的。

我建議你再投資前，先睇左我寫架《80後千萬富翁》、《財務自由行》和《股票勝經》，有個較清晰的財富概念，才再投資會較好。

Q25515：

龔成老師，你好，有一些問題想請教你。今年29歲，與男朋友共儲150萬，想買600萬左右樓，下年結婚自住。

而家上車是時候嗎？有打算先租出單位一年，還是待下年先買自住？（因現時又聽到加息及疫情影響）

謝謝～

龔成老師︰

香港樓市，中短期會有少少上落（但不會大跌），長遠會向上。

首先要睇經濟基本面，如果經濟持續地差，失業率上升，樓市終會向下，這會對樓市有中期性的影響，不過，就算跌，都不會大跌，最多只是小跌，如果經濟差的情況不是太大，甚至不跌，這是由於背後的需求大。

在長遠計，我仍相信樓市在長遠計，因供求關係，仍是向上多。

樓市始終需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

另外，樓市另一作用是「投資」，現時的租金無大跌情況，以投資回報率的角度分析，樓價都不會大跌，因此樓市平穩。

當然，政府及中央現時有較大決心處理好樓市問題，我相信會令之後的供應增加（不是中短期，要長期才慢慢見到），因此，樓市不會大升，但相信都較難大跌（始終需求大）。

長遠計，樓價會平穩，有少少向上，但不是倍升，不會好似過往般倍升，而是平穩向上。

因此，香港樓作為自住的價值仍在，長遠樓價平穩及有少少向上。但投資價值，就只是一般，未見好吸引的水平。

而你現時置業，主要係為左自住，其實現時入市都可以。

只要你確認個物業，係適合你未10-20年生活需要，同時有信心一直"供得起"。這樣的話，現時置業都無問題。

Q25516：

Hello龔成 你好。想問下一隻股票有好多數據分析

例如：市盈率 市淨率 成交量 成交額 總股本 流通股 股息 等等……

你覺得最重要 睇那幾個指數？

龔成老師︰

要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入計算，基本上要好仔細的研究企業，要分析好多財務數據用比率，先至有較完整的答案。

Q25517：

你好呀，成哥，半年前開始留意你fb學習投資，本人35歲沒有投資經驗，只係聽家人講買咩股就買，不懂得分析企業。

現有持有

[email protected] 3000股

[email protected] 10000股

[email protected] 500股

[email protected] 10000股

[email protected] 10000股

想問下現在有什麼股要注意，1810及2269要再溝貨嗎？另外會否過於偏重銀行股用來收息？

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時35歲去計，應以增值為主。

但你現時無投資知識和經驗，對企業估值，點去定平貴未必會太了解。所以你最好先利用月供模式，去做增值，可以減低買貴貨風險，對你而言會較理想。

現時持股，都係有質素。但鞍鋼股份（0347）只屬中等，而建行(0939)、中行(3988)只是收息股，增長力欠奉，這3隻股票，都不宜持有太多。

未來投資策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

到你有一定投資知識﹐潛力股比重可以相應調高，佔組合約3-5成，視乎你當時投資知識多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

至於小米(1810)和藥明(2269)，除非你資金好充裕，否則我建議你先增持其他不同行業股票，去提升組合平衡性先，咁會較理想。

Q25518：

唔小心入左隻創美藥業(02289)，應該如何處理？

龔成老師︰

創美藥業(2289)義齒器材供應商，產品組合包括固定義齒器材，例如牙冠及牙橋；活動義齒器材等。

此股又唔係完全無質素，但整體而言，投資價值較一般。

你持有都可以，只要唔係佔你組合好大比重，咁就無問題。如果貨多就減。

Q25519：

你好，Kung sir

我早前分別

2382.$189 ,

388.$435

各至入左一手

請問是否要走？還是可以守？

Thank you

龔成老師：

可以守。舜宇光學科技（2382）有一定的質素，但現價合理區中上部。

過往手機市場高增長，令佢鏡頭業務受惠不少，但近年手機增速開始減慢，你預佢增長力會變得較平穏。不過，手機市場又開始向好。

在長遠，無論是手機鏡頭，又或是各種鏡頭方面的應用，只會愈來愈廣泛，前景正面，不過，中短期可能會有少少波動。

港交所（0388）有質素，獨市生意，加上香港的金融中心角色，這企業有長線投資價值。

多年來的生意與盈利都有理想增長，派息不差。

但要留意，由於這股的盈利會受股市成交影響，因此股價都會有影響。

你一手，可以守的。

Q25520：

龔成老師，早前買了些股票，一直下跌，因烏克蘭事件更見跌勢，請問我有需要而家或稍後要止蝕某些股票嗎？因已蝕了十萬

另外，有那些是穩陣收息股，波動較少的，想看看現在低位可否入市。

特別是滕訊，$616買，而家$424，已蝕了7萬幾。。。

謝謝你

現在有那些平穩增長股是比較穩妥可以考慮的呢？謝謝

（附有組合圖）

龔成老師︰

你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。

現時全球經濟，受到戰爭和疫情所影響，中短期一定會弱。

睇翻你持有股票，都係有質素。現時回調，就要係大環境影響。(除左騰訊，係你買貴左)

這些股票可以持有，但建議你加大翻平穏增長股部份，個組合會更平衡。